 | ປະກອບຄວາມສາມາດຊ່ວຍໃຫ້ຄົນລຸ້ນໜຸ່ມມີຄວາມໝັ້ນໃຈປັບຕົວເຂົ້າກັບຄວາມຜັນແປຂອງຍຸກສະໄໝ |
| ເກິ່ນເທີ ແລະ ອິນເດຍ ຊຸກຍູ້ການຮ່ວມມືຢ່າງແທ້ຈິງ ພາຍໃດບັນດາຂົງເຂດທີ່ມີທ່າແຮງ |
ວັນທີ 24 ມິຖຸນາ, ທ່ານ ເຈິ່ນຈີ໋ກວາງ, ຮອງເລຂາຄະນະພັກແຂວງ, ປະທານຄະນະກຳມະການປະຊາຊົນແຂວງວິງລອງ ພ້ອມຄະນະປະຕິບັດງານ ໄດ້ເຂົ້າຢ້ຽມຄຳນັບອຳນາດການປົກຄອງແຂວງ Niigata ໃນລະຫວ່າງການເດີນທາງໄປຍີ່ປຸ່ນເພື່ອສົ່ງເສີມການລົງທຶນ.
ທ່ານ Hanazumi Hideyo, ເຈົ້າແຂວງ Niigata ໄດ້ໃຫ້ການຕ້ອນຮັບຄະນະ, ໂດຍມີຜູ້ຕາງໜ້າສະພາແຂວງ ແລະ ບັນດາອົງການວິຊາສະເພາະຂອງທ້ອງຖິ່ນເຂົ້າຮ່ວມ.
 |
| ທ່ານປະທານຄະນະກຳມະການປະຊາຊົນຈັງຫວັດ ວິງລອງ ເຈີນຈີກວາງ ແລະ ທ່ານເຈົ້າແຂວງຈັງຫວັດ Niigata Hanazumi Hideyo ຢັ້ງຢືນຄວາມຕັດສິນໃຈນຳເອົາສາຍພົວພັນການຮ່ວມມືລະຫວ່າງສອງທ້ອງຖິ່ນກ້າວເຂົ້າສູ່ລວງເລິກ, ຂະຫຍາຍໄປສູ່ເສດຖະກິດຂຽວ, logistics ແລະ ການພັດທະນາແຫຼ່ງຊັບພະຍາກອນມະນຸດທີ່ມີຄຸນນະພາບສູງ. |
ສາຍພົວພັນສອງທ້ອງຖິ່ນນັບມື້ນັບແໜ້ນແຟ້ນ
ກ່າວຕ້ອນຮັບຄະນະຜູ້ແທນ, ທ່ານ Hanazumi Hideyo ໄດ້ສະແດງຄວາມຍິນດີຕໍ່ແຂວງວິງລອງທີ່ຫາກໍໄດ້ຈັດຕັ້ງຂຶ້ນໃໝ່ ບົນພື້ນຖານການລວມສາມແຂວງເດີມເຂົ້າກັນ. ທ່ານຍັງໄດ້ຫວນຄືນຄວາມປະທັບໃຈ ແລະ ຄວາມຊົງຈຳອັນດີງາມຈາກການເດີນທາງໄປຢ້ຽມຢາມວິງລອງໃນປີ 2024.
ຕາມທ່ານເຈົ້າແຂວງ Niigata ແລ້ວ, ນັບແຕ່ສອງທ້ອງຖິ່ນໄດ້ລົງນາມໃນບົດບັນທຶກຄວາມເຂົ້າໃຈກ່ຽວກັບການຮ່ວມມື (MOU) ເມື່ອເດືອນຕຸລາ 2023, ສາຍພົວພັນລະຫວ່າງສອງຝ່າຍໄດ້ຮັບການຮັກສາຢ່າງໝັ້ນຄົງ, ມີຜົນສຳເລັດທີ່ດີຫຼາຍດ້ານ ແລະ ຄ່ອຍໆພັດທະນາໄປສູ່ການຮ່ວມມືທີ່ເລິກເຊິ່ງຍິ່ງຂຶ້ນ.
ທ່ານ ເຈິ່ນຈີ໋ກວາງ ສະແດງຄວາມຍິນດີທີ່ໄດ້ມາຢ້ຽມຢາມ Niigata ພ້ອມທັງຂອບໃຈອຳນາດການປົກຄອງແຂວງທີ່ໃຫ້ການຕ້ອນຮັບຄະນະຢ່າງອົບອຸ່ນ ແລະ ສົມກຽດ.
ທ່ານໃຫ້ຮູ້ວ່າ ການເດີນທາງຄັ້ງນີ້ແມ່ນການສືບຕໍ່ຜັນຂະຫຍາຍບັນດາເນື້ອໃນທີ່ສອງຝ່າຍໄດ້ຕົກລົງກັນໃນບົດບັນທຶກຄວາມເຂົ້າໃຈກ່ອນໜ້ານີ້, ຂະນະດຽວກັນກໍເປັນໂອກາດໃນການຊອກຫາທິດທາງຮ່ວມມືໃໝ່ ເພື່ອຮອງຮັບຄວາມຕ້ອງການພັດທະນາຂອງແຕ່ລະທ້ອງຖິ່ນໃນໄລຍະຕໍ່ໄປ.
