 ທ່ານຮ່າມິງເຫ້ວ ຕາງໜ້າສະມາຄົມມິດຕະພາບ ຫວຽດນາມ - ອິນເດຍ ຮອງປະທານຜູ້ປະຈຳການສະມາຄົມ ຮັບເງິນເປັນຈຳນວນ 86 ລ້ານ ດົ່ງຂອງບບັນດາຜູ້ໃຈບູນໃຈກູ້ສົນ |
ຕອນເຊົ້າວັນທີ 13 ພຶດສະພາ, ຢູ່ສຳນັກງານສະຫະພັນບັນດາອົງການມິດຕະພາບ ຫວຽດນາມ, ສະມາຄົມມິດຕະພາບ ຫວຽດນາມ - ອິນເດຍ ໄດ້ຮັບການໜູນຊ່ວຍຈາກສ່ວນບຸກຄົນ, ໜ່ວຍງານສະໜັບສະໜູນໃຫ້ປະຊາຊົນອິນເດຍ ໃນການປ້ອງກັນ, ຕ້ານໂລກລະບາດໂຄວິດ - 19.
ຕໍ່ໜ້າສະພາບການໂລກລະບາດໂຄວິດ - 19 ພວມແຜ່ລາມໃນວົງກ້ວາງ ແລະ ມີການຜັນແປຢ່າງສັບສົນຢູ່ອິນເດຍ, ວັນທີ 6 ພຶດສະພາທີ່ຜ່ານມາ, ສະມາຄົມມິດຕະພາບ ຫວຽດນາມ - ອິນເດຍໄດ້ປຸກລະດົມຄຳຮຽກຮ້ອງອຸປະຖຳ, ໜູນຊ່ວຍປະຊາຊົນ ໃນທົ່ວປະເທດ. ບັ້ນຂົນຂວາຍຄັ້ງນີ້ໄດ້ຮັບການຕອບສະໜອງຢ່າງສຸດຈິດສຸດໃຈຈາກຫຼາຍອົງການ, ສ່ວນບຸກຄົນ, ບັນດາຜູ້ຄົນທີ່ເຄີຍຮ່ຳຮຽນ, ເຮັດວຽກ, ທ່ອງທ່ຽວຢູ່ ອິນເດຍ ແລະ ຮັກແພງປະເທດນີ້. ໃນວັນທີ 13 ພຶດສະພາ, ຜູ້ຕາງໜ້າບັນດາສ່ວນບຸກຄົນ, ອົງການເຂົ້າຮ່ວມການສະໜັບສະໜູນໄດ້ມອບໃຫ້ສະມາຄົມມິດຕະພາບ ຫວຽດນາມ - ອິນເດຍເງິນເປັນຈຳນວນ 86 ລ້ານດົ່ງ.
ໂດຍຕາງໜ້າສະມາຄົມມິດຕະພາບ ຫວຽດນາມ - ອິນເດຍ, ທ່ານ ຮ່າມິງເຫ້ວ, ຮອງປະທານຜູ້ປະຈຳການສະມາຄົມໄດ້ສົ່ງຄຳຂອບໃຈບັນດາຜູ້ໃຈບູນ ແລະ ຖືວ່າ ນີ້ແມ່ນຄວາມສົນໃຈ, ຊ່ວຍເຫຼືອຢ່າງທັນການທີ່ສຸດໃນໄລຍະ ອິນເດຍພວມປະສົບກັບຄວາມຫຍຸ້ງຍາກທີ່ສຸດໃນການຮັບມືກັບໂລກລະລາດໂຄວິດ - 19.
ທ່ານ ຮ່າມິງເຫ້ວ ໃຫ້ຮູ້ວ່າ, ການເຄື່ອນໄຫວອຸປະຖຳ, ສະໜັບສະໜູນໂດຍສະມາຄົມມິດຕະພາບ ຫວຽດນາມ - ອິນເດຍ ປຸກລະດົມ ໄດ້ຮັບການຕອບສະໜອງຢ່າງສຸດຈິດສຸດໃຈຈາກບັນດາອົງການ, ສ່ວນບຸກຄົນ, ວິສາຫະກິດ ຫວຽດນາມ ທີ່ຮັກແພງປະເທດ ອິນເດຍ.
