| ພະລັງພາຍໃນຂອງວັດທະນະທຳຫວຽດນາມ - ການພັດທະນາ ແລະ ຫັນປະເທດເປັນທັນສະໃໝ | |
| ມອບ-ຮັບ ລັດຖະມົນຕີກະຊວງຖະແຫລງ ຂ່າວ ວັດທະນະທຳ ແລະ ທ່ອງທ່ຽວ |
ໃນຈຳນວນບັນດາອາຊີບຫັດຖະກຳ ໂດຍປູ່ຍ່າຕາຍາຍປະໄວ້ໃຫ້ນັ້ນອາຊີບເຮັດເຄື່ອງປັ້ນດິນເຜົາໄດ້ມີມານັບພັນປີ. ບັນດາຜະລິດຕະພັນເຄື່ອງປັ້ນດິນເຜົາ ຂອງບັນດາໝູ່ບ້ານອາຊີບຫັດຖະກຳ ມີບົດບາດສຳຄັນທີ່ສຸດ ເພື່ອຮັບໃຊ້ຊີວິດປະຈຳວັນຂອງປະຊາຊົນ ພ້ອມກັນນັ້ນກໍ່ສະແດງໃຫ້ເຫັນສິ່ງທີ່ຍອດຍິ່ງສີສັນວັດທະນະທຳຂອງຊາດ ຫວຽດນາມ. ບັນດາສູນເຄື່ອງປັ້ນດິນເຜົາເຄືອບຢູ່ ຫວຽດນາມ ໄດ້ປະກົດມີນັບແຕ່ສະໄໝລາດຊະວົງ ຫຼີ - ລາດຊະວົງ ເຈິ່ນ ຄືໃນສະຕະວັດທີ X ຫາ ສະຕະວັດທີ XIV ແລະ ມາຮອດປັດຈຸບັນອາຊີບນີ້ຍັງຄົງພັດທະນາຢ່າງຮຸ່ງເຮືອງ ນັ້ນແມ່ນໝູ່ບ້ານ ບາດຈ່າງ ຮ່າໂນ້ຍ, ໂຖຮ່າ ຝູລັງ ບັກນິງ, ເຮືອງແກັງ ແຂວງ ຫວິງຟຸກ, ຈູມແທັງ ແຂວງ ແທັງຮວ໊າ ແຕ່ລະແຫ່ງກໍ່ລ້ວນແຕ່ມີຜະລິດຕະພັນເຄື່ອງປັ້ນດິນເຜົາ ທີ່ເປັນເອກະລັກສະເພາະຂອງຕົນ ອັນໄດ້ສ້າງຄວາມຫຼາກຫຼາຍສີສັນອຸດົມສົມບູນໃຫ້ແກ່ອາຊີບເຮັດເຄື່ອງປັ້ນດິນເຜົາຢູ່ ຫວຽດນາມ. ລຸງ ຟ້າມງອກຮຸຍ ນັກສິລິປະການຢູ່ໝູ່ບ້ານຜະລິດເຄື່ອງປັ້ນດິນເຜົາ ບາດຈ່າງ ໃຫ້ຮູ້ວ່າ:
“ປະເພດເຄື່ອງປັ້ນດິນເຜົາ ບາດຈ່າງ ມີຄວາມງາມຈາກຮູບຮ່າງ, ວາດແຕ້ມ ຕະຫຼອດຮອດລວດລາຍສີສັນທີ່ເປັນເອກະລັກ ເຊິ່ງບໍ່ມີປະເພດເຄື່ອງປັ້ນດິນເຜົາໃດຢູ່ ຫວຽດນາມ ຫຼື ຢູ່ປະເທດອື່ນໆໃນໂລກສາມາດຜະລິດໄດ້ເຄື່ອງປັ້ນດິນເຜົາຄືຢູ່ ບາດຈ່າງ, ສີເຄືອບເຄື່ອງປັ້ນດິນເຜົາ ບາດຈ່າງ ຖືກນາຍຊ່າງຜະລິດຈາກບັນດາວັດຖຸດິບເອົາມາຈາກທຳມະຊາດ, ດິນຫີນບໍ່ມີທາດເຄມີ ແຕ່ຢ່າງໃດ”.
