| ລັດຖະມົນຕີການຕ່າງປະເທດ ບັນດາປະເທດອາຊຽນ ຕັ້ງຄວາມຫວັງຕໍ່ກອງປະຊຸມ AMM 53 | |
| ການເຄື່ອນໄຫວຕ່າງໃນຂອບເຂດກອງປະຊຸມລັດຖະມົນຕີການຕ່າງປະເທດ ອາຊຽນຄັ້ງທີ 53 |
 |
| ທ່ານ ຫງວຽນກ໊ວກຢຸງ ຮອງລັດຖະມົນຕີກະຊວງການຕ່າງປະເທດ, ຫົວໜ້າຄະນະ SOM ອາຊຽນ ຫວຽດນາມ. |
ຕອນບ່າຍວັນທີ 10 ກັນຍາ, ຢູ່ນອກບັນດາການເຄື່ອນໄຫວຂອງກອງປະຊຸມລັດຖະມົນຕີກະຊວງການຕ່າງປະເທດ ອາຊຽນ ຄັ້ງທີ 53 (AMM - 53), ທ່ານ ຫງວຽນກ໊ວກຢຸງ ຮອງລັດຖະມົນຕີກະຊວງການຕ່າງປະເທດ, ຫົວໜ້າຄະນະ SOM ອາຊຽນ ຫວຽດນາມໃຫ້ຮູ້ວ່າ: ລັດຖະມົນຕີບັນດາປະເທດອາຊຽນ ຫາກໍ່ອອກຖະແຫຼງການຮ່ວມໃນນັ້ນໄດ້ເຕື້ອງເຖິງບັນຫາທະເລຕາເວັນອອກ.
ກ່ຽວກັບການພົວພັນກັບບັນດາປະເທດຄູ່ຮວມມື, ບັນດາປະເທດ ອາຊຽນ ເນັ້ນໜັກເຖິງ ລະດັບຄວາມສຳຄັນຂອງການເພີ່ມທະວີບົດບາດເປັນໃຈກາງ ແລະ ສາມັກຄີຂອງ ອາຊຽນ ໃນການຮ່ວມມືກັບບັນດາຄູ່ຮ່ວມມືພາຍນອກພາກພື້ນຜ່ານບັນດາກົນໄກໂດຍ ອາຊຽນ ນຳພາ. ອາຊຽນ ພວມຍູ້ໄວການຮັບຮອງເອົາບັນດາແຜນການກະທຳໃຫ້ໄລຍະຮ່ວມມືໃນ 5 ປີ ຈະມາເຖິງກັບບາງປະເທດຄື ການາດາ, ຈີນ, ອິນເດຍ, ສ.ເກົາຫຼີ… ໃນເສົາຄ້ຳການເມືອງ-ຄວາມໝັ້ນຄົງ, ບັນດາປະເທດ ອາຊຽນ ເຫັນດີຍູ້ໄວການປະຕິບັດໂຄງການສັງລວມປະຊາຄົມການເມືອງ-ຄວາມໝັ້ນຄົງ (APSC) 2025, ຮ່ວມມືເພື່ອຮັບມືກັບບັນດາໄພນາບຂູ່ຕໍ່ຄວາມໝັ້ນຄົງຄືການກໍ່ການຮ້າຍ, ການຄ້າຂາຍຢາເສບຕິດ, ການຄ້າມະນຸດ, ການຄວບຄຸມຊາຍແດນ ແລະ ຄວາມປອດໄພທາງເຄືອຂ່າຍອິນເຕີແນດ.
ກ່ຽວຂ້ອງເຖິງບັນຫາທະເລຕາເວັນອອກ, ອາຊຽນ ຢັ້ງຢືນຄືນໃໝ່ເຖິງ ລະດັບຄວາມສຳຄັນຂອງການຮັກສາ ແລະ ຊຸກຍູ້ສັນຕິພາບ, ຄວາມໝັ້ນຄົງ, ສະຖຽນລະພາບ, ຄວາມປອດໄພ ແລະ ຄວາມເສລີໃນການການເດີນເຮືອ-ການບິນ ຢູ່ທະເລຕາເວັນອອກ. ປະຕິບັດຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງຄົບຖ້ວນ ແລະ ມີປະສິດທິຜົນ, ສືບຕໍ່ຊຸກຍູ້ບັນດາການເຈລະຈາມຸ່ງໄປເຖິງການສ້າງກົດແຫ່ງການປະພຶດຂອງບັນດາຝ່າຍຢູທະເລຕາເວັນອອກ (COC) ໃຫ້ມີຄຸນນະພາບ, ກວມລວມ ແລະ ສຳເລັດໂດຍໄວ ສອດຄ່ອງກັບກົດໝາຍສາກົນ, ໃນນັ້ນມີສົນທິສັນຍາຂອງ ສປຊ ກ່ຽວກັບກົດໝາຍວ່າດ້ວຍທະເລປີ 1982.
