 |
| ໂລກລະບາດ Covid – 19 ສົ່ງຜົນກະທົບຢ່າງແຮງເຖິງເສດຖະກິດອາຊີ.(ພາບປະກອບ:tinnhanhchungkhoan.vn) |
ຖ້າກໍລະນີຊົ່ວຮ້າຍທີ່ສຸດເກີດຂຶ້ນ, ຜົນກະທົບທາງລົບຂອງໂລກລະບາດຈະແກ່ຍາວຮອດປີໜ້າ, ເສດຖະກິດຢູ່ພາກພື້ນນີ້ຄາດວ່າຈະຫຼຸດລົງ 0,5%, ລະດັບອ່ອນແອທີ່ສຸດນັບແຕ່ເກີດວິກິດການເສດຖະກິດອາຊີ ປີ 1997 – 1998. ທ່ານປານີຈີໂຈກລູ ນັກເສດຖະສາດໃຫ້ຮູ້ວ່າ ການແຜ່ລະບາດຂອງພະຍາດນີ້ ໄດ້ສົ່ງຜົນກະທົບຢ່າງໜັກເຖິງເສດຖະກິດໂລກ ເຮັດໃຫ້ບັນດາຕະຫລາດຕ້ອງຜະເຊີນກັບຄວາມສັບສົນ ແລະ ບັນດາກອງທຶນແຫ່ງຊາດ ຈາກນ້ຳມັນ ແລະ ບໍ່ແມ່ນນ້ຳມັນ ຕ້ອງເສຍຫາຍປະມານ 1.000 ຕື້ໂດລາສະຫະລັດ ເຊິ່ງເປັນການລົງທຶນເຂົ້າໃນໃບຮຸ້ນ.
ຕົວເລກດັ່ງກ່າວ ອ້າງຕາມຂໍ້ມູນຈາກກອງທຶນແຫ່ງຊາດ ແລະ ກຸ່ມການຄົ້ນຄ້ວາຂອງ Sovereign Wealth Fund Institude. ລັດຖະບານປະເທດຕ່າງໆ ພວມຜະເຊີນໜ້າກັບ ຄວາມຫຍຸ້ງຍາກດ້ານການເງິນ ເມື່ອແຫລ່ງລາຍຮັບຫລຸດລົງ ເນື່ອງຈາກລາຄານ້ຳມັນຫລຸດລົງ ແລະ ຄ່າໃຊ້ຈ່າຍເພີ່ມຂຶ້ນ ເມື່ອຮັບຮອງງົບປະມານສຸກເສິນ. ນອກຈາກນັ້ນ, ທ່ານປານີຈີໂຈກລູ ຍັງກ່າວວ່າ ບັນດາ ກອງທຶນແຫ່ງຊາດ ອາດຈະຖອນບ້ວງເງິນປະມານ 100-150 ຕື້ໂດລາສະຫະລັດ ຈາກບ້ວງເງິນການລົງທຶນເຂົ້າໃນໃບຮຸ້ນ, ຍົກເວັ້ນກອງທຶນນອກແວ. ຄາດວ່າ ໃນຊຸມອາທິດຕໍ່ໜ້າ, ອາດຈະຂາຍໃບຮຸ້ນເພີ່ມຕື່ມ ໂດຍມີມູນຄ່າ 50-75 ຕື້ໂດລາສະຫະລັດ.
ພື້ນຖານ ເສດຖະກິດ ຖືກຊຸດໂຊມລົງ ຢ່າງໜັກໜ່ວງ ຍ້ອນຜົນກະທົບ ຈາກການ ແຜ່ລະບາດ ເຊື້ອພະຍາດ ໂຄວິດ-19 ສົ່ງຜົນໃຫ້ຫລາຍ ປະເທດ ໃຊ້ບ້ວງເງິນ ມະຫາສານ ເພື່ອກະຕຸ້ນ ເສດຖະກິດ ເປັນຕົ້ນ ສ.ອາເມລິກາ ພວມກ້າວໄປສູ່ ການຮັບຮອງເອົາ ບ້ວງເງິນ 2.000 ຕື້ໂດລາ ສະຫະລັດ ເພື່ອໜູນຊ່ວຍ ໂດຍກົງ ໃຫ້ແຕ່ລະຄອບຄົວ, ໜູນຊ່ວຍ ການປະກັນໄພ ວ່າງງານ ເປີດກວ້າງ, ບັນດາ ບ້ວງເງິນ ກູ້ຢືມ ບຸລິມະສິດ ໃຫ້ແກ່ ບັນດາ ວິສາຫະກິດ ແລະ ບັນດາ ແຫລ່ງກຳລັງ ສາທາລະນະສຸກ ໃຫ້ແກ່ ບັນດາ ໂຮງໝໍ ແລະ ຫ້າງກົດໝາຍ ຮຽກຮ້ອງໃຫ້ ບັນດາ ຜູ້ສະໜອງ ປະກັນໄພ ຕ້ອງຈ່າຍ ຄ່າບໍລິການ ສະກັດກັ້ນ ພະຍາດ ໂຄວິດ-19. ກ່ອນໜ້ານີ້, ເອີຣົບ ກໍ່ໄດ້ຍົກອອກ ຫລາຍບ້ວງເງິນ ກະຕຸກຊຸກຍູ້ ເສດຖະກິດ ຢ່າງມະຫາສານ ດ້ວຍຈຳນວນ ຫລາຍກ່ວາ 1.500 ຕື້ ໂດລາ ສະຫະລັດ.