 |
| ງານວາງສະແດງໄດ້ຊ່ວຍໃຫ້ຜູ້ຊົມ ສາມາດເຂົ້າໃຈແຈ້ງ ກ່ຽວກັບປະຫວັດຄວາມເປັນມາຂອງອາຊີບເຄື່ອງປັ້ນດິນເຜົາ. (ພາບ: VOV) |
ດ້ວຍຫົວຄິດປະດິດສ້າງ ແລະ ສີມືອັນຄ່ອງແຄ້ວຂອງນາຍຊ່າງເຄື່ອງປັ້ນດິນເຜົາ, ເຄື່ອງປັ້ນດິນເຜົາ ຫວຽດນາມ ໄດ້ກາຍເປັນປະເພດສິລິປະມີລັກສະນະພື້ນເມືອງຢ່າງເລິກເຊິ່ງ ຜະລິດຕະພັນເຄື່ອງປັ້ນດິນເຜົາເຄືອບ ຫວຽດນາມ ໄດ້ຖືກສົ່ງອອກຂາຍໃຫ້ຫຼາຍປະເທດໃນໂລກ. ຈິດຕະກອນ ຫງວຽນແມັ້ງດຶກ ໃຫ້ຮູ້ວ່າ:
“ຫຼາຍປະເທດໃນໂລກຄື ຝລັ່ງ ເຢຍລະມັນ ອັງກິດ ອາເມລິກາ ຍີ່ປຸ່ນ ກໍ່ລ້ວນແຕ່ສັ່ງຊື້ເຄື່ອງປັ້ນດິນເຜົາ ຫວຽດນາມ. ອາຊີບເຮັດເຄື່ອງປັ້ນດິນເຜົາຢູ່ ຫວຽດນາມ ພວມຂະຫຍາຍຕົວດີທີ່ສຸດ ພິເສດແມ່ນເຄື່ອງປັ້ນດິນເຜົາ ບາດຈ່າງ. ຊາວບ້ານບາດຈ່າງ ມີສີມືອັນຄ່ອງແຄ້ວ ແຕ່ປາງກ່ອນໝູ່ບ້ານ ບາດຈ່າງ ແມ່ນໝູ່ບ້ານທີ່ອຸດົມຮັ່ງມີ. ເຄື່ອງປັ້ນດິນເຜົາ ບາດຈ່າງ ສາມາດຕອບສະໜອງຄວາມຮຽກຮ້ອງຕ້ອງການໃນທ້ອງຕະຫຼາດ ເປັນແຫຼ່ງສິນຄ້າໃຫຍ່ທີ່ສຸດຢູ່ ຫວຽດນາມ”.
ງານວາງສະແດງໄດ້ຊ່ວຍໃຫ້ຜູ້ຊົມສາມາດເຂົ້າໃຈແຈ້ງ ກ່ຽວກັບປະຫວັດຄວາມເປັນມາຂອງອາຊີບເຄື່ອງປັ້ນດິນເຜົາ, ວັດທະນະທຳເຄື່ອງປັ້ນດິນເຜົາ ຫວຽດນາມ. ແຂກທ່ອງທ່ຽວຍັງມີໂອກາດເຫັນປະຈັກຕາ ພວກນາຍຊ່າງເຮັດເຄື່ອງປັ້ນດິນເຜົາສະແດງບັນດາຂັ້ນຕອນຜະລິດອອກ ຜະລິດຕະພັນເຄື່ອງປັ້ນດິນເຜົາ, ຮັບຟັງນັກສິລະປະການນາຍຊ່າງເຄື່ອງປັ້ນດິນເຜົາ ເລົ່າກ່ຽວກັບບັນດາເລື່ອງລາວອາຊີບເຮັດເຄື່ອງປັ້ນດິນເຜົາ. ນ້ອງ ໂຮ່ທິກວິ່ງ ນັກສຶກສາ ສັງກັດມະຫາວິທະຍາໄລວັດທະນະທຳ ຮ່າໂນ້ຍ ເປີດເຜີຍວ່າ:
“ຂ້າພະເຈົ້າມີຄວາມປະທັບໃຈ ເມື່ອເຫັນການວາງສະແດງເຄື່ອງປັ້ນດິນເຜົາຢູ່ທີ່ນີ້ ມີຄວາມດຶງດູດໃຈທີ່ສຸດ. ຂ້າພະເຈົ້າຫາກໍ່ໄດ້ຮູ້ຈັກໝູ່ບ້ານເຄື່ອງປັ້ນດິນເຜົາ ບາດຈ່າງ ແຕ່ແຕ່ເມື່ອມານີ້, ຂ້າພະເຈົ້າສາມາດຮູ້ຫຼາຍສິ່ງຫຼາຍຢ່າງຕື່ມອີກ ກ່ຽວກັບໝູ່ບ້ານ ອາຊີບເຄື່ອງປັ້ນດິນເຜົາ ຝູ່ຫຼາງ ຢູ່ແຂວງ ບັກນິງ. ເຫດການນີ້ໄດ້ຊ່ວຍໃຫ້ບັນດາເພື່ອນໜຸ່ມມີໂອກາດຊອກຮູ້ ປະຫວັດຄວາມເປັນມາຂອງບັນດາໝູ່ບ້ານອາຊີບຫັດຖະກຳ”.
