 |
| ພາບປະກອບ |
ການໂອ້ລົມເຈລະຈາ “ບັນດາບັນຫາແມ່ນ້ຳຂອງ” ໄດ້ດຶງດູດການເຂົ້າຮ່ວມຂອງນັກຮຽນຮູ້, ນັກຄົ້ນຄ້ວາ, ນັກການທູດ ແລະ ພະນັກງານການນຳທີ່ມາຈາກ ສະມາຄົມແມ່ນ້ຳຂອງສາກົນ, ຄະນະກຳມະການແມ່ນ້ຳຂອງ ຫວຽດນາມ, ກະຊວງການຕ່າງປະເທດ…
ໂດຍຄວາມຮັບຮູ້ຂອງມະຫາຊົນ, ການຮ່ວມມືເຂດອະນຸພາກພື້ນ, ການຮ່ວມມືສາກົນ, ຄວາມໝັ້ນຄົງແຫຼ່ງແມ່ນ້ຳຂອງ… ແມ່ນບັນດາບັນຫາທີ່ໄດ້ສຸມໃສ່ປຶກສາຫາລື, ໄຈ້ແຍກ, ຕີລາຄາ, ສະເໜີບັນດາມາດຕະການສະເພາະໜ້າ ແລະ ໃນໄລຍະຍາວສຳລັບ ຫວຽດນາມ ກໍ່ຄືປະຊາຄົມສາກົນ ແລະ ບັນດາປະເທດໃນພາກພື້ນ.
ເມຶ່ອເວົ້າເຖິງບັນດາກົນໄກ ແລະ ປະສິດທິຜົນໃນການຮ່ວມມືຢູ່ເຂດແມ່ນ້ຳຂອງ, ທ່ານນາງ ເຈິ່ນບ໋າວງອກ, ຫົວໜ້າກົມຮ່ວມມືເສດຖະກິດຫຼາຍຝ່າຍ (ກະຊວງການຕ່າງປະເທດ) ຖືວ່າ: ບັນຫາທີ່ໄດ້ວາງອອກໃນປັດຈຸບັນ ແມ່ນຄວາມໄວ້ເນື້ອເຊື່ອໃຈລະຫວ່າງບັນດາປະເທດຂຶ້ນກັບເຂດອະນຸພາກພື້ນແມ່ນ້ຳຂອງຍັງບໍ່ສູງປານໃດ, ສິ່ງນີ້ພວມກີດຂວາງປະສິດທິຜົນໃນການຮ່ວມມືແມ່ນ້ຳຂອງ. ໃນສະພາບການປັດຈຸບັນ, ການທູດປະຊາຊົນຈະແມ່ນກົນໄກສວມບົດບາດສຳຄັນເພື່ອເພີ່ມທະວີຄວາມໄວ້ເນື້ອເຊື່ອໃຈ, ການພົວພັນຮ່ວມມືລະຫວ່າງບັນດາປະເທດນຳກັນ…
ທີ່ການໂອ້ລົມເຈລະຈາ, ບັນດາຜູ້ແທນຖືວ່າ ບັນຫາແມ່ນ້ຳຂອງແມ່ນບັນຫາໃຫຍ່ ບໍ່ພຽງແຕ່ສຳລັບ ຫວຽດນາມເທົ່ານັ້ນ, ຫາກຍັງໄດ້ຮັບຄວາມສົນໃຈຈາກໂລກເມື່ອບັນຫານີ້ກ່ຽວຂ້ອງເຖິງການພັດທະນາ ແລະ ຄວາມໝັ້ນຄົງອີກດ້ວຍ… ປັດຈຸບັນ, ຄວາມຮັບຮູ້ກ່ຽວກັບອະນຸພາກພື້ນແມ່ນ້ຳຂອງ ແລະ ບັນດາບັນຫາໃນການຮ່ວມມືແມ່ນ້ຳຂອງຍັງບໍ່ທັນຄົບຖ້ວນ, ມີຫຼາຍຄັ້ງໄດ້ເນັ້ນໜັກເຖິງບັນດາຄວາມສ່ຽງແຕ່ບໍ່ຖືການຮ່ວມມືເປັນສຳຄັນ.
ເຂດອະນຸພາກພື້ນແມ່ນ້ຳຂອງແມ່ນເຂດທີ່ມີຄວາມສາມາດບົ່ມຊ້ອນ, ບັນດາປະເທດຄວນເພີ່ມທະວີການຮ່ວມມືເພື່ອຍາດແຍ່ງທ່າໄດ້ປຽບ, ພ້ອມກັນພັດທະນາເພື່ອຄວາມວັດທະນາຖາວອນລວມ. ບັນດາປະເທດໃນພາກພື້ນ ຄວນຮັບຮອງເອົາການຮ່ວມມືກັບບັນດາອົງການຈັດຕັ້ງສາກົນ ເພື່ອເພີ່ມທະວີຂໍ້ມູນຂ່າວສານ, ການຄົ້ນຄ້ວາ, ສ້າງນະໂຍບາຍໃນບັນດາບັນຫາເສດຖະກິດ ສັງຄົມຂອງແຕ່ລະປະເທດ ແລະ ທົ່ວພາກພື້ນ. ຊຸກຍູ້ການຮັບຮອງເອົາສັນຍາອາລັກຂາການລົງທຶນ ຫວຽດນາມ - EU ແລະ ໜູນຊ່ວຍແກ້ໄຂບັນຫາອາຊີບຫາປາ.
ທ່ານ ດິງຕວນທັ້ງ ເອກອັກຄະລັດຖະທູດ ຫວຽດນາມ ໄດ້ສະເໜີໃຫ້ກຸ່ມສະມາຊິກລັດຖະສະພາ ຝລັ່ງ - ຫວຽດນາມ ສືບຕໍ່ຊຸກຍູ້ລັດຖະສະພາບັນດາປະເທດ ສະມາຊິກ EU ຮັບຮອງເອົາສັນຍາອາລັກຂາການລົງທຶນ ຫວຽດນາມ - EU, ໜູນຊ່ວຍແກ້ໄຂບັນຫາອາຊີບຫາປາໃນການພົວພັນລະຫວ່າງ ຫວຽດນາມ - EU ແລະ ບາງບັນຫາກ່ຽວກັບການພັດທະນາແບບຍືນຍົງ
ບຸນຄົງ
