ແລກປ່ຽນປະສົບການຮັກສາສັນຕິພາບຂອງສະຫະປະຊາຊາດ ລະຫວ່າງຫວຽດນາມ ແລະ ສະຫະລັດອາເມລິກາ

	ສະຫະລັດອາເມລິກາ ໄດ້ພິຈາລະນາ ຈະນຳເຂົ້າອຸປະກອນການແພດຈາກປະເທດ ຫວຽດນາມ ເພື່ອຕ້ານພະຍາດ Covid-19
	ສະຫະລັດອາເມລິກາ ຊ່ວຍເຫຼືອ ຫວຽດນາມ ຮັບມືກັບການມົນລະພິດດີໂອຊິນ

ໃນຕອນແລງຂອງວັນທີ 1 ກໍລະກົດ, ທີ່ສຳນັກງານໃຫຍ່ຂອງກົມການຕ່າງປະເທດ (ກະຊວງປ້ອງກັນປະເທດ) ໄດ້ຈັດຕັ້ງການໂອ້ລົມສົນທະນາໂທລະສັບລະຫວ່າງ ທ່ານພົນໂທ ຫງວຽນຈີວິ້ງ - ຮອງລັດຖະມົນຕີກະຊວງປ້ອງກັນປະເທດຫວຽດນາມ ແລະ ທ່ານ David F. Helvey - ຜູ້ຊ່ວຍວຽກວິຊາສະເພາະລັດຖະມົນຕີກະຊວງປ້ອງກັນປະເທດ ອາເມລິກາ.

ທ່ານພົນໂທ ຫງວຽນຈີວິ້ງ - ຮອງລັດຖະມົນຕີກະຊວງປ້ອງກັນປະເທດຫວຽດນາມ. (ພາບ: vietnam+)

ທີ່ການໂອ້ລົມສົນທະນາທາງໂທລະສັບ, ສອງຝ່າຍໄດ້ແຈ້ງໃຫ້ກັນໄດ້ຊາບ ກ່ຽວກັບສະພາບການປ້ອງກັນ ແລະ ການຕໍ່ສູ້ຕ້ານກັບພະຍາດ COVID-19 ຂອງແຕ່ລະປະເທດ, ແບ່ງປັນຄວາມຫຍຸ້ງຍາກ ເຊິ່ງສອງປະເທດພວມປະສົບ, ພ້ອມທັງສະແດງຄວາມຂອບໃຈຕໍ່ການສະໜັບສະໜູນ ເຊິ່ງກັນ ແລະ ກັນ ໃນການປ້ອງກັນ ແລະ ສະກັດກັ້ນການລະບາດຂອງພະຍາດ COVID-19; ເຫັນດີສືບຕໍ່ເພີ່ມທະວີການຮ່ວມມື ແລະ ແລກປ່ຽນປະສົບການກ່ຽວກັບບັນຫານີ້.

ຝ່າຍອາເມລິກາໄດ້ຕີລາຄາສູງການປັບປຸງໂຄງການຂອງຫວຽດນາມ ສຳລັບປີປະທານອາຊຽນໃຫ້ເໝາະສົມກັບສະພາບການຕົວຈິງ ແລະ ກ່າວວ່າ ຍາມໃດປະເທດອາເມລິກາ ກໍ່ສະໜັບສະໜູນບັນດາການເຄື່ອນໄຫວຂອງອາຊຽນເວົ້າລວມ, ກໍ່ຄືບັນດາຂໍ້ລິເລີ່ມຂອງຫວຽດນາມເວົ້ົ້າສະເພາະ.

ກ່ຽວກັບການພົວພັນສອງຝ່າຍ, ຫວຽດນາມ ແລະ ສະຫະລັດອາເມລິກາ ໄດ້ທົບທວນຄືນໝາກຜົນແຫ່ງການຮ່ວມມືໃນຊຸມປີມໍ່ໆມານີ້, ໂດຍສະເພາະ ແມ່ນໃນການແກ້ໄຂຜົນຮ້າຍຢ້ອນຫຼັງຈາກສົງຄາມ. ໃນໄລຍະຈະມາເຖິງ, ບົນພື້ນຖານບັນດາເອກະສານ ເຊິ່ງສອງຝ່າຍເປັນເອກະພາບໄດ້ລົງນາມບັນດາຂໍ້ຕົກລົງຂອງການນຳຂັ້ນສູງ, ສອງຝ່າຍຈະຊຸກຍູ້ບັນດາຂົງເຂດການຮ່ວມມືໃຫ້ສອດຄ່ອງກັບການພົວພັນຮ່ວມກັນ.