ໂດຍສະເພາະ ຝຣັ່ງ ຖືວ່າເປັນປະເທດເອີຣົບ ທີ່ໃຊ້ຈ່າຍຫລາຍກ່ວາໝູ່ ໃນຄວາມພະຍາຍາມກະຕຸກຊຸກຍູ້ ເສດຖະກິດ, ໂດຍໃຫ້ຄຳໝັ້ນສັນຍາວ່າ ຈະບໍ່ໃຫ້ ບໍລິສັດໃດ ຖືກຊຸດໂຊມ. ໃນຂະນະນັ້ນ, ລັດຖະບານ ເຢຍລະມັນໄດ້ເຫັນດີເປັນເອກະສັນຕໍ່ບ້ວງເງິນໜູນຊ່ວຍເສດຖະກິດໃຫ້ຫລາຍກ່ວາ 166 ຕື້ໂດລາ ສະຫະລັດ ເພື່ອຮັບມືກັບ ການກະທົບ ຂອງເຊື້ອພະຍາດ ໂຄວິດ-19 ລະບາດ. ຂະນະທີ່ ແອັດສະປາຍ ປະກາດບ້ວງເງິນກູ້ຊ່ວຍ ທີ່ມີມູນຄ່າ 220 ຕື້ໂດລາ ສະຫະລັດ, ສ່ວນ ອັງກິດ ກໍ່ໃຫ້ຮູ້ວ່າ ຈະໜູນຊ່ວຍ ບ້ວງເງິນ ກູ້ຢືມ ໃນເບື້ອງຕົ້ນ ທີ່ມີມູນຄ່າ 400 ຕື້ໂດລາ ສະຫະລັດ ໃຫ້ແກ່ ບັນດາບໍລິສັດ ເພື່ອຜ່ານຜ່າ ຄວາມຫຍຸ້ງຍາກ ໃນຄັ້ງນີ້. ສຳລັບ ໃນອາຊີ ທ່ານ ມູນເຈ ອິນ, ປະທານາທິບໍດີ ສ.ເກົາຫລີ ປະກາດ ແຜນການ ເພີ່ມບ້ວງເງິນ ໜູນຊ່ວຍ ຮີບດ່ວນຂຶ້ນ ສອງເທົ່າ ເປັນ 80 ຕື້ໂດລາ ສະຫະລັດ ເພື່ອໜູນຊ່ວຍ ບັນດາ ວິສາຫະກິດ ທີ່ຖືກຜົນສະທ້ອນ ຈາກການ ແຜ່ລະບາດ ເຊື້ອພະຍາດ ໂຄວິດ-19.
ໄລ່ຮອດ 8 ໂມງຕອນເຊົ້າວັນທີ 31 ມີນາ(ຕາມເວລາຫວຽດນາມ), ໂລກໄດ້ຢັ້ງຢືນມີຍອດຈຳນວນຜູ້ຕິດເຊື້ອພະຍາດ Covid – 19 ແມ່ນ 784.381 ຄົນ, ໃນນັ້ນມີ ຜູ້ເສຍຊີວິດ 37.780 ຄົນ. ຈຳນວນຜູ້ຕິດເຊື້ອພະຍາດ Covid – 19 ໃນທົ່ວເອີຣົບສືບຕໍ່ເພີ່ມຂຶ້ນດ້ວຍຍອດຈຳນວນຜູ້ຕິດເຊື້ອພະຍາດ Covid – 19 ຢູ່ທະວີບນີ້ເພີ່ມຂຶ້ນເກືອບ 400.000ຄົນ, ໃນນັ້ນອີຕາລີ ຢືນຢູ່ອັນດັບທີ 1 ດ້ວຍຈຳນວນຜູ້ຕິດເຊື້ອພະຍາດ Covid – 19 ລື່ນກາຍຕົວເລກ 100.000 ຄົນ, ຈຳນວນຜູ້ເສຍຊີວິດເພີ່ມຂຶ້ນ 11.591 ຄົນ.
