ໂຮງໝໍກາງສະໜາມ ຂອງຫວຽດນາມ ໄດ້ຮັບໜ້າທີ່ແທດຈິງທີ່ສຸດເມື່ອໜູນຊ່ວຍໃຫ້ປະຊາຊົນຊູດັງໃຕ້

	ເພື່ມທະວີການພົວພັນຮ່ວມມືລະຫວ່າງ ຫວຽດນາມ ແລະ ອົດສະຕາລີ
	ເພີ່ມທະວີການປ້ອງກັນ ແລະ ຄວບຄຸມ COVID-19 ເພື່ອຮັບປະກັນໃຫ້ປະຊາຊົນສະຫຼອງບຸນປີໃໝ່ຢ່າງປອດໄພ

ຕາງໜ້າອຳນາດການປົກຄອງທ້ອງຖິ່ນ, ທ່ານຮອງຜູ້ວ່າການລັດ ໄດ້ສະແດງຄວາມຂອບອົກຂອບໃຈຕໍ່ການເຮັດວຽກຢ່າງສຸດຈິດສຸດໃຈ ແລະຊ່ວຍເຫຼືອທີ່ມີປະສິດທິຜົນຂອງໂຮງໝໍກາງສະໜາມຫວຽດນາມ ໃນຊຸມວັນຕົ້ນປີໃໝ່. ພາບ: qdnd.vn

ໃນວັນທຳອິດຂອງປີ 2021, ທ່ານໝໍ ຫງວຽນກວາງຈ໊ຽນ, ຮອງຜູ້ອຳນວຍການດ້ານວິຊາສະເພາະຂອງໂຮງໝໍກາງສະໜາມຂັ້ນ 2 ເລກ 2 ໄດ້ຮັບໂທລະສັບຈາກທ່ານນາງ Hiroko Hirahara, ຫົວໜ້າຖານທັບ Bentiu ຂອງຄະນະປະຕິບັດງານຮັກສາສັນຕິພາບສະຫະປະຊາຊາດຢູ່ຊູດັງໃຕ້ (UNMISS) ໂທມາໃຫ້ຂ່າວວ່າ ມີກໍລະນີພິເສດຕ້ອງການຄວາມຊ່ວຍເຫຼືອຈາກພາລະກອນໂຮງໝໍກາງສະໜາມຫວຽດນາມ ຍິ່ງໄວກໍ່ຍິ່ງດີ.

ສາຍເຫດມີຢູ່ວ່າຢູ່ຫໍດຳເນີນຊີວິດຂອງວົງຄະນະຍາດເຂດຊຸມຊົນຢູ່ເທດສະບານ Bentiu, ສ.ຊູດັງໃຕ້ ມີຮັງເຜິ້ງໃຫຍ່, ຖ້າວ່າບໍ່ທໍາລາຍ ແລະໄລ່ຝູງເຜິ້ງໄປຈະສ້າງຄວາມອັນຕະລາຍໃຫ້ປະຊາຊົນ. ກ່ອນໜ້ານັ້ນ, ອຳນາດການປົກຄອງທ້ອງຖິ່ນ ແລະປະຊາຊົນໄດ້ແຈ້ງໃຫ້ອົງການ UNMISS ຢູ່ບໍລິເວນຊ່ວຍປະຊາຊົນໄລ່ຝູງເຜິ້ງ. ບາງເທື່ອນີ້ແມ່ນຄັ້ງທຳອິດທີ່ກຳລັງຮັກສາສັນຕິພາບສະຫະປະຊາຊາດຢູ່ Bentiu ໄດ້ຮັບຄວາມຮຽກຮ້ອງໃຫ້ຊ່ວຍເຫຼືອສະນັ້ນນີ້ຈຶ່ງແມ່ນຄວາມບັງເອີນ.

