| UNICEF ຜັນຂະຫຍາຍໂຄງການຊຸກຍູ້ການບຳລຸງຄວາມຮູ້ ແລະ ທັກສະເຕັກນິກດີຈີຕອນໃຫ່ແກ່ເດັກ ຫວຽດນາມ | |
| ປ່ຽນຍຸດທະສາດຂອງຫວຽດນາມໃນການປ້ອງກັນ, ຕ້ານໂລກລະບາດໂຄວິດ - 19 |
 |
| ສັກວັກຊິກກັນໂຄວິດ - 19 (ພາບ: ກະຊວງສາທາລະນະສຸກ) |
ຫວຽດນາມ ພວມເປີດກ້ວາງການຊອກຫາຄູ່ຮ່ວມມື, ຖ່າຍທອດເຕັກໂນໂລຢີຜະລິດວັກຊິນກັນໂຄວິດ - 19 ຈາກຕ່າງປະເທດເພື່ອມີຄວາມເປັນເຈົ້າການໃນການສະໜອງວັກຊິນກັນໂຄວິດ - 19.
ກົມວິທະຍາສາດ ເຕັກໂນໂລຢີ ແລະ ບຳລຸງສ້າງ (ກະຊວງສາທາລະນະສຸກ) ໃນວັນທີ 12 ມິຖຸນາ ໃຫ້ຮູ້ວ່າ, ຫວຽດນາມ ມີວັກຊິນທີ່ໄດ້ຮັບການທົດລອງສັກຕໍ່ຄົນໄລຍະທີ 3 ແມ່ນວັກຊິນ Nanocovax ຂອງ ບໍລິສັດຫຸ້ນສ່ວນເຕັກໂນໂລຢີຊີວະສາດການຢາ Nanogen. ວັນທີ 11 ມິຖຸນາ 2021, ກະຊວງສາທາລະນະສຸກ ໄດ້ມີຂໍ້ຕົກລົງສະບັບເລກທິ 2899/ QĐ-BYT ກ່ຽວກັບການອະນຸມັດຜ່ານແຜນຮ່າງການຄົ້ນຄ້ວາທົດລອງສັກວັກຊິນ Nanocovax ຕໍ່ຄົນໄລຍະທີ 3.
ອົງການຮັບໜ້າທີ່ທົດລອງດັ່ງກ່າວແມ່ນວິທະຍາຄານເສນາຮັກ ແລະ ສະຖາບັນ Pasteur ນະຄອນໂຮ່ຈີມິນ. ສະຖານທີ່ຜັນຂະຫຍາຍລວມມີວິທະນາຄານເສນາຮັກ, ແຂວງຮຶງອຽນ, ສະຖາບັນ Pasteur ນະຄອນໂຮ່ຈີມິນ, ແຂວງລອງອານ, ແຂວງຕຽນຢາງ ແລະ ບາງຫົວໜ່ວຍທີ່ມີເງື່ອນໄຂຢ່າງຄົບຖ້ວນຕາມຂໍ້ກຳນົດຢູ່ບັນດາແຂວງທີ່ໄດ້ຮັບການຜັນຂະຫຍາຍຄົ້ນຄວ້າ.
ຄາດວ່າ Nanogen ຈະມີຂອບຂະໜາດການຜະລິດວັກຊິນປະມານ 20 – 30 ລ້ານໂດສ/ປີ ແລະ ອາດຈະຍົກສະມັດຕະພາບຂຶ້ນເມື່ອໄດ້ຮັບການລົງທຶນ.
ວັກຊິນຊະນິດທີ 2 ແມ່ນວັກຊິນ COVIVAC ຂອງສະຖາບັນ ວັກຊິນ ແລະ ຜະລິດຕະພັນຊີວະພາບ ຍາຈາງ. ປັດຈຸບັນ, ວັກຊິນຊະນິດນີ້ ພວມໄດ້ຮັບການຜັນຂະຫຍາຍສັກທົດລອງຕໍ່ຄົນໄລຍະທີ 1.
