| ອາເລືອຍ - ເມືອງເຂດພູດອຍທຳອິດຂອງ ຫວຽດນາມ ເຂົ້າຮ່ວມໂຄງການຕົວເມືອງຫຼຸດຜ່ອນການນຳໃຊ້ຢາງປຼາດສຕິກ ຂອງ WWF | |
| ກອງປະຊຸມສຸດຍອດ “ການກະທຳຢ່າງຮີບດ່ວນກ່ຽວກັບຊີວະນາໆພັນ ເພື່ອການພັດທະນາແບບຍືນຍົງ” |
 |
| ທ່ານນາຍົກລັດຖະມົນຕີຫວຽດນາມ ຟ້າມມິນຈິງ (ພາບ: ກະຊວງການຕ່າງປະເທດ) |
ວັນທີ 31 ພຶດສະພາ, ຢູ່ສະຖານທີ່ເຊື່ອມຕໍ່ຈາກຮ່າໂນ້ຍ, ທ່ານນາຍົກລັດຖະມົນຕີຫວຽດນາມ ຟ້າມມິນຈິງ ໄດ້ເຂົ້າຮ່ວມເວທີປາໄສສຸດຍອດຄູ່ຮ່ວມມືເພື່ອການເຕີບໂຕຂຽວ ແລະ ເປົ້າໝາຍທົ່ວໂລກ (P4G) 2030 ທາງອອນລາຍ, ຕາມຄຳເຊື້ອເຊີນຂອງທ່ານປະທານາທິບໍດີສ.ເກົາຫຼີ Moon Jae In. ການເຄື່ອນໄຫວສຳຄັນທີ່ສຸດຂອງກອງປະຊຸມສຸດຍອດແມ່ນວາລະປຶກສາຫາລືສຸດຍອດເຊິ່ງດຳເນີນໃນຕອນຄ່ຳວັນທີ 31 ພຶດສະພາ (ຕາມເວລາຫວຽດນາມ) ດ້ວຍການເຂົ້າຮ່ວມທາງອອນລາຍຂອງການນຳຂັ້ນສູງບັນດາປະເທດສ.ເກົາຫຼີ, ແດນມາກ, ຫວຽດນາມ, ໂຮນລັງ, ໄທ, ກຳປູເຈຍ, ປະທານຄະນະກຳມະການເອີລົບ (ອີຢູ), ທູດພິເສດກ່ຽວກັບການປ່ຽນແປງຂອງດິນຟ້າອາກາດຂອງປະທານາທິບໍດີອາເມລິກາ…
ກ່າວຄຳເຫັນທີ່ວາລະປຶກສາຫາລືຂັ້ນສຸດຍອດ, ທ່ານນາຍົກລັດຖະມົນຕີ ຟ້າມມິນຈິງ ສະເໜີໃຫ້ປະຊາຄົມສາກົນຈົ່ງຮ່ວມແຮງຮ່ວມໃຈແກ້ໄຂຢ່າງກົມກຽວລະຫວ່າງຄວາມຕ້ອງການຮີບດ່ວນໃນການຟື້ນຟູເສດຖະກິດ ກັບຄວາມຮຽກຮ້ອງພັດທະນາຂຽວ ແລະ ພັດທະນາແບບຍືນຍົງກວ່າພາຍຫຼັງໂລກລະບາດໂຄວິດ-19. ທ່ານນາຍົກລັດຖະມົນຕີ ໄດ້ຍົກອອກບັນດາມາດຕະການແກ້ໄຂສຳຄັນຄື: ການຟື້ນຟູຂຽວ, ເສດຖະກິດຂຽວ, ເສດຖະກິດໝູນວຽນ; ການຫັນປ່ຽນຂຽວ, ຊຸກຍູ້ບັນດາໂຄງການພາກລັດ-ເອກະຊົນ (PPP) ໃນການເຕີບໂຕຂຽວຢ່າງແຮງກວ່າອີກ; ຍົກສູງກຳລັງຄວາມສາມາດເປັນເຈົ້າການຮັບມືກັບການປ່ຽນແປງຂອງດິນຟ້າອາກາດ, ໃນນັ້ນມີອະນຸພາກພື້ນແມ່ນນ້ຳຂອງ ແລະ ເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ; ສະກັດກັ້ນ, ຍູ້ໂລກລະບາດໂຄວິດ-19 ໃຫ້ຖອຍໄປ ແລະ ແກ້ໄຂໂລກລະບາດໂດຍພື້ນຖານ; ເພີ່ມທະວີການໜູນຊ່ວຍສະໜອງບັນດາແຫຼ່ງວັກຊິນ, ຮ່ວມມືກັນໃນການໄປມາ ແລະ ຮັກສາຄວາມສະຖຽນລະພາບໃນລະບົບສະໜອງທົ່ວໂລກ; ຍົກສູງຈິດໃຈຄວາມສາມັກຄີ, ໜ້າທີ່ຄວາມຮັບຜິດຊອບ, ເຄົາລົບຜົນປະໂຫຍດລວມຂອງມະນຸດ. ທ່ານນາຍົກລັດຖະມົນຕີ ຟ້າມມິນຈິງ ໄດ້ເນັ້ນໜັກເຖິງຄວາມຕັດສິນໃຈຂອງຫວຽດນາມ ໃນການປະຕິບັດ “ເປົ້າໝາຍຄວບຄູ່” ແມ່ນທັງປ້ອງກັນ ຕ້ານໂລກລະບາດ, ທັງຟື້ນຟູເສດຖະກິດຄືນໃໝ່; ປ່ຽນແປງໃໝ່ຮູບແບບການເຕີບໂຕ, ສ້າງໂຄງປະກອບພື້ນຖານເສດຖະກິດ, ພັດທະນາຂຽວ.
“ຖືເອົາການປ່ຽນແປງໃໝ່ຮູບແບບການເຕີບໂຕ, ສ້າງໂຄງປະກອບພື້ນຖານເສດຖະກິດຄືນໃໝ່, ພັດທະນາເສດຖະກິດຂຽວ, ຄວາມຕ້ອງການຂອງຕະຫຼາດ, ບັນດາຂະແໜງໃໝ່ຫາກໍ່ພົ້ນເດັ່ນ ແລະ ເພີ່ມສະມັດຕະພາບການອອກແຮງງານເປັນການກຳນົດທິດ. ຖືມະນຸດເປັນໃຈກາງ, ທັງແມ່ນແຫຼ່ງກຳລັງ ທັງແມ່ນກຳລັງໜູນສຳຄັນທີ່ສຸດ ແລະ ແມ່ນເປົ້າໝາຍສູງສຸດຂອງການພັດທະນາ. ພວກຂ້າພະເຈົ້າເດັດດ່ຽວບໍ່ຮັບເອົາວິທີການເຕີບໂຕດ້ວຍທຸກຮູບແບບ, ຂາດລັກສະນະຍືນຍົງ; ແລະ ຍິ່ງບໍ່ເດີນຕາມການເຕີບໂຕດ້ານດຽວ ຫາກຕ້ອງເສຍສະຫຼະຄວາມກ້າວໜ້າ ແລະ ຄວາມຍຸຕິທຳໃນສັງຄົມ. ພວກຂ້າພະເຈົ້າປາດຖະໜາຈະສືບຕໍ່ໄດ້ຮັບການໜູນຊ່ວຍ, ການຮ່ວມມືຢ່າງມີປະສິດທິຜົນກວ່າຈາກບັນດາປະເທດ, ບັນດາອົງການຈັດຕັ້ງສາກົນ, ວິສາຫະກິດ; ໂດຍສະເພາະແມ່ນໃນບັນດາໂຄງການຮ່ວມມືພັດທະນາພື້ນຖານໂຄງລ່າງຍຸດທະສາດທີ່ມີຄຸນນະພາບສູງ, ເສດຖະກິດຂຽວ, ເສດຖະກິດດີຈີຕອນ… ໜູນຊ່ວຍບັນດາເປົ້າໝາຍພັດທະນາແບບຍືນຍົງຂອງຫວຽດນາມ”.