ທ່ານໝໍ ຫງວຽນກວາງຈ໊ຽນ ຮອງຜູ້ອຳນວຍການດ້ານວິຊາສະເພາະຂອງໂຮງໝໍກາງສະໜາມຂັ້ນ 2 ເລກ 2 ໃຫ້ຮູ້ວ່າ: “ຂ້າພະເຈົ້າບັງເອີນທີ່ສຸດສຳລັບຄຳສະເໜີບໍ່ກ່ຽວຂ້ອງເຖິງໜ້າທີ່ເບິ່ງແຍງດູແລສຸຂະພາບໃຫ້ພາລະກອນສະຫະປະຊາຊາດ. ພາຍຫຼັງແລກປ່ຽນຄຳເຫັນຢູ່ກົມກອງ, ຂ້າພະເຈົ້າຈຶ່ງຕົກລົງຕໍ່ຄຳສະເໜີຂອງຫົວໜ້າຖານທັບເພື່ອຊ່ວຍແກ້ໄຂກໍລະນີນີ້ໂດຍກົງ. ຜູ້ບັນຊາໂຮງໝໍ, ພັນໂທ ຫວໍວັນຫຽນ, ຜູ້ອຳນວຍການໂຮງໝໍກາງສະໜາມຂັ້ນ 2 ເລກ 2 ໄດ້ຕົກລົງຈັດສົ່ງຄະນະປະຕິບັດງານໄປປະຕິບັດ “ໜ້າທີ່ພິເສດ” ນີ້.

ຕາງໜ້າອຳນາດການປົກຄອງທ້ອງຖິ່ນ, ທ່ານຮອງຜູ້ວ່າການລັດ ໄດ້ສະແດງຄວາມຂອບອົກຂອບໃຈຕໍ່ການເຮັດວຽກຢ່າງສຸດຈິດສຸດໃຈ ແລະຊ່ວຍເຫຼືອທີ່ມີປະສິດທິຜົນຂອງໂຮງໝໍກາງສະໜາມຫວຽດນາມ ໃນຊຸມວັນຕົ້ນປີໃໝ່.

ທ່ານພັນໂທ ຫວໍວັນຮ໋ຽນ ຜູ້ອໍານວຍການໂຮງໝໍກາງສະໜາມຂັ້ນ 2 ເລກ 2 ມອບອຸປະກອນການຮຽນ "handmade" ໂດຍບັນດາພາລະກອນໂຮງໝໍກາງສະໜາມຂັ້ນ 2 ເລກ 2 ເຮັດເອງໃຫ້ແກ່ຜູ້ຕາງໜ້າໂຮງຮຽນ Bentiu B. ພາບ: qdnd.vn.

ເມື່ອບໍ່ດົນມານີ້, ໃນຂອບເຂດການເຄື່ອນໄຫວ CIMIC, ໂຮງໝໍກາງສະໜາມຂັ້ນ 2 ເລກ 2 ສົມທົບກັບຄະນະປະຕິບັດງານ UNMISS, ກະຊວງສຶກສາ-ຄວາມສະເໝີພາບລະຫວ່າງຍິງ-ຊາຍ ແລະສະຫວັດດິການສັງຄົມລັດ Unity (ຊູດັງໃຕ້) ໄດ້ຈັດຕັ້ງພິທີມອບໂຕະຕັ່ງ 31 ໜ່ວຍ ແລະຕົວອັກສອນ alphabet 100 ຊຸດພ້ອມກັບອຸປະກອນການຮຽນ, ເຄື່ອງຫຼິ້ນ... ໃຫ້ແກ່ພວກນ້ອງນັກຮຽນທີ່ໂຮງຮຽນປະຖົມສຶກສາ Bentiu B, ລັດ Unity (ຊູດັງໃຕ້). ສິ່ງພິເສດແມ່ນອຸປະກອນການຮຽນ, ຕົວອັກສອນ, ເຄື່ອງຫຼິ້ນ... ລ້ວນແຕ່ໄດ້ເຮັດຈາກເສດຢາງປະກອບສ່ວນປົກປັກຮັກສາສິ່ງແວດລ້ອມ.

ຜູ້ຕາງໜ້າໂຮງຮຽນປະຖົມສຶກສາ Bentiu B ໄດ້ກ່າວຄໍາເຫັນສະແດງຄວາມນັບຖືຕໍ່ນ້ຳໃຈຂອງບັນດາແພດໝໍ ແລະພາລະກອນໂຮງໝໍກາງສະໜາມຫວຽດນາມ. ນີ້ແມ່ນຂອງຂວັນທີ່ມີຄວາມໝາຍສໍາລັບໂຮງຮຽນໃນໄລຍະນີ້ຍ້ອນໂຮງຮຽນປະຖົມສຶກສາ Bentiu B ປະສົບກັບຄວາມຫຍຸ້ງຍາກດ້ານພື້ນຖານວັດຖຸອຸປະກອນສິດສອນ.