ຕາມກົມວິທະຍາສາດເຕັກໂນໂລຢີ ແລະ ບຳລຸງສ້າງແລ້ວ, ວັນທີ 7 ພຶດສະພາ 2021, ລັດຖະມົນຕີກະຊວງສາທາລະນະສຸກ ໄດ້ປະກາດໃຊ້ຂໍ້ຕົກລົງສະບັບເລກທີ 2301/ QĐ-BYT ວ່າດ້ວຍການສ້າງຕັ້ງຄະນະຊີ້ນຳໂຄງການຄົ້ນຄວ້າການຖ່າຍທອດເຕັກໂນໂລຢີ ແລະ ຜະລິດວັກຊິນປ້ອງກັນໂຄວິດ - 19.
ວິສາຫະກິດໄດ້ປຶກສາຫາລື, ເຈລະຈາກັບນັກຜະລິດອາເມລິກາ ກ່ຽວກັບເງື່ອນໄຂຖ່າຍທອດເຕັກໂນໂລຢີຜະລິດວັກຊິນກັນໂຄວິດ - 19 ຈາກ ທາດ mRNA. ປັດຈຸບັນໄດ້ສິ້ນສຸດການທົດລອງໄລຍະທີ 1 ແລະ 2 ແລ້ວ.
ໂຮງງານທີ່ໄດ້ຮັບການລົງທຶນຕາມມາດຖານເຕັກໂນໂລຢີຂອງນັກຜະລິດທີ່ມີສະມັດຕະພາບຜະລິດວັກຊິນໄດ້ 100 – 200 ລ້ານໂດສ/ປີ, ຄາດວ່າຈະເລີ່ມຜະລິດແຕ່ໄຕມາດທີ 4/2021 ຫຼື ໄຕມາດ1/2022.
 | ຊາວຫວຽດນາມ ອາໄສຢູ່ຕ່າງປະເທດສືບຕໍ່ສະໜັບສະໜູນ ກອງທຶນວັກຊິນກັນໂຄວິດ - 19 ທ່ານ ຟ້າມກວາງຫ້ຽວ ຮອງລັດຖະມົນຕີ, ຫົວໜ້າຄະນະກຳມະການແຫ່ງລັດກ່ຽວກັບ ຊາວຫວຽດນາມ ອາໄສຢູ່ຕ່າງປະເທດ ໄດ້ສະແດງຄວາມຕື້ນຕັນໃຈ ແລະ ຄວາມເຄົາລົບນັບຖືຕໍ່ບັນດານ້ຳໃຈອັນດີງາມ, ການໜູນຊ່ວຍ, ຮ່ວມເດີນທາງ, ການແບ່ງປັນຂອງພໍ່ແມ່ປະຊາຊົນ ຊາວຫວຽດນາມ ອາໄສຢູ່ ສ.ເຊັກໂກ. |
 | ຊາວ ຫວຽດນາມ ອາໄສ ຢູ່ຕ່າງປະເທດ ໃຫ້ການບໍລິຈາກປະກອບສ່ວນເຂົ້າໃນກອງທຶນວັກຊິນກັນພະຍາດໂຄວິດ - 19 ຫວຽດນາມ ບັນດາຫົວໜ່ວຍດັ່ງກ່າວ ໄດ້ມອບເງິນສົດໃຫ້ຄະນະກຳມະການແຫ່ງລັດ ກ່ຽວກັບຊາວ ຫວຽດນາມ ອາໄສຢູ່ຕ່າງປະເທດ 50 ລ້ານດົ່ງ ເພື່ອປະກອບສ່ວນເຂົ້າໃນກອງທຶນວັກຊິນກັນພະຍາດໂຄວິດ - 19 ແລະ ວັດຖຸເຄື່ອງຂອງຈຳນວນໜຶ່ງທີ່ມີມູນຄ່າເກືອບ 230 ລ້ານດົ່ງ ເພື່ອຊ່ວຍເຫຼືອໃຫ້ບັນດາແພດໝໍ, ພະຍາບານທີ່ພວມປະຕິບັດໜ້າທີ່ຕ້ານໂລກລະບາດໂຄວິດ - 19 ຢູ່ແຂວງ ບັກຢາງ ແລະ ບັກນິງ. |
ບຸນຄົງ
