 |
| ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ, ຫົວໜ້າຄະນະຊີ້ນຳແຫ່ງຊາດ ກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ - 19. ພາບ: ດີ່ງນາມ |
ວັນທີ 11 ພຶດສະພາ 2021, ທີ່ການປະຊຸມແລກປ່ຽນວຽກງານກັບບັນດາອົງການສື່ມວນຊົນ, ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ, ຫົວໜ້າຄະນະຊີ້ນຳແຫ່ງຊາດ ກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ - 19 ໃຫ້ຮູ້ວ່າ ຫວຽດນາມ ກໍ່ແມ່ນໜຶ່ງໃນບັນດາປະເທດມີຜູ້ຕິດເຊື້ອພະຍາດໂຄວິດ - 19 ກອນໝູ່, ເຖິງຢ່າງໃດກໍຕາມ ມາຮອດປັດຈຸບັນ, ອາດຢັ້ງຢືນໄດ້ວ່າ ຫວຽດນາມ ແມ່ນໜຶ່ງໃນບັນດາປະເທດສາມາດຮັບມືກັບໂລກລະບາດໂຄວິດ - 19 ດີທີ່ສຸດໃນໂລກ. ປັດຈຸບັນ ປະເທດຕ້ອງປະຕິບັດເປົ້າໝາຍຄວບຄູ່ ໃຫ້ເປັນຢ່າງດີ ແລະ ໃນສະພາບຕົວຈິງ ຫວຽດນາມ ບໍ່ພຽງແຕ່ຮັບມືກັບໂລກລະບາດໂຄວິດ - 19 ໄດ້ເປັນຢ່າງດີເທົ່ານັ້ນ ຫາກຍັງມີການເຕີບໂຕດ້ານເສດຖະກິດອີກດ້ວຍ.
ພາຍຫຼັງໄລຍະ 30 ວັນທີ່ບໍ່ພົບກໍລະນີຕິດເຊື້ອພະຍາດໃນຊຸມຊົນ, ນັບແຕ່ວັນທີ 27 ເມສາ ມາຮອດປະຈຸບັນ ໄດ້ກວດພົບກວ່າ 300 ກໍລະນີຕິດເຊື້ອພະຍາດຢູ່ບາງທ້ອງຖິ່ນ, ຊ້ຳບໍ່ໜຳແມ່ນຢູ່ໂຮງໝໍຂັ້ນສູນກາງ. ເປົ້າໝາຍສູງສຸດໃນປະຈຸບັນຂອງຫວຽດນາມ ແມ່ນສຸມໃສ່ປ້ອງກັນ, ຕ້ານໂລກລະບາດ, ແກ້ໄຂຜົນຮ້າຍຢ້ອນຫຼັງຈາກໂລກລະບາດໂຄວິດ-19 ເພື່ອຮັບປະກັນຄວາມສະຫງົບປອດໄພໃຫ້ແກ່ປະຊາຊົນ, ຮັກສາສຸຂະພາບໃຫ້ແກ່ປະຊາຊົນເພື່ອແນໃສ່ປະຕິບັດເປົ້າໝາຍຄວບຄູ່ແມ່ນທັງປ້ອງກັນ, ຕ້ານໂລກລະບາດຢ່າງປອດໄພ, ມີປະສິດທິຜົນ ແລະ ພັດທະນາເສດຖະກິດສັງຄົມຢ່າງມີໄຊ.
ທ່ານນາຍົກລັດຖະມົນຕີຫວຽດນາມ ຟ້າມມິນຈິງ ໄດ້ຮຽກຮ້ອງໃຫ້ຄະນະພັກທຸກຂັ້ນເສີມຂະຫຍາຍບົດບາດຊີ້ນຳນຳພາ, ບໍລິຫານ, ຄຸ້ມຄອງຂອງອຳນາດການປົກຄອງ ແລະ ປຸກລະດົມການເຂົ້າຮ່ວມຂອງທົ່ວປວງຊົນ, ທັງລະບົບການເມືອງ, ເປັນເຈົ້າການເສີມຂະຫຍາຍກຳລັງພາຍໃນດ້ວຍຈິດໃຈ: “ປ້ອງກັນ” ເປັນພື້ນຖານ, ມີຍຸດທະສາດຍາວນານ, ມີລັກສະນະຕັດສິນ; “ຕ້ານ” ແມ່ນຮີບດ່ວນ, ຂ້ຽວຂາດ, ວ່ອງໄວ ດ້ວຍຈິດໃຈ “ຕ້ານໂລກລະບາດຄືດັ່ງຕ້ານສັດຕູ”. ຕາມນັ້ນແລ້ວ, ວຽກງານປ້ອງກັນ, ສະກັດກັ້ນໂລກລະບາດໂຄວິດ-19 ຂອງຫວຽດນາມ ເລີ່ມຫັນຈາກສະພາບປ້ອງກັນເປັນຕົ້ນໄປສູ່ສະພາບສົມທົບກັນຢ່າງກົມກຽວ; ເພີ່ມທະວີການນຳໃຊ້ເຕັກໂນໂລຊີເພື່ອຕິດຕາມກວດກາ; ປະຕິບັດທິດທາງ “ຕັ້ງໜ້າ ປ້ອງກັນ, ກວດພົບໄວ, ແຍກຕົວໄວ, ປິ່ນປົວຢ່າງມີປະສິດທິຜົນ, ແກ້ໄຂຢ່າງເຖິງຖອງ, ຮັບປະກັນສະພາບການເປັນປົກກະຕິໂດຍໄວ”.