ພິເສດແມ່ນ ໃນວັນທີ 11 ພຶດສະພາທີ່ຜ່ານມາ, ທ່ານ ຫງວຽນແມັງຮຸ່ງ ປະທານສະມາຄົມມິດຕະພາບ ຫວຽດນາມ - ອິນເດຍ ໄດ້ມອບໃຫ້ປະຊາຊົນອິນເດຍ ເຄື່ອງຊ່ວຍຫາຍໃຈ 100 ອັນທີ່ມີມູນຄ່າ 10 ຕື້ດົ່ງ, ສະມາຄົມພຸດທະສາສະໜາ ຫວຽດນາມ ກໍ່ໄດ້ມອບເຄື່ອງຊ່ວຍຫາຍໃຈ 100 ອັນ ແລະ ເຄື່ອງຜະລິດອົກຊີ 50 ອັນ ທີ່ມີມູນຄ່າ 14 ຕຶ້ ດົ່ງ.
ທ່ານຮ່າມິງເຫ້ວກໍ່ໃຫ້ຮູ້ວ່າ, ສະມາຄົມມິດຕະພາບ ຫວຽດນາມ - ອິນເດຍ ຈະສືບຕໍ່ຮັບການສະໜັບສະໜູນ ປະຊາຊົນອິນເດຍຈົດໝົດວັນທີ 14 ພຶດສະພາ ແລະ ຈະມານະພະຍາຍາມສົ່ງຈຳນວນເງິນດັ່ງກ່າວໄປຍັງອິນເດຍໂດຍໄວ.
 | ສະມາຄົມພຸດທະສາສະໜາ ຫວຽດນາມ ມອບເຄື່ອງຊ່ວຍຫາຍໃຈ 100 ອັນ ແລະ ເຄື່ອງຜະລິດອົກຊີ ໃຫ້ແກ່ປະຊາຊົນອິນເດຍ ຍສໝ - ພິທີມອບຮັບໄດ້ດຳເນີນໃນຕອນເຊົ້າວັນທີ 12 ພຶດສະພາ, ຢູ່ສຳນັກງານສູນກາງສະມາຄົມພຸດທະສາສະໜາ ຫວຽດນາມ ດ້ວຍຍອດມຸນຄ່າເກືອບ 14 ຕື້ດົ່ງ. |
 | ສະມາຄົມມິດຕະພາບ ຫວຽດນາມ ກຳປູເຈຍ ມອບເງິນເປັນຈຳນວນ 500 ລ້ານດົ່ງ ເພື່ອໜູນຊ່ວຍໃຫ້ແກ່ປະຊາຊົນ ກຳປູເຈຍເພື່ອປ້ອງກັນສະກັດກັ້ນໂລກ ຍສໝ - ທີ່ການມອບຮັບ, ທ່ານນາງ ຫງວຽນເຟືອງງາ ປະທານ ສະຫະພັນບັນດາອົງການມິດຕະພາບ ຫວຽດນາມ ໄດ້ແຈ້ງໃຫ້ຊາບກ່ຽວກັບສະພາບການປ້ອງກັນສະກັດກັ້ນໂລກລະບາດໂຄວິດ - 19 ຢູ່ ຫວຽດນາມ ໃນຊຸມວັນຜ່ານມາ, ພ້ອມທັງແບ່ງປັນຄວາມຫຍຸ້ງຍາກ ແລະ ຄວາມມານະພະຍາຍາມສະກັດກັ້ນໂລກລະລາດໂຄວິດ - 19 ຂອງລັດຖະບານ ແລະ ປະຊາຊົນກຳປູເຈຍ. |
 | ດ້ຽນບຽນມອບວັດຖຸອຸປະກອນການແພດເພື່ອປ້ອງກັນສະກັດກັ້ນໂລກລະບາດໂຄວິດ - 19 ໃຫ້ແກ່ 6 ແຂວງທາງພາກເໜືອຂອງລາວ ຍສໝ - ດ້ວຍງົບປະມານກ່ວາ 600 ລ້ານດົ່ງ, ຄະນະຊີ້ນຳການປ້ອງກັນ, ສະກັດກັ້ນໂລກລະບາດໂຄວິດ - 19 ແຂວງດຽນບຽນໄດ້ລົງທຶນເຂົ້າການຊື້ບັນດາອຸປະກອນການແພດທີ່ຈຳເປັນເພື່ອຮັບໃຊ້ໃຫ້ແກ່ວຽກງານປ້ອງກັນສະກັດກັ້ນໂລກລະບາດໂຄວິດ - 19 ໃຫ້ແກ່ 6 ແຂວງທາງພາກເໜືອລາວ, ແຕ່ລະແຂວງລວມມີ: ຜ້າອັດປາກດັງ 32.000 ອັນ, ຢາລ້າງມືຂ້າເຊື້ອ 200 ຕຸກ, ຊຸດປ້ອງກັນຕ້ານເຊື້ອລະດັບ 3.300 ຊຸດ. |
ບຸນຄົງ
