ຈຳ​ເປັນ​ຕ້ອງ​ມີ​ຄວາມ​ບຸກ​ທະ​ລຸ​ຢ່າງ​ແຮງ​ກ່​ວາ​ອີກ​ໃນ​ຂົງ​ເຂດ​ເສດ​ຖະ​ກິດ, ການ​ປ້ອງ​ກັນ​ຊາດ, ປ້ອງ​ກັນ​ຄວາມ​ສະ​ຫງົບ ລະ​ຫວ່າງ ລັດ​ເຊຍ - ຫວຽດ​ນາມ

	ກະ​ຊວງ​ຕຳຫຼວດ ຫວຽດ​ນາມ ລົງ​ນາມ​ການ​ຮ່ວມ​ມື​ກັບ ຄະ​ນະ​ກຳ​ມະ​ການ​ສືບ​ສວນ ສະ​ຫະ​ພັນ ລັດ​ເຊຍ
	ເວ​ທີ​ປາ​ໄສ​ການ​ທ່ອງ​ທ່ຽວ​ສາ​ກົນ St. Petersburg - ຫວຽດ​ນາມ ຄັ້ງ​ທີ 2

ທ່ານ​ນາ​ຍົກ​ລັດ​ຖະ​ມົນ​ຕີ ຫງວຽນ​ຊວັນ​ຟຸກຕ້ອນ​ຮັບທ່ານ ພົນ​ເອກ Patrusev Nikolai Platonovich ເລ​ຂາ​ທິ​ການ​ສະ​ພາ​ຄວາມ​ໝັ້ນ​ຄົງ​ແຫ່ງ​ຊາດ ລັດ​ເຊຍ (ພາບ: VGP)

ຕອນ​ບ່າຍ​ວັນ​ທີ 17 ມີ​ນາ, ທີ່​ການ​ຕ້ອນ​ຮັບທ່ານ ພົນ​ເອກ Patrusev Nikolai Platonovich ເລ​ຂາ​ທິ​ການ​ສະ​ພາ​ຄວາມ​ໝັ້ນ​ຄົງ​ແຫ່ງ​ຊາດ ລັດ​ເຊຍ, ທ່ານ​ນາ​ຍົກ​ລັດ​ຖະ​ມົນ​ຕີ ຫງວຽນ​ຊວັນ​ຟຸກ ໄດ້​ສະ​ແດງ​ຄວາມ​ປິ​ຕິ​ຊົມ​ຊື່ມ​ຕໍ່​ເລ​ື່ອງ​ລັດ​ເຊຍ​ໄດ້​ຄົ້ນ​ຄ້​ວາ​ສຳ​ເລັດ ແລະ ຜະ​ລິ​ດ​ໄດ້ຢາ​ປິ່ນ​ປົວ ແລະ ວັກ​ຊິນ​ກັນ​ພະ​ຍາດ​ໂຄວິດ - 19, ທ່ານ​ກໍ່​ສະ​ແດງ​ຄວາມ​ເຊື່ອ​ໝັ້ນ​ວ່າ ລັດ​ເຊຍ​ຈະ​ຜ່ານ​ຜ່າ​ໂລກ​ລະ​ບາດ​ໂຄວິດ - 19 ໂດຍ​ໄວ.

ຕາມ​ສຳ​ນັກ​ຂ່າວ​ສານ ຫວຽດ​ນາມ ແລ​້ວ, ທ່ານ​ນາ​ຍົກ​ລັດ​ຖະ​ມົນ​ຕີ ໄດ້​ຊີ້​ແຈ້ງວ່າ ກອງ​ປະ​ຊຸມ​ໃຫຍ່​ຄັ້ງ​ທີ 13 ໄດ້​ຢັ້ງ​ຢືນ​ວ່າ ຫວຽດ​ນາ​ມ​ສືບ​ຕໍ່​ເສັ້​ນ​ທາງ​ທາງ​ການ​ທູ​ດ​ທີ່​ເປັນ​ເອ​ກະ​ພາບ, ເປ​ັນ​ເຈົ້າ​ຕົນ​ເອງ, ຫັນການ​ພົວ​ພັນ​ເປັນຫຼາຍ​ຮູບຫຼາຍ​ແບບ. ໃນ​ນັ້ນ, ສະ​ຫະ​ພັນ ລັດ​ເຊຍ ແມ່ນ​ຄູ່​ຮ່ວມ​ມື​ທີ່​ມາ​ແຕ່​ດົນ​ນານ, ຄູ່​ຮ່ວມ​ມື​ຍຸດ​ທະ​ສາດຮອບ​ດ້ານ ແລະ ຍາ​ມ​ໃດ​ກໍ່​ໄດ້​ຮັບ​ການ​ບຸ​ລິ​ມະ​ສິດ​ສູງ​ໃນ​ນະ​ໂຍ​ບາຍ​ທາງ​ການ​ທູດ ຂອງ ຫວຽດ​ນາມ.