ປັດຈຸບັນ, ແອັດສະປາຍແມ່ນປະເທດໄດ້ຮັບຜົນກະທົບໃຫຍ່ອັນດັບທີ 2 ຂອງໂລກລະບາດ Covid – 19 ຢູ່ເອີລົບດ້ວຍຈຳນວນຜູ້ຕິດເຊື້ອພະຍາດ Covid – 19 ແມ່ນກ່ວາ 85.000 ຄົນ ແລະ ມີຜູ້ເສຍຊີວິດ 812 ຄົນ. ຢູ່ເຢຍລະມັນ ມີຜູ້ຕິດເຊື້ອພະຍາດ Covid – 19 ແມ່ນ 57.298 ຄົນ, ຢູ່ຝລັ່ງ ມີຜູ້ຕິດເຊື້ອພະຍາດ Covid – 19 ແມ່ນ40.174 ຄົນ ແລະ ຢູ່ອັງກິດມີຜູ້ຕິດເຊື້ອພະຍາດ Covid - 19 ແມ່ນ 22.141 ຄົນ. ຢູ່ອາເມລິກາ, ຕາມຕົວເລກຂອງສູນລະບົບວິທະຍາສາດ ແລະ ເຕັກນິກ (CSSE) ອັບເດັດຕອນເວລາ 19 ໂມງ ໃນວັນທີ 30 ມີນາ (ຕາມໂມງ GMT)ວ່າ ມີຜູ້ຕິດເຊື້ອພະຍາດ Covid - 19 ແມ່ນກ່ວາ 150.000 ຄົນ.
 | ໜັງສືພິມເຢຍລະມັນຍ້ອງຍໍຊົມເຊີຍຫວຽດນາມເປັນເຈົ້າການໃນການປ້ອງກັນ, ສະກັດກັ້ນໂລກລະບາດ Covid -19 ຍສໝ - ໜັງສືພິມລາຍວັນ Junge Welt ຂອງເຢຍລະມັນໄດ້ມີບົດຂຽນຍ້ອງຍໍຊົມເຊີຍການກະທຳຢ່າງທັນການແລະຂ້ຽວຂາດຂອງຫວຽດນາມໃນບັ້ນສະກັດກັ້ນໂລກລະບາດ Covid – 19 ທີ່ອັນຕະລາຍນີ້. |
 | ອົງການອະນາໄມໂລກ WHO ປະກາດວ່າ COVID-19 ແມ່ນໂລກລະບາດທົ່ວໂລກ ຍສໝ - WHO ຖື ການແຜ່ລະບາດຂອງ ໂລກພະຍາດອັກເສບປອດ Covid – 19 ທີ່ເກີດຈາກເຊື້ອໄວຣັດ corona ສາຍພັນໃໝ່ (SARS – CoV - 2) ແມ່ນໂລກລະບາດທົ່ວໂລກ. |
 | WHO ຕີລາຄາສູງຄວາມມານະພະຍາຍາມຂອງຫວຽດນາມ ແລະ ອາຊຽນ ໃນການສະກັດກັ້ນໂລກລະບາດ ຍສໝ - ໃນຂອບເຂດການຢ້ຽມຢາມ ແລະ ເຮັດວຽກຢູ່ເຊີແນວປະເທດ, ສະວິດ, ທ່ານ ຟ້າມກວາງຮ້ຽວ - ຜູ້ຊ່ວຍວຽກທ່ານລັດຖະມົນຕີການຕ່າງປະເທດຫວຽດນາມ ໄດ້ມີການພົບປະ ແລະ ເຮັດວຽກກັບທ່ານຜູ້ອຳນວຍການໃຫຍ່ອົງການອະນາໄມໂລກ (WHO) Tedros Adhanom Ghebreyesus ຢູ່ສຳນັກງານ ຂອງ WHO ທີ່ເຊີແນວ ເມື່ອວັນທີ 6 ມີນາ. |
ໄຊພອນ
