ພະນັກງານ, ພາລະກອນໂຮງໝໍກາງສະໜາມຂັ້ນ 2 ເລກ 3 ກຽມພ້ອມທີ່ຈະເດີນທາງໄປປະຕິບັດໜ້າທີ່ເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ ຢູ່ຊູດັງໃຕ້

	ຫວຽດນາມ ຈະສືບຕໍ່ປະກອບສ່ວນຢ່າງຕັ້ງໜ້າເຂົ້າໃນການເຄື່ອນໄຫວຂອງຄະນະປະຕິບັດງານຮັກສາສັນຕິພາບສະຫະປະຊາຊາດ ຢູ່ຊູດັງໃຕ້
	ຫວຽດ​ນາມ ສົ່ງ ພະນັກງານ, ນັກຮົບ ເຂົ້າຮ່ວມການເຄື່ອນໄຫວຮັກສາສັນຕິພາບຂອງ ສປຊ

ພິທີຖະຫວາຍທູບທຽນປະທານໂຮ່ຈີມິນ, ລາຍງານໝາກຜົນວຽກງານຝຶກແອບ ແລະຈິດໃຈກຽມພ້ອມທີ່ຈະເດີນທາງໄປປະຕິບັດໜ້າທີ່ເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ ຢູ່ຊູດັງໃຕ້ຂອງໂຮງໝໍກາງສະໜາມຂັ້ນ 2 ເລກ 3. ພາບ: qdnd

ເມື່ອບໍ່ດົນມານິີ້, ຢູ່ຫໍພິພິທະພັນໂຮ່ຈີມິນ, ຄະນະພັກ, ຄະນະຫົວໜ້າໂຮງໝໍກອງທັບ 175 (ກະຊວງປ້ອງກັນປະເທດຫວຽດນາມ) ໄດ້ຈັດພິທີຖະຫວາຍທູບທຽນປະທານໂຮ່ຈີມິນ, ລາຍງານໝາກຜົນວຽກງານຝຶກແອບ ແລະຈິດໃຈກຽມພ້ອມທີ່ຈະເດີນທາງໄປປະຕິບັດໜ້າທີ່ເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ ຢູ່ຊູດັງໃຕ້ຂອງໂຮງໝໍກາງສະໜາມຂັ້ນ 2 ເລກ 3. ໂຮງໝໍກາງສະໜາມຂັ້ນ 2 ເລກ 3 ສູ້ຊົນປະຕິບັດວຽກງານຂໍ້ມູນຂ່າວສານ, ໂຄສະນາ, ການພົບປະແລກປ່ຽນ, ປັບປຸງສາຍພົວພັນຮ່ວມມືມິດຕະພາບອັນດີງາມກັບບັນດາຄູ່ຮ່ວມມື, ຮັບປະກັນຊີວິດການເປັນຢູ່ທາງດ້ານວັດຖຸ ແລະຈິດໃຈໃຫ້ທະຫານ, ສ້າງຈິດໃຈສາມັກຄີ, ຄວາມຕັດສິນໃຈປະຕິບັດໜ້າທີ່ໃຫ້ສໍາເລັດເປັນຢ່າງດີ, ປະກອບສ່ວນປະຕິບັດແນວທາງການພົວພັນຕ່າງປະເທດຂອງພັກ, ລັດ ຢ່າງມີໄຊ, ແຜ່ຂະຫຍາຍຮູບພາບທະຫານລຸງໂຮ່ ໄປຍັງເພື່ອນມິດສາກົນ.

ພົນໂທ ຫງວຽນຈີວິ້ງ ຮອງລັດຖະມົນຕີກະຊວງປ້ອງກັນປະເທດຫວຽດນາມ ມອບຂໍ້ຕົກລົງຂອງປະທານປະເທດໃຫ້ພັນໂທ ເຈີນດຶກເຫືອງ ໄປປະຕິບັດຫນ້າທີ່ ຢູ່ ສຳນັກງານ ສປຊ (ພາບ:TTXVN)

ໃນສະພາບການຊູດັງໃຕ້ ແມ່ນຈຸດລະບາດໜັກຂອງພະຍາດໂຄວິດ-19, ໂຮງໝໍກາງສະໜາມຂອງຫວຽດນາມ ໄດ້ຮັບການມອບໝາຍແມ່ນໜຶ່ງໃນບັນດາໂຮງໝໍຫຼັກແຫຼ່ງໃນດ່ານໜ້າຕ້ານພະຍາດໂຄວິດ-19. ຕາມທ່ານນາງ Geraldine Chioma Nzulumike ຜູ້ຮັບຜິດຊອບຫ້ອງການໄກ່ເກ່ຍ ແລະກໍ່ສ້າງຄືນໃໝ່, ທູດພິເສດຂອງຫົວໜ້າຫ້ອງການຜູ້ຕາງໜ້າຄະນະປະຕິບັດງານຢູ່ບໍລິເວນ ແລ້ວ, ວຽກເຮັດຂອງແພດໝໍຫວຽດນາມ ໄດ້ກາຍເປັນສັນຍາລັກໃຫ້ແກ່ການເຄື່ອນໄຫວຂອງ ສປຊ ປະຈໍາ ຊູດັງໃຕ້, ສະແດງໃຫ້ເຫັນຄໍາໝັ້ນສັນຍາກ່ຽວກັບການປະກອບສ່ວນຂອງ ສປຊ ໃຫ້ແກ່ການພັດທະນາແບບຍືນຍົງ ແລະສັນຕິພາບຂອງປະຊາຊົນຊູດັງໃຕ້.

