 | ເພີ່ມທະວີການເຜີຍແຜ່ຮູບພາບຂອງຫວຽດນາມ ອອກສູ່ໂລກ |
| ປະສົບການ Hanbok ແລະ ດົນຕີ Kpop ຢູ່ “ງານບຸນວັດທະນະທຳມິດຕະພາບ ຫວຽດນາມ - ສ.ເກົາຫຼີ 2025” |
 |
| ກອງປະຊຸມໂລກຕ້ານລະເບີດປະລະມານູ ແລະ ອາຍຮີໂດຣແຊນ (World Conference against A&H Bombs 2025). (ພາບ: My Le) |
ກອງປະຊຸມປີນີ້ດຳເນີນໄປໃນສະພາບພິເສດ, 80 ປີແລ້ວນັບແຕ່ສອງລະເບີດປະລະມານູຄັ້ງທຳອິດ ແລະ ພຽງແຕ່ ໃນປະຫວັດສາດມະນຸດຖືກນຳໃຊ້, ສ້າງຜົນສະທ້ອນຮ້າຍແຮງຕໍ່ມະນຸດ. ເຫດການດັ່ງກ່າວໄດ້ດຶງດູດການເຂົ້າຮ່ວມຂອງຜູ້ແທນ 222 ທ່ານທີ່ມາຈາກ 15 ປະເທດ ແລະ ເຂດແຄ້ວນ, ຕາງໜ້າໃຫ້ 46 ອົງການບໍ່ຂຶ້ນກັບລັດຖະບານ ແລະ 3 ອົງການຈັດຕັ້ງສາກົນ / ພາກພື້ນ, ຜູ້ຕາງໜ້າ 6 ອົງການສາກົນ ແລະ ລັດຖະບານແຫ່ງຊາດ, ແລະ ຜູ້ຕາງໜ້າ 4 ສະພາແຫ່ງຊາດ / ເອີລົບ.
ທີ່ພິທີເປີດກອງປະຊຸມ, ທ່ານນາງ ດັ້ງທິງາ, ຮອງເລຂາໃຫຍ່ຄະນະກຳມະການສັນຕິພາບຫວຽດນາມ ໄດ້ມອບສານຄວາມສາມັກຄີຂອງທ່ານປະທານປະເທດ ສສ ຫວຽດນາມ ເລືອງເກື່ອງ ສົ່ງເຖິງຄະນະຈັດຕັ້ງ ແລະ ບັນດາຜູ້ແທນເຂົ້າຮ່ວມກອງປະຊຸມ, ຜູ້ຖືກເຄາະຮ້າຍຈາກລະເບີດປະລະມານູ (Hibakusha) ແລະ ບັນດາຜູ້ຮັກຫອມສັນຕິພາບໃນໂລກ.
ໃນສານ, ທ່ານປະທານປະເທດ ໄດ້ສະແດງຄວາມສາມັກຄີອັນເລິກເຊິ່ງຂອງລັດ ແລະ ປະຊາຊົນຫວຽດນາມ, ໂດຍຕີລາຄາສູງບົດບາດບຸກເບີກຂອງບັນດາອົງການສັນຕິພາບ ຍີ່ປຸ່ນ ແລະ ສາກົນ ໃນບັນດາຄວາມມານະພະຍາຍາມຮຽກຮ້ອງຍົກເລີກອາວຸດປະລະມານູ ແລະ ຊຸກຍູ້ສັນຕິພາບແບບຍືນຍົງໃນທົ່ວໂລກ.
 |
| ທ່ານນາງ ດັ້ງທິງາ, ຮອງເລຂາໃຫຍ່ຄະນະກຳມະການສັນຕິພາບຫວຽດນາມ ໄດ້ມອບສານຄວາມສາມັກຄີຂອງທ່ານປະທານປະເທດ ສສ ຫວຽດນາມ ເລືອງເກື່ອງ ເຖິງກອງປະຊຸມ. (ພາບ: My Le) |
ຄຽງຂ້າງນັ້ນ, ສານສັນຕິພາບ ແລະ ອວຍພອນຂອງທ່ານ ຟານແອງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ ກໍ່ໄດ້ສົ່ງມາຍັງກອງປະຊຸມ, ໄດ້ສະແດງໃຫ້ເຫັນເຖິງການສະໜັບສະໜູນຢ່າງເຂັ້ມແຂງຂອງປະຊາຊົນຫວຽດນາມ ໃນການເຄື່ອນໄຫວຕ້ານອາວຸດປະລະມານູ ແລະ ຢືນຢັນຄຳໝັ້ນສັນຍາຮ່ວມມືສາກົນເພື່ອສັນຕິພາບ, ສະຖຽນລະພາບ ແລະ ຍຸດຕິທຳໃຫ້ທຸກຄົນ.
