 | ພະນັກງານແມ່ຍິງ ນະຄອນຫຼວງ ວຽງຈັນ ໄດ້ສຳເລັດຫຼັກສູດບຳລຸງວິຊາສະເພາະວຽກງານ |
| ຮ່າໂນ້ຍ - ມາເພື່ອຮັກ |
ຮ່າໂນ້ຍ - ນະຄອນຫຼວງຂອງສາທາລະນະລັດສັງຄົມນິຍົມ ຫວຽດນາມ, ເປັນນະຄອນທີ່ມີປະຫວັດສາດອະລິຍະທຳຍາວນານນັບພັນປີ, ແມ່ນສູນກາງການເມືອງ, ວັດທະນະທຳຂອງທົ່ວປະເທດ ຫວຽດນາມ. ດ້ວຍຈຸດທີ່ປະກາຍແຈ້ງປະຫວັດຄວາມເປັນມາຂອງອາລະຍະທຳນັບພັນປີ ແລະ ການປະສົມປະສານຄວາມເກົ່າແກ່ທີ່ງາມສະຫງ່າກັບຄວາມທັນສະໄໝ, ຮ່າໂນ້ຍ ໄດ້ກາຍເປັນແຫຼ່ງທ່ອງທ່ຽວທີ່ຟົດຟື້ນ ແລະ ມີຊື່ສຽງໂດ່ງດັງ, ໄດ້ດຶງດູດນັກທ່ອງທ່ຽວຕ່າງປະເທດເປັນຈຳນວນຫຼວງຫຼາຍ. ໃນຖານະເປັນນະຄອນຫຼວງ, ຮ່າໂນ້ຍ ໄດ້ເຕົ້າໂຮມສະຖານທີ່ວັດທະນະທຳຫຼາຍແຫ່ງຄື: ວັນໝຽວ - ກວກຕືຢ໋າມ, ກຳແພງພະລາຊະວັງ ທັງລອງ, ໜອງ ຮວ່ານກ໋ຽມ, ວັດວາອາຮາມຫຼາຍແຫ່ງຄື: ວັດ ເຈີ່ນກວກ, ວັດ ຟາບເວີນ ແລະ ວິຫານ ຫງອກເຊີນ...
 |
| ທ້າວ Meng Lei ໄດ້ອວດໃບຢັ້ງຢືນການຄວ້າໄດ້ລາງວັນທີໜຶ່ງໃນການປະກວດຂຽນ “ຮ່າໂນ້ຍ ໃນໃຈຂ້ອຍ”. |
ຂ້າພະເຈົ້າໄດ້ກ້າວເຂົ້າສູ່ດິນແດນແຫ່ງນີ້ຄັ້ງທຳອິດໃນເດືອນ ມີນາ ປີ 2023, ໃນຖານະເປັນນັກຮຽນແລກປ່ຽນທີ່ເຂົ້າຮ່ວມໂຄງການຝຶກອົບຮົມໄລຍະສັ້ນຢູ່ພະແນກຫວຽດນາມວິທະຍາ, ມະຫາວິທະຍາໄລ ຮ່າໂນ້ຍ. ເມື່ອມາຮອດ ຫວຽດນາມ, ໂດຍສະເພາະ ຢູ່ເຂດນະຄອນ ຮ່າໂນ້ຍ, ສິ່ງທີ່ເຮັດໃຫ້ຂ້າພະເຈົ້າປະທັບໃຈ ແລະ ຕົກໃຈແມ່ນສະພາບການຈະລາຈອນຢູ່ທີ່ນີ້. ໃນຂະນະທີ່ຍັງຮຽນຢູ່ປະເທດ ຈີນ, ຄູອາຈານຂອງຂ້າພະເຈົ້າກໍ່ເຄີຍໄດ້ເລົ່າເລື່ອງລາວກ່ຽວກັບຊ່ວງເວລາເຄີຍໄປຮຽນຢູ່ ຮ່າໂນ້ຍ ແລະ ບັນດາການລົງຕົວຈິງທີ່ໜ້າຈັບໃຈຢູ່ທີ່ນີ້. ພິເສດ ແມ່ນເມື່ອເວົ້າເຖິງການຈະລາຈອນຢູ່ ຮ່າໂນ້ຍ, ຄູອາຈານນຳໃຊ້ສຳນວນເພື່ອສັງລວມ, ນັ້ນແມ່ນຄຳວ່າ “ຕື່ມຂໍ້ມູນໃສ່ບ່ອນວ່າງ”. ແລະກໍ່ຖືກຕ້ອງຕາມດັ່ງທີ່ຄູສອນໄດ້ແບ່ງປັນ, ການຈະລາຈອນຢູ່ ຮ່າໂນ້ຍ ເບິ່ງຄືວ່າມີຈັງຫວະສະເພາະຂອງຕົນເອງ.
