| ຜ່ານຜ່າຄວາມເຈັບປວດຈາກທາດພິດສີສົ້ມ/ດີໂອຊິນຕັ້ງໜ້າປະກອບສ່ວນໃຫ້ແກ່ສັງຄົມ | |
| ຈິດຕະກອນຍິງ ຊາວຫວຽດນາມແຜ່ກະຈາຍບັນຫາທາດພິດສີສົ້ມ ຢູ່ ຫວຽດນມ ໄປຍັງມວນຊົນຝລັ່ງ |
 |
| ພິທີເປີດສະຫຼອງໄລຍະທີ 2 |
ໂດຍຕອບສຳພາດຕໍ່ນັກຂ່າວວາລະສານຍຸກສະໄໝ, ທ່ານ Yang Ho ຫົວໜ້າຜູ້ຕາງໜ້າອົງການຈັດຕັ້ງປະຊາຊົນ ເພື່ອສະພາບແວດລ້ອມ Bundang ປະຈຳ ຫວຽດາມ ໃຫ້ຮູ້ວ່າ: “ພາຍຫຼັງປະຕິບັດສຳເລັດໄລຍະທີ 1, ອຳນາດການປົກຄອງແຂວງ Gyeonggi ເຫັນໄດ້ວ່າ ໂຄງການໄດ້ຊ່ວຍໃຫ້ຜູ້ປະສົບເຄາະຮ້າຍຈາກທາດພິດສີສົ້ມ ໃຫ້ມີຊີວິດການເປັນຢູ່ທາງດ້ານສຸຂະພາບທີ່ດີກ່ວາ, ປັບປຸງສຸຂະພາບ, ຄຸນນະພາບການເປັນຢູ່, ດັ່ງນັ້ນຄວນລົງທຶນຕໍ່ໄລຍະທີ 2. ອົງການຈັດຕັ້ງປະຊາຊົນ ເພື່ອສະພາບແວດ້ລອມ Bundang ກໍ່ປາດຖະໜາຢາກຈະປະກອບສ່ວນເຫື່ອແຮງເຂົ້າໃນການຊ່ວຍເຫຼືອບັນດາຜູ້ປະສົບເຄາະຮ້າຍຈາກທາດພິດສີສົ້ມ ຢູ່ ຫວຽດນາມ ດັ່ງນັ້ນຄວນປະຕິບັດໂຄງການນີ້.”
ໂຄງການໄດ້ນຳມາເຊິ່ງພື້ນທີ່ການດຳລົງຊີວິດ, ການເຄື່ອນໄຫວທີ່ປອດໄສ ໃຫ້ແກ່ບັນດາຜູ້ປະສົບເຄາະຮ້າຍຈາກທິດພິດສີສົ້ມ ຢູ່ສູນໜູນຊ່ວຍສັງຄົມສຳລັບຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ ຫວຽດນາມ. ເຂດອອກກຳລັງກາຍຊ່ວຍໃຫ້ບັນດາຜູ້ປະສົບເຄາະຮ້າຍຍົກສູງສຸຂະພາບ. ທ່ານ Yang Ho ແບ່ງປັນ.
ເນື່ອງໃນໂອກາດສະເຫຼີມສະຫຼອງ 60 ປີແຫ່ງວັນໄພພິບັດທາດພິດສີສົ້ມ ຢູ່ ຫວຽດນາມ, ອົງການຈັດຕັ້ງປະຊາຊົນ ເພື່ອສະພາບແວດລ້ອມ Bundang ມີຄວາມຫວັງວ່າ ບັນດາຜູ້ປະສົບເຄາະຮ້າຍຈາກທິດພິດສີສົ້ມ ຈະນັບມື້ນັບມີສະພາບແວດລ້ອມການປິ່ນປົວທີ່ມີວັດຖຸອຸປະກອນຢ່າງຄົບຖ້ວນກ່ວາ, ປັບປຸງສຸຂະພາບຕົນເອງ. “ຄວາມເຈັບປວດຈາກທາດພິດສີສົ້ມ ບໍ່ພຽງແຕ່ນຳຄວາມເຈັບປວດມາໃຫ້ບັນດານັກຮົບທີ່ຕໍ່ສູ້ໂດຍກົງໃນສົງຄາມເທົ່ານັ້ນ ຫາກຍັງສືບກຳມະພັນໄປຍັງລຸ້ນລູກລຸ້ນຫຼານ ຈົນມາຮອດປັດຈຸບັນອີກດ້ວຍ. ເພາະສະນັ້ນ, ພວກເຮົາຕ້ອງມານະພະຍາຍາມກ່ວາອີກ, ເບິ່ງແຍງດູແລບັນດາຜູ້ປະສົບເຄາະຮ້າຍຈາກທິດພິດສີສົ້ມນັບທັງໃນໄລຍະສັນຕິພາບຄືປັດຈຸບັນ”. ທ່ານ Yang Ho ເນັ້ນໜັກ.
