 |
ເມື່ອບໍ່ດົນມານີ້, ຢູ່ຮ່າໂນ້ຍ, ທ່ານພົນເອກ ໂຕເລີມ, ລັດຖະມົນຕີກະຊວງຕຳຫຼວດຫວຽດນາມໃຫ້ການຕ້ອນຮັບທ່ານເອກອັກຄະລັດຖະທູດ ອັງກິດປະຈຳຫວຽດນາມ Gareth Edward Ward.
ທີ່ການຕ້ອນຮັບ, ທ່ານພົນເອກ ໂຕເລີມ, ລັດຖະມົນຕີກະຊວງຕຳຫຼວດຫວຽດນາມ ສະເໜີວ່າ ໃນໄລຍະຈະມາເຖິງ, ສອງຝ່າຍຕ້ອງສືບຕໍ່ຜັນຂະຫຍາຍຂໍ້ຕົກລົງສະບັບຕ່າງໆທີ່ໄດ້ລົງນາມແລ້ວໃຫ້ມີປະສິດທິຜົນ, ພິເສດແມ່ນບົດບັນທຶກຊ່ວຍຈຳລະຫວ່າງລັດຖະບານຫວຽດນາມ ແລະລັດຖະບານສະຫະພັນລາຊະອານາຈັກອັງກິດ ແລະອຽກລັງເໜືອ ວ່າດ້ວຍການຮ່ວມມືປ້ອງກັນ ແລະຕ້ານການຄ້າມະນຸດ; ເພີ່ມທະວີການແລກປ່ຽນຂໍ້ມູນຂ່າວສານ, ບົດຮຽນ, ສົມທົບກັນກວດກາ, ສືບສວນສອບສວນ; ສົມທົບກັນຢັ້ງຢືນ, ສືບສວນບັນດາຄະດີ, ພັກພວກອາດຊະຍາກອນ; ສົມທົບກັນຕໍ່ສູ້, ມ້າງບັນດາຄະດີກ່ຽວກັບການຄ້າມະນຸດ ແລະ ສົ່ງຜູ້ໄປອົບພະຍົບຢ່າງຜິດກົດໝາຍ.
ທີ່ການຕ້ອນຮັບ,ທ່ານເອກອັກຄະລັດຖະທູດ ອັງກິດປະຈຳຫວຽດນາມ Gareth Edward Ward ປາດຖະໜາຢາກໃຫ້ສອງຝ່າຍສືບຕໍ່ຍາດໄດ້ໝາກຜົນຫຼາຍຢ່າງກວ່າອີກໃນຂົງເຂດຮັບປະກັນຄວາມເປັນລະບຽບຮຽບຮ້ອຍ, ຄວາມປອດໄພທາງສັງຄົມ, ການປ້ອງກັນ, ຕ້ານອາດຊະຍາກຳປະເພດຕ່າງໆ. ທ່ານເອກອັກຄະລັດຖະທູດ Gareth Edward Ward ຢືນຢັນວ່າ ໃນຖານະຕຳແໜ່ງຂອງຕົນ, ທ່ານຈະສືບຕໍ່ຊຸກຍູ້ສາຍພົວພັນຮ່ວມມືລະຫວ່າງ 2 ປະເທດເວົ້າລວມ ແລະ ລະຫວ່າງກະຊວງພາຍໃນອັງກິດ ແລະ ກະຊວງຕຳຫຼວດຫວຽດນາມເວົ້າສະເພາະ ນັບມື້ນັບພັດທະນາ, ເຂົ້າສູ່ລວງເລິກ ແລະ ມີປະສິດທິຜົນ.
 |
| ທ່ານ ໂຕແອັງຢູງ, ຮອງລັດຖະມົນຕີກະຊວງການຕ່າງປະເທດຫວຽດນາມ. ພາບ: baoquocte.vn. |
ກ່ອນໜ້ານັ້ນ, ທ່ານ ໂຕແອັງຢູງ, ຮອງລັດຖະມົນຕີກະຊວງການຕ່າງປະເທດຫວຽດນາມ ໄດ້ມີການສົນທະນາທາງໂທລະສັບກັບທ່ານ Nigel Adams, ຮອງລັດຖະມົນຕີກະຊວງການຕ່າງປະເທດອັງກິດ ຮັບຜິດຊອບພາກພື້ນອາຊີ. ທ່ານ ໂຕແອັງຢູງ ສະແດງຄວາມປາດຖະໜາຢາກ ອັງກິດແບ່ງປັນບົດຮຽນກ່ຽວກັບຍຸດທະສາດສັກວັກຊິນກັນພະຍາດໂຄວິດ-19, ພ້ອມທັງສ້າງຄວາມສະດວກໃຫ້ແກ່ຫວຽດນາມກວ່າອີກ ໃນການສະໜອງວັກຊີນຄັ້ງຕໍ່ໄປ. ທ່ານ ໂຕແອັງຢູງ ເຫັນດີເປັນເອກະພາບຕໍ່ເລື່ອງສອງຝ່າຍເຊື່ອມຕໍ່ການເຄື່ອນໄຫວແລກປ່ຽນຄະນະຜູ້ແທນໂດຍໄວ ແລະຜັນຂະຫຍາຍບັນດາກົນໄກຮ່ວມມືຫຼັກແຫຼ່ງ ເພື່ອແນໃສ່ສ້າງກໍາລັງໜູນໃໝ່ໃຫ້ສາຍພົວພັນຄູ່ຮ່ວມມືຍຸດທະສາດໃນຂົງເຂດຕ່າງໆຄື: ການເມືອງ, ການທູດ, ການຄ້າ, ການລົງທຶນ, ການຮ່ວມມືພັດທະນາ, ການປ້ອງກັນຊາດ-ປ້ອງກັນຄວາມສະຫງົບ, ວັດທະນະທໍາ, ການສຶກສາ, ສາທາລະນະສຸກ, ວິທະຍາສາດເຕັກໂນໂລຢີ, ການແລກປ່ຽນປະຊາຊົນ...