ໂດຍ​ສະ​ແດງ​ຄວາມ​ຂອບ​ອົກ​ຂອບ​ໃຈ​ທ່ານ​ນາ​ຍົກ​ລັດ​ຖະ​ມົ​ນ​ຕີ ໄດ້​ສະ​ຫງວນ​ເວ​ລາ​ຕ້ອນ​ຮັບ, ທ່ານພົນ​ເອກ Nikolai Platonovich ໄດ້​ສະ​ແດງ​ຄວາມ​ປະ​ທັບ​ໃຈ​ຕໍ່​ການ​ເຮັດ​ວຽກ​ກັບ​ກະ​ຊວງ​ຕຳຫຼວດ, ກະ​ຊວງ​ປ້ອ​ງ​ກັນ​ຄວາມ​ສະ​ຫງົບ ຫວຽດ​ນາມ. ທ່ານ ກໍ່​ສະ​ແດງ​ຄວາມ​ເຊື່ອ​ໝັ້ນ​ວ່າ ບັນ​ດາ​ມະ​ຕິ​ເຊິ່ງ ກອງ​ປະ​ຊຸມ​ຄັ້ງ​ທີ 13 ຂອງ ພັກ​ກອມ​ມູ​ນິດ ຫວຽດ​ນາມ ຮັບ​ຮອງ​ເອົາ​ຈະ​ໄດ້​ຮັບ​ການ​ຊຸກ​ຍູ້​ພັດ​ທະ​ນາ​ຢ່າງ​ຂະ​ຫຍັນ​ຂັນ​ເຄື່ອນ​ຂອງ ຫວຽດ​ນາມ, ຊຸກ​ຍູ້​ການ​ພົ​ວ​ພັນ​ຮ່ວມ​ມື ລັດ​ເຊຍ - ຫວ​ຽດ​ນາມ​ດ້ວຍ​ຈິດ​ໃຈ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ.

ບັນ​ຫາ​ຮີບ​ດ່ວນ​ໃນ​ປັດ​ຈຸ​ບັນ​ແມ່ນ​ການ​ຕ້ານ​ໂລ​ກ​ລະ​ບາດ​ໂຄວິດ - 19, ທ່ານ​ສະ​ແດງ​ຄວາມ​ຂອບ​ອົກ​ຂອບ​ໃຈ​ຕໍ່ ຫວຽດ​ນາມ ເຊິ່ງ​ໄດ້​ມອບ​ອຸ​ປະ​ກອນ​ການ​ແພດ​ໃຫ​້​ແກ່​ລັດ​ເຊຍ, ການ​ກະ​ທຳ​ດັ່ງ​ກ່າວ​ແມ່ນ​ສິ່ງ​ພິ​ສູດ​ໃຫ້​ເຫັນ​ການ​ພົວ​ພັນ​ອັນ​ດີ​ງາມ​ລະ​ຫວ່າງ​ສອງ​ປະ​ເທດ. ທ່ານ​ແຈ້ງ​ໃຫ້​ຊາບ​ວ່າ, ທ່ານ​ປະ​ທາ​ນາ​ທິ​ບໍ​ດີ ລັດ​ເຊຍ ໄດ້​ຕັດ​ສິນ​ໃຈ​ມອບ​ປະ​ຊາ​ຊົນ​ຫວຽດ​ນາມ ງວດ​ວັກ​ຊິນ Spunik –V. ບົນ​ເນື້ອ​ໃນ​ຈິດ​ໃຈ​ມິດ​ຕະ​ພາບ​ລະ​ຫວ່າງ ສອງ​ປະ​ເທດ, ລັດ​ເຊຍ​ພ້ອມ​ແລ້ວ​ທີ່​ຈະ​ສະ​ໜອງ​​ວັກ​ຊິນນີ້ຢ່າງ​ຄົບ​ຖ້ວນ​ໃຫ້​ຫວຽດ​ນາມ.

ໃນ​ສະ​ພາບ​ການ​ເກີດ​ໂລກ​ລະ​ບາດ​ໂຄວິດ - 19, ການ​ປັບ​ປຸງ​ການ​ພົວ​ພັນ​ດ້ານ​ເສດ​ຖະ​ກິດ, ການ​ຄ້າ ແມ່ນ​ສຳ​ຄັນ​ທີ່​ສຸດ. ທ່ານ ພົນ​ເອກ Patrusev Nikolai Platonovich ຖື​ວ່າ ດ້ວຍ​ການ​ປະ​ຕິ​ບັດ​ສັນ​ຍາ​ການ​ຄ້າ​ເສ​ລີ ລະ​ຫວ່າງ ຫວຽດ​ນາມ ແລະ ສະ​ຫະ​ພັນ​ເສດ​ຖະ​ກິດ ອາ​ຊີ - ເອີ​ລົບ, ວົງ​ເງິນ​ການ​ຄ້າ​ລະ​ຫວ່າງ​ສອງ​ຝ່າຍ​ໄດ້​ເພີ່ມ​ຂຶ້ນ​ສູງ.