ເປົ້າໝາຍຂອງໂຄງການເພື່ອແນໃສ່ປັບປຸງກ່ຽວກັບພື້ນຖານວັດຖຸ, ສະພາບແວດລ້ອມ, ທັດສະນີຍະພາບ, ຍົກສູງກຳລັງຄວາມສາມາດໃນການເຄື່ອນໄຫວໃຫ້ສູນໜູນຊ່ວຍສັງຄົມສຳລັບຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນຢູ່ ຫວຽດນາມ ຜ່ານການສ້າງພື້ນຖານໂຄງລ່າງ.
ກ່ອນໜ້ານັ້ນ ໃນເດືອນຕຸລາ ປີ 2019, ຜ່ານກອງທຶນຮັກສາສິ່ງແວດລ້ອມ ຫວຽດນາມ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ອຳນາດການປົກຄອງແຂວງ Gyeonggi, ສ.ເກົາຫຼີ ໄດ້ໜູນຊ່ວຍເງິນເປັນຈຳນວນ 150.000 USD ໃຫ້ແກ່ໂຄງການສ້ອມແປງ, ຍົກລະດັບສູນໜູນຊ່ວຍສັງຄົມສຳລັບຜູ້ປະສົບເຄາະຮ້າຍຈາກທິດພິດສີສົ້ມ/ດີໂອຊິນ ຫວຽດນາມ.
ທ້າຍປີ 2020, ອຳນາດການປົກຄອງ Gyeonggi ໄດ້ຕັດສິນໃຈສືບຕໍ່ໜູນຊ່ວຍຜັນຂະຫຍາຍການຍົກລະດັບສູນໜູນຊ່ວຍສັງຄົມສຳລັບຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ ຫວຽດາມ ໄລຍະທີ 2.
ຕາມນັ້ນແລ້ວ, ອຳນາດການປົກຄອງ ແລະ ປະຊາຊົນແຂວງ Gyeonggi ໄດ້ໜູນຊ່ວຍໂຄງການຈຳນວນເງິນ 3,4 ຕື້ດົ່ງ. ໃນນັ້ນແຂວງ Gyeonggi ໜູນຊ່ວຍ ເງິນເປັນຈຳນວນ 2,8ຕື້ດົ່ງ, 600 ລ້ານດົ່ງທີ່ຍັງເຫຼືອແມ່ນເງິນຂອງສະມາຄົມຜູ້ປະສົບເຄາະຮ້າຍຈາກທິດພິດສີສົ້ມ/ດີໂອຊິນ ຫວຽດນາມ ດ້ວຍຄວາມຫວັງຢາກໜູນຊ່ວຍ, ຊ່ວຍເຫຼືອຜູ້ປະສົບເຄາະຮ້າຍຈາກທິດພິດສີສົ້ມ ຫວຽດນາມ.
ໂຄງການໄດ້ຂຶ້ນແຜນ ແລະ ກະກຽມບັນດາຂັ້ນຕອນແຕ່ເດືອນພະຈິກ ປີ 2020, ເລີ່ມລົງມືກໍ່ສ້າງໃນເດືອນເມສາ ປີ 2021 ແລະ ສ້າງສຳເລັດໃນເດືອນ 31 ພຶດສະພາ 2021. ໂຄງການໄດ້ຮັບການປະຕິບັດຈາກອົງການຈັດຕັ້ງປະຊາຊົນເພື່ອສະພາບແວດລ້ອມ Bundang, ສ.ເກົາຫຼີ.
ບຸນຄົງ