ພາຍຫຼັງມາດຳລົງຊີວິດຢູ່ທີ່ນີ້ໄດ້ໄລຍະໜຶ່ງ, ຂ້າພະເຈົ້າໄດ້ຄ່ອຍໆສຳພັດກັບພາຫະນະຄົມມະນາຄົມຢູ່ ຮ່າໂນ້ຍ, ໂດຍສະເພາະແມ່ນລົດຈັກ, ລົດຈັກຍັງແມ່ນພາຫະນະທີ່ສະດວກທີ່ສຸດຂອງປະຊາຊົນຢູ່ທີ່ນີ້ ເພື່ອໄປມາຫາສູ່ກັນ. ການຈະລາຈອນຢູ່ ຮ່າໂນ້ຍ ສາມາດເຮັດໃຫ້ຄົນມາຢູ່ໃໝ່ຄືຂ້າພະເຈົ້າຮູ້ສຶກເປັນກັງວົນ, ແຕ່ນັ້ນກໍ່ເປັນສ່ວນໜຶ່ງຂອງຈຸດລັກສະນະພິເສດຂອງນະຄອນແຫ່ງນີ້.
ຄວາມຕື່ນຕາຕື່ນໃຈອັນທີສອງສຳລັບຂ້າພະເຈົ້າແມ່ນອາຫານຢູ່ ຮ່າໂນ້ຍ. ອາຫານຢູ່ທີ່ນີ້ເຮັດໃຫ້ຂ້າພະເຈົ້າມີການສຳຜັດໃຫມ່ໆ, ເຕັມໄປດ້ວຍຄວາມໜ້າຈັບໃຈ ແຕ່ກໍ່ມີຄວາມທ້າທາຍບໍ່ໜ້ອຍກ່ຽວກັບລົດຊາດຂອງນັກສຶກສາຕ່າງປະເທດ. ນັບແຕ່ບັນດາມື້ທຳອິດ, ຂ້າພະເຈົ້າໄດ້ຮັບການແນະນຳບັນດາເຍື່ອງອາຫານທີ່ເປັນເອກະລັກພິເສດຂອງ ຮ່າໂນ້ຍ ໂດຍບັນດາຄູອາຈານ ແລະ ໝູ່ເພື່ອນ ຫວຽດນາມ ຄື: ເຝີ, ເຂົ້າປຸ້ນຊີ້ນປີ້ງ ແລະ ເຍື່ອງອາຫານທີ່ຂາດບໍ່ໄດ້ - ເຂົ້າຈີ່ປ່າເຕ້. ແຕ່ລະເຍື່ອງມີລົດຊາດທີ່ເປັນເອກະລັກສະເພາະ ແລະ ດັ້ງເດີມຂອງຕົນເອງ. ເຍື່ອງອາຫານທີ່ຂ້າພະເຈົ້າມັກທີ່ສຸດແມ່ນ ເຝີ, ດ້ວຍນ້ຳຊຸບໃສ ແລະ ຫວານນົວພໍຄວນ, ເວລາກິນ, ບີບຫມາກນາວໃສ່, ຈະເຫັນວ່າມັນຫຼຸດຫວານລົງຫຼາຍ, ພ້ອມກັນນັ້ນ ກໍ່ເພີ່ມຄວາມແຊບນຳອີກ. ນອກຈາກ ເຝີແລ້ວ, ເຂົ້າຈີ່ປ່າເຕ້ກໍ່ຍັງແມ່ນເຍື່ອງອາຫານ ຫວຽດນາມ ທີ່ເປັນເອກະລັກສະເພາະທີ່ເຮັດໃຫ້ຂ້າພະເຈົ້າມີຄວາມປະທັບໃຈ.
