| ກອງປະຊຸມລັດຖະມົນຕີກະຊວງການຕ່າງປະເທດ ອາຊຽນຄັ້ງທີ 53 | |
| ພັດທະນາວິໄສທັດປະຊາຄົມອາຊຽນພາຍຫຼັງປີ 2025 |
 |
| ກອງປະຊຸມແຄບລັດຖະມົນຕີການຕ່າງປະເທດອາຊຽນ (ພາບ: thanhtra.com.vn) |
ວັນທີ 7 ກັນຍາ, ໄດ້ດຳເນີນບັນດາການເຄື່ອນໄຫວທຳອິດໃນຂອບເຂດກອງປະຊຸມລັດຖະມົນຕີກະຊວງການຕ່າງປະເທດອາຊຽນ ຄັ້ງທີ 53 ແລະ ບັນດາກອງປະຊຸມທີ່ກ່ຽວຂ້ອງເຊິ່ງລວມມີກອງປະຊຸມບັນດາເຈົ້າໜ້າທີ່ອາວຸໂສ (SOM) ອາຊຽນ ພ້ອມກັບກອງປະຊຸມ SOM ຄະນະກຳມະການສົນທິສັນຍາອາຊີຕາເວັນອອກສ່ຽງໃຕ້ ບໍ່ມີອາວຸດນິດເຄຼຍ (SEANWFZ). ກອງປະຊຸມລັດຖະມົນຕີກະຊວງການຕ່າງປະເທດ ອາຊຽນຄັ້ງທີ 53 ແລະ ບັນດາກອງປະຊຸມທີ່ກ່ຽວຂ້ອງຈະຈັດຂຶ້ນຢ່າງເປັນທາງການໃນລະຫວ່າງວັນທີ 9 – 12 ກັນຍາຕາມຮູບການທາງອອນລາຍ. ຕາງໜ້າໃຫ້ປະທານອາຊຽນ 2020, ທ່ານຟ້າມບິ່ງມິງ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ຈະເປັນປະທານບັນດາກອງປະຊຸມ.
ທີ່ບັນດາກອງປະຊຸມດັ່ງກ່າວ,ບັນດາລັດຖະມົນຕີຈະສຸມໃສ່ປຶກສາຫາລືກ່ຽວກັບການຜັນແປຢ່າງສັບສົນຂອງໂລກລະບາດ Covid – 19 ໃນພາກພື້ນ ແລະ ທົ່ວໂລກ ພ້ອມກັບບັນດາມາດຕະການຮັບມືກັບໂລກລະບາດ. ບັນດາລັດຖະມົນຕີຈະສະຫງວນເວລາສ່ວນຫຼາຍເພື່ອປຶກສາຫາລືກ່ຽວກັບບັນດາມາດຕະການເພີ່ມທະວີການຮ່ວມມືຮັກສາ ແລະ ຊຸກຍູ້ສັນຕິພາບ, ສະຖຽນລະພາບ ແລະ ຄວາມໝັ້ນຄົງໃນພາກພື້ນ, ໃນນັ້ນໄດ້ໃຫ້ຄຳໝັ້ນສັນຍາວ່າຈະຮັກສາຄວາມມານະພະຍາຍາມປະຕິບັດຖະແຫຼງການກ່ຽວກັບວິທີການປະພຶດຂອງຝ່າຍຕ່າງໆຢູ່ ທະເລຕາເວັນອອກ (DOC) ຢ່າງຄົບຖ້ວນ ແລະ ມີປະສິດທິຜົນ ແລະ ບັນລຸໄດ້ກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກຢ່າງມີປະສິດທິຜົນ, ແທດຈິງໂດຍໄວ.
ກອງປະຊຸມຄັ້ງນີ້ກໍ່ສຸມໃສ່ຕີລາຄາກ່ຽວກັບສັນຍາຄູ່ຮ່ວມມືເສດຖະກິດຮອບດ້ານ (RCEP) ດ້ວຍເປົ້າໝາຍເພີ່ມທະວີການຮ່ວມມືເຊື່ອມໂຍງ, ພັດທະນາອະນຸພາກພື້ນ ແລະ ສ້າງວິທີການສຳຜັດໃໝ່ໃນການຫຼຸດຜ່ອນໄລຍະຫ່າງໃນການພັດທະນາ, ກໍ່ຄືຍົກສູງສີສັນ, ເຈັດຈຳນົງປະຊາຄົມຜ່ານບັນດາການເຄື່ອນໄຫວພົວພັນແລກປ່ຽນ, ຮ່ວມມືລະຫວ່າງບັນດາອົງການ, ສະຫະສະມາຄົມປະຊາຊົນ.
 | ກອງປະຊຸມລັດຖະມົນຕີກະຊວງການຕ່າງປະເທດ ອາຊຽນຄັ້ງທີ 53 ຍສໝ - ທ່ານຮອງນາຍົກລັດຖະມົນ, ລັດຖະມົນຕີກະຊວງການຕ່າງປະເທດ ຫວຽດນາມ ຟ້າມບິ່ງມິງ ຈະເປັນປະທານກອງປະຊຸມ. |
 | ກອງປະຊຸມລັດຖະມົນຕີເສດຖະກິດບັນດາປະເທດ ກຳປູເຈຍ - ລາວ - ມຽນມາ - ຫວຽດນາມ ຄັ້ງທີ 12 ຍສໝ - ວັນທີ 24 ສິງຫາ, ກອງປະຊຸມລັດຖະມົນຕີເສດຖະກິດ ບັນດາປະເທດ ກຳປູເຈຍ - ລາວ - ມຽນມາ - ຫວຽດນາມ ຄັ້ງທີ 12 (CLMV EMM 12) ໄດ້ຈັດຂຶ້ນຕາມຮູບການທາງອອນລາຍ. |
 | ກວາງນິງຮັບລາງວັນທ່ອງທ່ຽວແບບຍື່ນຍົງຕົວເມືອງ ອາຊຽນ ຍສໝ - ວັນທີ 16 ມັງກອນ 2020, ໃນຂອບເຂດເວທີປາໄສການທ່ອງທ່ຽວອາຊີຕາເວັນອອກ - FTA 2020 ໄດ້ຈັດຂຶ້ນຢູ່ລາຊະອານາຈັກ ບຣຸໄນ, ກຸ່ມດັງກ່າວໄດ້ຮັບລາງວັນ “ຜະລິດຕະພັນທ່ອງທ່ຽວແບບຍືນຍົງຕົວເມືອງອາຊຽນ”. |
ບຸນຄົງ
