 |
| ນະຄອນຫຼວງຮ່າໂນ້ຍໄດ້ມອບຜ້າອັດປາກ ຈຳນວນ 150.000 ອັນ ໃຫ້ແກ່ມົດສະກູ (ຣັດເຊຍ) ເພື່ອຕ້ານ COVID-19. |
ຕອນບ່າຍວັນທີ 12 ພຶດສະພາ, ຢູ່ ສຳນັກງານໃຫຍ່ຄະນະກຳມະການປະຊາຊົນນະຄອນຫຼວງຮ່າໂນ້ຍ, ຜ່ານສະຖານທູດສະຫະພັນລັດເຊຍປະຈຳ ຫວຽດນາມ, ປະທານຄະນະກຳມະການປະຊາຊົນນະຄອນຮ່າໂນ້ຍ ຫງວຽນດຶກຈຸງ ໄດ້ມອບອຸປະກອນການແພດຈຳນວນໜຶ່ງເພື່ອປະກອບສ່ວນສະໜັບສະໜູນ ປະຊາຊົນນະຄອນມົດສະກູ ເພື່ອປ້ອງກັນ ແລະ ຕ້ານການລະບາດຂອງພະຍາດCOVID-19.
ເຂົ້າຮ່ວມພິທີມີທ່ານ ທ່ານ Konstantin Vnukov ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສະຫະພັນລັດເຊຍປະຈຳ ຫວຽດນາມ; ທ່ານນາງ ຫງວຽນເຟືອງງາ ປະທານສະຫະພັນບັນດາອົງການມິດຕະພາບຫວຽດນາມ; ທ່ານ ໂຕແອງຢູງ ຮອງລັດຖະມົນຕີກະຊວງການຕ່າງປະເທດຫວຽດນາມ.
ກ່າວຄຳເຫັນທີ່ພິທີ, ປະທານຄະນະກຳມະການປະຊາຊົນນະຄອນຮ່າໂນ້ຍໃຫ້ຮູ້ວ່າໃນວິກິດການໂລກນີ້, ການຮ່ວມມືກັບສາກົນ ແລະ ການເພີ່ມທະວີຄວາມສາມັກຄີແມ່ນປັດໃຈທີ່ສຳຄັນຫຼາຍໃນການປ້ອງກັນການແຜ່ລະບາດ ແລະ ຫຼຸດຜ່ອນຜົນກະທົບຈາກພະຍາດຕິດແປດຕໍ່ສັງຄົມ ແລະ ເສດຖະກິດຂອງແຕ່ລະປະເທດ ແລະ ພາກພື້ນ.
“ຫວຽດນາມຍາມໃດກໍ່ຕິດຕາມຢ່າງໃກ້ຊິດ ແລະ ຕີລາຄາສູງບັນດາມາດຕະການຢ່າງແຮງເຊິ່ງລັດຖະບານລັດເຊຍປະຕິບັດເພື່ອຄວບຄຸມສະພາບການຕິດເຊື້ອຢູ່ໃນປະຊາຄົມ, ຮັບປະກັນຄວາມປອດໄພທາງສັງຄົມ, ໜູນຊ່ວຍພົນລະເມືອງທີ່ຖືກຜົນສະທ້ອນຈາກພະຍາດ. ຫວຽດນາມກໍ່ໄດ້ຮັບຜົນກະທົບຈາກ COVID-19, ສະນັ້ນພວກເຮົາເຂົ້າໃຈ ແລະ ແບ່ງປັນກັບຄວາມຫຍຸ້ງຍາກແລະ ຄວາມພະຍາຍາມລວມ ຂອງປະຊາຊົນລັດເຊຍໃນການຕໍ່ສູ້ກັບ COVID-19” - ທ່ານຫງວຽນດຶກຈຸງແບ່ງປັນ.
ໃນຂະນະນັ້ນ, ທ່ານຫງວຽນດຶກຈຸງ ກໍ່ໄດ້ເນັ້ນໜັກ, ບົນພື້ນຖານການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງສອງປະເທດຫວຽດນາມ - ລັດເຊຍ ແລະ ສາຍພົວພັນມິດຕະພາບທີ່ເປັນມູນເຊື້ອລະຫວ່າງສອງນະຄອນຫຼວງຮ່າໂນ້ຍ - ມົດສະກູ, ຄະນະພັກ, ອຳນາດການປົກຄອງນະຄອນຫຼວງຮ່າໂນ້ຍ ຢາກໜູນຊ່ວຍອຳນາດການປົກຄອງ ແລະ ປະຊາຊົນ ມົດສະກູ ໃນການຕໍ່ສູ້ຕ້ານພະຍາດລະບາດ COVID-19. ເນື່ອງໃນໂອກາດນີ້, ຜ່ານກະຊວງການຕ່າງປະເທດຫວຽດນາມ, ອຳນາດການປົກຄອງ ແລະ ປະຊາຊົນນະຄອນຫຼວງຮ່າໂນ້ຍ ກໍ່ໄດ້ມອບຜ້າອັດປາກຈໍານວນ 50.000 ອັນໃຫ້ແກ່ສະຖານທູດຫວຽດນາມປະຈຳ ລັດເຊຍ ແລະ ປະຊາຄົມຊາວຫວຽດນາມທີ່ພວມດຳລົງຊີວິດ ແລະ ເຮັດວຽກ ຢູ່ ລັດເຊຍ ເພື່ອນຳໃຊ້ໃນການປ້ອງກັນ ແລະ ຄວບຄຸມ ພະຍາດລະບາດ COVID-19” - ທ່ານ ຫງວຽນດຶກຈຸງ ກ່າວ.