 |
| ທ້າວ Meng Lei ກ່າວຄຳປາໄສທີ່ພິທີປິດຊຸດອົບຮົມໄລຍະສັ້ນກ່ຽວກັບພາສາ ຫວຽດນາມ ແລະ ວັດທະນະທຳ ຫວຽດນາມ ຂອງມະຫາວິທະຍາໄລ ຮ່າໂນ້ຍ ເດືອນ ກໍລະກົດ ປີ 2023. |
ນອກຈາກເວລາຮ່ຳຮຽນຢູ່ໂຮງຮຽນ, ຂ້າພະເຈົ້າຍັງໄດ້ໃຊ້ເວລາໄປຢ້ຽມຢາມບັນດາທັດສະນີຍະພາບຄື ວັນໝຽວ - ກວກຕືຢ໋າມ, ກຳແພງພະລາຊະວັງ ທັງລອງ, ທາງລົດໄຟ... ຂອງ ຮ່າໂນ້ຍ ເພື່ອຊອກຮູ້ກ່ຽວກັບຄວາມສວຍງາມ ແລະ ບັນຍາກາດວັດທະນະທຳຢູ່ທີ່ນີ້. ໜຶ່ງໃນບັນດາສະຖານທີ່ທ່ອງທ່ຽວທຳອິດທີ່ຂ້າພະເຈົ້າໄດ້ໄປຢ້ຽມຢາມ ແລະ ໄປຫຼາຍເທື່ອແມ່ນ ວັນໝຽວ - ກວກຕືຢ໋າມ, ສະຖານທີ່ໄດ້ຮັບຖືວ່າແມ່ນສັນຍາລັກແຫ່ງຄວາມສະຫຼາດສ່ອງໃສ ແລະ ການສຶກສາຂອງ ຫວຽດນາມ.
ທາງລົດໄຟ ເປັນຈຸດໝາຍປາຍທາງທີ່ດຶງດູດນັກທ່ອງທ່ຽວສາກົນ, ລວມທັງຕົວຂ້າພະເຈົ້າເອງ. ຢູ່ຕ່າງປະເທດ, ບໍ່ຄ່ອຍພົບຖະໜົນຫົນທາງທີ່ລົດໄຟຜ່ານໃກ້ໆກັບປະຕູເຮືອນຄືແນວນັ້ນ. ຄວາມຮູ້ສຶກຂອງການນັ່ງກິນກາເຟພຽງແຕ່ບໍ່ຫ່າງເທົ່າໃດແມັດຈາກທາງລົດໄຟທີ່ໄປຜ່ານ ແມ່ນເປັນການສຳຜັດການທີ່ເປັນເອກະລັກສະເພາະ ແລະ ຕື່ນເຕັ້ນເຊິ່ງຜູ້ມາທ່ຽວຫຼາຍຄົນບໍ່ສາມາດຊອກຫາຢູ່ບ່ອນອື່ນໄດ້. ພິເສດແມ່ນໃນທ້າຍອາທິດ, ນັກທ່ອງທ່ຽວໄດ້ເຕົ້າໂຮມກັນມາຢ້ຽມຢາມຈຸດເວລາທີ່ເປັນເອກະລັກສະເພາະນີ້, ຖະໜົນທາງລົດໄຟຊ່ວງເວລານີ້ຄຶກຄື້ນຄືກັບຕະຫຼາດ. ສຽງຫົວຢອກໄຍ, ສຽງກ້ອງຖ່າຍຮູບຢ່າງລຽນຕິດ, ສຽງຕ້ອນຮັບແຂກມາທ່ຽວຢ່າງຄຶກຄັກ ແລະ ສຽງຕັກເຕືອນເອົາໃຈໃສ່ຕໍ່ຄວາມປອດໄພຂອງເຈົ້າຮ້ານກາເຟ... ສ້າງບັນຍາກາດທີ່ຄຶກໂຄມ ແຕ່ເວົ້າຖືກກວ່າແມ່ນ ຟົດຟື້ນ ແລະ ມ່ວນຊື່ນ.
