| ອິນເດຍ ຮ່ວມມືກັບ ຫວຽດນາມ ທົດລອງ ແລະ ຜະລິດວັກຊິນ Nanocovax | |
| ການເດີນທາງໄປຢ້ຽມຢາມລາວຂອງປະທານປະເທດຫວຽດນາມບັນລຸໝາກຜົນຮອບດ້ານ, ແທດຈິງຫຼາຍຢ່າງ |
 |
| ທ່ານນາງເຈິ່ນໂຕງາ ພ້ອມກັບ ຊາວຝລັ່ງ ຮຽກຮ້ອງຄວາມຍຸຕິທຳ |
ຂໍຮຽນທ່ານນາງ ສະໜອງຂໍ້ມູນຫຼ້າສຸດກ່ຽວກັບການຮ້ອງຟ້ອງຄະດີທາດພິດສີສົ້ມ ກັບບັນດາບໍລິສັດເຄມີຂອງ ອາເມລິກາ?
ປັດຈຸບັນ, ທະນາຍຄວາມໄດ້ປະຕິບັດການກະກຽມເອກະສານ ຄ້ານຄຳຕັດສິນຄະດີ. ຝລັ່ງພວມຢູ່ໃນໄລຍະພັກແລ້ງ, ສານ ຂອງປາຣີ ໄດ້ຍ້າຍຕາຕະລາງເຮັດວຽກໄປຍັງວັນທີ 6 ກັນຍາ, ສະນັ້ນ ຮອດມື້ນັ້ນ ພວກຂ້າພະເຈົ້າຈຶ່ງສົ່ງເອກະສານຄ້ານຄຳຕັດສິນຄະດີ ແລະ ຖ້າຄຳຕັດສິນຂອງສານ.
ທ່ານນາງຮູ້ສຶກ ແລະ ມີການຄາດຄະເນແນວໃດ, ຮຽນທ່ານ?
ປີນີ້, ຂ້າພະເຈົ້າມີອາຍຸ 80 ປີແລ້ວ ແຕ່ຂ້າພະເຈົ້າຈະສືບຕໍ່ຮຽກຮ້ອງຄວາມຍຸຕິທຳໃຫ້ແກ່ຜູ້ປະສົບເຄາະຮ້າຍຈາກທາດພິດສີສົ້ມ. ສຸຂະພາບອາດຈະບໍ່ອຳນວຍໃຫ້ຂ້າພະເຈົ້າຕິດຕາມການຮຽກຮ້ອງຈົນເຖິງຕອນສຸດທ້າຍຂອງການຕໍ່ສູ້ນີ້, ແຕ່ລຸ້ນໜຸ່ມຂອງ ຝລັ່ງ ແລະ ແຫ່ງຕ່າງໆໃນໂລກ ຈະສືບຕໍ່ຕໍ່ສູ້ເພື່ອການຮ້ອງຟ້ອງ. ເປົ້າໝາຍຂອງການຮ້ອງຟ້ອງເພື່ອໃຫ້ປະຊາຊົນໃນໂລກເຂົ້າໃຈໄດ້ວ່າ ໄພພິບັດທາດພິດສີສົ້ມ ແລະ ກ່າວປະນາມໄພພິບັດດັ່ງກ່າວ ແມ່ນເພື່ອພ້ອມກັນຊ່ວຍເຫຼືອຜູ້ປະສົບເຄາະຮ້າຍຈາກທາດພິດສີສົ້ມຂອງ ຫວຽດນາມ. ເປົ້າໝາຍນັ້ນຈະມີຜູ້ສືບຕໍ່, ຂ້າພະເຈົ້າກໍ່ມີຄວາມອຸ່ນອຽນໃຈ.
ໃນຂະບວນການຕໍ່ສູ້, ທ່ານນາງໄດ້ຮັບການສະໜັບສະໜູນຈາກຫາງສຽງສາກົນ ແລະ ການຮ່ວມເດີນທາງ, ຮ່ວມແຮງຮ່ວມໃຈຂອງລັດຖະບານ ແລະ ປະຊາຊົນຫວຽດນາມ ຄືແນວໃດ?