ທີ່ການໂອ້ລົມສົນທະນາ, ສອງຝ່າຍໄດ້ແລກປ່ຽນກ່ຽວກັບສະພາບການ ໃນພາກພື້ນ ແລະ ທົ່ວໂລກ ເຊິ່ງຕ່າງຝ່າຍຕ່າງມີຄວາມສົນໃຈ ແລະ ສອງຝ່າຍໄດ້ເຫັນດີເປັນເອກະພາບວ່າ ການປະຕິບັດກົດໝາຍສາກົນ ເພື່ອແກ້ໄຂຂໍ້ຂັດແຍ່ງແມ່ນມາດຕະການສຳຄັນ ແລະ ປະກອບສ່ວນສ້າງຄວາມໄວ້ເນື້ອເຊື່ອໃຈ, ກໍ່ຄືປະກອບສ່ວນເຂົ້າໃນຄວາມສັນຕິພາບ, ສະຖຽນລະພາບ ແລະ ການພັດທະນາຮ່ວມກັນຂອງພາກພື້ນ ແລະ ທົ່ວໂລກ.

ປະເທດສະເປນ ໄດ້ຕີລາຄາສູງຫວຽດນາມ ໃນການຄວບຄຸມພະຍາດ COVID-19 ຍສໝ - ໃນການສົນທະນາທາງໂທລະສັບກັບ ທ່ານໂຕແອງຢຸງ - ຮອງລັດຖະມົນຕີກະຊວງການຕ່າງປະເທດຫວຽດນາມ, ທ່ານນາງ Cristina Gallach Figueras - ລັດຖະມົນຕີກະຊວງການຕ່າງປະເທດສະເປນ ໄດ້ຕີລາຄາສູງຕໍ່ບັນດາມາດຕະການ, ຄວາມມານະພະຍາຍາມ ແລະ ຄວາມຕັດສິນໃຈຂອງລັດຖະບານຫວຽດນາມ ໃນການຄວບຄຸມສະພາບການ ແລະ ປ້ອງກັນການລະບາດຂອງພະຍາດ COVID-19.

ຫວຽດນາມ ໄດ້ຈັດຂື້ນກອງປະຊຸມ AIPACODD ຄັ້ງທີ 3 ຍສໝ - ເປັນສ່ວນໜຶ່ງຂອງການເຄື່ອນໄຫວ ໃນປີປະທານລັດຖະສະພາລະຫວ່າງຊາດອາຊຽນ (AIPA), ສະພາແຫ່ງຊາດຫວຽດນາມ ໄດ້ຈັດຕັ້ງກອງປະຊຸມທີ່ປຶກສາອອນລາຍ ຄັ້ງທີ 3 ກ່ຽວກັບຢາເສບຕິດທີ່ເປັນອັນຕະລາຍ (AIPACODD) ໃນຫວ່າງແລ້ວນີ້.

ຫວຽດນາມ ປະກອບສ່ວນຢ່າງຕັ້ງໜ້າ ສຳຫຼັບການພັດທະນາສັນຕິພາບຂອງພາກພື້ນອາຊີ - ປາຊີຟິກ ຍສໝ - ຕາມທ່ານ Igor Olegovich Mishin ແລ້ວ, ວິທີສຳຜັດຂອງຫວຽດນາມ ສໍາລັບບັນດາບັນຫາຢູ່ພາກພື້ນອາຊີ-ປາຊີຟິກ ແລະທະເລຕາເວັນອອກອີງໃສ່ບັນດາຫຼັກການຮັກສາສັນຕິພາບ ແລະບ້ານໃກ້ເຮືອນຄຽງມິດຕະພາບ.