| ເປີດທາງແຫຼ່ງກຳລັງຂອງຊາວຫວຽດນາມຢູ່ຕ່າງປະເທດໃນຍຸກໃໝ່ ຊຸກຍູ້ການຮ່ວມມືລັດຖະສະພາ ຫວຽດນາມ - ສິງກະໂປ ໃຫ້ນັບມື້ນັບເລິກເຊິ່ງ |
ທີ່ການຕ້ອນຮັບ, ທ່ານນາງ ຟ້າມທິແທັງຈ່າ, ຮອງນາຍົກລັດຖະມົນຕີ ຢືນຢັນວ່າ ໃນໄລຍະ 50 ປີຜ່ານມາ, UNICEF ຍາມໃດກໍ່ຮ່ວມເດີນທາງ ແລະ ໃຫ້ການສະໜັບສະໜູນຫວຽດນາມຢ່າງຕັ້ງໜ້າ ໃນວຽກງານປົກປ້ອງ, ເບິ່ງແຍງ, ສຶກສາ ແລະ ພັດທະນາເດັກນ້ອຍ.
ຕາມທ່ານນາງ ຟ້າມທິແທັງຈ່າ, ຫວຽດນາມກຳນົດວ່າ ການປົກປ້ອງ, ເບິ່ງແຍງ ແລະ ສຶກສາເດັກນ້ອຍ ແມ່ນຍຸດທະສາດສຳຄັນ, ຕິດພັນກັບອະນາຄົດຂອງຊາດ ແລະ ປະເທດ. ຫວຽດນາມພວມສືບຕໍ່ປັບປຸງນະໂຍບາຍ ແລະ ກົດໝາຍກ່ຽວກັບເດັກນ້ອຍໃຫ້ສົມບູນ; ຊຸກຍູ້ການເບິ່ງແຍງເດັກນ້ອຍໂດຍອີງໃສ່ຊຸມຊົນ; ຜັນຂະຫຍາຍໂຄງການແຫ່ງຊາດກ່ຽວກັບການປົກປ້ອງເດັກນ້ອຍ ແລະ ການປ້ອງກັນ, ຫຼຸດຜ່ອນແຮງງານເດັກທີ່ບໍ່ຖືກຕາມຂໍ້ກຳນົດຂອງກົດໝາຍ ໄລຍະ 2026-2030.
ປັດຈຸບັນ, ຫວຽດນາມມີເດັກນ້ອຍ 24,95 ລ້ານຄົນ, ໃນນັ້ນ ເດັກນ້ອຍຊົນເຜົ່າກວມເອົາ 18,3%, ເດັກນ້ອຍທີ່ທຸກຍາກຫຼາຍມິຕິກວມເອົາ 8,4% ແລະ ເດັກນ້ອຍທີ່ມີສະພາບການພິເສດກວມເອົາ 3,2%. ປະມານ 80% ຂອງເດັກນ້ອຍທີ່ມີສະພາບການພິເສດໄດ້ຮັບການຊ່ວຍເຫຼືອ.
 |
| ທ່ານນາງ ຟ້າມທິແທັງຈ່າ, ຮອງນາຍົກລັດຖະມົນຕີ ຕ້ອນຮັບ ທ່ານ Sanjay Wijesekera, ຜູ້ອຳນວຍການ UNICEF ປະຈຳພາກພື້ນອາຊີ - ປາຊີຟິກ. |
ຫວຽດນາມໃຫ້ບູລິມະສິດແກ່ການຮັບປະກັນໃຫ້ເດັກນ້ອຍໄດ້ເຂົ້າເຖິງບັນດາການບໍລິການທີ່ຈຳເປັນຢ່າງສະເໝີພາບ ກ່ຽວກັບການສຶກສາ, ສາທາລະນະສຸກ, ໂພຊະນາການ, ນ້ຳສະອາດ, ສຸຂະອະນາໄມ ແລະ ສະຫວັດດີການສັງຄົມ; ເອົາໃຈໃສ່ເດັກນ້ອຍທີ່ມີສະພາບການພິເສດ, ເດັກນ້ອຍຢູ່ເຂດເລິກ, ເຂດຫ່າງໄກ, ເຂດຊົນເຜົ່າ, ເດັກນ້ອຍພິການ, ສຸຂະພາບຈິດຂອງເດັກນ້ອຍ ແລະ ບັນດາກຸ່ມທີ່ມີຄວາມສ່ຽງ.
ໃນສະພາບການຫັນເປັນດິຈິຕອນ, ຫວຽດນາມກຳນົດວ່າ ການປົກປ້ອງເດັກນ້ອຍໃນສະພາບແວດລ້ອມອອນລາຍແມ່ນໜ້າທີ່ສຳຄັນ. ທ່ານນາຍົກລັດຖະມົນຕີໄດ້ອະນຸມັດໂຄງການ “ປົກປ້ອງ ແລະ ຊ່ວຍເຫຼືອເດັກນ້ອຍພັດທະນາໃນສະພາບແວດລ້ອມອອນລາຍ ໄລຍະ 2026-2030”.
