ເສັ້ນທາງ 13 ໃຕ້ ສັນຍາ 1, ກິໂລແມັດ 71 ຫາ ກິໂລແມັດ 111 ແຂວງບໍລິຄໍາໄຊ ທີ່ນອນຢູ່ໃນໂຄງການປັບປຸງ ແລະ ສ້ອມແປງທາງ 13 ໃຕ້, ແຕ່ກິໂລແມັດ 71 (ແຂວງບໍລິຄໍາໄຊ) ຫາ ກິໂລແມັດ 346 (ແຂວງຄໍາມ່ວນ ) ມີຄວາມຍາວທັງໝົດ 275 ກິໂລແມັດ. ໂຄງການໄລຍະທີ 1 ນີ້ ແມ່ນນໍາໃຊ້ທຶນກູ້ຢືມ ຈາກທະນາຄານໂລກ ເພື່ອປັບປຸງຍົກລະດັບ ຈຸດນ້ຳຖ້ວມ ແລະ ຂະຫຍາຍໜ້າທາງເກົ່າ ຈາກ 9 ແມັດ ເປັນ 12 ແມັດ ມີ 2 ຊ່ອງທາງຈາລະຈອນ (2x3,5 ແມັດ) ແລະ ບ່າທາງເບື້ອງລະ 2,5 ແມັດ ກໍ່ສ້າງຂົວໃໝ່ 2 ແຫ່ງ ແທນໃສ່ຈຸດເກົ່າ ລວງຍາວແຕ່ລະແຫ່ງ ປະມານ 25 ແມັດ, ກ້ວາງ 12 ແມັດ ໂຄງສ້າງທາງໄດ້ອອກແບບ ເປັນໜ້າທາງແບບປູຢາງຂົ້ວ (ເບຕົງອັສຟານ).
 |
| ເສັ້ນທາງ 13 ໃຕ້ ຈະໄດ້ຮັບການປັບປຸງ-ສ້ອມແປງຄືນໃໝ່. (ພາບ: KPL) |
ສ່ວນການຈັດຕັ້ງປະຕິບັດ ໂຄງການດັ່ງກ່າວ ໄດ້ຄັດເລືອກເອົາບໍລິສັດຮັບເໝົາໂດຍການປະມູນສາກົນ ໃນຮູບແບບສັນຍາແບບມອບເໝົາ ຄື ຜູ້ຮັບເໝົາເປັນຜູ້ດໍາເນີນການກໍ່ສ້າງສໍາເລັດພາຍໃນ 2 ປີ ແລະ ສືບຕໍ່ບູລະນະຮັກສາໄປຕື່ມອີກ 8 ປີ ຈຶ່ງຈະມອບໃຫ້ເຈົ້າຂອງໂຄງການມູນຄ່າຂອງສັນຍາຜ່ານການປະມູນ ສໍາລັບສັນຍານີ້ແມ່ນ 17,5 ລ້ານໂດລາ, ສ່ວນຮູບການຊໍາລະ ໃຫ້ແກ່ໂຄງການ ແບ່ງອອກເປັນ 2 ໄລຍະ ຄື: ໄລຍະທີ 1: ແມ່ນໄລຍະດໍາເນີນການກໍ່ສ້າງ 2 ປີ ມີມູນຄ່າປະມານ 14 ລ້ານໂດລາ ໂດຍແມ່ນທະນາຄານໂລກ ເປັນຜູ້ສໍາລະ ໄລຍະທີ 2: ແມ່ນໄລຍະການນໍາໃຊ້ ແລະ ບູລະນະຮັກສາເສັ້ນທາງ 8 ປີ ແບ່ງຈ່າຍເປັນງວດໆ ໂດຍນໍາໃຊ້ເງິນຈາກກອງທຶນທາງ (ຂອງລັດຖະບານລາວ) ຈໍານວນ 3,5 ລ້ານ ໂດລາສະຫະລັດ.