ເຫດການນີ້ບໍ່ພຽງແຕ່ແນະນຳ ກ່ຽວກັບອາຊີບເຮັດເຄື່ອງປັ້ນດິນເຜົາຢູ່ບາງໝູ່ບ້ານອາຊີບຫັດຖະກຳ, ບັນດາປະເພດເຄື່ອງປັ້ນດິນເຜົາທີ່ເປັນເອກະລັກ ຢູ່ພາກເໜືອ ຫວຽດນາມ ເທົ່ານັ້ນ ຫາກຍັງປະກອບສ່ວນໂຄສະນາ ພາບພົດວັດທະນະທຳປະເທດຊາດ ແລະ ຊາວຫວຽດນາມ ໃຫ້ແກ່ເພື່ອນມິດສາກົນອີກດ້ວຍ. ນາງ ດ່າວທິລຽນເຮືອງ ຫົວໜ້າຄະນະຂົນຂວາຍວິຈິດສິນ ຫວຽດນາມ ແລະ ການທູດວັດທະນະທຳ ສັງກັດກະຊວງການຕ່າງປະເທດ ຫວຽດນາມ ໃຫ້ຮູ້ວ່າ:
“ບັນດາການນຳຂັ້ນສູງ ຫວຽດນາມ ຄືນາຍົກລັດຖະມົນຕີ, ປະທານປະເທດ ກໍ່ເຄີຍເອົາເຄື່ອງປັ້ນດິນເຜົາ ບາດຈ່າງ ມາເປັນຂອງຂວັນໃຫ້ແກ່ຄະນະທຸຕານະທູດ, ໃຊ້ເປັນຂອງຂວັນເພື່ອມອບໃຫ້ບັນດາປະມຸກລັດຂອງປະເທດຕ່າງໆໃນໂລກ. ພວກຂ້າພະເຈົ້າກໍ່ໄດ້ນຳໃຊ້ເຄື່ອງປັ້ນດິນເຜົາ ເພື່ອປະດັບປະດາຢູ່ທາງໃນຂອງສະຖານທູດ, ສະຖານກົງສຸນ ຫວຽດນາມ ຢູ່ຕ່າງປະເທດ. ທາງດ້ານການທູດວັດທະນະທຳ, ບັນດາສະຖານທູດ ຫວຽດນາມ ຢູ່ຕ່າງປະເທດ ກໍ່ລ້ວນແຕ່ຈັດຕັ້ງບັນດາເຫດການໂຄສະນາເຜີຍແຜ່ວັດທະນະທຳ ຫວຽດນາມ ໃນນັ້ນມີການແນະນຳກ່ຽວກັບເຄື່ອງປັ້ນດິນເຜົາເຄືອບ ຫວຽດນາມ”.