ສ່ວນ ທ່ານ Konstantin Vnukov ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສະຫະພັນລັດເຊຍປະຈຳ ຫວຽດນາມໄດ້ເນັ້ນໜັກວ່າ: “ສອງປະເທດພວກເຮົາມີປະເພນີທີ່ດີທີ່ສຸດໃນການຊ່ວຍເຫຼືອເຊິ່ງກັນ ແລະ ກັນໃນເວລາທີ່ຫຍຸ້ງຍາກທີ່ສຸດ ໃນເມື່ອກ່ອນ ກໍ່ເຊັ່ນດຽວກັນກັບໄລຍະເວລາປະຈຸບັນ. ພິທີໃນມື້ນີ້ໄດ້ສະແດງໃຫ້ເຫັນການພົວພັນແບບດັ້ງເດີມລະຫວ່າງສອງປະເທດ”.
ໃນຂະນະນັ້ນ, ຕາງໜ້າໃຫ້ອໍານາດການປົກຄອງ ແລະ ປະຊາຊົນນະຄອນຫຼວງມົດສະກູ, ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສະຫະພັນລັດເຊຍປະຈຳ ຫວຽດນາມ ໄດ້ສະແດງຄວາມຮູ້ສຶກ ແລະ ຂອບໃຈຢ່າງຈິງໃຈຕໍ່ຂອງຂວັນທີ່ມີຄວາມ ໝາຍ ຂອງຄະນະພັກ, ອຳນາດການປົກຄອງ ແລະ ປະຊາຊົນຮ່າໂນ້ຍ ມອບໃຫ້ອຳນາດການປົກຄອງ ແລະປະຊາຊົນມົດສະກູ ໃນສະພາບການທີ່ສັບສົນຂອງການລະບາດຂອງ COVID-19 ຄືໃນປະຈຸບັນ.
ຜ່ານການມອບອຸປະກອນການແພດໃນຄັ້ງນີ້ກໍ່ສະແດງໃຫ້ເຫັນຄວາມຮັບຜິດຊອບ, ຄວາມຮັກແພງ ແລະ ແບ່ງປັນຂອງນະຄອນຫຼວງຮ່າໂນ້ຍກັບເພື່ອນມິດສາກົນກໍ່ຄືຊຸມຊົນຊາວຫວຽດນາມ ຢູ່ ຕ່າງປະເທດໃນການຮັບມືກັບ ໂລກລະບາດ COVID-19.
 | ລັດຖະບານ ຫວຽດນາມມອບຜ້າອັດປາກ - ດັງການແພດ 20.000 ອັນເພື່ອຊ່ວຍເຫຼືອ ເບລາຣຸດໃນການປ້ອງກັນ, ສະກັດກັ້ນໂລກລະບາດ Covid – 19 ຍສໝ - ວັນທີ 11 ພຶດສະພາ, ໂດຍໄດ້ຮັບມອບສິດຂອງ ທ່ານນາງ ຫງວຽນທິກິມເງິນ ປະທານສະພາແຫ່ງຊາດ ຫວຽດນາມ, ທ່ານ ຫງວຽນແຫ້ງຟຸກ ຫົວໜ້າຫ້ອງວ່າການສະພາແຫ່ງຊາດໄດ້ມອບຜ້າອັດປາກ - ດັງການແພດ 20.000 ອັນໃຫ້ແກ່ທ່ານ Vladimir Goshin ເອກອັກຄະລັດຖະທູດ ວິສາມັນ ຜູ້ມີອຳນາດເຕັມ ສ.ເບລາຣຸດ ປະຈຳ ຫວຽດນາມ. |
 | ຊາວຫວຽດນາມ ອາໄສຢູ່ອັງກິດມອບຜ້າອັດປາກ - ດັງນັບຮ້ອຍອັນເພື່ອຊ່ວຍໃຫ້ບັນດາກຳລັງຢູ່ແນວໜ້າຂອງອັງກິດໃນການຕ້ານໂລກລະບາດ Covid – ຍສໝ - ຫວ່າງມໍ່ໆມານີ້, ຜົວເມຍອ້າຍ ເລດ້າຍວິງ ແລະ ເອື້ອຍ ຫງວຽນທິມາຍ ໄດ້ບໍລິຈາກຜ້າອັດປາກ - ດັງ 300 ອັນ ແລະ ຖົງມື 10 ແກັດ ໃຫ້ແກ່ຫ້ອງການຕຳຫຼວດ ແລະ ໂຮງໝໍ ອັງກິດໃນການຕ້ານໂລກລະບາດ Covid – 19 |
 | ສາດສະດາຈານ ແລະ ທ່ານໝໍ ຮວ່າງແອງຢູງ ມອບ ຜ້າອັດປາກ 30.000 ອັນ ເພື່ອຊ່ວຍແບນຊິກໃນການຕໍ່ສູ້ກັບ COVID-19 ຍສໝ - ວັນທີ 7/5, ສະຖານທູດແບນຊິກປະຈຳ ຮ່າໂນ້ຍ ໄດ້ຮັບຜ້າອັດປາກການແພດ 30.000 ອັນ ເຊິ່ງເປັນຂອງຂວັນຈາກສາດສະດາຈານ ແລະ ທ່ານໝໍ ຮວ່າງແອງຢູງ ມອບໃຫ້ໂຮງໝໍ Erasme ແລະ ໂຮງໝໍພະຍາບານ Val des Roses. |
ໄຊພອນ
