ຢ້ຽມຢາມຖາມຂ່າວ ແລະມອບຂອງຂວັນໃຫ້ແກ່ປະຊາຊົນບັນດາຕາແສງເລ່ຍ, ເມືອງເຮືອງຮວາ, ແຂວງກວາງຈິ ສສ.ຫວຽດນາມ ແລະປະຊາຊົນ, ກໍາລັງປ້ອງກັນຊາຍແດນ ສປປ.ລາວ

	ເອກອັກຄະລັດຖະທູດ ແຫ່ງ ສສ ຫວຽດນາມ ປະຈໍາລາວ ອວຍພອນວັນຊາດ ແຫ່ງ ສປປ ລາວ ຄົບຮອບ 45 ປີ
	ຫວຽດນາມ ມອບເຄື່ອງຊ່ວຍຫຼືອໃຫ້ແກ່ກໍາລັງປະກອບອາວຸດ ແລະປະຊາຊົນ ລາວ ແກ້ໄຂຜົນຮ້າຍຢ້ອນຫຼັງຈາກພາຍຸນໍ້າຖ້ວມ

ມອບຂອງຂວັນໃຫ້ແກ່ປະຊາຊົນບັນດາຕາແສງເລ່ຍ, ເມືອງເຮືອງຮວາ, ແຂວງກວາງຈິ ສສ.ຫວຽດນາມ ແລະປະຊາຊົນ, ກໍາລັງປ້ອງກັນຊາຍແດນ ສປປ.ລາວ. ພາບ: ຈຸກຮ່າ.

ເມື່ອບໍ່ດົນມານີ້, ຄະນະກຸສົນຂອງສູນກາງສະມາຄົມພຸດທະສາສະໜາຫວຽດນາມ ແລະສະມາຄົມກຸສົນ “ແບ່ງປັນ-Sharing” ໄດ້ສົມທົບກັບກອງບັນຊາການທະຫານຊາຍແດນແຂວງກວາງຈິ ຈັດຕັ້ງການ ຢ້ຽມຢາມຖາມຂ່າວ ແລະມອບຂອງຂວັນໃຫ້ແກ່ປະຊາຊົນບັນດາຕາແສງເລ່ຍ, ເມືອງເຮືອງຮວາ, ແຂວງກວ໋າງຈິ ສສ.ຫວຽດນາມ ແລະປະຊາຊົນ, ກໍາລັງປ້ອງກັນຊາຍແດນ ສປປ.ລາວ.

ຄະນະກຸສົນຂອງສູນກາງສະມາຄົມພຸດທະສາສະໜາຫວຽດນາມ ແລະສະມາຄົມກຸສົນ “ແບ່ງປັນ-Sharing” ໄດ້ມອບຂອງຂວັນ 2.000 ພູດໃຫ້ແກ່ເດັກນ້ອຍທີ່ຮຽນຢູ່ໂຮງຮຽນອະນຸບານ; ມອບຂອງຂວັນຈຳນວນ 4.000 ພູດ ໃຫ້ແກ່ຄອບຄົວທຸກຍາກ ແລະໃກ້ຈະທຸກຍາກໃນ 7 ຕາແສງຢູ່ເຂດເລ່ຍ, ແຂວງກວາງຈິ ແລະປະຊາຊົນ 10 ບ້ານຢູ່ລຽບຕາມຊາຍແດນຂອງເມືອງສະໝ້ວຍ, ແຂວງສາລະວັນ ແລະເມືອງນອງ, ແຂວງສະຫວັນນະເຂດ ສປປ.ລາວ. ນອກຈາກນັ້ນ, ຄະນະກຸສົນຂອງສູນກາງສະມາຄົມພຸດທະສາສະໜາຫວຽດນາມ ແລະສະມາຄົມກຸສົນ “ແບ່ງປັນ-Sharing” ກໍ່ໄດ້ໜູນຊ່ວຍ 50 ຄອບຄົວທີ່ປະສົບກັບຄວາມຫຍຸ້ງຍາກຍ້ອນໄດ້ຮັບຜົນສະທ້ອນຈາກພະຍາດໂຄວິດ-19, ນໍ້າຖ້ວມ ແລະຕິດໜີ້ຄ່າຊື້ສະບຽງອາຫານດ້ວຍຍອດມູນຄ່າເກືອບ 300 ລ້ານດົ່ງ.