ກ່າວຄຳປາໄສທີ່ເວທີປາໄສສາກົນໃນຂອບເຂດກອງປະຊຸມ, ທ່ານນາງ ດັ້ງທິງາ ເນັ້ນໜັກວ່າ ຫວຽດນາມ ຍາມໃດກໍ່ເຂົ້າໃຈເຖິງຄຸນຄ່າສັນຕິພາບ, ຄັດຄ້ານທຸກຮູບການນຳໃຊ້ອາວຸດຍຸດໂທປະກອນ. ທ່ານນາງຮຽກຮ້ອງໃຫ້ປະຊາຄົມໂລກຍົກອອກບັນດາມາດຕະການເພື່ອປະຕິບັດບັນດາສົນທິສັນຍາສາກົນກ່ຽວກັບການປົດອາວຸດ, ໃນນັ້ນມີສົນທິສັນຍາຫ້າມອາວຸດປະລະມານູ (TPNW), ພ້ອມທັງຊຸກຍູ້ບົດບາດຂອງການເຄື່ອນໄຫວຂອງປະຊາຊົນໃນການສ້າງສັນຕິພາບແບບຍືນຍົງ.
ທີ່ກອງປະຊຸມ, ທ່ານ ຟ້າມຊວນຮື່ງ , ຜູ້ຕາງໜ້າສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ ຫວຽດນາມ ໄດ້ແບ່ງປັນບັນດາຄວາມມານະພະຍາຍາມຕໍ່ສູ້ເພື່ອຄວາມຍຸຕິທຳໃຫ້ແກ່ຜູ້ປະສົບເຄາະຮ້າຍຈາກທາດພິດສີສົ້ມຢູ່ ຫວຽດນາມ ແລະ ສະແດງຄວາມສາມັກຄີ, ເຫັນໃຈກັນກັບຜູ້ປະສົບເຄາະຮ້າຍຈາກລະເບີດປະລະມານູ ຍີ່ປຸ່ນ - Hibakusha.
 |
| ກອງປະຊຸມໂລກຕ້ານລະເບີດປະລະມານູ ແລະ ອາຍຮີໂດຣແຊນ (World Conference against A&H Bombs 2025). (ພາບ: My Le) |
ການມີໜ້າ ແລະ ສຽງຂອງບັນດາອົງການປະຊາຊົນຫວຽດນາມ ຢູ່ທີ່ກອງປະຊຸມໄດ້ສະແດງໃຫ້ເຫັນນ້ຳໃຈສາມັກຄີສາກົນອັນເລິກເຊິ່ງຂອງຊາວ ຫວຽດນາມ ກັບປະຊາຊົນ ຍີ່ປຸ່ນ ແລະ ປະຊາຊົນໃນໂລກ. ພ້ອມກັນນັ້ນ, ໄດ້ປະກອບສ່ວນເຜີຍແຜ່ຖະແຫຼງການສັນຕິພາບ, ຄັດຄ້ານສົງຄາມ ແລະ ສະໜັບສະໜູນອະນາຄົດທີ່ບໍ່ມີອາວຸດປະລະມານູ. ການມອບລາງວັນ Nobel ຂະແໜງສັນຕິພາບປີ 2024 ໃຫ້ແກ່ສະຫະພັນບັນດາອົງການຈັດຕັ້ງຜູ້ປະສົບເຄາະຮ້າຍຈາກລະເບີດປະລະມານູ ແລະ ອາຍຮີໂດຣແຊນ (Nihon Hidankyo) ໄດ້ສະແດງໃຫ້ເຫັນເຖິງການສະໜັບສະໜູນຂອງປະຊາຄົມສາກົນໃນການຕໍ່ສູ້ເພື່ອອະນາຄົດທີ່ບໍ່ມີອາວຸດປະລະມານູ.
ກອງປະຊຸມຈະສືບຕໍ່ມີການປຶກສາຫາລືຢູ່ Hiroshima ແລະ Nagasaki ຈົນກ່ວາ 9 ເດືອນສິງຫາ 2025.
 | ໄຂເປີດຄ້າຍພັກແລ້ງຫວຽດນາມ 2025: ສືບຕໍ່ເລື່ອງສັນຕິພາບ ຍສໝ - ວັນທີ 16 ກໍລະກົດ, ຄ້າຍພັກແລ້ງຫວຽດນາມ 2025 ໄດ້ໄຂຂຶ້ນຢ່າງເປັນທາງການຢູ່ ດັກລັກ. ຄ້າຍພັກແລ້ງ ແມ່ນເຫດການປະຈຳປີໂດຍຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ ສົມທົບກັບບັນດາກະຊວງ, ຂະແໜງການ, ທ້ອງຖິ່ນຈັດຕັ້ງ ເພື່ອສ້າງໂອກາດໃຫ້ລຸ້ນໜຸ່ມຊາວຫວຽດນາມ ອາໄສຢູ່ຕ່າງປະເທດຮ່ຳຮຽນກ່ຽວກັບກົກເຄົ້າເຫງົ້າກໍ ແລະ ເຊື່ອມຕໍ່ບ້ານເກີດເມືອງນອນ. |
 | ທ່ານນາຍົກລັດຖະມົນຕີ ຟ້າມມິງຈິງ ເຂົ້າຮ່ວມກອງປະຊຸມສຸດຍອດ BRICS 2025 ຍສໝ - ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ຢັ້ງຢືນວ່າ ຫວຽດນາມແມ່ນເພື່ອນທີ່ຈິງໃຈ, ເປັນຄູ່ຮ່ວມມືທີ່ມີຄວາມໄວ້ເນື້ອເຊື່ອໃຈ, ເປັນສະມາຊິກທີ່ຕັ້ງໜ້າ, ມີຄວາມຮັບຜິດຊອບໃນປະຊາຄົມ BRICS ແລະ ສາກົນ. |
ມີງດຶກ