ບັນດາປະເທດໄດ້ຢ້ຳຄືນຄວາມຈຳເປັນຂອງການເພີ່ມທະວີຄວາມໄວ້ເນື້ອເຊື່ອໃຈເຊິ່ງກັນແລະກັນ, ຈຳກັດບັນດາການກະທຳທີ່ເຮັດໃຫ້ສະພາບການສັບສົນຂຶ້ນຕື່ມ. ອາຊຽນກໍ່ຢັ້ງຢືນຄວາມຕຳເປັນເມືອປະຕິບັດການແກ້ໄຂບັນດາຂໍ້ຂັດແຍ່ງໂດຍສັນຕິວິທີ, ຕາມກົດໝາຍສາກົນໃນນັ້ນມີ UNCLOS 1982.
 | ເອກອັກຄະລັດຖະທູດຫວຽດນາມໄດ້ຄັດເລືອກເປັນຮອງເລຂາທິການໃຫຍ່ ອາຊຽນ ຍສໝ - ໃນຖານະເປັນຮອງເລຂາທິການໃຫຍ່ຄົນໃໝ່, ທ່ານ ເອກອັກຄະລັດຖະທູດ ເຈິ່ນດຶກບິ່ງ ຈະຮັບຜິດຊອບການປະຕິບັດການຄຸ້ມຄອງບໍລິຫານວຽກງານພາຍໃນ, ບຸກຄະລາກອນ, ການເງິນ ແລະ ງົບປະມານ. |
 | ລັດຖະມົນຕີການຕ່າງປະເທດ ບັນດາປະເທດອາຊຽນ ຕັ້ງຄວາມຫວັງຕໍ່ກອງປະຊຸມ AMM 53 ຍສໝ - ຄາດວ່າ ຈະມີເອກະສານ 40 ສະບັບໄດ້ຮັບການພິຈາລະນາ, ຮັບຮອງເອົາຢູ່ບັນດາກອງປະຊຸມ. ໃນນັ້ນ, ສິ່ງທີ່ເປັນໜ້າສົນໃຈນັ້ນແມ່ນ ຖະແຫຼງການຮ່ວມຂອງກອງປະຊຸມ AMM – 53, ແຜນການກະທຳຮ່າໂນ້ຍ 2 ຂອງ ARF… |
 | ການເຄື່ອນໄຫວຕ່າງໃນຂອບເຂດກອງປະຊຸມລັດຖະມົນຕີການຕ່າງປະເທດ ອາຊຽນຄັ້ງທີ 53 ຍສໝ - ກອງປະຊຸມຄັ້ງນີ້ກໍ່ສຸມໃສ່ຕີລາຄາກ່ຽວກັບສັນຍາຄູ່ຮ່ວມມືເສດຖະກິດຮອບດ້ານ (RCEP) ດ້ວຍເປົ້າໝາຍເພີ່ມທະວີການຮ່ວມມືເຊື່ອມໂຍງ, ພັດທະນາອະນຸພາກພື້ນ ແລະ ສ້າງວິທີການສຳຜັດໃໝ່ໃນການຫຼຸດຜ່ອນໄລຍະຫ່າງໃນການພັດທະນາ, ກໍ່ຄືຍົກສູງສີສັນ, ເຈັດຈຳນົງປະຊາຄົມຜ່ານບັນດາການເຄື່ອນໄຫວພົວພັນແລກປ່ຽນ, ຮ່ວມມືລະຫວ່າງບັນດາອົງການ, ສະຫະສະມາຄົມປະຊາຊົນ. |
ບຸນຄົງ
