| ຫວຽດນາມສືບຕໍ່ສະແດງບົດບາດຄວບຄູ່ຢູ່ ສປຊ | |
| ສະພາຄວາມໝັ້ນຄົງ ປສຊ ໄດ້ຈັດກອງປະຊຸມທາງອອນລາຍເພື່ອປຶກສາຫາລືກ່ຽວກັບສະພາບການອາບການິດສະຖານ |
 |
| ກອງປະຊຸມອອນລາຍ ກ່ຽວກັບສະພາບການປະຕິບັດ ມະຕິເລກທີ 2231 ຂອງ ສະພາຄວາມໝັ້ນຄົງ ສປຊ. (ພາບ: baoquocte.vn) |
ວັນທີ 22 ທັນວາ, ສະພາຄວາມໝັ້ນຄົງ ສປຊ ໄດ້ຈັດກອງປະຊຸມອອນລາຍ ກ່ຽວກັບສະພາບການປະຕິບັດ ມະຕິເລກທີ 2231 ຂອງ ສະພາຄວາມໝັ້ນຄົງ ສປຊ, ເຊິ່ງເປັນມະຕິທີ່ສະໜັບສະໜູນການຜັນຂະຫຍາຍໂຄງການກະທຳລວມຮອບດ້ານ ປີ 2015 ຫຼືເອີ້ນຫຍໍ້ວ່າ JCPOA.
ສະພາຄວາມໝັ້ນຄົງໄດ້ຮັບຟັງທ່ານນາງ Rosemary DiCarlo, ຮອງເລຂາທິການໃຫຍ່ສະຫະປະຊາຊາດທີ່ຮັບຜິດຊອບວຽກງານການເມືອງ, ທ່ານເອກອັກຄະລັດຖະທູດ Olof Skoog, ຫົວໜ້າຄະນະຜູ້ຕາງໜ້າ EU ປະຈຳ ສະຫະປະຊາຊາດ ແລະ ທ່ານເອກອັກຄະລັດຖະທູດ ຟີລິບປິນ Kridelka, ຫົວ ໜ້າຕ່າງໜ້າປະເທດແບນຊິກ, ຜູ້ປະສານງານກົນຈັກການສະໜັບສະໜູນ ການປະຕິບັດມະຕິ ເລກທີ 2231, ລາຍງານອັບເດັດສະຖານະພາບ.
ບັນດານັກລາຍງານໄດ້ຢືນຢັນວ່າຂໍ້ຕົກລົງ JCPOA ແລະ ມະຕິເລກທີ 2231 ແມ່ນຜົນສຳເລັດທີ່ສຳຄັນຂອງການທູດຫຼາຍຝ່າຍ ແລະ ມານະພະຍາຍາມບໍ່ເຜີຍແຜ່ອາວຸດນິວເຄຼຍ, ແມ່ນວິທີດີທີ່ສຸດເພື່ອຊຸກຍູ້ວິທີການແກ້ໄຂບັນຫາຢ່າງຮອບດ້ານ, ຍາວນານ ແລະ ເໝາະສົມສຳລັບບັນຫານິວເຄຼຍ ຂອງອີຣານ, ປະກອບສ່ວນເຂົ້າໃນສັນຕິພາບ, ຄວາມໝັ້ນຄົງໃນພາກພື້ນແລະສາກົນ.
ທີ່ກອງປະຊຸມ, ສະມາຊິກສະພາຄວາມໝັ້ນຄົງ ສປຊ ສ່ວນຫຼາຍໄດ້ເຫັນດີກັບການຕີລາຄາຂອງນັກລາຍງານ ແລະ ຢືນຢັນເຖິງຄວາມສຳຄັນຂອງມະຕິເລກທີ 2231 ແລະ JCPOA ໃນການແກ້ໄຂບັນຫານິວເຄຼຍອີຣານ ແລະ ພັນທະຂອງບັນດາຝ່າຍໃນການປະຕິບັດຂອງມະຕິແລະຂໍ້ຕົກລົງສະບັບນີ້ຢ່າງຄົບຖ້ວນ.
