ຄະນະສະເພາະກິດ ຢືນຢັນ ສປປ ລາວ ບໍ່ພົບຜູ້ຕິດເຊື້ອເພີ່ມ

	ວາລະສານ ຍຸກສະໄໝ ອວຍພອນ ສະຖານທູດ ສປປ.ລາວ ປະຈຳ ຫວຽດນາມ ເນື່ອງໃນໂອກາດສະເຫຼີມສະຫຼອງວັນຊາດ ຂອງ ສປປ.ລາວ ຄົບຮອບ 45 ປີ
	ຄະນະສະເພາະກິດ ແນະນໍາໃຫ້ປະຊາຊົນດໍາລົງວິຖີຊີວິດແບບໃໝ່ ເພື່ອຫ່າງໄກໂຄວິດ-19

ທ່ານ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ

ທ່ານ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ກ່າວວ່າ: ໄລຍະຜ່ານມາ ລັດຖະບານລາວ ໄດ້ສັກວັກແຊງ ປ້ອງກັນ ພະຍາດໂຄວີດ-19 ແລ້ວຈຳນວນໜຶ່ງ, ເຊິ່ງໄດ້ຮັບການຊ່ວຍເຫລືອຈາກ ສປ ຈີນ ແລະ ສ ຣັດເຊຍ ເຊິ່ງແນ່ໃສ່ກຸ່ມເປົ້າໝາຍ ບູລິມະສິດ ຜູ້ທີ່ເປັນກຸ່ມສ່ຽງ ທີ່ຢູ່ຂັ້ນສູນກາງ ແລະ ຂັ້ນແຂວງ ຄື: ພະນັກງານແພດທີ່ເຮັດວຽກງານບໍລິການ ຢູ່ໂຮງໝໍ ແລະ ສະຖານທີ່ບໍລິການ ສາທາລະນະສຸກ, ພະນັກງານຜູ້ທີ່ເຮັດວຽກ ຈຸດຜ່ານແດນ ເຊິ່ງເປັນຈຸດທຳອິດ ທີ່ມີຜູ້ເດີນທາງຈາກ ຕ່າງປະເທດຜ່ານເຂົ້າມາລາວ, ຜູ້ທີ່ເຮັດວຽກຢູ່ທີ່ສະຖານທີ່ຈຳກັດບໍລິເວນ ລວມທັງບັນດາໂຮງແຮມ ທີ່ນຳໃຊ້ເປັນບ່ອນຈຳກັດບໍລິເວນ. ນອກຈາກກຸ່ມຄົນທີ່ກ່າວມານັ້ນ ຖ້າມີຄວາມຈຳເປັນຕ້ອງໄດ້ຮັບວັກແຊງ ຈະຕ້ອງໄດ້ນຳສະເໜີ ຫາຄະນະສະເພາະກິດ ເພື່ອພິຈາລະນາແກ້ໄຂຕາມເງື່ອນໄຂຄວາມເປັນຈິງ ແລະ ໃນອະນາຄົດຂ້າງໜ້າ ຈະໄດ້ພິຈາລະນາໃຫ້ວັກແຊງ ກຸ່ມຄົນອື່ນໆ ໃນສັງຄົມໃນຂັ້ນຕໍ່ໄປ.

ທ່ານ ຣັດຕະນະໄຊ ເພັດສຸວັນ ກ່າວຕື່ມວ່າ: ສປປ ລາວ ກຳລັງຈະໄດ້ຮັບ ການຊ່ວຍເຫລືອ ວັກແຊງ ປ້ອງກັນພະຍາດ ໂຄວິດ-19 ໃນໄວໆນີ້ ກໍ່ຄື AstraZeneca ຄັ້ງທີ 1 ຈໍານວນ 132.000 ໂດສ, ເຊິ່ງວັກແຊງດັ່ງກ່າວ ແມ່ນນຳໃຊ້ໄວຣັສອະເດໂນ ໃນລິງຊິມແປນຊີ ເຂົ້າໃນການຜະລິດ, ຜ່ານການຄົ້ນຄວ້າ ທົດລອງໃນ ກຸ່ມອາສາສະໝັກຫລາຍໝື່ນຄົນ ເຫັນວ່າມີປະສິດທິພາບ ໃນການປ້ອງກັນພະ ຍາດໄດ້ສູງ ແລະ ບໍ່ພົບຜົນຂ້າງຄຽງທີ່ຮຸນແຮງ ຈາກການນຳໃຊ້. ປັດຈຸບັນ ວັກແຊງ AstraZeneca ແມ່ນໄດ້ຮັບການອະນຸມັດເກືອບ 30 ປະເທດໃນທົ່ວໂລກ. ພ້ອມດຽວກັນນັ້ນ, ຍັງໄດ້ຮັບຮອງຈາກ ອົງການອະນາໄມໂລກ ສຳລັບການນຳໃຊ້ ໃນພາວະສຸກເສີນອີກດ້ວຍ.

