ມີຫຼາຍກິດຈະກຳເພື່ອເບິ່ງແຍງ ແລະ ມອບຂອງຂວັນໃຫ້ເດັກພິການຫວຽດນາມໃນວັນເດັກນ້ອຍສາກົນ

ຫວ່າງແລ້ວນີ້, ພະແນກແຮງງານ, ທະຫານເສຍອົງຄະ ແລະ ສັງຄົມ ແຂວງກວາງນາມ ແລະ ການນຳຂອງເມືອງຟູນິງ ໄດ້ລົງຢ້ຽມຢາມ ແລະ ມອບຂອງຂວັນໃຫ້ເດັກນ້ອຍຢູ່ສູນຟື້ນຟູເດັກພິການ, ສູນປິ່ນປົວເດັກພິການ, ແລະ ສູນລ້ຽງເດັກນ້ອຍທີ່ມີສະພາບການພິເສດ. ຢູ່ 3 ສູນດັ່ງກ່າວ, ການນນໍາພະແນກ ແລະ ເມືອງ ຟູນິງ ໄດ້ໃຫ້ກໍາລັງໃຈເດັກນ້ອຍພິການ ແລະ ເດັກນ້ອຍທີ່ມີສະພາບຫຍຸ້ງຍາກທີ່ພະຍາຍາມຜ່ານຜ່າພະຍາດຂອງພວກເຂົາ ແລະ ຜູ້ທີ່ບືນຕົວຂຶ້ນຮ່ຳຮຽນດີເພື່ອເຊື່ອມໂຍງເຂົ້າກັບຊຸມຊົນໂດຍໄວ.

ສະຫະພັນແຮງງານເມືອງ ເຫງຍດ່ານ (ເຫງ້ອານ) ໄດ້ມາຢ້ຽມຢາມ ແລະ ມອບຂອງຂວັນໃຫ້ເດັກນ້ອຍທີ່ປະສົບກັບຄວາມຫຍຸ້ງຍາກ, ເດັກພິການເຊິ່ງເປັນລູກຂອງສະມາຊິກຂອງສະຫະພັນແຮງງານຢູ່ເທດສະບານ ເຫງຍດ່ານ.

ວັນທີ 31 ພຶດສະພາ, ຢູ່ດານັງ, ທະຫານເຮືອເຂດ 3 ໄດ້ຈັດຕັ້ງຄະນະຜູ້ແທນໄປຢ້ຽມຢາມ ແລະ ມອບຂອງຂວັນ 42 ພູດ ໃຫ້ເດັກພິການ ແລະ ເປັນພະຍາດຮ້າຍແຮງ ເຊິ່ງແມ່ນລູກຂອງພະນັກງານ, ລັດຖະກອນທີ່ເຮັດວຽກຢູ່ທະຫານເຮືອເຂດ 3 ເນື່ອງໃນໂອກາດວັນເດັກນ້ອຍສາກົນ 1/6.

ໃນລະຫວ່າງ ວັນທີ 26 - 28 ພຶດສະພາ, ສະມາຄົມ ແຂວງ ຟູຖໍ້ ໄດ້ປະສານສົມທົບກັບຫ້ອງການ ແຮງງານ - ທະຫານເສຍອົງຄະ ແລະ ສັງຄົມເມືອງ ຫ້າຮວ່າ, ກຸ່ມບໍລິຈາກການກຸສົນ ຢຸງຕວນ - ຢາເກີມ, ສະຫະພັນແມ່ຍິງບ້ານ ເວິນຟູ ໄດ້ມອບຂອງຂວັນ 30 ພູດ (ມູນຄ່າ 650.000 – 700.000 ດົ່ງ/ພູດ, ລົດເຂັນ 5 ຄັນ (ມູນຄ່າ 2 ລ້ານດົ່ງ/ຄັນ) ໃຫ້ແກ່ນັກຮຽນພິການ ແລະ ເດັກກ່ຳພ້າ.

ມອບຂອງຂວັນ 65 ພູດ (ແຕ່ລະພູດ ມີມຸນຄ່າ 200.000 ດົ່ງ) ໃຫ້ແກ່ເດັກນ້ອຍທີ່ກຳລັງຮັບການປິ່ນປົວຢູ່ພະແນກເດັກນ້ອຍ (ໂຮງໝໍຫຼາຍຂະແໜງແຂວງຮ່າຕິ້ງ), ທ່ານ ເລງອກເຈົາ ຮອງປະທານຄະນະກຳມະການປະຊາຊົນແຂວງ ໄດ້ຢື້ຢາມຖາມຂ່າວອາການສຸຂະພາບ ແລະ ຜົນການປິ່ນປົວຂອງເດັກນ້ອຍດ້ວຍຄວາມຈິງໃຈ ແລະ ກໍ່ອວຍພອນໃຫ້ພວກເຂົາຟື້ນຕົວໂດຍໄວເພື່ອກັບຄືນເມືອຫາຄອບຄົວຂອງພວກເຂົາ.