ສິ້ນສຸດວາລະປຶກສາຫາລື, ບັນດາການນຳໄດ້ເຫັນດີຮັບຮອງເອົາຖະແຫຼງການ ເຊີອຸນ, ຢືນຢັນຄຳໝັ້ນສັນຍາດ້ານການເມືອງຢ່າງແຮງຂອງບັນດາການນຳ P4G ແລະ ບັນດາຄູ່ຮ່ວມມື, ພ້ອມກັນນັ້ນກໍ່ຍົກອອກບັນດາການກຳນົດທິດ, ມາດຕະການແກ້ໄຂໃຫຍ່ເພື່ອແນໃສ່ຟື້ນຟູຂຽວ, ຮັບມືກັບການປ່ຽນແປງຂອງດິນຟ້າອາກາດ ແລະ ການພັດທະນາແບບຍືນຍົງ, ກວມລວມ, ມຸ່ງໄປເຖິງການແກ້ໄຂບັນຫາກາກບອນ.
 | ອາເລືອຍ - ເມືອງເຂດພູດອຍທຳອິດຂອງ ຫວຽດນາມ ເຂົ້າຮ່ວມໂຄງການຕົວເມືອງຫຼຸດຜ່ອນການນຳໃຊ້ຢາງປຼາດສຕິກ ຂອງ WWF ຍສໝ - ເຫດການນີ້ໄດ້ນຳເມືອງ ອາເລືອຍກາຍເປັນເມືອງເຂດພູດອຍທຳອິດຂອງ ຫວຽດນາມເຂົ້າຮ່ວມໂຄງການທີ່ມີລັກສະນະທົ່ວໂລກ ຂອງ WWF ຢ່າງເປັນທາງການໃນນັ້ນ ເມືອງອາເລືອຍ ໄດ້ໃຫ້ຄຳໝັ້ນສັນຍາຈະແກ້ໄຂບັນຫາມົນລະພິດຂີ້ເຫຍື້ອປຼາດສຕິກ ມຸ່ງໄປສູ່ເປົ້າໝາຍບໍ່ມີຂີ້ເຫຍື້ອປຼາດຕິກໃນທຳມະຊາດໃນປີ 2030. |
 | ກອງປະຊຸມສຸດຍອດ “ການກະທຳຢ່າງຮີບດ່ວນກ່ຽວກັບຊີວະນາໆພັນ ເພື່ອການພັດທະນາແບບຍືນຍົງ” ຍສໝ - ທ່ານລັດຖະມົນຕີ ເຈິ່ນຮົ່ງຮ່າ ໄດ້ຮຽກຮ້ອງໃຫ້ບັນດາປະເທດ ຈົ່ງພ້ອມກັນ ສຸມກຳລົງແຮງ, ສົມທົບກັນມີການກະທຳຢ່າງຮີບດ່ວນ, ເດັດດ່ຽວຂ້ຽວຂາດ ແລະ ແທດຈິງ ກ່ວາອີກເພື່ອປົກປັກຮັກສາ “ແຫຼ່ງຊັບພະຍາກອນອັນລ້ຳຄ່າ” ແມ່ນຊີວະນາໆພັນ, ພ້ອມທັງຕອບສະໜອງຄວາມຮຽກຮ້ອງຕ້ອງການອັນຊອບທຳຂອງບັນດາລຸ້ນຄົນໃນອະນາຄົດ. |
 | ສັບປະດາພະລັງງານຜະລິດຄືນໃຫມ່ຢູ່ຫວຽດນາມປີ 2020 ພະລັງງານຜະລິດຄືນໃຫມ່ ປະຈຸບັນກວມເອົາປະມານ 10% ກຳລັງການຜະລິດຂອງທັງລະບົບໄຟຟ້າ. |
vovworld.vn