ການຮ້ອງຟ້ອງໄດ້ແກ່ຍາມມາເປັນເວລາ 11 ປີ, ໃນນັ້ນມີ 7 ປີທີ່ເປັນທາງການ. ໃນເບື້ອງຕົ້ນ ຂ້າພະເຈົ້າໄດ້ຕໍ່ສູ້ຄົນດຽວ, ແຕ່ມາຮອດປັດຈຸບັນຫາງສຽງຈາກທຸກແຖບຖິ່ນໃນໂລກ ລ້ວນແຕ່ ອອກສຽງສະໜັບສະໜູນ ແລະ ເຂົາເຈົ້າເອີ້ນນີ້ແມ່ນ ການຮ້ອງຟ້ອງປະຫວັດສາດ. ໂລກ ຮູ້ຈັກເຖິງໄພພິບັດທາດພິດສີສົ້ມ ແລະ ອອກສຽງສະໜັບສະໜູນຜູ້ປະສົບກັບເຄາະຮ້າຍຈາກທາດພິດສີສົ້ມເປັນຈຳນວນຫຼວງຫຼາຍ. ສິ່ງນີ້ໄດ້ສ້າງເປັນກຳລັງແຮງໃຫ້ແກ່ການຕໍ່ສູ້ນີ້.
ບ້ານເກີດເມືອງນອນ ຫວຽດນາມ ແມ່ນແຫຼ່ງກຳລັງອັນໃຫຍ່ຫຼວງສຳລັບຂ້າພະເຈົ້າ. ໃນ 7 ປີຜ່ານມາ, ຂ້າພະເຈົ້າໄດ້ຮັບຄວາມເຫັນອົກເຫັນໃຈ, ການລະດົມກຳລັງໃຈ, ສະໜັບສະໜູນເປັນຢ່າງຍິ່ງຈາກ ຫວຽດນາມ. ໂຄສົກກະຊວງການຕ່າງປະເທດ ຫວຽດນາມ ໄດ້ອອກສຽງຢ່າງເປັນທາງການ ບໍ່ເຫັນດີກັບຂໍ້ສະຫຼຸບຂອງ ສານຝລັ່ງ ແລະ ມີຄວາມປາດຖະໜາຢາກໃຫ້ບັ້ນຕໍ່ສູ້ແຫ່ງຍຸຕິທຳນີ້ສືບຕໍ່ໄດ້ຮັບການປະຕິບັດ. ບັນດາຄຳເວົ້າລະດົມກຳລັງໃຈ, ສະໜັບສະໜູນຈາກປະເທດຊາດ ແມ່ນການເພີ່ມກຳລັງທີ່ສັກສິດທີ່ສຸດ ເພື່ອໃຫ້ຂ້າພະເຈົ້າມີກຳລັງໜູນ ສືບຕໍ່ການຮ້ອງຟ້ອງ.
 |
| ຈົ່ງມານະກ້າແກ່ນກ້າວເດີນຕໍ່ໄປພ້ອມກັບຄວາມຍຸຕິທຳ |
| ການພົວພັນສອງປະເທດ ຫວຽດນາມ ແລະ ອາເມລິກາ ນັບມື້ນັບດີຂຶ້ນ. ຂ້າພະເຈົ້າສະແດງຄວາມຊົມເຊີຍຕໍ່ລັດຖະບານ ອາເມລິກາ ທີ່ໄດ້ມີບັນດາໂຄງການແກ້ໄຂຜົນຮ້າຍທີ່ຕາມມາຈາກສົງຄາມຄື ແກ້ໄຂທາດພິດສະໜາມບິນດ່ານັ້ງ, ບຽນຮ່ວາ ແລະ ໜູນຊ່ວຍຜູ້ປະສົບເຄາະຮ້າຍຈາກທາດພິດສີສົ້ມ. ເຖິງຢ່າງໃດກໍຕາມ, ຜ່ານສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນແລ້ວ ຂ້າພະເຈົ້າໄດ້ຮູ້ວ່າ ບັນດາການໜູນຊ່ວຍຜູ້ປະສົບເຄາະຮ້າຍຈາກທາດພິດສີສົ້ມ ຍັງຄົງມີຂໍ້ຈຳກັດຢູ່. |
ຍ້ອນແນວນັ້ນ, ຊາວຫວຽດນາມ ຕ້ອງເຮັດຫຍັງເພື່ອພ້ອມກັບທ່ານນາງ ນຳຄວາມຍຸຕິທຳໄປສູ່ບັນດາຜູ້ປະສົບເຄາະຮ້າຍ?