ກະ​ຊວງ​ຕຳຫຼວດ ຫວຽດ​ນາມ ລົງ​ນາມ​ການ​ຮ່ວມ​ມື​ກັບ ຄະ​ນະ​ກຳ​ມະ​ການ​ສືບ​ສວນ ສະ​ຫະ​ພັນ ລັດ​ເຊຍ ຍ​ສ​ໝ - ຕາມ​ສຳ​ນັກ​ຂ່າວ​ສານ​ຫວຽດ​ນາມ, ການ​ຢ້ຽມ​ຢາມ, ການເຮັດ​ໃນ​ຄັ້ງ​ນີ້ ຂອງທ່ານ​ເລ​ຂາ​ທິ​ການ​ສະ​ພາ​ຄວາມ​ໝັ້ນ​ຄົງ ລັດ​ເຊຍ ​ມີ​ຄວາມ​ໝາຍ​ສຳ​ຄັນ, ສືບ​ຕໍ່​ບັນ​ດາ​ການ​ເຄື່ອນ​ໄຫ​ສະ​ເຫຼີມ​ສະຫຼອງ 70 ປີ​ແຫ່ງ​ການ​ສ້າງ​ຕັ້ງ​ການ​ພົວ​ພັນ​ທາງ​ກາ​ນ​ທູດ ລະ​ຫວ່າງ ຫວຽດ​ນາມ - ລັດ​ເຊຍ (1950 - 2020).

ເວ​ທີ​ປາ​ໄສ​ການ​ທ່ອງ​ທ່ຽວ​ສາ​ກົນ St. Petersburg - ຫວຽດ​ນາມ ຄັ້ງ​ທີ 2 ຍ​ສ​ໝ - ເຂົ້າ​ຮ່ວມ​ເຫດ​ການ​ມີ​ທ່ານ ຫງວຽນ​ເລ​ຟຸກ ຮອງ​ຫົວ​ໜ້າ​ກົມ​ໃຫຍ່​ການ​ທ່ອງ​ທ່ຽວ ຫວຽດ​ນາມ, ທ່ານ Demyan O. Smilevets ຫົວ​ໜ້າ​ຫ້ອງ​ການ​ຮ່ວມ​ມື​ສາ​ກົນ​ກົມ​ໃຫຍ່​ການ​ທ່ອງ​ທ່ຽວ​ສະ​ຫະ​ພັນ​ລັດ​ເຊຍ, ທ່ານ​ນາງ Nana M. Gvichia ຮອງ​ຫົວ​ໜ້າ​ຄະ​ນະ​ກຳ​ມະ​ການ​ພັດ​ທະ​ນາ​ການ​ທ່ອງ​ທ່ຽວ St. Petersburg, ທ່ານ Vyacheslav G. Kalganov ຮອງ​ຫົວ​ໜ້າ​ຄະ​ນະ​ກຳ​ມະ​ການ​ພົວ​ພັນ​ຕ່າງ​ປະ​ເທດ St. Petersburg, ພ້ອມ​ກັບ​ຜູ້​ຕາງໆ​ທີ່​ມາ​ຈາກ​ບັນ​ດາ​ວິ​ສາ​ຫະ​ກິດ​ການ​ທ່ອ​ງ​ທ່ຽວ ...

ຫວຽດ​ນາມ ເພີ່ມ​ທະ​ວີ​ການ​ພົວ​ພັນ​ຄູ່​ຮ່ວມ​ມື​ຍຸດ​ທະ​ສາດ​ຢ່າງ​ຮອບ​ດ້ານ​ ກັບ ສະ​ຫະ​ພັນ​ລັດ​ເຊຍ ຍສໝ - ທ່ານ Dmitry Medvedev ໄດ້ຊົມເຊີຍຜົນສໍາເລັດຂອງກອງປະຊຸມໃຫຍ່ ຄັ້ງທີ XIII ຂອງພັກກອມມູນິດຫວຽດນາມ ແລະສະແດງຄວາມຍິນດີຕໍ່ທ່ານ ຫງວຽນຝູຈ້ອງ ສືບຕໍ່ໄດ້ຮັບການເລືອກຕັ້ງເປັນເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ອີກສະໄໝໜຶ່ງ.