ສໍາລັບໂຄງການປັບປຸງ ແລະ ສ້ອມແປງທາງ 13 ໃຕ້ ແຕ່ກິໂລແມັດ 71 (ແຂວງບໍລິຄໍາໄຊ) ຫາ ກິໂລແມັດ 346 (ແຂວງ ຄໍາມ່ວນ) ແບ່ງອອກເປັນ 4 ໄລຍະສັນຍາ ໂດຍໄດ້ຮັບການສະໜັບສະໜູນ ເງິນກູ້ດອກເບ້ຍຕ່ຳ ຈາກສາມສະຖາບັນ ຄື: ທະນາຄານໂລກ (WB) ທະນາຄານລົງທຶນເອີຣົບ (EIB) ທະນາຄານການລົງທຶນ ໂຄງລ່າງພື້ນຖານອາຊີ (AIB) ແລະ ງົບປະມານຈາກກອງທຶນ ທາງ ລວມທັງໝົດ 157,5 ລ້ານ ໂດລາສະຫະລັດ ໃນນີ້ຄ່າກໍ່ສ້າງ ແລະ ປັບປຸງເສັ້ນທາງ 275 ກິໂລແມັດ ມູນຄ່າ 125 ລ້ານໂດລາ ຄ່າຊົດເຊີຍສິ່ງກີດຂວາງ ແລະ ເວນຄືນທີ່ດີນ 1,7 ລ້ານໂດລາ, ຄ່າວ່າຈ້າງທີ່ປຶກສາ 5 ລ້ານໂດລາ ແລະ ຄ່າບູລະນະຮັກສາ 25,8 ລ້ານໂດລາ ສ່ວນໄລຍະເວລາໃນການປະຕິບັດໂຄງການ 10 ປີ ແຕ່ປີ 2021 -2031 ໃນນີ້ໄລຍະກໍ່ສ້າງ 2 ຫາ 3 ປີ ແລະ ບູລະນະຮັກສາ 7 ຫາ 8 ປີ.
 | ປະເທດລາວ: ຫາລືວຽກງານຄຸ້ມຄອງໄພພິບັດ ແລະ ກຽມຄວາມພ້ອມ ຕອບໂຕ້ໄພພິບັດ ໃນທົ່ວປະເທດ ໃນວັນທີ 10 ມີນາ 2021 ທີ່ນະຄອນຫລວງວຽງຈັນ, ກົມສັງຄົມສົງເຄາະ ກະຊວງແຮງງານ ແລະ ສະຫວັດດີການສັງຄົມ ໄດ້ຈັດກອງປະຊຸມ ວຽກງານຄຸ້ມຄອງ ໄພພິບັດທົ່ວປະເທດ ປະຈໍາປີ 2020 ເພື່ອຮັບຟັງການສະເໜີ ບົດສະຫລຸບ ການຈັດຕັ້ງປະຕິບັດ ວຽກງານຄຸ້ມຄອງໄພພິບັດ ໄລຍະ 5 ປີ ຜ່ານມາ (2016-2020) ແລະ ທິດທາງແຜນການ ... |
 | ເຢຍລະມັນສະໜັບສະໜູນ 20 ລ້ານເອີໂຣໃຫ້ແກ່ປະເທດລາວໃນການຄຸ້ມຄອງປ່າໄມ້ ພິທີເຊັນສັນຍາ ແຜນງານ ການຈັດຕັ້ງປະຕິບັດກົດໝາຍປ່າໄມ້, ການຄຸ້ມຄອງ ແລະ ການຄ້າໄມ້ ລະຫວ່າງລັດຖະບານ ສປປ ລາວ ແລະ ລັດຖະບານ ສ. ເຢຍລະມັນ ໄດ້ຈັດຂຶ້ນໃນວັນທີ 15 ກຸມພາ 2021 ທີ່ກະຊວງແຜນການ ແລະ ການລົງທຶນ ຊຶ່ງໄດ້ລົງນາມໂດຍ ພະນະທ່ານ ປອ ກິແກ້ວ ຈັນທະບູຣີ, ... |
 | ປະເທດລາວ ໄດ້ເລີ່ມຕົ້ົ້ນທົດລອງການສັກວັກຊິນ ຕ້ານພະຍາດ COVID – 19 ຍສໝ - ປະເທດລາວ ກຳລັງຈັດຕັ້ງການທົດສອບວັກຊີນ ຕ້ານພະຍາດ COVID – 19 ຄັ້ງທຳອິດ ສຳລັບ ບັນດາຜູ້ອາສາສະໝັກ ແລະ ສືບຕໍ່ຮັບເອົາວັກຊີນທີ່ບໍລິຈາກໂດຍປະເທດອື່ນ ເພື່ອໃຫ້ສາມາດສັກຢາວັກຊີນໃຫ້ແກ່ພົນລະເມືອງ ທີ່ຈະໄດ້ເລີ່ມແຕ່ເດືອນເມສາປີນີ້. |
kpl.gov.la
