| ການພົວພັນຄູ່ຮ່ວມມືຍຸດທະສາດຫວຽດນາມ-ສິງກະໂປ ໄດ້ຮັບການປັບປຸງຢ່າງບໍ່ຢຸດຢັ້ງ | |
| ຫວຽດນາມ ໄດ້ເຂົ້າຮ່ວມກອງປະຊຸມທົບທວນນະໂຍບາຍການຄ້າຄັ້ງທີ 7 ຂອງອິນເດຍ |
 |
| ເມື່ອບໍ່ດົນມານີ້, ບັນດາແຂວງພາກພາງຂອງຫວຽດນາມ ຖືກເສຍຫາຍ ຢ່າງໜັກໜ່ວງກ່ຽວກັບຊັບສິນອີນຊີ. ເມື່ອນໍ້າຖ້ວມຫຼຸດລົງແລ້ວ, ປະຊາຊົນ ໄດ້ເລີ່ມເຮັດອະນາໄມເຮືອນຊານເພື່ອສ້າງຊີວິດການເປັນຢູ່ເປັນປົກກະຕິ ໂດຍໄວ. ນອກຈາກທະຫານລາດ, ທະຫານ, ກຸ່ມນັກສຶກສາລາວ ກໍ່ເຂົ້າຮ່ວມຊ່ວຍເຫຼືອພໍ່ແມ່ປະຊາຊົນຢູ່ທີ່ນີ້ຢ່າງສຸດຈິດສຸດໃຈ. ພາບ: baohatinh |
ປັດຈຸບັນ, ມະຫາວິທະຍາໄລຮ່າຕິ້ງ ສສ.ຫວຽດນາມ ແມ່ນໜຶ່ງໃນຈຳນວນໂຮງຮຽນທີ່ມີນັກສຶກສາລາວ ມາຮຽນຫຼາຍທີ່ສຸດໃນທົ່ວປະເທດ ສະເລ່ຍໃນແຕ່ລະປີແມ່ນ 1.000 ກວ່າຄົນ. ນອກຈາກການສ້າງຕໍາລາຮຽນໃຫ້ສອດຄ່ອງກັບນັກສຶກສາລາວ ແລ້ວ, ທາງໂຮງຮຽນຍັງຈັດການໄປທັດສະນະສຶກສາ, ສ້າງໂອກາດໃຫ້ນັກສຶກສາລາວ ໄດ້ພົບປະໂອ້ລົມກັບນັກສຶກສາຫວຽດ, ຊ່ວຍໃຫ້ພວກນ້ອງຝຶກຝົນຫຼໍ່ຫຼອມທັກສະໃນການດຳລົງຊີວິດ ແລະຄວາມຮູ້ກ່ຽວກັບສັງຄົມອີກດ້ວຍ.
ໃນເວລາ 10 ກວ່າປີຜ່ານມາ, ມະຫາວິທະຍາໄລຮ່າຕິ້ງ ໄດ້ກາຍເປັນສະຖານທີ່ບໍາລຸງສ້າງທີ່ດຶງດູດນັກສຶກສາລາວ ມາສຶກສາຮໍ່າຮຽນ. ຈາກແຫຼ່ງບໍາລຸງສ້າງນີ້ມີນັກສຶກສາລາວ ຮຸ່ນຕ່າງໆໄດ້ເຕີບໃຫຍ່ຂະຫຍາຍຕົວ, ນັກສຶກສາລາວຫຼາຍຄົນມີວຽກເຮັດງານທໍາຖືກຕາມວິຊາສະເພາະທີ່ຕົນເອງໄດ້ຮຽນມາ. ໃນຄວາມຊົງຈໍາຂອງພວກນ້ອງ, ຮູບພາບນັກສຶກສາຫວຽດນາມ, ນັກສຶກສາຮ່າຕິ້ງ ທີ່ເຕັມໄປດ້ວຍຄວາມຟົດຟື້ນ, ຄວາມສາມາດປັບຕົວສູງ, ມີຄຸນນະທາດສູງຍາມໃດກໍ່ແມ່ນຮູບພາບທີ່ດີງາມ, ເປັນບົດຮຽນອັນລໍ້າຄ່າ ເຊິ່ງພວກນ້ອງຮໍ່າຮຽນໄດ້ຢູ່ທີ່ນີ້.