ມອບເຄື່ອງຊ່ວຍເຫຼືອໃຫ້ແກ່ປະຊາຊົນ, ກົມກອງທະຫານ, ປ້ອງກັນຄວາມສະຫງົບລາວ ແກ້ໄຂຜົນຮ້າຍຢ້ອນຫຼັງຈາກພາຍຸນໍ້າຖ້ວມ.ພາບ: ມິງແຄງ.

ໃນວັນທີ 23 ພະຈິກ, ເມືອງອາເລືອຍ, ແຂວງເທື່ອທຽນເຫວ້ ສສ.ຫວຽດນາມ ໄດ້ສົມທົບກັບກອງບັນຊາການທະຫານ ແລະກອງບັນຊາການທະຫານຊາຍແດນແຂວງເທື່ອທຽນເຫວ້ ຈັດຕັ້ງພິທີມອບເຄື່ອງຊ່ວຍຫຼືອໃຫ້ແກ່ກໍາລັງປະກອບອາວຸດ ແລະປະຊາຊົນຢູ່ບັນດາບ້ານຕິດກັບຊາຍແດນຂອງແຂວງສາລະວັນ ແລະເຊກອງ. ທີ່ດ່ານຊາຍແດນອາເດີດ-ຕາວ່າງ ແລະຮົ່ງເວິນ-ໂກຕ່າຍ, ຄະນະປະຕິບັດງານ ໄດ້ມອບເຂົ້າສານ 9 ໂຕນ ແລະເຄື່ອງຂອງທີ່ຈໍາເປັນອື່ນອີກ ຄື: ໝີ່ສໍາເລັດຮູບ, ເກືອ, ນໍ້າມັນພືດ, ນໍ້າປາ ແລະວັດຖຸອຸປະກອນການແພດຈໍານວນໜຶ່ງໃຫ້ແກ່ກອງຮ້ອຍທະຫານຊາຍແດນ 511, 531, ຄ້າຍຕໍາຫຼວດຕາວ່າງ, ໂກຕ່າຍ ແລະປະຊາຊົນຢູ່ບ້ານກາໂລ, ເຊຊາບ, ໂກຕ່າຍ ຂອງແຂວງສາລະວັນ ແລະເຊກອງ.

ກ່ອນໜ້ານັ້ນ, ກອງບັນຊາການທະຫານຊາຍແດນແຂວງກວາງຈີສສ.ຫວຽດນາມ ໄດ້ມອບເຄື່ອງຊ່ວຍເຫຼືອໃຫ້ແກ່ປະຊາຊົນ, ກອງບັນຊາການທະຫານ, ກອງບັນຊາການ ປກສ ແຂວງສາລະວັນ ແລະກອງບັນຊາການທະຫານ, ກອງບັນຊາການ ປກສ ແຂວງສະຫວັນນະເຂດ ສປປ.ລາວ ເພື່ອແກ້ໄຂຜົນຮ້າຍຢ້ອນຫຼັງຈາກພາຍຸນໍ້າຖ້ວມ. ທີ່ພິທີ, ທ່ານພັນເອກພິເສດ ເລວັນເຟືອງ ຫົວໜ້າການທະຫານກອງບັນຊາການທະຫານຊາຍແດນແຂວງກວາງຈີ ໃຫ້ຮູ້ວ່າ: ໂດຍໄດ້ຮັບຂ່າວວ່າບັນດາທ້ອງຖິ່ນຂອງແຂວງສະຫວັນນະເຂດ ແລະສາລະວັນ ຖືກເສຍຫາຍຢ່າງໜັກໜ່ວງຍ້ອນຝົນຕົກນໍ້າຖ້ວມໃນໄລຍະຜ່ານມາ, ບົນຈິດໃຈ “ປັນເຂົ້າແບ່ງເສື້ອ”, ກອງບັນຊາການທະຫານຊາຍແດນແຂວງກວາງຈີ ໄດ້ຕົກລົງມອບເຂົ້າສານຈໍານວນ 12 ໂຕນ ເພື່ອຊ່ວຍເຫຼືອປະຊາຊົນ ແລະບັນດາກໍາລັງປ້ອງກັນຊາຍແດນແຂວງສາລະວັນ ແລະສະຫວັນນະເຂດ ໃຫ້ຜ່ານຜ່າໄລຍະຫຍຸ້ງຍາກນີ້.

