| ຜູ້ຍິງ ເຊື້ອສາຍຫວຽດນາມ ທີ່ໄດ້ເລືອກເຂົ້າໃນບັນຊີລາຍຊື່ Forbes ຂອງສະໂລວາກີ | |
| ອະດີດຮອງນາຍົກລັດຖະມົນຕີເຢຍລະມັນເຊື້ອສາຍຫວຽດນາມ: ໂລກມີຄວາມສົນໃຈຕໍ່ ຫວຽດນາມພາຍຫຼັງ ໂລກລະບາດ Covid – 19 |
Jimmy Pham ເປັນຜູ້ກໍ່ຕັ້ງ ແລະ ເປັນຜູ້ອຳນວຍການບໍລິຫານຂອງວິສາຫະກິດສັງຄົມ KOTO ທີ່ຫາກໍປະກາດໄດ້ຮັບລາງວັນພົນລະເມືອງທົ່ວໂລກ Waislitz. ລາງວັນດັ່ງກ່າວນີ້ ໄດ້ຮັບຮູ້ຜົນງານຂອງທ່ານ ໃນຄວາມມານະພະຍາຍາມຢຸດຕິໄພທຸກຍາກອຶດຫິວ ແລະ ປ່ຽນແປງຊີວິດຂອງຊາວໜຸ່ມເຍົາວະຊົນຜູ້ທີ່ມີສະພາບຄວາມຫຍຸ້ງຍາກຢູ່ຫວຽດນາມ ຫຼາຍກວ່າ 1,000 ຄົນ ໂດຍຜ່ານບັນດາໂຄງການບຳລຸງສ້າງ ແລະ ຮູບແບບວິສາຫະກິດສັງຄົມ.
 |
| Jimmy Pham ແມ່ນຄົນອົດສະຕາລີ ເຊື້ອສາຍຫວຽດນາມ ຄົນທຳອິດ ທີ່ໄດ້ຮັບລາງວັນ Waislitz. |
ໂດຍແບ່ງປັນຄວາມຮູ້ສຶກຢູ່ໃນເຟສບຸກສ່ວນຕົວຂອງຕົນ, Jimmy Pham ກ່າວວ່າ ລາວໄດ້ສະແດງຄວາມຮູ້ບຸນຄຸນ ແລະ ຮູ້ສຶກເປັນກຽດຢ່າງຍິ່ງ ທີ່ໄດ້ຮັບລາງວັນອັນດີເລີດນີ້ຈາກກອງທຶນ Waislitz Foundation, ລາງວັນພົນລະເມືອງທົ່ວໂລກ ເຊິ່ງຫາກໍ່ໄດ້ຮັບ ໄດ້ກະຕຸ້ນໃຫ້ທ່ານຕໍ່ສູ້ ເພື່ອຊາວໜຸ່ມເຍົາວະຊົນທີ່ດ້ອຍໂອກາດ ແລະ ບອກເຕືອນທ່ານວ່າ ທ່ານບໍ່ແມ່ນຜູ້ດຽວໃນການສ້າງຄວາມແຕກຕ່າງ.
ໂດຍມີເຊື້ອຊາດຫວຽດນາມ ທີ່ເຕີບໃຫຍ່ຢູ່ໃນອົດສະຕາລີ, Jimmy Pham ໄດ້ກັບຄືນມາຫວຽດນາມໃນປີ 1996 ແລະ ເປັນຄັ້ງທໍາອິດທີ່ໄດ້ເຫັນຄວາມທຸກທໍລະມານຂອງເດັກນ້ອຍຂ້າງຖະໜົນ ຢູ່ບ້ານເກີດ. ໃນປີ 1999, Jimmy Pham ໄດ້ສ້າງຕັ້ງວິສາຫະກິດສັງຄົມແຫ່ງທໍາອິດຂອງຫວຽດນາມ ທີ່ມີຊື່ວ່າ KOTO (Know One Teach One) ດ້ວຍຄວາມເຊື່ອວ່າ ຊາວໜຸ່ມເຍົາວະຊົນຜູ້ທີ່ມີສະພາບຄວາມຫຍຸ້ງຍາກ ແລະ ດ້ອຍໂອກາດ ສົມຄວນທີ່ຈະໄດ້ມີໂອກາດດີທີ່ສຸດ ເພື່ອຫຼຸດພົ້ນອອກຈາກຄວາມທຸກຍາກ.
KOTO ໄດ້ກາຍເປັນວິສາຫະກິດສັງຄົມທີ່ສະໜອງການບຳລຸງສ້າງ ແລະ ວຽກເຮັດງານທຳ ໃນຂະໜງການຮ້ານອາຫານ-ໂຮງແຮມ ໃຫ້ແກ່ຊາວໜຸ່ມເຍົາວະຊົນຜູ້ທີ່ມີສະພາບຄວາມຫຍຸ້ງຍາກ ແລະ ດ້ອຍໂອກາດຢູ່ຫວຽດນາມ 1,000 ຄົນ ໂດຍຜ່ານສູນບຳລຸງສ້າງ ແລະ ຮ້ານອາຫານຢູ່ຮ່າໂນ້ຍ .
ຄຳຮຸ່ງ