ທ່ານ Sanjay Wijesekera ຕີລາຄາວ່າ ຫວຽດນາມແມ່ນໜຶ່ງໃນບັນດາປະເທດທຳອິດທີ່ລົງນາມໃນສົນທິສັນຍາຂອງສະຫະປະຊາຊາດວ່າດ້ວຍສິດທິເດັກ, ສະແດງເຖິງຄຳໝັ້ນສັນຍາອັນແຮງກ້າໃນຂົງເຂດນີ້. ຕາມທ່ານ, ບັນດາຜົນສຳເລັດທີ່ຫວຽດນາມບັນລຸໄດ້ຈາກບັນດາຍຸດທະສາດແບບຍືນຍົງ ແມ່ນບົດຮຽນປະສົບການໃຫ້ຫຼາຍປະເທດສາມາດສຶກສາອ້າງອີງ.
ທ່ານ Sanjay Wijesekera, ຜູ້ອຳນວຍການ UNICEF ປະຈຳພາກພື້ນອາຊີ - ປາຊີຟິກ ສະເໜີໃຫ້ເພີ່ມທະວີການຮ່ວມມືກ່ຽວກັບຊາວໜຸ່ມ, ການສຶກສາ, ການປ່ຽນແປງດິນຟ້າອາກາດ, ການລົງທຶນເພື່ອເດັກນ້ອຍ; ພ້ອມທັງຊຸກຍູ້ການປະສານສົມທົບກ່ຽວກັບ AI ແລະ ການຫັນເປັນດິຈິຕອນ ເພື່ອນຳໃຊ້ເຕັກໂນໂລຊີຊ່ວຍເຫຼືອເດັກນ້ອຍ ແລະ ປ້ອງກັນບັນດາຄວາມສ່ຽງໃນພື້ນທີ່ອອນລາຍ.
ທ່ານນາງ ຟ້າມທິແທັງຈ່າ, ຮອງນາຍົກລັດຖະມົນຕີ ໄດ້ສະແດງຄວາມຍິນດີຕໍ່ຂໍ້ສະເໜີດັ່ງກ່າວ ແລະ ເຫັນວ່າ AI ແລະ ເຕັກໂນໂລຊີດິຈິຕອນ ທັງເປີດກວ້າງໂອກາດອັນໃຫຍ່ຫຼວງ, ທັງວາງອອກບັນດາສິ່ງທ້າທາຍໃໝ່ຕໍ່ວຽກງານປົກປ້ອງ, ເບິ່ງແຍງ ແລະ ສຶກສາເດັກນ້ອຍ, ໂດຍສະເພາະໃນສະພາບແວດລ້ອມອອນລາຍ.
 |
| ທ່ານນາງ ຟ້າມທິແທັງຈ່າ, ຮອງນາຍົກລັດຖະມົນຕີ ແລະ ທ່ານ Sanjay Wijesekera, ຜູ້ອຳນວຍການ UNICEF ປະຈຳພາກພື້ນອາຊີ - ປາຊີຟິກ ທີ່ການຕ້ອນຮັບ. |
ທ່ານນາງ ຟ້າມທິແທັງຈ່າ, ຮອງນາຍົກລັດຖະມົນຕີ ສະເໜີໃຫ້ UNICEF ຄົ້ນຄວ້າຢ່າງເລິກເຊິ່ງ ແລະ ມີລັກສະນະຍຸດທະສາດ ກ່ຽວກັບການປົກປ້ອງເດັກນ້ອຍໃນສະພາບແວດລ້ອມດິຈິຕອນ ແລະ ໃນຍຸກປັນຍາປະດິດ (AI); ສ້າງບັນດາວິທີແກ້ໄຂເພື່ອນຳໃຊ້ໂອກາດຈາກເຕັກໂນໂລຊີໃຫ້ເກີດປະໂຫຍດ, ພ້ອມກັນນັ້ນ ປ້ອງກັນບັນດາຜົນກະທົບຕໍ່ສຸຂະພາບຈິດ, ໂພຊະນາການ, ສະຕິປັນຍາ ແລະ ການພັດທະນາຮອບດ້ານຂອງເດັກນ້ອຍ.
ອີກໜຶ່ງຈຸດສຸມທີ່ທ່ານນາງ ຟ້າມທິແທັງຈ່າ ກ່າວເຖິງ ແມ່ນການຍົກສູງຄວາມສາມາດໃນການຄຸ້ມຄອງວຽກງານເດັກນ້ອຍ. ໃນສະພາບທີ່ຫວຽດນາມພວມຍົກສູງຄວາມສາມາດບໍລິຫານຄຸ້ມຄອງລະດັບຊາດ ແລະ ທ້ອງຖິ່ນ, ການສ້າງລະບົບຄຸ້ມຄອງຂໍ້ມູນໃຫ້ເປັນເອກະພາບ, ຍົກສູງທັກສະໃຫ້ແກ່ຖັນແຖວພະນັກງານ, ລັດຖະກອນທີ່ເຮັດວຽກງານເດັກນ້ອຍ ແມ່ນຄວາມຮຽກຮ້ອງອັນຮີບດ່ວນ.
