ຫວຽດ​ນາມ​ຈັດ​ຕັ້ງກອງປະຊຸມຖະ​ແຫຼງຂ່າວສາກົນ​ກ່ຽວ​ກັບກອງປະຊຸມ AMM 53
	ອາຊຽນ ຈັດຕັ້ງພິທີສະເຫຼີມສະຫຼອງ 53 ປີແຫ່ງວັນສ້າງຕັ້ງອາຊຽນ

ທ່ານ ຫງວຽນກວັກຢູ໋ງ ຮອງລັດຖະມົນຕີການຕ່າງປະເທດຫວຽດນາມ (ພາບ: asean2020.vn)

ໃນຂະນະນັ້ນ ທ່ານ Retno LP Marsudi ລັດຖະມົນຕີການຕ່າງປະເທດ ອິນໂດເນເຊຍ ປາດຖະຫນາຢາກໃຫ້ບັນດາປະເທດສະມາຊິກ ອາຊຽນ ຈະຍົກອອກຄຳໝັ້ນສັນຍາກ່ຽວກັບສະຖຽນລະພາບດ້ານການເມືອງ ແລະເສດຖະກິດໃນພາກພື້ນ. ຖະແຫລງການຂອງກະຊວງການຕ່າງປະເທດ ກຳປູເຈຍ ກໍ່ຊີ້ແຈ້ງວ່າ ກອງປະຊຸມລັດຖະມົນຕີການຕ່າງປະເທດ ອາຊຽນຄັ້ງນີ້ ໄດ້ຮັບຄວາມຫວັງເພື່ອແນໃສ່ຊຸກຍູ້ຄວາມເປັນເອກະພາບ ແລະຄວາມສາມັກຄີ, ການຟື້ນຟູ, ເຊື່ອມໂຍງ ແລະເຊື່ອມຈອດ ຂອງອາຊຽນ ກວ່າອີກ ກໍ່ຄື ເພີ່ມທະວີການເຊື່ອມຈອດຂອງພາກພື້ນກັບທົ່ວໂລກ.

ບັນ​ດາ​ກອງ​ປະ​ຊຸມ​ກໍ່​ແນ​ໃສ່​ແກ້​ໄຂ​ຜົນ​ກະ​ທົບ​ຕໍ່​ເສດ​ຖະ​ກິດ​ສັງ​ຄົມ​ຈາກ​ໂລກ​ລະ​ບາດ Covid – 19 ແລະ ແຜນ​ການ​ຟື້ນ​ຕົວ​ຢ່າງ​ຮອບ​ດ້ານ​ຂອງ​ອາ​ຊຽນ​ໄລ​ຍະຫຼັງ ໂລກ​ລະ​ບາດ Covid - 19 ວັນທີ 9 ກັນຍາ ກອງປະຊຸມລັດຖະມົນຕີການຕ່າງປະເທດ ອາຊຽນ ຄັ້ງທີ 53 (AMM 53) ແລະບັນດາກອງປະຊຸມກ່ຽວຂ້ອງໄດ້ດຳເນີນໄປຢ່າງເປັນທາງການຜ່ານທາງອອນລາຍ. ທ່ານ ດອນ ປະມັດວິໄນ ຮອງນາຍົກລັດຖະມົນຕີ ທັງເປັນລັດຖະມົນຕີ ການຕ່າງປະເທດໄທ ໃຫ້ຮູ້ວ່າ: ລັດຖະມົນຕີການຕ່າງປະເທດ 10 ປະເທດອາຊຽນ ຈະປຶກສາຫາລືກ່ຽວກັບວິທີການຊຸກຍູ້ການສ້າງປະຊາຄົມ ອາຊຽນ ສະຫນິດຕິດພັນ ແລະເປັນເຈົ້າການຮັບມື, ເໝາະສົມກັບຫົວຂໍ້ ແລະບັນດາການໃຫ້ບຸລິມະສິດຂອງປະເທດປະທານ ອາຊຽນ ໃນປີນີ້. ກະ​ຊວງ​ການ​ຕ່າງ​ປະ​ເທດ​ໄທ​ກໍ່​ຈະ​ສວຍ​ໃຊ້​ໂອ​ກາດນີ້​ເພື່ອ​ຍົກ​ໃຫ້​ເຫັນ​ຢ່າງ​ຈະ​ແຈ້ງ​ແຜນ​ການ​ຟື້ນ​ຕົວ​ໄລ​ຍະຫຼັງ Covid – 19, ລາຍ​ລະ​ອຽດ​ແມ່​ນກອງ​ທຶນ​ຮັບ​ມື​ກັບ​ໂລກ​ລະ​ບາດ Covid – 19 ຂອງ ອາ​ຊຽນ, ເນັ້ນ​ໜັກ​ເຖິງ​ຄວາມ​ສຳ​ຄັນ​ຂອງ​ລັດ​ທິຫຼາຍ​ຝ່າຍ ແລະ ລັດ​ທິ​ພາກ​ພື້ນ​ໃນ​ການ​ແກ້​ໄຂ​ບັນ​ດາ​ສິ່ງ​ທ້າ​ທາຍ​ລວມ. ທ່ານ ຫງວຽນກວັກຢູ໋ງ ຮອງລັດຖະມົນຕີການຕ່າງປະເທດຫວຽດນາມ ໃຫ້ຮູ້ວ່າ:

“ດ້ວຍຖານະແມ່ນປະເທດປະທານ ອາຊຽນ, ຫວຽດນາມ ຕັ້ງຄວາມຫວັງບັນດາແຜນການບຸລິມະສິດນັບແຕ່ຕົ້ນປີຂອງຫວຽດນາມ ກໍ່ຄືຂອງກຸ່ມອາຊຽນ ໄດ້ຮັບການຜັນຂະຫຍາຍຢ່າງຄົບຖ້ວນ ເພື່ອໃຫ້ທ້າຍປີນີ້ໄດ້ຮັບການຮັບຮອງເອົາທີ່ກອງປະຊຸມສຸດຍອດ ອາຊຽນ. ໃນແຜນການນີ້ ນອກຈາກແຜນການສ້າງປະຊາຄົມອາຊຽນ, ປີນີ້ ກໍ່ມີບັນດາຂໍ້ລິເລີ່ມຮັບມືກັບໂລກລະບາດໂຄວິດ 19”

ຄາດ​ວ່າ ຈະ​ມີ​ເອ​ກະ​ສານ 40 ສະ​ບັບ​ໄດ້​ຮັບ​ການ​ພິ​ຈາ​ລະ​ນາ, ຮັບ​ຮອງເອົາ​ຢູ່​ບັນ​ດາ​ກອງ​ປະ​ຊຸມ. ໃນ​ນັ້ນ, ສິ່ງ​ທີ່​ເປັນ​ໜ້າ​ສົນ​ໃຈ​ນັ້ນ​ແມ່ນ ຖະ​ແຫຼງ​ການ​ຮ່ວມ​ຂອງກອງ​ປະ​ຊຸມ AMM – 53, ແຜນ​ການ​ກະ​ທຳ​ຮ່າ​ໂນ້ຍ 2 ຂອງ ARF… ບັນ​ດາ​ກອງ​ປະ​ຊຸມ​ລັດ​ຖະ​ມົນ​ຕີ​ຕ່າງໆ​ຈະ​ມີ​ຖະ​ແຫຼງ​ການ​ປະ​ທານ​ກ່ຽວ​ກັບ​ບັນ​ດາ​ໝ​າກ​ຜົນ​ຕົ້ນ​ຕໍ​ຂອງ​ແຕ່​ລະ​ກອງ​ປະ​ຊຸມ. ແລະ ກໍ່​ເນື່ອງ​ໃນ​ໂອ​ກາດນີ້, ຈະ​ຮັບ​ຮອງ​ເອົາ​ບາງ​ແຜນ​ການ​ກະ​ທຳ​ໃໝ່​ໃນ​ໄລ​ຍະ 2021 – 2025 ກັບ​ບັນ​ດາ​ຄູ່​ຮ່ວມ​ມື.

ຫວຽດ​ນາມ​ຈັດ​ຕັ້ງກອງປະຊຸມຖະ​ແຫຼງຂ່າວສາກົນ​ກ່ຽວ​ກັບກອງປະຊຸມ AMM 53 ​ຍ​ສ​ໝ - ທ່ານ​ ຫງວຽນ​ກ໊ວກ​ຢຸງ ​ກໍ່​ໃຫ້​ຮູ້​ວ່າ: ທີ່ກອງ​ປະ​ຊຸມ​ຄັ້ງ​ນີ້, ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຂອງ 10 ປະ​ເທດ ອາ​ຊຽນ ຈະ​ປຶກ​ສາ​ຫາ​ລື​ກ່ຽວ​ກັບ​ບັນ​ດາ​ວິ​ທີ​ການ​ຊຸກ​ຍູ້​ການ​ສ້າງ​ປະ​ຊາ​ຄົມ ອາ​ຊຽນ ສະ​ໜິດ​ຕິດ​ພັນ ແລະ ເປັນ​ເຈົ້າ​ການ​ຮັມ​ມື, ເໝາະ​ສົມ​ກັບ​ຫົວ​ຂໍ້ ແລະ ບັນ​ດາ​ບຸ​ລິ​ມະ​ສິດ​ຂອງ​ປະ​ເທດ ປະ​ທານ​ອາ​ຊຽນ​ໃນ​ປີນີ້.

ອາຊຽນ ຈັດຕັ້ງພິທີສະເຫຼີມສະຫຼອງ 53 ປີແຫ່ງວັນສ້າງຕັ້ງອາຊຽນ ຍສໝ - ວັນທີ 8 ສິງຫາ, ຄະນະເລຂາອາຊຽນ ປະຈຳອິນໂດເນເຊຍ ໄດ້ຈັດພິທີສະເຫຼີມສະຫຼອງ 53 ປີແຫ່ງວັນສ້າງຕັ້ງອາຊຽນ ຂຶ້ນທາງອອນລາຍ (08 ສິງຫາ 1967 – 08 ສິງຫາ 2020).

ຄະນະຜູ້ແທນຫວຽດນາມ ປະຈໍາ ສະຫະປະຊາຊາດໄດ້ສະເຫຼີມສະຫຼອງວັນສ້າງຕັ້ງອາຊຽນຄົບຮອບ 53 ປີ ຍສໝ - ວັນທີ 7 ສິງຫາ, ຄະນະຜູ້ແທນຫວຽດນາມ ປະຈຳ ສະຫະປະຊາຊາດ (ສປຊ) - ໃນຖານະບົດບາດເປັນປະທານອາຊຽນ ຢູ່ ນິວຢອກ - ໄດ້ຈັດພິທີສະເຫຼີມສະຫຼອງ 53 ປີແຫ່ງວັນສ້າງຕັ້ງສະມາຄົມບັນດາປະເທດອາຊີຕາເວັນອອກສ່ຽງໃຕ້ (ອາຊຽນ). (8 ສິງຫາ 1967 - 8 ສິງຫາ 2020). ...