| ກະຊວງອຸດສາຫະກຳ ແລະການຄ້າຫວຽດນາມ ໃຫ້ຮູ້ວ່າ ສັນຍາການຄ້າເສລີລະຫວ່າງຫວຽດນາມ ແລະລາຊະອານາຈັກອັງກິດ ເລີ່ມມີຜົນສັກສິດແຕ່ວັນທີ 1 ມັງກອນ 2021 ໄດ້ສ້າງເງື່ອນໄຂຍູ້ແຮງການເຄື່ອນໄຫວດ້ານການຄ້າລະຫວ່າງສອງປະເທດ. ຍອດວົງເງິນການຄ້າລະຫວ່າງຫວຽດນາມ-ອັງກິດ ໃນສອງເດືອນຕົ້ນປີ 2021 ໄດ້ເພີ່ມຂຶ້ນ 29,2% ເມື່ອທຽບໃສ່ໄລຍະດຽວກັນຂອງປີ 2020, ຄາດວ່າບັນລຸ 1,1 ຕື້ໂດລາສະຫະລັດ. ໃນນັ້ນ, ວົງເງິນສົ່ງອອກຂອງຫວຽດນາມ ໄປຍັງ ອັງກິດ ໄດ້ເພີ່ມຂຶ້ນ 33% ເມື່ອທຽບໃສ່ໄລຍະດຽວກັນ, ບັນລຸໄດ້ 998 ລ້ານໂດລາສະຫະລັດ. |
 | ທ່ານນາງ ລັດຖະມົນຕີກະຊວງການຄ້າ ສາກົນ ອັງກິດ Elizabeth Truss ໃຫ້ຮູ້ວ່າ: ຫວຽດນາມໃນການສະໜັບສະໜູນອັງກິດ ເຂົ້າຮ່ວມ CPTPP ຍສໝ - ອັງກິດຈະພ້ອມກັບບັນດາຄູ່ຮ່ວມມືທີ່ມີແນວຄິດດຽວກັນຄື ຫວຽດນາມ ເພື່ອຫັນບັນດາບັນຫາເສດຖະກິດປະກົດຜົນເປັນຈິງຜ່ານການຄ້າເສລີ ນຳມາເຊິ່ງກະລະໂອກາດພິເສດຫຼາຍຢ່າງໃນສະພາບການຟື້ນຟູຈາກໂລກລະບາດໂຄວິດ - 19. |
 | ລາວ: ມີສູນຈຳກັດບໍລິເວນທັງໝົດ 33 ສູນ, ມີຜູ້ຖືກຈໍາກັດບໍລິເວນທັງໝົດ 2.588 ຄົນ ໄດ້ເກັບຕົວຢ່າງມາກວດວິເຄາະທັງໝົດ ແລະ ບໍ່ພົບຜູ້ຕິດເຊື້ອ ໃນວັນທີ 1 ກຸມພາ 2021 ໄດ້ເກັບຕົວຢ່າງມາກວດວິເຄາະທັງໝົດ 435 ຕົວຢ່າງ, ໃນນັ້ນ 2 ຕົວຢ່າງ ຈາກບຸກຄົນທົ່ວໄປທີ່ມີອາການ, 74 ຕົວຢ່າງ ຈາກບຸກຄົນທົ່ວໄປທີ່ບໍ່ມີອາການ, ແຮງງານລາວ ທີ່ກັບມາແຕ່ໄທ ບໍ່ມີອາການ 172, ແຮງງານຈີນ ບໍ່ມີອາການ 155 ຕົວຢ່າງ, ແຮງງານໄທ 32 ຕົວຢ່າງ ... |
 | ຫວຽດນາມ ຢືນຢັນນະໂຍບາຍສະເໝີຕົ້ນສະເໝີປາຍຂອງຫວຽດນາມ ທີ່ມີຕໍ່ 2 ໝູ່ເກາະ ເຈື່ອງຊາ ແລະ ຮ່ວາງຊາ ຍສໝ - ທ່ານນາງ ເລທິທູຮັ່ງ, ໂຄສົກກະຊວງການຕ່າງປະເທດຫວຽດນາມ ໄດ້ຢືນຢັນນະໂຍບາຍສະເໝີຕົ້ນສະເໝີປາຍຂອງຫວຽດນາມ ທີ່ມີຕໍ່ 2 ໝູ່ເກາະ ເຈື່ອງຊາ ແລະ ຮ່ວາງຊາ, ພ້ອມທັງກ່າວປະນາມບັນດາການກະທຳລ່ວງລ້ຳອະທິປະໄຕ, ສິດອຳນາດອະທິປະໄຕຂອງຫວຽດນາມ ຢູ່ເຂດທະເລນີ້. |
ໄຊພອນ