ທ່ານນາງ ຟ້າມທິແທັງຈ່າ ປາດຖະໜາໃຫ້ UNICEF ແບ່ງປັນບົດຮຽນປະສົບການ, ເຕັກນິກ ແລະ ແຫຼ່ງກຳລັງ, ສະໜັບສະໜູນຫວຽດນາມໃນການຍົກສູງຄວາມສາມາດບໍລິຫານຄຸ້ມຄອງ, ນຳຄວາມຮູ້ ແລະ ບົດຮຽນປະສົບການສາກົນມານຳໃຊ້ໃນຕົວຈິງ, ຜ່ານນັ້ນ ຍົກສູງຄຸນນະພາບ ແລະ ປະສິດທິຜົນຂອງວຽກງານປົກປ້ອງ, ເບິ່ງແຍງ ແລະ ສຶກສາເດັກນ້ອຍ.
ກ່ຽວກັບການຮ່ວມມືສາກົນ, ຫວຽດນາມປາດຖະໜາສືບຕໍ່ເຂົ້າຮ່ວມຢ່າງຕັ້ງໜ້າໃນບັນດາຂໍ້ລິເລີ່ມລະດັບໂລກກ່ຽວກັບເດັກນ້ອຍ ແລະ ແບ່ງປັນບົດຮຽນປະສົບການໃນການປົກປ້ອງ, ເບິ່ງແຍງເດັກນ້ອຍ.
ທ່ານນາງ ຟ້າມທິແທັງຈ່າ ໄດ້ສະແດງຄວາມເຊື່ອໝັ້ນວ່າ ສາຍພົວພັນຮ່ວມມື ຫວຽດນາມ - UNICEF ຈະສືບຕໍ່ໄດ້ຮັບການເສີມສ້າງໃນທິດທາງທີ່ແທ້ຈິງ, ມີປະສິດທິຜົນ, ປະກອບສ່ວນສ້າງອະນາຄົດທີ່ດີງາມກວ່າໃຫ້ແກ່ເດັກນ້ອຍທຸກຄົນ.
 ຊາວໜຸ່ມຫວຽດນາມ - ລາວ ຮ່ວມກັນສ້າງອາຊີບ, ຮັກສາຄວາມສະຫງົບ ຍສໝ - ໃນຂອບເຂດການເດີນທາງ “ຂ້ອຍຮັກປະເທດຊາດຂອງຂ້ອຍ” ຢູ່ຫຼວງພະບາງ (ລາວ), ຊາວໜຸ່ມຫວຽດນາມ ແລະ ລາວ ໄດ້ຮ່ວມກັນແລກປ່ຽນບົດຮຽນໃນການຊ່ວຍເຫຼືອຊາວໜຸ່ມສ້າງຕົນ, ສ້າງອາຊີບ, ນຳໃຊ້ເຕັກໂນໂລຊີ, ພ້ອມທັງແບ່ງປັນບັນດາວິທີການໃນການຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ. ຜ່ານນັ້ນ, ຄົນຮຸ່ນໜຸ່ມຂອງສອງປະເທດປະກອບສ່ວນທະນຸຖະໜອມການພົວພັນຫວຽດນາມ - ລາວ ດ້ວຍບັນດາກິດຈະກຳຮ່ວມມືທີ່ແທດຈິງ. |
 ຫວຽດນາມ - ຈີເລ ເປີດກວ້າງການຮ່ວມມືໃນບັນດາຂົງເຂດໃໝ່ ຍສໝ - ວັນທີ 23/8, ທີ່ຮ່າໂນ້ຍ, ລັດຖະມົນຕີກະຊວງການຕ່າງປະເທດ ເລຮວ່າຍຈຸງ ໄດ້ເຈລະຈາກັບລັດຖະມົນຕີກະຊວງການຕ່າງປະເທດຈີເລ Francisco Pérez Mackenna, ໂດຍເຫັນດີສືບຕໍ່ເຮັດໃຫ້ການພົວພັນຄູ່ຮ່ວມມືຮອບດ້ານຫວຽດນາມ - ຈີເລ ເລິກເຊິ່ງຍິ່ງຂຶ້ນ, ເປີດກວ້າງການຮ່ວມມືໃນບັນດາຂົງເຂດທີ່ຍັງມີທ່າແຮງຫຼາຍ ເຊັ່ນ: ການຫັນປ່ຽນສີຂຽວ, ເສດຖະກິດດິຈິຕອນ, ວິທະຍາສາດ - ເຕັກໂນໂລຊີ, ພະລັງງານທົດແທນ ແລະ ແຮ່ທາດຍຸດທະສາດ. |
ມິງດຶກ
