 |
| ຄົນທຸກຍາກໄດ້ຮັບເຂົ້າໃນໄລຍະເກີດໂລກລະບາດໂຄວິດ - 19 (ພາບ: nhandan.vn) |
ໃນຊຸມວັນເກີດໂລກລະບາດໂຄວິດ - 19, ບັນດາຫ້ອງຄົວເພື່ອການກຸສົນຢູ່ເມືອງໝີລອງ, ນະຄອນລອງຊວຽນເວົ້າສະເພາະແລະທົ່ວແຂວງອານຢາງເວົ້າລວມໄດ້ແບ່ງປັນໃຫ້ກັບຜູ້ອອກແຮງງານ, ຜູ້ທຸກຍາກບັນດາຖ້ວຍເຂົ້າທີ່ເຕັມໄປດ້ວຍນ້ຳໃຈ.
ໃນໄລຍະກ່ວາ 7 ປີຜ່ານມາ, ຫ້ອງຄົວເພື່ອການກຸສົນໝີລອງໂດຍຄະນະບໍລິຫານງານພຸດທະສາສະໜາ ຮ່ວາຫາວເມືອງໝີລອງ, ນະຄອນລອງຊວຽນຄຸ້ມຄອງໄດ້ກາຍເປັນສະຖານທີ່ລຶ້ງເຄີຍຂອງນັກສຶກສາ, ນັກຮຽນ, ຜູ້ອອກແຮງງານແລະຜູ້ປະສົບກັບຄວາມຫຍຸ້ງຍາກຕ່າງໆ. ຫ້ອງຄົວໄດ້ເຄື່ອນໄຫວ 6 ວັນຕໍ່ອາທິດ, ຜັກຜ່ອນພຽງແຕ່ວັນອາທິດ, ເປີດຫ້ອງຄົວແຕ່ເວລາ 9 ໂມງເຊົ້າຫາ 14 ໂມງແລງ. ແຕ່ລະວັນ, ຫ້ອງຄົວໄດ້ຮັບໃຊ້ໃຫ້ແກ່ 800 – 1200 ຊຸດເຂົ້າ.
ປັດຈຸບັນ,ສະພາບການໂລກລະບາດໂຄວິດ - 19 ຍັງມີການຜັນແປຢ່າງສັບສົນດັ່ງນັ້ນຜູ້ມາຮັບເຂົ້າກໍ່ມີສະຕິໂດຍບໍ່ເຕົ້າໂຮມຫຼາຍຄົນ, ຮັກສາໄລຍະຫ່າງ, ຮັບເຂົ້າຕາມລຳດັບແລ້ວກັບເມືອກິນຢູ່ບ້ານ. ບັນດາມາຜູ້ມາຫ້ອງຄົວລ້ວນແຕ່ແມ່ນຄົນທຸກຍາກ: ເຊິ່ງເປັນປ້ອງກັນ, ຂັບລົດ, ຂາຍຫວຍ, ກໍ່ສ້າງ, ຜູ້ບໍ່ມີບ່ອນພັກພາອາໄສ… ມີບາງຄົນມາເອົາສ່ວນເຂົ້າຂອງຕົນແລ້ວກໍ່ເອົາເພື່ອໃຫ້ຄົນອື່ນນຳຍ້ອນວ່າເຂົາເຈົ້າບໍ່ສາມາດມາເອງໄດ້ເພາະເປັນພະຍາດຫຼືເປັນຄົນພິການທີ່ມີຄວາມຫຍຸ້ງຍາກໃນການເດີນທາງໄປມາ.
ໄປຄຽງຄູ່ກັນນັ້ນ, ການຮັບໃຊ້ເຂົ້າທ່ຽງໂດຍບໍ່ເສຍຄ່າໃຫ້ແກ່ຜູ້ມາຮັບເຂົ້າ, ບັນດາສະມາຊິກຂອງຫ້ອງຄົວຍັງຈັດຕັ້ງການແຈກຢາຍເຂົ້າເຄື່ອນທີ່ໄປໃຫ້ຄົນພິການ, ຜູ້ອາຍຸສູງບໍ່ມີບ່ອນພັກພາອາໄສຊຶ່ງປະສົບກັບຄວາມຫຍຸ້ງຍາກຢູ່ເຂດຕະຫຼາດລອງຊວຽນ.
ພາຍຫຼັງການເຄື່ອນໄຫວມາເປັນເວລາ 7 ປີ, ຫ້ອງຄົວໄດ້ຮັບໃຊ້ໃຫ້ແກ່ນັກສຶກສາ, ນັກຮຽນ, ຜູ້ອອກແຮງງານ, ຜູ້ທຸກຍາກນັບພັນໆຄົນ. ບັນດາແມ່ຄົວຂອງຫ້ອງຄົວລ້ວນແຕ່ໄດ້ຮຽນແຕ່ງກິນແລະໄດ້ຮັບໃບຢັ້ງຢືນ. ຫ້ອງຄົວມີ 10 ກຸ່ມ, ແຕ່ລະກຸ່ມມີສະມາຊິກແຕ່ 10 – 15 ຄົນເຮັດວຽນໝູນວຽນກັນ.
ບຸນຄົງ