ທ່ານ ຣັດຕະນະໄຊ ເພັດສຸວັນ ກ່າວວ່າ: ໃນວັນທີ 18 ມີນາ 2021 ມີຜູ້ເດີນທາງເຂົ້າມາທັງໝົດ 2.762 ຄົນ ໃນນັ້ນ ຜ່ານດ່ານ ລາວ-ໄທ 1.664 ຄົນ, ຜ່ານດ່ານ ລາວ-ຈີນ 48 ຄົນ, ດ່ານລາວ-ຫວຽດນາມ 1.016 ຄົນ ແລະ ຜ່ານສະໜາມບິນ ສາກົນວັດໄຕ 34 ຄົນ. ທັງໝົດໄດ້ແທກອຸນຫະພູມຮ່າງກາຍ, ບໍ່ມີອາການ ເປັນໄຂ້ ແລະ ໄດ້ເກັບຕົວຢ່າງທັງໝົດມາກວດ ເພື່ອຊອກຫາເຊື້ອໂຄວິດ-19 (ຍົກເວັ້ນແຕ່ຜູ້ຂັບລົດຂົນສົ່ງ ແລະ ຜູ້ຕິດຕາມ). ຈາກນັ້ນ, ໄດ້ນຳສົ່ງ ໄປສະຖານ ທີ່ຈຳກັດບໍລິເວນ 14 ວັນ. ໃນວັນດຽວກັນ ທາງຄະນະສະເພາະກິດ ຍັງໄດ້ເກັບຕົວຢ່າງ ມາກວດວິເຄາະທັງໝົດ 855 ຕົວຢ່າງ ຜົນກວດວິເຄາະ ທັງໝົດ ແມ່ນບໍ່ພົບເຊື້ອ ສັງລວມການກວດວິເຄາະແຕ່ ເດືອນ ມັງກອນ 2020 ຮອດປັດຈຸບັນໄດ້ເກັບຕົວຢ່າງມາກວດທັງໝົດ 124.924 ຕົວຢ່າງ, ກວດພົບເຊື້ອສະສົມ 49 ຄົນ.

ຄະນະສະເພາະກິດ ແນະນໍາໃຫ້ປະຊາຊົນດໍາລົງວິຖີຊີວິດແບບໃໝ່ ເພື່ອຫ່າງໄກໂຄວິດ-19 ປັດຈຸບັນເຖິງວ່າຕົວເລກສະສົມ ຜູ້ຕິດພະຍາດອັກເສບປອດທີ່ເກີດຈາກ ເຊື້ອຈຸລະ​ໂລກ​ສາຍ​ພັນໃໝ່ COVID-19 ຢູ່ ສປປ ລາວ ເຮົາຈະຈຶ້ງຢູ່ທີ່ ຈໍານວນ 23 ຄົນ ມາໄດ້ຫລາຍວັນກໍຕາມ, ແຕ່ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂພະຍາດ​ດັ່ງກ່າວ ຍັງມີຄວາມກັງວົນວ່າ ຖ້າຫາກປະຊາຊົນ ບໍ່ປະຕິບັດມາດຕະການ ປ້ອງກັນທີ່ດີ ແລ້ວ ກໍອາດມີຄວາມສ່ຽງ ທີ່ພະຍາດນີ້ ຈະເກີດການລະບາດ ອີກຮອບໃໝ່. ສະນັ້ນ, ຈຶ່ງແນະນໍາໃຫ້ປະຊາຊົນ ບັນດາເຜົ່າໃນທົ່ວປະເທດ ສືບຕໍ່ປະຕິບັດ ບັນດາມາດຕະການ ແລະ ດໍາລົງວິຖີຊີວິດແບບໃໝ່ (New Nomal) ເພື່ອໃຫ້ຫ່າງໄກຈາກພະ ຍາດດັ່ງກ່າວ.

ປະເທດລາວ ຢືນຢັນ ພົບຜູ້ຕິດເຊື້ອໂຄວິດ-19 ເພີ່ມອີກ 1 ຄົນ ລວມທັງໝົດ 16 ຄົນ ຍສໝ - ໃນວັນທີ່ 9 ເມສາ 2020, ຕາມຖະແຫຼ່ງຂ່າວ ຂອງກະຊວງສາທາລະນະສຸກ ສປປ.ລາວ ວ່າ ມາຮອດຕອນແລງວັນທີ່ 9 ເມສາ, ໄດ້ກວດພົບ ຜູ້ຕິດເຊື້ອ Covid-19 ເພີ່ມຂຶ້ນ 1 ກໍລະນີ, ເຮັດໃຫ້ຈຳນວນຜູ້ຕິດເຊື້ອທັງໝົດ ໃນປະເທດລາວ ເພີ່ມຂຶ້ນເປັນ 16 ຄົນ.

ສປປ ລາວ ​ໄດ້​ມີ​ຄວາມ​ພ້ອມໃນ​ທຸກ​ດ້ານ ​ເພື່ອ​ຮອງ​ຮັບ​ການ​ລະບາດ​ ຂອງ​ເຊື້ອພະຍາດ Covid-19 ທີ່​ອາດ​ຈະ​​ແຜ່​ລະບາດ​ ຢູ່​ ສປປ ລາວ ວັນ​ທີ 16 ມີນາ 2020 ທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ ພ້ອມ​ດ້ວຍ​ຄະນະ ​ໄດ້​ລົງ​ເຄື່ອນ​ໄຫວ ​ຕິດຕາມ​ການ​ເຝົ້າ​ລະວັງ, ປ້ອງ​ກັນ, ຄວບ​ຄຸມ ​ແລະ ​ແກ້​ໄຂ​ການ​ແຜ່​ລະບາດ ຂອງ​ເຊື້ອ​ໄວຣັດ​ໂຄ​ວິດ-19 ຢູ່ດ່ານ​ສາກົນ ຂົວ​ມິດຕະພາບ ​ລາວ-​ໄທ1, ສະໜາມ​ບິນ​ສາກົນ​ວັດ​ໄຕ, ​ໂຮງໝໍສູນ​ກາງ 103 ​ແລະ ​ໂຮ​ງໝໍ ມິດຕະພາບ ...