ນຳ​ສົ່ງ​ພົນ​ລະ​ເມືອງ ຫວຽດ​ນາມ​ຈາກ​ລາ​ຊະ​ອາ​ນາ​ຈັກ​ອັງ​ກິດ​ກັບ​ຄືນ​ປະ​ເທດ​ຢ່າງ​ປອດ​ໄພ
	ເອີ​ລົບ​ແມ່ນ​ຕະຫຼາດ​ສົ່ງ​ອອກ​ໃຫຍ່​ອັນ​ດັບ​ທີ 2 ຂອງຫວຽດ​ນາມ

ຫວຽດ​ນາມ ສົ່ງ ພະນັກງານ, ນັກຮົບ ເຂົ້າຮ່ວມການເຄື່ອນໄຫວຮັກສາສັນຕິພາບຂອງ ສປຊ. ພາບ:vietnamplus.vn

ວັນທີ 23 ທັນວາ, ຢູ່ນະຄອນ ໂຮ່ຈີມິນ, ໂຮງໝໍເສນາຮັກ 175 ໄດ້ຈັດພິທີເປີດການຝຶກແອບ ສັງລວມໃຫ້ແກ່ພະນັກງານ, ນັກຮົບໂຮງໝໍກາງສະໜາມຂັ້ນ 2 ເລກ 3 ເພື່ອເຂົ້າຮ່ວມການເຄື່ອນໄຫວຮັກສາສັນຕິພາບຂອງ ສປຊ. ບັ້ນຝຶກແອບຄັ້ງນີ້ແມ່ນບາດກ້າວກະກຽມສຳຄັນທຸກດ້ານ, ລວມມີກຳລັງຄວາມສາມາດການເຄື່ອນໄຫວ, ບັນຊາ, ຄຸ້ມຄອງ, ຂັ້ນຕອນວິຊາສະເພາະໃຫ້ແຫ່ໂຮງໝໍກາງສະໜາມຂັ້ນ 2 ເລກ 3 ກ່ອນທີ່ຈະອອກເດີນທາງໄປເຂົ້າຮ່ວມກຳລັງຮັກສາສັນຕິພາບສາກົນຢູ່ ຊູດັງໃຕ້. ນີ້ແມ່ນການຝຶກແອບຄັ້ງສຸດທ້າຍກ່ອນທີ່ ພະນັກງານ 63 ຄົນຂອງ ໂຮງໝໍກາງສະໜາມຂັ້ນ 2 ເລກ 3 ຈະອອກເດີນທາງໄປປະຕິບັດໜ້າທີ່ໃນໄຕມາດທີ I ຂອງປີ 2021.

ເມື່ອບໍ່ດົນມານີ້, ໃນຂອບເຂດການເຄື່ອນໄຫວ CIMIC, ໂຮງໝໍກາງສະໜາມຂັ້ນ 2 ເລກ 2 ສົມທົບກັບຄະນະປະຕິບັດງານ UNMISS, ກະຊວງສຶກສາ-ຄວາມສະເໝີພາບລະຫວ່າງຍິງ-ຊາຍ ແລະສະຫວັດດິການສັງຄົມລັດ Unity (ຊູດັງໃຕ້) ໄດ້ຈັດຕັ້ງພິທີມອບໂຕະຕັ່ງ 31 ໜ່ວຍ ແລະຕົວອັກສອນ alphabet 100 ຊຸດພ້ອມກັບອຸປະກອນການຮຽນ, ເຄື່ອງຫຼິ້ນ... ໃຫ້ແກ່ພວກນ້ອງນັກຮຽນທີ່ໂຮງຮຽນປະຖົມສຶກສາ Bentiu B, ລັດ Unity (ຊູດັງໃຕ້). ສິ່ງພິເສດແມ່ນອຸປະກອນການຮຽນ, ຕົວອັກສອນ, ເຄື່ອງຫຼິ້ນ... ລ້ວນແຕ່ໄດ້ເຮັດຈາກເສດຢາງປະກອບສ່ວນປົກປັກຮັກສາສິ່ງແວດລ້ອມ.

ຜູ້ຕາງໜ້າໂຮງຮຽນປະຖົມສຶກສາ Bentiu B ໄດ້ກ່າວຄໍາເຫັນສະແດງຄວາມນັບຖືຕໍ່ນ້ຳໃຈຂອງບັນດາແພດໝໍ ແລະພາລະກອນໂຮງໝໍກາງສະໜາມຫວຽດນາມ. ນີ້ແມ່ນຂອງຂວັນທີ່ມີຄວາມໝາຍສໍາລັບໂຮງຮຽນໃນໄລຍະນີ້ຍ້ອນໂຮງຮຽນປະຖົມສຶກສາ Bentiu B ປະສົບກັບຄວາມຫຍຸ້ງຍາກດ້ານພື້ນຖານວັດຖຸອຸປະກອນສິດສອນ. ຈໍານວນໂຕະຕັ່ງທີ່ໄດ້ຮັບແມ່ນມີຄຸນຄ່າເມື່ອພວກນ້ອງນັກຮຽນໄປຮຽນຄືນໃໝ່ໃນເດືອນເມສາ 2021.ທີ່ພິທີ, ຜູ້ຕາງໜ້າຄະນະປະຕິບັດງານ UNMISS, ຜູ້ຕາງໜ້າອົງການຈັດຕັ້ງ UNICEF ຕີລາຄາສູງຕໍ່ການເຄື່ອນໄຫວ CIMIC ໃນຄັ້ງນີ້ຂອງໂຮງໝໍກາງສະໜາມຫວຽດນາມ, ປະກອບສ່ວນແຜ່ຂະຫຍາຍຈິດໃຈມະນຸດຊາດຂອງທະຫານຮັກສາສັນຕິພາບ ສປຊ.