ໂດຍຜ່ານບັນດາການເຄື່ອນໄຫວວັດທະນະທຳນີ້ ຄະນະຄຸ້ມຄອງໜອງ ຮວ່ານກ໊ຽມ ແລະ ຄຸ້ມຖະໜົນເກົ່າ ຮ່າໂນ້ຍ ໄດ້ອະນຸລັກຮັກສາເຊີດຊູອາຊີບເຮັດເຄື່ອງປັ້ນດິນເຜົາ ເຊື່ອມຕໍ່ຖະໜົນອາຊີບກັບໝູ່ບ້ານອາຊີບ. ພ້ອມກັນນັ້ນກໍ່ປະກອບສ່ວນຊຸກຍູ້ການພັດທະນາການທ່ອງທ່ຽວ ຢູ່ນະຄອນຫຼວງ ຮ່າໂນ້ຍ ອະນຸລັກຮັກສາ ແລະ ເສີມຂະຫຍາຍບັນດາຄຸນຄ່າມູນລະດົກວັດທະນະທຳບໍ່ເປັນວັດຖຸ.
 | ເຝີ - ເຍື່ອງອາຫານທີ່ເປັນເອກະລັກວັດທະນະທຳ ຫວຽດນາມ ຢູ່ ຫວຽດນາມ, ແຕ່ລະເຂດພາກລ້ວນແຕ່ມີບັນດາເຍື່ອງອາຫານພິເສດສະເພາະຂອງໃຜຂອງມັນ, ແຕ່ເບິ່ງລວມແລ້ວ, ເມື່ອເວົ້າເຖິງອາຫານການກິນ ຫວຽດນາມ ເຂົາເຈົ້າມັກເວົ້າເຖິງອາຫານຮ່າໂນ້ຍ ເຊິ່ງຢູ່ໃນນັ້ນ ເຝີມີທີ່ຕັ້ງສຳຄັນທີ່ສຸດ. |
 | ການປັບປຸງສ້າງຄຸນສົມບັດສິນທຳ ແລະ ປະເທດຊາດໃຫ້ຈະເລີນຮຸ່ງເຮືອງ ຈາກພະລັງພາຍໃນຂອງວັດທະນະທຳຫວຽດນາມ ກ່ອນອື່ນໝົດແມ່ນຕ້ອງເຂົ້າໃຈແຈ້ງ ກ່ຽວກັບຄວາມເສື່ອມໂຊມຂອງສິນທຳ ທາງສັງຄົມ, ລວມທັງຄວາມເສື່ອມໂຊມທາງດ້ານການເມືອງ, ແນວຄິດ, ຄຸນສົມບັດ, ແບບແຜນດຳລົງຊີວິດຂອງພະນັກງານ, ສະມາຊິດພັກແລະປະຊາຊົນຈຳນວນໜຶ່ງທີ່ບໍ່ໜ້ອຍ ເຮັດໃຫ້ຄວາມເຂັ້ມແຂງຂອງຊາດຫຼຸດລົງ. ສະຖານະການນີ້ໃນຂະບວນການພັດທະນາເສດຖະກິດຕະຫຼາດໄດ້ສົ່ງຜົນກະທົບທາງລົບ, ບວກກັບຈຸດອ່ອນ ຂໍ້ບົກພ່ອງຂອງການຄຸ້ມຄອງສັງຄົມ, ຜົນທີ່ຕາມມາໃນການເຊື່ອມໂຍງ... ກໍ່ໃຫ້ເກີດການຕໍ່ຕ້ານການພັດທະນາ ແລະກໍ່ແມ່ນການຕໍ່ຕ້ານວັດທະນະທຳ ເຊິ່ງພວກເຮົາຕ້ອງພະຍາຍາມແກ້ໄຂຜ່ານຜ່າ. |
 | ມອບ-ຮັບ ລັດຖະມົນຕີກະຊວງຖະແຫລງ ຂ່າວ ວັດທະນະທຳ ແລະ ທ່ອງທ່ຽວ ໃນວັນທີ 7 ເມສາ 2021, ທີ່ຫໍວັດທະນະທຳແຫ່ງຊາດ ນະຄອນຫລວງວຽງຈັນ ໄດ້ພິທີມອບ-ຮັບ ເລຂາຄະນະພັກ, ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ(ຖວທ) ລະຫວ່າງ ສະຫາຍ ກິແກ້ວ ໄຂຄຳພິທູນ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງ ຖວທ (ຜູ້ເກົ່າ) ແລະ ທ່ານ ນາງ ສວນສະຫວັນ ... |
vovworld.vn