ທ່ານ​ນາ​ຍົກ​ລັດ​ຖະ​ມົນ​ຕີ ຫວຽດນາມ ຫງວຽນ​ຊວັນ​ຟຸກ: ​ມາ​ນະ​ຍາ​ພະ​ຍາມ​ຈົນ​ສຸດ​ຄວາມ​ສາ​ມາດ​ຂອງ​ຕົນ​ເພື່ອ ຫວຽດ​ນາມ​ທີ່​ມີ​ຄວາມ​ປອດ​ໄພ​ຕໍ່​ໂລກ​ລະ​ບາດ​ໂຄວິດ ຍ​ສ​ໝ - ທີ່ກອງ​ປະ​ຊຸມ, ທ່ານ​ນາ​ຍົ​ກ​ລັດ​ຖະ​ມົນ​ຕີ​ໄດ້​ເນັ້ນ​ໜັກ​ວ່າ ປີ 2020 ແມ່ນ​ປີ ທີ່​ຖັນ​ແຖວ​ພະ​ນັກ​ງານ​ຂະແໜງສາທາລະນະສຸກ ​ໄດ້​ມາ​ນະ​ພະ​ຍາ​ຍາມສູ້​ຊົນ, ໂດຍສະເພາະແມ່ນຜູ້ທີ່ເຂົ້າຮ່ວມວຽກງານປ້ອງກັນ, ສະກັດກັ້ນໂລກລະບາດໂຄວິດ - 19, ດ້ວຍຈິດໃຈບໍ່ຫວາດຫວັ່ນຕໍ່ຄວາມຫຍຸ້ງຍາກລຳບາກ, ພ້ອມແລ້ວທີ່ຈະເສຍສະຫຼະ, ອຸທິດສ່ວນ… ປະກອບສ່ວນສຳຄັນເຂົ້າໃນໜ້າທີ່ຮັກສາສຸຂະພາບ, ປົກປ້ອງຊີວິດປະຊາຊົນເວົ້າສະເພາະ ແລະ ພັດທະນາເສດຖະກິດ - ສັງຄົມ ຂອງປະເທດຊາດ ເວົ້າລວມ.

ຫວຽດນາມ ໄດ້ພິຈາລະນາຢຸດຕິການຮັບຖ້ຽວບິນຈາກປະເທດທີ່ເກີດມີສາຍພັນໃໝ່ຂອງໄວຣັດ SARS-CoV-2 ຍສໝ - ທ່ານ ມາຍຕຽນຢຸງ, ລັດຖະມົນຕີ, ຫົວໜ້າຫ້ອງວ່າການລັດຖະບານຫວຽດນາມ ໄດ້ກ່າວວ່າ ຕໍ່ໜ້າກັບການແຜ່ລະບາດທີ່ບໍ່ສາມາດຄາດເດົາໄດ້ ຂອງພະຍາດ COVID-19, ກະຊວງສາທາລະນະສຸກຫວຽດນາມ ໄດ້ສະເໜີຢຸດຕິການຮັບຖ້ຽວບິນຈາກປະເທດທີ່ເກີດມີສາຍພັນໃໝ່ຂອງໄວຣັດ SARS-CoV-2.

ຫວຽດນາມ ມີຜູ້ອອກແຮງງານຫຼາຍກວ່າ 32 ລ້ານຄົນ ໄດ້ຮັບຜົນສະທ້ອນຫຍໍ້ທໍ້ຈາກໂລກລະບາດໂຄວິດ - 19 ຍສໝ - ແມ່ນຂໍ້ມູນໂດຍຜູ້ຕາງໜ້າກົມໃຫຍ່ສະຖິຕິ ໃຫ້ຮູ້ທີ່ກອງປະຊຸມຖະແຫຼງຂ່າວກ່ຽວກັບສະພາບແຮງງານ - ວຽກເຮັດງານທຳ ໄຕມາດທີ IV ແລະປີ 2020 ເຊິ່ງດໍາເນີນໃນວັນທີ 6 ມັງກອນ ຢູ່ຮ່າໂນ້ຍ ສສ.ຫວຽດນາມ.