ການປະກອບສ່ວນຂອງຫວຽດນາມ ສຳລັບບັນດາການເຄື່ອນໄຫວຮັກສາສັນຕິພາບຂອງ ສປຊ ໄດ້ຮັບການຕີລາຄາສູງຈາກປະຊາຄົມ ສາກົນ. ພາບ: ຈ້ອງຕິ່ງ.

ການປະກອບສ່ວນຂອງຫວຽດນາມ ສຳລັບບັນດາການເຄື່ອນໄຫວຮັກສາສັນຕິພາບຂອງ ສປຊ ໄດ້ຮັບການຕີລາຄາສູງຈາກປະຊາຄົມ ສາກົນ, ບັນດາຄະນະປະຕິບັດງານຂອງ ສປຊ ແລະບັນດາອົງການຈັດຕັ້ງສາກົນ, ອົງການບໍ່ຂຶ້ນກັບລັດຖະບານ (I/NGOs). ບັນດານາຍທະຫານ ຫວຽດນາມ ໄດ້ຮັບການຕີລາຄາສູງດ້ວຍ ການເຮັດວຽກເປັນມືອາຊີບ, ມີວິໄນ, ຈິດໃຈສາມັກຄີສາກົນ ແລະ ພິເສດ ແມ່ນຄວາມສາມາດຮັບມືຢ່າງວ່ອງໄວກັບສິ່ງແວດລ້ອມຮ້າຍແຮງ, ແລະ ເຮັດວຽກໃນສະພາບນາໆຊາດເຂົ້າຮ່ວມ. ຈາກຄຸນນະພາບນາຍທະຫານເຂົ້າຮ່ວມການຮັກສາສັນຕິພາບ, ຫວຽດນາມ ໄດ້ຮັບເລືອກໃຫ້ເປັນປະເທດທຳອິດຢູ່ ອາຊີຕາເວັນອອກສ່ຽງໃຕ້ ເປັນສະຖານທີ່ຝຶກແອບກຳລັງຮັກສາສັນຕິພາບ ສາກົນ ຈາກ ສປຊ.

ຂອງຂວັນພິເສດຂອງໂຮງໝໍກາງສະໜາມຫວຽດນາມ ຢູ່ຊູດັງໃຕ້ ບໍ່ພຽງແຕ່ປະຕິບັດໜ້າທີ່ວິຊາສະເພາະຂອງບັນດາແພດໝໍໃສ່ໝວກເບເລສີຟ້າ ສົ່ງເສີມສຸຂະພາບໃຫ້ກໍາລັງຮັກສາສັນຕິພາບສະຫະປະຊາຊາດ (ສປຊ), ບັນດາແພດໝໍຫວຽດນາມ ຢູ່ໂຮງໝໍກາງສະໜາມຂັ້ນ 2 ເລກ 2 ເຂົ້າຮ່ວມຄະນະປະຕິບັດງານຮັກສາສັນຕິພາບ ສປຊ ຢູ່ຊູດັງໃຕ້ (UNMISS) ​ເທົ່າ​ນັ້ນຫາກຍັງຕັ້ງໜ້າເຂົ້າຮ່ວມການເຄື່ອນໄຫວສົມທົບກັນລະຫວ່າງການແພດທະຫານ-ປະຊາຊົນ (CIMIC), ປະກອບສ່ວນສ້າງຄວາມປະທັບໃຈທີ່ດີງາມກ່ຽວກັບຮູບພາບທະຫານໃສ່ໝວກເບເລສີຟ້າ ສປຊ ເວົ້າລວມ ແລະຮູບພາບກອງທັບປະຊາຊົນຫວຽດນາມ ເວົ້າສະເພາະໃນສາຍຕາເພື່ອນມິດສາກົນກໍ່ຄືປະຊາຊົນປະເທດປະຈຳຖິ່ນ.

ກອງພັນໃຫຍ່ 82 (ທະຫານເຂດ 2) ແລະກອງພົນທີ 3 (ກອງທັບປະຊາຊົນລາວ) ສະເຫຼີມສະຫຼອງ 5 ປີແຫ່ງການແຮກສ່ຽວ ຕອນເຊົ້າວັນທີ 21 ທັນວາ, ທີ່ນະຄອນດ້ຽນບຽນຝູ, ແຂວງດ້ຽນບຽນ, ກອງພັນໃຫຍ່ 82 (ທະຫານເຂດ 2) ແລະກອງພົນທີ 3 (ກອງທັບປະຊາຊົນລາວ) ຈັດຕັ້ງກອງປະຊຸມຮ່ວມ ແລະສະເຫຼີມສະຫຼອງ 5 ປີແຫ່ງການແຮກສ່ຽວ.

ໂຮງຮຽນທະຫານຊາຍແດນຊັ້ນກາງ ເລກ 1 ຫວຽດນາມ ແລະ ໂຮງຮຽນທະຫານຊາຍແດນ ລາວ ເຊັນບົດບັນທຶກວ່າດ້ວຍການແຮກສ່ຽວ ຍສໝ - ເມື່ອບໍ່ດົນມານີ້, ໂຮງຮຽນທະຫານຊາຍແດນຊັ້ນກາງ ເລກ 1, ກອງບັນຊາການທະຫານຊາຍແດນ, ກະຊວງປ້ອງກັນປະເທດຫວຽດນາມ ແລະໂຮງຮຽນທະຫານຊາຍແດນ 712, ກົມທະຫານຊາຍແດນ, ກົມໃຫຍ່ເສນາທິການກອງທັບປະຊາຊົນລາວ.