 |
ທ່ານເຈົ້າແຂວງສະຫວັນນະເຂດ ສັນຕິພາບ ພົມວິຫານ ລົງພົບປະ ຊາວນາ ແລະ ກຸ່ມຜລິດພາຍໃນ ເມືອງໄຊບູລີ.
ທ່ານເຈົ້າແຂວງສະຫວັນນະເຂດ ສັນຕິພາບ ພົມວິຫານ ພໍໃຈຕໍ່ຜົນຜະລິດເຂົ້ານາແຊງ ຂອງຊາວນາຊາວກະສິກອນ ພາຍໃນເມືອງໄຊບູລີ ປະກົດວ່າໄດ້ຮັບໝາກຜົນຕາມທີ່ຄາດ ອັນໄດ້ເຮັດໃຫ້ລາຄາເຂົ້ານາແຊງປີນີ້ສູງຂຶ້ນຖືກກິໂລລະ 3.200 ກີບ ໃນຂະນະທີ່ປະຊາຊົນພວມຂຸ້ນຂ້ຽວເກັບກ່ຽວ ແລະ ມ້ຽນມັດເຂົ້ານາແຊງພ້ອມ ຂາຍໃຫ້ກັບໂຮງສີ ແລະພໍ່ຄ້າ ຄົນກາງນີ້ແມ່ນການເປີດເຜີຍຂອງກຸ່ມຊາວນາເຂດບ້ານເວີນ ໃນໂອກາດທີ່ທ່ານ ສັນຕິພາບ ພົມວິຫານ ເຈົ້າແຂວໆສະຫວັນນະເຂດ ພ້ອມທ່ານ ຄໍາລຸຍ ຍາດຕິວົງ ຫົວໜ້າພະແນກກະ ສິກໍາແລະປ່າໄມ້ແຂວງ, ທ່ານ ສູນທະລາ ຮອງຫົວໜ້າພະ ແນກກະສິກໍາ ແລະປ່າໄມ້ ແຂວງ, ລົງພົບປະໂອ້ລົມກຸ່ມຊາວນາ ກຸ້ມຜະລິດພາຍໃນ ເມືອງໄຊບູລີ ທີ່ວັດບ້ານເວີນ.
ຕົວແທ່ນກຸ່ມຊາວນາເຂດ ບ້ານເວີນໃຫ້ສໍາພາດວ່າ: ການ ຜະລິດເຂົ້ານາແຊງຂອງປະຊາ ຊົນໃນປີນີ້ປະກົດວ່າໄດ້ຮັບ ໝາກຜົນດີພໍສົມຄວນທັງໆທີ່ ວ່າ ໃນທ້ອງຖິ່ນດັ່ງກ່າວເກີດ ປະສົບກັບໄພນໍ້າຖ້ວມໃນຊ່ວງ ລະດູຝົນທີ່ຜ່ານມາແຕ່ເຖິງ ຢ່າງໃດກໍ່ດີອໍານາດການປົກ ຄອງເມືອງ ບວກກັບອໍານາດ ການ ປົກຄອງທ້ອງຖິ່ນ ແລະກຸ່ມ ການຜະລິດກໍ່ຄືຊາວນາກໍ່ໄດ້ ຕັດສິນໃຈສຸມທຸກກໍາລັງແຮງ ກໍາລັງທັງທຶນຮອນພ້ອມກັນ ຟື້ນຟູການຜະລິດໃນເນື້ອທີ່ໄດ້ ຮັບຜົນກະທົບ ໂດຍມີການປັບ ປຸງຄອງເໝືອງ, ປັບປຸງສ້ອມ ແປງຈັກສູບນໍ້າ ເພື່ອການ ຜະລິດນາແຊງ ຊຶ່ງການຜະລິດ ເຂົ້ານາແຊງໃນປີນີິ້ຈາກປີ ກ່ອນ 340 ເຮັກຕາ ເພີ່ມຂຶ້ນ ມາເປັນ 418 ເຮັກຕາ ຊຶ່ງມາ ຮອດປະຈຸບັນການເກັບກ່ຽວ ແມ່ນສໍາເລັດໄປແລ້ວເປັນສ່ວນ ຫລາຍ ໂດຍຜົນຜະລິດຄາດວ່າ ຈະໄດ້ 4,5 ໂຕນ ຕໍ່ເຮັກຕາ.ຈາກນີ້ປະຊາຊົນຍັງໄດ້ຫັນມາ ປູກພືດຜັກຕ່າງໆເປັນສິນຄ້າ ເປັນຕົ້ນກໍ່ແມ່ນໝາກສາລີ, ໝາກ ເຜັດ, ໝາກເຂືອ, ເຜືອກ-ມັນ, ຢາສູບ, ອ້ອຍ, ກ້ວຍ ...