 | ປະທານສະພາແຫ່ງຊາດ ຫວຽດນາມ: ສະພາແຫ່ງຊາດຈະ ເອົາໃຈໃສ່ເປັນພິເສດເຖິງບັນດາການເຄື່ອນໄຫວຂອງສະມາຊິກສະພາແຫ່ງຊາດສະເພາະກິດ, ສະມາຊິກສະພາແຫ່ງຊາດ ຄວບຕຳແໜ່ງ ຍສໝ - ທ່ານ ເວືອງດິ່ງເຫ້ວ ປະທານສະພາແຫ່ງຊາດ ຫວຽດນາມ ໃຫ້ຮູ້ວ່າ: ເພື່ອຍົກສູງປະສິດທິຜົນໃນການເຄື່ອນໄຫວຂອງສະພາແຫ່ງຊາດ, ສະພາແຫ່ງຊາດຈະ ເອົາໃຈໃສ່ເປັນພິເສດເຖິງບັນດາການເຄື່ອນໄຫວຂອງສະມາຊິກສະພາແຫ່ງຊາດສະເພາະກິດ, ສະມາຊິກສະພາແຫ່ງຊາດ ຄວບຕຳແໜ່ງ ຢ່າງຖືກຕ້ອງຕາມກົດໝາຍ ແລະ ຕາມການກຳນົດທິດເປັນອາຊີບ ແລະ ທັນສະໄໝ. |
 | ຫວຽດນາມ ໄດ້ຮຽກຮ້ອງໃຫ້ປະຊາຄົມສາກົນ ເພີ່ມທະວີການສະໜັບສະໜູນສຳລັບ UNITAD ໃນ ການປະຕີບັດໜ້າທີ່ຕາມກົດໝາຍສາກົນ ຍສໝ - ຕອນເຊົ້າວັນທີ 10 ພຶດສະພາ, ສະພາຄວາມໝັ້ນຄົງສະຫະປະຊາຊາດ ໄດ້ຈັດກອງປະຊຸມດ້ວຍຮູບການຖ່າຍທອດສົດ ເພື່ອປຶກສາຫາລືກ່ຽວກັບບົດລາຍງານການປະຕິບັດງານ ຂອງສະຫະປະຊາຊາດ ເພື່ອສົ່ງເສີມການຕິດຕາມອາຊະຍາກຳ Da'esh / ISIL ຢູ່ອີຣັກ (ເອີ້ນວ່າ UNITAD) ໃນ 6 ເດືອນຜ່ານມາ. |
 | ບັນດາການເຄື່ອນໄຫວວັດທະນະທຳ ເຄື່ອງປັ້ນດິນເຜົາທີ່ເປັນເອກະລັກ ຄະນະຄຸ້ມຄອງໜອງ ຮວ່ານກ໊ຽມ ແລະ ຄຸ້ມຖະໜົນເກົ່າ ຮ່າໂນ້ຍ ຈັດຕັ້ງບັນດາການເຄື່ອນໄຫວວັດທະນະທຳ ດ້ວຍຫົວຂໍ້ເຄື່ອງປັ້ນດິນເຜົາ ແຕ່ວັນທີ 23 ເມສາ ຫາ ວັນທີ 31 ພຶດສະພາ ປີ 2021 ຢູ່ສາລາ ກີມເງິນ ເຮືອນເລກທີ 42, 44 ຖະໜົນຫ່າງບາກ ເມືອງ ຮວ່ານກ໊ຽມ ນະຄອນຮ່າໂນ້ຍ. ... |
ໄຊພອນ