 |
| ຄະນະປະຕິບັດງານຈັງຫວັດ ວິງລອງ ແລະ ການນຳຈັງຫວັດ Niigata ຖ່າຍຮູບຮ່ວມກັນເປັນທີ່ລະນຶກ ພາຍຫຼັງການຮ່ວມເຮັດວຽກ, ຢັ້ງຢືນຄຳໝັ້ນສັນຍາເພີ່ມທະວີການຮ່ວມມືພາຍໃນຫຼາຍຂົງເຂດທີ່ມີຄວາມສົນໃຈຮ່ວມກັນ.ປະທານຄະນະກຳມະການປະຊາຊົນແຂວງວິງລອງ ສະແດງຄວາມເຊື່ອໝັ້ນວ່າ ສາຍພົວພັນມິດຕະພາບ ແລະ ການຮ່ວມມືລະຫວ່າງວິງລອງ ແລະ Niigata ຈະສືບຕໍ່ພັດທະນາຢ່າງແຂງແຮງ, ປະກອບສ່ວນເຮັດໃຫ້ສາຍພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ - ຍີ່ປຸ່ນ ນັບມື້ນັບເລິກເຊິ່ງຂຶ້ນ. |
ເພີ່ມທະວີການຮ່ວມມືໃນຂົງເຂດໃໝ່
ການນຳສອງທ້ອງຖິ່ນໄດ້ຕີລາຄາສູງຜົນການຮ່ວມມືທີ່ບັນລຸໄດ້ໃນໄລຍະຜ່ານມາ, ໂດຍສະເພາະຂົງເຂດກະສິກຳເຕັກໂນໂລຊີສູງ, ການຄົ້ນຄວ້າ ແລະ ພັດທະນາແນວພັນເຂົ້າທີ່ທົນຕໍ່ໄພແຫ້ງແລ້ງ ແລະ ຄວາມເຄັມ, ຊ່ວຍຫຼຸດຜ່ອນການປ່ອຍອາຍພິດ ແລະ ປັບຕົວກັບການປ່ຽນແປງສະພາບພູມອາກາດ.
ນອກຈາກນັ້ນ, ບັນດາໂຄງການສົ່ງເສີມການລົງທຶນ, ການເຊື່ອມໂຍງວິສາຫະກິດ ແລະ ການຮ່ວມມືພັດທະນາບຸກຄະລາກອນຄຸນນະພາບສູງ ກໍໄດ້ຮັບການດຳເນີນຢ່າງມີປະສິດທິຜົນ.
ໃນຂົງເຂດການສຶກສາ, ການຮ່ວມມືລະຫວ່າງມະຫາວິທະຍາໄລ Niigata ແລະ ມະຫາວິທະຍາໄລ ຈ່າວິງ ໄດ້ຮັບການສືບຕໍ່ຊຸກຍູ້, ຜ່ານການແລກປ່ຽນທາງວິຊາການ, ການຄົ້ນຄວ້າວິທະຍາສາດ ແລະ ການຝຶກອົບຮົມບຸກຄະລາກອນ.
ປັດຈຸບັນ, ຊຸມຊົນຊາວຫວຽດນາມຢູ່ແຂວງ Niigata, ໃນນັ້ນມີແຮງງານຈຳນວນຫຼາຍທີ່ມາຈາກວິງລອງ, ກຳລັງດຳລົງຊີວິດ ແລະ ເຮັດວຽກຢ່າງໝັ້ນຄົງ. ຊຸມຊົນນີ້ໄດ້ກາຍເປັນຂົວເຊື່ອມອັນສຳຄັນຂອງການຮ່ວມມືລະຫວ່າງສອງທ້ອງຖິ່ນ.
ໃນການພົບປະ, ການນຳສອງຝ່າຍໄດ້ເຫັນພ້ອມກັນສືບຕໍ່ຍົກສູງການຮ່ວມມືໃນບັນດາຂົງເຂດທີ່ມີຢູ່, ພ້ອມທັງເປີດກວ້າງໄປສູ່ເສດຖະກິດສີຂຽວ, ໂລຈິສຕິກ, ອຸດສາຫະກຳປຸງແຕ່ງ, ການແລກປ່ຽນປະສົບການຄຸ້ມຄອງຕົວເມືອງ ແລະ ການພັດທະນາຢ່າງຍືນຍົງ.
 | ຫວຽດນາມ ປະກອບສ່ວນເຂົ້າພາຍໃດວິວັດທະນາການກຳນົດທິດທາງຍຸດທະສາດການຮ່ວມມືຮັກສາສັນຕິພາບ ຍສໝ - ໃນວັນທີ 24 ມິຖຸນາ, ກອງປະຊຸມສໍາມະນາວິທະຍາສາດສາກົນ “ຄູ່ຮ່ວມມືພາຍໃດລາຍການຮ່ວມມືສາມຝ່າຍ” ໂດຍຫວຽດນາມ ເປັນເຈົ້າພາບຈັດຕັ້ງ, ທັງເປັນປະທານຮ່ວມກັບ UN, ລັດຖະບານ ອົດສະຕຣາລີ (Australia) ແລະ ລັດຖະບານ ຍີ່ປຸ່ນ (Japan) ໄດ້ໄຂຂຶ້ນຢ່າງເປັນທາງການຢູ່ທີ່ຮ່າໂນ້ຍ. |
 | ຮີບຮ້ອນຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ແນວໂຮມປະເທດຊາດຫວຽດນາມ ຍສໝ - ໃນວັນທີ 24 ມິຖຸນາ, ຄະນະປະຈຳຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ຈັດກອງປະຊຸມຄົ້ນຄວ້າ, ຮ່ຳຮຽນ, ກໍາແໜ້ນ ແລະ ຜັນຂະຫຍາຍຈັດຕັ້ງປະຕິບັດ ມະຕິກອງປະຊຸມໃຫຍ່ຜູ້ແທນທົ່ວປະເທດ ແນວໂຮມປະເທດຊາດຫວຽດນາມ ຄັ້ງທີ XI. |
ມີງດຶກ