ຕອນເຊົ້າວັນທີ 18 ທັນວາ, ຢູ່ສຳນັກງານຫວຽດນາມ ປະຈໍາ ວໍຊິງຕັນດີຊີ, ຫ້ອງການທີ່ປຶກສາທູດປ້ອງກັນຊາດຫວຽດນາມ ປະຈໍາ ອາເມລິກາ ໄດ້ສົມທົບກັບສະຖານທູດຫວຽດນາມ ປະຈໍາ ອາເມລິກາ ຈັດຕັ້ງພິທີສະເຫຼີມສະຫຼອງ 76 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ (22-12-1944 / 22-12-2020) ແລະ 31 ປີແຫ່ງວັນບຸນທ່ົວປວງຊົນປ້ອງກັນຊາດ (22-12-1989 / 22-12-2020). ກ່າວຄຳເຫັນທີ່ພິທີ, ທ່ານ ຮ່າກິມງອັກ ເອກອັກຄະລັດຖະທູດຫວຽດນາມ ປະຈຳ ອາເມລິກາ ຕີລາຄາສູງບົດບາດຂອງນັກຮົບໃນໄລຍະເຊື່ອມໂຍງເຂົ້າກັບສາກົນ. ຕາມທ່ານ ຮ່າກິມງອັກ ແລ້ວ, ກອງທັບປະຊາຊົນຫວຽດນາມ ເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ ຢ່າງມີຄວາມຮັບຜິດຊອບ ແລະມີປະສິດທິຜົນ, ໜູນຊ່ວຍມະນຸດສະທໍາ, ປະກອບສ່ວນຮັກສາສັນຕິພາບ, ສະຖຽນລະພາບຢູ່ພາກພື້ນ ແລະໃນໂລກ.

ນຳ​ສົ່ງ​ພົນ​ລະ​ເມືອງ ຫວຽດ​ນາມ ຈາກ​ອາ​ເມ​ລິ​ກາ ແລະ ສິງ​ກະ​ໂປ​ກັບ​ຄືນ​ປະ​ເທດ ຍ​ສ​ໝ - ພາຍຫຼັງເຮືອບິນລົງຈອດຢູ່ສະໜາມບິນສາກົນເກິ່ນເທີ, ຜູ້ໂດຍສານທັງໝົດກໍ່ໄດ້ຮັບການກວດສຸຂະພາບ ແລະ ແຍກຕົວຕາມຂໍ້ກຳນົດ.

ນຳ​ສົ່ງ​ພົນ​ລະ​ເມືອງ ຫວຽດ​ນາມ ກວ່າ 650 ຄົ​ນ ​ຈາກ​ຍີ່​ປຸ່ນ, ອິນ​ໂດ​ເນ​ເຊຍ, ເອີ​ລົບ, ອາບ​ຟ​ຼິກ​ກາ ກັບ​ມາ​ປະ​ເທດ ຍ​ສ​ໝ - ພາຍຫຼັງ​ເຮືອ​ບິນ​ລົງ​ຈອດ​ຢູ່​ສະ​ໜາມ​ບິນ​ສາ​ກົນ ເກິ່ນ​ເທີ ແລະ ເຕິນ​ເຊີນ​ເຍິດ, ຜູ້​ໂດຍ​ສານ​ທຸກ​ຄົນ ໄດ້​ຮັບ​ການ​ກວດ​ສຸ​ຂະ​ພາບ ແລະ ແຍກ​ຕົວ​ຕາມ​ຂໍ້​ກຳ​ນົດ.

ຈັດ​ສົ່ງ​ພົນ​ລະ​ເມືອງ ຫວຽດ​ນາມຈາກ​ກາ​ນາ​ດາ ກັບ​ຄືນ​ປະ​ເທດ ຍ​ສ​ໝ - ພາຍຫຼັງ​ເຮືອ​ບິນ​ລົງ​ຈອດ​ຢູ່​ສະ​ໜາມ​ບິນ​ສາ​ກົນ ເວິນ​ໂດນ, ຜູ້​ໂດຍ​ສານ​ທຸກ​ຄົນ​ໄດ້​ຮັບ​ການກວດ​ສຸ​ຂະ​ພາບ ແລະ ແຍກ​ຕົວ​ຕາມ​ຂໍ້​ກຳ​ນົດ.