ແຕ່ການຜະລິດຂອງປະ ຊາຊົນໃນເຂດນີ້ກໍ່ພົບຄວາມ ຫຍຸ້ງຍາກພໍສົມຄວນຖ້າເວົ້າ ເລື່ອງການຜະລິດເຂົ້ານາແຊງ ກໍ່ໍ່ພົບບັນຫາເລື່ອງໄດສູບນໍ້າກໍ່ ເພາະວ່າໄດແຕ່ລະຈຸດທີ່ເປັນຫົວງານກໍ່ເປັນໄດເກົ່າໃຊ້ງານ ຫລາຍປີ, ເກີດມີໄຟຊ໋ອດໄດໄໝ້, ຈໍາຕ້ອງໄດ້ສ້ອມແປງຫລາຍ ຄັ້ງກໍ່ຍ້ອນລະບົບໄຟຟ້າບໍ່ປົກ ກະຕິ, ເກີດມີບັນຫາລະບົບຕູ້ບັງ ຄັບໄຟ ຈາກນີ້ກໍ່ແມ່ນເລື່ອງຄ່າ ກະແສໄຟຟ້າກໍ່ຍັງແພງຢູ່ທັງໆ ທີ່ວ່າທາງພາກລັດໄດ້ຫລຸດ ແລະນະໂຍບາຍຄ່າກະແສໄຟ ຟ້າໃສ່ການຜະລິດປະກົດວ່າ ຄ່າກະແສໄຟຟ້າເພີ່ມຂຶ້ນທົບ ເທົ່າ. ໃນເບື້້ອງການເກັບຊື້ລາ ຄາເຂົ້າປີນີ້ປະກົດວ່າມີພໍ່ຄ້າຄົນ ກາງເລີ່ມເຂົ້າມາເກັບຊື້ແລ້ວ ໃນເມື່ອມີການເກັບຊື້ກໍ່ເລີ່ມກົດ ລາຄາກັນອີກດ້ວຍອ້າງເຫດ ວ່າຂຶ້ນກັບທາງໂຮງສີກໍ່ເລີຍ ເລີ່ມເກີດມີບັນຫາຕ່າງໆກັບກຸ່ມການຜະລິດຜູ້ຂາຍ ແລະຜູ້ຊື້.
ທ່ານ ສັນຕິພາບ ພົມວິຫານ ມີຄໍາເຫັນວ່າ: ຕົນສະແດງ ຄວາມພໍໃຈ ທີ່ເຫັນວ່າການຜະ ລິດຂອງປະຊາຊົນໃນເຂດນີ້ ເປັນສິນຄ້າແລ້ວ, ປະຊາຊົນ ຈໍານວນຫລາຍຄອບຄົວມີຊີວິດ ດີຂຶ້ນກວ່າແຕ່ກ່ອນຫລາຍແຕ່ ທ່ານເຈົ້າແຂວງກ່າວວ່າ: ໃນ ການລົງມາຢ້ຽມຢາມກັບປະ ຊາຊົນໃນເທື່ອນີ້ກໍ່ເພື່ອຢາກ ໄດ້ຂໍ້ມູນການຜະລິດຂອງປະ ຊາຊົນພາຍໃນເມືອງໄຊບູລີ ເພື່ອຈະໄປທໍາຄວາມເຂົ້າໃຈ ອັນລະອຽດກັບທະນາຄານພົງ ສະຫວັນ ຊຶ່ງທາງທະນາຄານມີ ແຜນຈະຊຸກຍູ້ສົ່ງເສີມການຜະ ລິດຂອງປະຊາຊົນໃຫ້ດີຂຶ້ນ ແລະເປັນອັນທັນສະໄໝໃນນີ້ ຈະໄດ້ປ່ອຍເງິນກູ້ໃຫ້ກຸ່ມຊາວ ນາທໍາການຜະລິດບໍ່ວ່າຈະ ເປັນ ແນວພັນ, ເຕັກນິກວິຊາການ ຕະຫລອດຮອດອຸປະກອນການ ຜະລິດ ແຕ່ໃນເບື້ອງຕົ້ນ ປະຊາ ຊົນກໍ່ຕ້ອງກຽມຮອງຮັບກັບ ການໃຫ້ເງິນກູ້ກັບການຜະລິດ ເປັນຕົ້ນແມ່ນຈັດຕັ້ງກອງທຶນກຸ່ມການຜະລິດ,ຈາກນີ້ກໍ່ການສ້າງລະບຽບການຕ່າງໆເພື່ອໃຫ້ສອດຄ່ອງກັບເງື່ອນຕ່າງໆ ທັງມີການຄຸ້ມຄອງຢ່າງມີປະ ສິດທີຜົນ ເຮັດແນວໃດບໍ່ໃຫ້ເສຍ ປຽບລະຫວ່າງຊາວນາກັບທະ ນາຄານ ຊຶ່ງປີນີ້ ເມືອງໄຊບູລີ ມີເນື້ອທີ່ການຜະລິດເຂົ້ານາແຊງທັງໝົດ 8.960 ເຮັກຕາ ໃນນີ້ ນາຫວ່ານ 5.100 ເຮັກຕາ, ນາດໍາ 3.830 ເຮັກຕາ, ນາ ຢອດ 50 ເຮັກຕາ ຊຶ່ງການ ເກັບກ່ຽວຈະໃຫ້ສໍາເລັດໃນ ກາງເດືອນເມສານີ້./.
（ແຫຼ່ງຂໍ້ມູນ： ສະຫວັນພັດທະນາ ຂ່າວ）
