 |
ທ່ານ ດາວບົວລະພາ ບາວົງເພັດ ຮອງປະທານຄະນະກວດກາສູນກາງພັກ. (ພາບ: ຂັນໄຊ)
ທ່ານ ດາວບົວລະພາ ບາວົງເພັດ ຮອງປະທານຄະນະກວດກາສູນກາງພັກ ທັງເປັນຮອງປະທານອົງການກວດກາລັດຖະບານ ແລະ ຮອງຫົວໜ້າອົງການ ຕ້ານການສໍ້ລາດບັງຫລວງ ຂັ້ນສູນກາງ ກ່າວວ່າ: ການຈັດ ກອງປະຊຸມ ສຳມະນາຄັ້ງນີ້ ເພື່ອຄົ້ນຄວ້າ ແລກປ່ຽນ ຫລາຍບັນຫາ ກ່ຽວກັບການ ຈັດຕັ້ງ ແລະ ການເຄື່ອນໄຫວ ຂອງອົງການກວດກາ ລັດຖະບານ, ພ້ອມກັນນັ້ນ ເພື່ອຢາກ ໃຫ້ຄະນະ ບັນນາທິການຂ່າວ ແລະ ຜູ້ທີ່ຂຽນຂ່າວ ຮັບຮູ້ ແລະ ເຂົ້າໃຈຖືກຕ້ອງ ກ່ຽວກັບການຈັດຕັ້ງພາລະບົດ ບາດ, ການເຄື່ອນໄຫວ ຂອງວຽກງານ ກວດກາລັດຖະບານ ກັບອົງການ ກວດສອບ ແຫ່ງລັດ ເພື່ອນຳໄປ ໂຄສະນາເຜີຍແຜ່ ໃຫ້ສັງຄົມຮັບຮູ້ ແລະ ເຂົ້າໃຈຢ່າງເລິກເຊິ່ງ. ເພາະໃນໄລຍະຜ່ານມາ ໄດ້ມີຫລາຍບົດຂ່າວ ທີ່ອອກທາງໂທລະພາບ, ວິທະຍຸ ຫລື ໜັງສືພິມ ຍັງເຂົ້າໃຈປົນເປກັນ ລະຫວ່າງອົງການກວດ ກາລັດຖະບານ ແລະ ອົງການກວດສອບແຫ່ງລັດ.
ສຳມະນາຄັ້ງນີ້ ຜູ້ເຂົ້າຮ່ວມຍັງໄດ້ຮັບຟັງ ການເຜີຍແຜ່ພາລະບົດບາດລະຫວ່າງ ອົງການກວດ ກາລັດຖະບານ ແລະ ອົງການກວດສອບ ແຫ່ງລັດ ໂດຍຫຍໍ້, ພ້ອມກັນນີ້, ຍັງໄດ້ຮັບຟັງ ການລາຍງານ ການເຄື່ອນໄຫວ ວຽກງານ ບັນນາທິການ ວາລະສານກວດກາ ໃນໄລຍະຜ່ານມາ.
（ແຫຼ່ງຂໍ້ມູນ： ມະນີທອນ/ຂປລ）