ການຕໍ່ສູ້ນີ້ຈະແກ່ຍາວ ແລະ ປະສົບກັບຄວາມຫຍຸ້ງຍາກ. ເພາະສະນັ້ນ, ຜູ້ປະສົບເຄາະຮ້າຍຈາກທາດພິດສີສົ້ມຫວຽດນາມ 4 ລ້ານຄົນ ຕ້ອງ ຮ່ວມແຮງຮ່ວມໃຈກັນສະແດງໃຫ້ເຫັນຜົນຮ້າຍຂອງທາດພິດສີສົ້ມແມ່ນຄືແນວໃດ, ການສືບກຳມະພັນຈາກຄົນລຸ້ນນີ້ໄປສູ່ຄົນລຸ້ນຕໍ່ໄປຄືແນວໃດ. ນອກຈາກນັ້ນ, ສື່ມວນຊົນຂອງ ຫວຽດນາມ ຕ້ອງປະຕິບັດຄື ສື່ມວນຊົນຂອງຝລັ່ງ ຫຼື ບາງປະເທດ ໂດຍແມ່ນການເວົ້າເຖິງການຕໍ່ສູ້ນີ້ຢ່າງບໍ່ຢຸດຢັ້ງ ເພື່ອປຸກລຸກຈິດສຳນຶກໃນແຕ່ລະຄົນ.
ນອກຈາກການຕໍ່ສູ້ດ້ານນິຕິກຳແລ້ວ, ຂ້າພະເຈົ້າກໍ່ຍັງໄດ້ມຸ່ງໄປເຖິງບັນດາວຽກງານຢ່າງລະອຽດ. ພາຍຫຼັງໂລກລະບາດໂຄວິດ - 19, ຂ້າພະເຈົ້າຈະປຶກສາຫາລືການສ້າງສູນສອນວິຊາຊີບໃຫ້ແກ່ຜູ້ປະສົບເຄາະຮ້າຍຈາກທາດພິດສີສົ້ມ ແລະ ຄົນພິການ.
ຂ້າພະເຈົ້າມີຄວາມຫວັງຢ່າງຍິ່ງວ່າ ປະຊາຊົນຫວຽດນາມ ຈະໜູນຊ່ວຍ, ສະໜັບສະໜູນຂ້າພະເຈົ້າໃນການປະຕິບັດຄວາມຝັນສຸດທ້າຍນີ້. ນັ້ນແມ່ນຊ່ວຍໃຫ້ຜູ້ປະສົບເຄາະຮ້າຍຈາກທາດພິດສີສົ້ມ ໄດ້ມີການດຳລົງຊີວິດທີ່ເປັນປົກກະຕິ ແລະ ໄດ້ເຮັດວຽກ, ໄດ້ຮັບການບຳລຸງສ້າງວິຊາຊີບ ເພື່ອສາມາດດຳລົງຊີວິດດ້ວຍກຳລັງແຮງຂອງຕົນ.
ວັນທີ 10 ສິງຫາ ແມ່ນວັນສະເຫຼີມສະຫຼອງ 60 ປີແຫ່ງໄພພິບັດທາດພິດສີສົ້ມ ຢູ່ ຫວຽດນາມ. ທ່ານນາງມີສານຫຍັງຢາກສົ່ງໄປຍັງຫາງສຽງສາກົນ ກໍ່ຄື ຫວຽດນາມ?