ທ້າວ ພູວັນ ທໍາມະວົງ, ນັກສຶກສາປີທີ 3 ພະແນກເຕັກນິກ-ເຕັກໂນໂລຢີ, ມະຫາວິທະຍາໄລຮ່າຕິ້ງ ໃຫ້ຮູ້ວ່າ: 4 ປີທີ່ດໍາລົງຊີວິດ ແລະຮໍ່າຮຽນຢູ່ຮ່າຕິ້ງ ແມ່ນມີທັງຄວາມເບີກບານມ່ວນຊື່ນ ແລະຄວາມໂສກເສົ້າຫງ່ວມເຫງົາສັບປົນກັນໄປ, ນ້ອງ ຮູ້ສຶກຮັກຫອມດິນແດນແຫ່ງນີ້ ແລະຮັກແພງປະຊາຊົນຢູ່ທີ່ນີ້ຫຼາຍກວ່າ.
ເມື່ອບໍ່ດົນມານີ້, ບັນດາແຂວງພາກພາງຂອງຫວຽດນາມ ຖືກເສຍຫາຍ ຢ່າງໜັກໜ່ວງກ່ຽວກັບຊັບສິນອີນຊີ. ເມື່ອນໍ້າຖ້ວມຫຼຸດລົງແລ້ວ, ປະຊາຊົນ ໄດ້ເລີ່ມເຮັດອະນາໄມເຮືອນຊານເພື່ອສ້າງຊີວິດການເປັນຢູ່ເປັນປົກກະຕິ ໂດຍໄວ. ນອກຈາກທະຫານລາດ, ທະຫານ, ກຸ່ມນັກສຶກສາລາວ ກໍ່ເຂົ້າຮ່ວມຊ່ວຍເຫຼືອພໍ່ແມ່ປະຊາຊົນຢູ່ທີ່ນີ້ຢ່າງສຸດຈິດສຸດໃຈ.
ບັນດານັກສຶກສາລາວ ຢູ່ຮ່າຕີ້ງ ກໍ່ໄດ້ມາເຮືອນຂອງພໍ່ແມ່ປະຊາຊົນພາກກາງ ເພື່ອໜູນຊ່ວຍການເກັບມ້ຽນ, ເຮັດອານາໄມ, ແກ້ໄຂຜົນຮ້ານຢ້ອນຫຼັງຈາກໄພທໍາມະຊາດ ເປັນເວລາ 3 ວັນ. ອະທິບາຍເຖິງການກະທຳດັ່ງກ່າວ, ບັນດານັກສຶກສາລາວ ໃຫ້ຮູ້ວ່າ, ໃນຍາມຫຍຸ້ງຍາກ, ພວກນ້ອງໄດ້ຮັບການຊ່ວຍເຫຼືອຈາກຊາວຫວຽດນາມ, ສະນັ້ນດຽວນີ້ພວກນ້ອງຢາກຕອບບຸນແທນຄຸນດ້ວຍການກະທຳທີ່ແທດຈິງທີ່ສຸດ. ໂດຍສະເພາະນັກສຶກສາລາວ ໄດ້ຖືຫວຽດນາມ ປຽບເໝືອນບ້ານເກີດເມືອງນອນທີ່ສອງຂອງຕົນ.