ບັນດານັກລົງທຶນ ສສ ຫວຽດນາມມີ 414 ໂຄງການດ້ວຍຍອດ ຈຳນວນເງິນລົງທຶນ 4,2 ຕື້ ໂດລາສະຫະລັດ ໄດ້ຮັບໃບຢັ້ງຢືນການລົງທຶນຢູ່ ສປປ ລາວ ມາຮອດປະຈຸບັນ, ບັນດານັກລົງທຶນ ສສ ຫວຽດນາມມີ 414 ໂຄງການດ້ວຍຍອດ ຈຳນວນເງິນລົງທຶນ 4,2 ຕື້ ໂດລາສະຫະລັດ ໄດ້ຮັບໃບຢັ້ງຢືນການລົງທຶນຢູ່ ສປປ ລາວ, ຕົກອັນດັບທີ 3 ໃນບັນດານັກລົງທຶນຢູ່ລາວ. ພິເສດ, ຢູ່ 10 ແຂວງຊາຍແດນຂອງ ສປປ ລາວ, ໄດ້ມີ 110 ໂຄງການລົງທຶນໂດຍກົງຂອງບັນດານັກລົງທຶນຫວຽດນາມ ...

ກົມພົວພັນຕ່າງປະເທດ ສປປ.ລາວ ອວຍພອນ ທີ່ປຶກສາທູດຝ່າຍປ້ອງກັນຊາດ ສສ.ຫວຽດນາມ ໃນຕອນເຊົ້າຂອງວັນທີ 30 ສິງຫາ 2020 ນີ້, ກົມພົວພັນຕ່າງປະເທດ ສປປ.ລາວ ນຳໂດຍສະຫາຍ ພັນເອກ ທອງວັນ ແສງວົງຈິດ - ຮອງຫົວໜ້າກົມພົວພັນຕ່າງປະເທດ ພ້ອມດ້ວຍຄະນະ ໄດ້ນຳເອົາກະຕ່າດອກໄມ້ເຂົ້າອວຍພອນ ສະຫາຍພັນເອກ ຕາວວັນຖາຍ - ທີ່ປຶກສາທູດຝ່າຍປ້ອງກັນຊາດ ສສ ຫວຽດນາມ ປະຈຳລາວ ເນື່ອງໃນໂອກາດວັນຊາດແຫ່ງ ສສ ຫວຽດນາມ ...

ກອງບັນຊາການທະຫານຊາຍແດນແຂວງເງະອານ ສສ.ຫວຽດນາມ ແລະກອງບັນຊາການທະຫານແຂວງບໍລິຄໍາໄຊ ສປປ.ລາວ ຈັດຕັ້ງການລາດຕະເວນສອງຝ່າຍຕາມເສັ້ນຊາຍແດນ ຍສໝ - ກໍາລັງລາດຕະເວນສອງຝ່າຍໄດ້ດໍາເນີນການລາດຕະເວນຕາມເສັ້ນຊາຍແດນ ຫວຽດນາມ-ລາວ ແລະຫຼັກໝາຍຊາຍແດນເລກທີ 441, ນີ້ແມ່ນຫຼັກໝາຍທີ່ປັກຢູ່ໄກ, ທາງໄປມາປະສົບຄວາມຫຍຸ້ງຍາກຫຼາຍ.