ທຸກປີໃນວັນທີ 10 ສິງຫາ ຈະມີບັນດາການແຫ່ຂະບວນປະທ້ວງ, ຈັດຕັ້ງການມິດຕິງສະເຫຼີມສະຫຼອງ. ເຖິງຢ່າງໃດກໍຕາມ, ຍ້ອນໂລກລະບາດໂຄວິດ - 19 ດັ່ງນັ້ນທຸກການເຄື່ອນໄຫວຖືກຍົກເລີກ. ຢູ່ຝລັ່ງ ກໍ່ພວມມີບັນດາຈົດໝາຍສົ່ງໄປຍັງ ຫວຽດນາມ ເພື່ອລະດົມກຳລັງໃຈບັນດາຜູ້ປະສົບເຄາະຮ້າຍຈາກທິດພິດສີສົ້ມ ແລະ ເວົ້າເຖິງການສະໜັບສະໜູນຂອງ ຊາວຝລັ່ງ.
ຂ້າພະເຈົ້າຄິດວ່າ ເຖິງວ່າບົດສະຫຼຸບສຸດທ້າຍຂອງສານຝລັ່ງຄືແນວໃດກໍ່ຕາມ ແຕ່ເລື່ອງໃຫ້ທົ່ວໂລກຮູ້ຈັກເຖິງໄພພິບັດທາດພິດສີສົ້ມ, ການກ່າວປະນາມສົງຄາມເຄມີ ແລະ ການກະທຳເພື່ອນຳຍຸຕິກຳໄປສູ່ບັນດາຜູ້ປະສົບເຄາະຮ້າຍຈາກທິດພິດສີສົ້ມ, ນຳຊີວິດການເປັນຢູ່ທີ່ເປັນປົກກະຕິ, ດີງາມກ່ວາເກົ່າມາໃຫ້ບັນດາຜູ້ປະສົບເຄາະຮ້າຍ ແມ່ນສຳຄັນທີ່ສຸດ. ຂໍຂອບໃຈທຸກຄົນ.ຈົ່ງມານະກ້າແກ່ນກ້າວເດີນໄປພ້ອມກັບຄວາມຍຸຕິທຳ.
ຂໍຂອບໃຈທ່ານນາງ.
| ທຸກວັນຂ້າພະເຈົ້າລ້ວນແຕ່ອັບເດດສະພາບການໂລກລະບາດໂຄວິດ - 19 ຢູ່ ຫວຽດນາມ, ພິເສດແມ່ນຢູ່ນະຄອນໂຮ່ຈີມິນ. ນີ້ແມ່ນນະຄອນທີ່ມີພີ່ນ້ອງຂອງຂ້າພະເຈົ້າດຳລົງຊີວິດຢູ່. ໃນຈຸດເວລາທີ່ປະສົບກັບຄວາມຫຍຸ້ງຍາກນີ້, ຂ້າພະເຈົ້າຂໍແບ່ງປັນບັນດາຄວາມເຈັບປວດກັບປະຊາຊົນທີ່ຖືກຜົນກະທົບຈາກໂລກລະບາດໂຄວິດ - 19. ຂ້າພະເຈົ້າຂໍສະແດງຄວາມເຄົາລົບ ແລະ ນັບຖືຕໍ່ບັນດາສ່ວນບຸກຄົນ ທີ່ໄດ້ ແລະ ພວມເຮັດວຽກດ້ວຍຄວາມມານະພະຍາຍາມຈົນສຸດຄວາມສາມາດຂອງຕົນ ເພື່ອຮັບປະກັນຄວາມສະຫງົບສຸກ, ຄວາມປອດໄພໃຫ້ແກ່ປະຊາຊົນ ຫວຽດນາມ. ຂ້າພະເຈົ້າຫວັງວ່າ ຫວຽດນາມ ຈະຜ່ານຜ່າໂລກລະບາດໂຄວິດ - 19 ໄປໄດ້! |
ບຸນຄົງ