ຕໍ່ໜ້າສາຍຈິດມິດໃຈຂອງນັກສຶກສາລາວ, ປະຊາຊົນມີສະເທືອນໃຈຕໍ່ບັນດາ ຄົນໄວໜຸ່ມ ແຕ່ມີໃຈບຸນໃຈກຸສົນ. ໃນຊ່ວງເວລາທີ່ຫຍຸ້ງຍາກນີ້, ຄວາມສາມັກຄີ ແລະຄວາມເມດຕາຈະມີໂອກາດແສງສະຫວ່າງ. ເຖິງວ່າອາຍຸຍັງນ້ອຍ, ແຕ່ສາຍຈິດມິດໃຈ ແລະຫົວໃຈທີ່ສູງສົ່ງຂອງນັກສຶກສາລາວ ແມ່ນສົມຄວນໄດ້ຮັບກຽດ ແລະຍ້ອງຍໍ.
 | ສານອວຍພອນກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກປະຊາຊົນປະຕິວັດລາວ ຍສໝ - ວັນທີ 12 ມັງກອນ, ຄະນະບໍລິຫານງານສູນກາງພັກກອມມູນິດ ຫວຽດນາມ ໄດ້ສົ່ງສານອວຍພອນໄປຍັງກອງປະຊຸມໃຫຍ່ທົ່ວປະເທດຄັ້ງທີ XI ຂອງພັກປະຊາຊົນປະຕິວັດລາວ. |
 | ສປປ ລາວ ບໍ່ມີຄົນຕິດເຊື້ອໂຄວິດ-19 ເພີ່ມ ທ່ານ ດຣ.ພູທອນ ເມືອງປາກ ກ່າວວ່າ: ປັດຈຸບັນ, ຢູ່ປະເທດຂອງພວກເຮົາ ມີຂະບວນການອັນສຳຄັນ ລະດັບຊາດຫລາຍຢ່າງ ເປັນຕົ້ນ ການດຳເນີນກອງປະຊຸມ ໃຫ່ຍຄັ້ງທີ XI ຂອງພັກ, ວັນສ້າງຕັ້ງກອງທັບ 20 ມັງກອນ ຄົບຮອບ 72 ປີ (1949-2021), ວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 66 ປີ (1955-2021) ຊຶ່ງຈະຕ້ອງໄດ້ຮຽກຮ້ອງ ໃຫ້ທົ່ວສັງຄົມຮ່ວມແຮງ, ຮ່ວມໃຈກັນປ້ອງກັນພະຍາດ COVID-19 ເພື່ອໃຫ້ປະເທດຂອງພວກເຮົາ ມີຄວາມສະຫງົບສຸກ ຮັບປະກັນບໍ່ໃຫ້ມີການລະບາດຂອງພະຍາດ COVID-19. |
 | ລາວ ບໍ່ພົບຜູ້ຕິດເຊື້ອໂຄວິດ-19 ເພີ່ມ ຮຽກຮ້ອງໃຫ້ທຸກຄົນບໍ່ຄວນປະໝາດ ສະເພາະວັນທີ 10 ມັງກອນ 2021 ມີຜູ້ເດີນທາງເຂົ້າມາທັງໝົດ 2.564 ຄົນໃນນັ້ນ ຜ່ານດ່ານລາວ-ໄທ 1.258 ຄົນ(ແຮງງານລາວ ກັບມາແຕ່ໄທ 48 ຄົນ), ຜ່ານດ່ານລາວ-ຈີນ 32 ຄົນ, ດ່ານລາວ-ຫວຽດນາມ 1.131 ຄົນ, ຜ່ານສະໜາມບິນສາ ກົນວັດໄຕທັງໝົດ 143 ຄົນ ເປັນຄົນຈີນ ທັງໝົດໄດ້ແທກ ອຸນຫະພູມຮ່າງກາຍ, ບໍ່ມີອາການເປັນໄຂ້ ແລະ ໄດ້ເກັບຕົວຢ່າງ ທັງໝົດມາກວດເພື່ອຊອກຫາເຊື້ອ ໂຄວິດ-19 ຈາກນັ້ນໄດ້ນຳສົ່ງໄປ ສະຖານທີ່ຈຳກັດບໍລິເວນ 14 ວັນ. |
ໄຊພອນ