ກ່າວຄຳເຫັນທີ່ກອງປະຊຸມ, ທ່ານ ຟ້າມຫ໋າຍແອັງ ເອກອັກຄະລັດຖະທູດ, ອຸປະທູດຊົ່ວຄາວ ຫວຽດນາມ ປະຈຳ ສປຊ ໄດ້ຢັ້ງຢືນຫຼັກໝັ້ນລຸລ່ວງຂອງ ຫວຽດນາມ ໃນການສະໜັບສະໜູນການຕ້ານການແຜ່ຂະຫຍາຍ ແລະ ຫຼຸດຜ່ອນອາວຸດລ້າງຜານ, ໃນນັ້ນ ມີອາວຸດນິວເຄຼຍ. ທ່ານເອກອັກຄະລັດຖະທູດກໍຢັ້ງຢືນວ່າ ຫວຽດນາມ ສະໜັບສະໜູນມະຕິສະບັບເລກທີ 2231 ແລະ ສັນຍາ JCPOA, ພ້ອມທັງຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງຈົ່ງລະງັບໃຈ, ຫຼີກລ້ຽງການກະທຳທີ່ເຮັດໃຫ້ຄວາມໄວ້ເນື້ອເຊື່ອໃຈຖືກຫຼຸດໜ້ອຍຖອຍລົງ ແລະ ຄວາມເຄັ່ງຕຶງປີນຂັ້ນໄດ, ຈົ່ງດຳເນີນການເຈລະຈາ ແລະ ໄກເກ່ຍ ເພື່ອແກ້ໄຂບັນດາຄວາມແຕກຕ່າງກັນ. ຫວຽດນາມພ້ອມແລ້ວທີ່ຈະເຮັດວຽກກັບບັນດາສະມາຊິກສະພາຄວາມໝັ້ນຄົງ ສປຊ ເພື່ອສ້າງສະພາບແວດລ້ອມແຫ່ງການໂອ້ລົມສົນທະນາ, ຮ່ວມມືພາຍໃນ ແລະ ນອກສະພາຄວາມໝັ້ນຄົງ ເພື່ອສັນຕິພາບ, ສະຖຽນລະພາບ ແລະ ການພັດທະນາຢູ່ພາກພື້ນຕາເວັນອອກກາງ.
 | ສະພາຄວາມໝັ້ນຄົງ ປສຊ ໄດ້ຈັດກອງປະຊຸມທາງອອນລາຍເພື່ອປຶກສາຫາລືກ່ຽວກັບສະພາບການອາບການິດສະຖານ ຍສໝ - ທ່ານນາງ Deborah Lyons ທູດພິເສດຂອງທ່ານ ເລຂາທິການໃຫຍ່ ສປຊ ກ່ຽວກັບອາບການິດສະຖານ ທັງເປັນຜູ້ນຳໜ້າ UNAMA ໃຫ້ຮູ້ວ່າ ວິວັດທະນາການເຈລະຈາສັນຕິພາບລະຫວ່າງ ລັດຖະບານ ອາບການິດສະຖານ ແລະ ກຳລັງຕາລີບານ ບັນລຸໄດ້ບາງຄວາມຄືບໜ້າ, ສິ່ງທີ່ເປັນໜ້າສົນໃຈນັ້ນແມ່ນເລື່ອງສອງປະເທດບັນລຸໄດ້ຂໍ້ຕົກລົງກ່ຽວກັບຂໍ້ກຳນົດ ແລະ ລະບຽບການເຈລະຈາໃນວັນທີ 2 ທັນວາ 2020. |
 | ຫວຽດນາມ ແລະ ອິນໂດເນເຊຍສະໜັບສະໜູນ ວິວັດການສ້າງສັນຕິພາບ ຢູ່ຊູດັງ ຍສໝ - ຫວຽດນາມແລະອິນໂດເນເຊຍຕີລາຄາສູງບົດບາດຂອງສະຫະປະຊາຊາດ, AU ແລະບັນດາປະເທດໃນພາກພື້ນໃນການຊຸກຍູ້ສັນຕິພາບແລະສະຖຽນລະພາບຢູ່ັຊູດັງ |
 | ສະຫະປະຊາຊາດ,ລັດເຊຍ ສະໜັບສະໜູນຄວາມມານະພະຍາຍາມຂອງ EU ປົກປ້ອງຂໍ້ຕົກລົງ JCPOA ໃນຂະນະນັ້ນ, ທ່ານ Junker ຢັ້ງຢືນຄືນໃໝ່ຄຳຕັດສິນຂອງ EU ປົກປ້ອງ JCPOA ຍ້ອນຄວາມສຳຄັນແຖວໜ້າແມ່ນຮັກສາສັນຕິພາບໃນພາກພື້ນ, ກໍ່ຄືໃນທົ່ວໂລກ. |
ບຸນຄົງ