ເວລາຜ່ານໄປຄືຟ້າຜ່າ, ດຳລົງຊີວິດ ແລະ ຮ່ຳຮຽນຢູ່ ຮ່າໂນ້ຍ ແມ່ນເກືອບ 1 ປີ. ເມື່ອເບິ່ງຄືນຊ່ວງເວລາຂອງຂ້າພະເຈົ້າຢູ່ທີ່ນີ້, ຈາກບັນດາຄວາມຕື້່ນຕາຕື່ນໃຈຄັ້ງທໍາອິດຂອງການຈະລາຈອນ, ອາຫານຈົນເຖິງການລົງຕົວຈິງຂອງການໄປຕາມຖະຫນົນຫົນທາງ, ຊ່ວງເວລາລຽບໆງ່າຍໆຂອງການນັ່ງຢູ່ແຄມທາງເພື່ອດື່ມຈອກກາເຟ ... ທັງຫມົດຊ່ວຍໃຫ້ຂ້າພະເຈົ້າມີຄວາມຮູ້ສຶກ ແລະ ຊອກຮູ້ເລິກເຊິ່ງກວ່າກ່ຽວກັບວັດທະນະທຳ, ປະຊາຊົນ ແລະ ຈັງຫວະຊີວິດຂອງ ຮ່າໂນ້ຍ. ໃນໄລຍະຈະມາເຖິງ, ຂ້າພະເຈົ້າຍັງຈະໄປສຳຜັດ ແລະ ຄົ້ນຫາບັນດາສິ່ງທີ່ຍັງບໍ່ທັນໄດ້ມາຢ້ຽມຢາມ, ຫວັງວ່າ ຮ່າໂນ້ຍ ຈະພັດທະນາກວ່າອີກ ເພື່ອດຶງດູດນັກທ່ອງທ່ຽວມາຢ້ຽມຢາມນະຄອນອະລິຍະທຳນັບພັນປີແຫ່ງນີ້!
 | ງານແຂ່ງຂັນເທັນນິດ ມິດຕະພາບ 2024: ກິລາເຊື່ອມຕໍ່ຊາວຮ່າໂນ້ຍ ກັບເພື່ອນມິດສາກົນ ຍສໝ - ວັນທີ 22 ກັນຍາ, ຢູ່ຮ່າໂນ້ຍ, ສະຫະພັນບັນດາອົງການມິດຕະພາບນະຄອນຫຼວງຮ່າໂນ້ຍ ໄດ້ສົມທົບກັບພະແນກວັດທະນະທຳ ແລະ ກິລາຮ່າໂນ້ຍ ຈັດຕັ້ງພິທີເປີດງານແຂ່ງຂັນເທັນນິດມິດຕະພາບ 2024. ການເຄື່ອນໄຫວເພື່ອແນໃສ່ສ້າງເງື່ອນໄຂໃຫ້ບັນດານັກການທູດທີ່ເຮັດວຽກຢູ່ຮ່າໂນ້ຍ ໄດ້ມີໂອກາດພົບປະ,ແລກປ່ຽນກັບພະນັກງານທີ່ເຮັດວຽກງານການທູດປະຊາຊົນ ແລະ ຂະແໜງວັດທະນະທຳ, ກິລາຂອງນະຄອນຫຼວງ. |
 | ພັນລະຍາ ໂງເຟືອງລີ ແລະພັນລະຍາ ນາລີ ສີສຸລິດ ໄປຢ້ຽມຢາມສູນອຸປະກະລະເດັກ Birla ຮ່າໂນ້ຍ ຍສໝ - ສູນອຸປະກະລະເດັກ Birla ຮ່າໂນ້ຍ, ບ່ອນຮັບຄຸ້ມຄອງ, ເບິ່ງແຍງ, ລ້ຽງດູເດັກນຜູ້ປະສົບກັບຄວາມຫຍຸ້ງຍາກເປັນພິເສດຫຼາຍກວ່າ 500 ເທື່ອຄົນ. |
ມິງດຶກ
