 |
| ຈົດໝາຍຂອງສະມາຄົມກຳປູເຈຍ - ຫວຽດນາມ |
ທ່ານ Men Sam An ປະທານສະມາຄົມມິດຕະພາບ ກຳປູເຈຍ - ຫວຽດນາມ ໄດ້ສົ່ງຈົດໝາຍສະແດງຄວາມຂອບອົກຂອບໃຈຕໍ່ສະມາຄົມມິດຕະພາບ ຫວຽດນາມ - ກຳປູເຈຍ ເພື່ອສະມາຄົມໄດ້ມອບວັດຖຸອະປຸກອນການແພດ, ເງິນສົດເພື່ອສະໜັບສະໜູນປະຊາຊົນກຳປູເຈຍ ໃນການຕ້ານໂລກລະບາດໂຄວິດ - 19.
ໃນຈົດໝາຍສົ່ງໄປຍັງທ່ານ ຫວູເວືອງວຽດ, ຮອງປະທານສະມາຄົມມິດຕະພາບ ຫວຽດນາມ - ກຳປູເຈຍ, ທ່ານ Men Sam An ໃຫ້ຮູ້ວ່າ ທ່ານໄດ້ຮັບຂອງຂວັນຂອງສະມາຄົມມິດຕະພາບ ຫວຽດນາມ ກຳປູເຈຍທີ່ລວມມີຜ້າອັດປາກ ດັງ 267.500 ອັນ, ຊຸດປ້ອງກັນທາງການແພດ 100 ຊຸດ, ພ້ອມກັບເງິນສົດ 20 ລ້ານດົ່ງແຕ່ວັນທີ 8 ມີນາ 2021. ບັນດາຂອງຂວັນນີ້ຈະໄດ້ສົ່ງໄປຍັງບັນດາແພດໝໍ, ກຳລັງປະກອບອາວຸດຢູ່ແນວໜ້າຂອງແຂວງ Svay Rieng ໂດຍເປັນແຂວງທີ່ພວມຕໍ່ສູ້ເພື່ອສະກັດກັ້ນໂລກລະບາດໂຄວິດ - 19. ທ່ານປະທານສະມາຄົມມິດຕະພາບ ກຳປູເຈຍ ຫວຽດນາມ ໄດ້ເນັ້ນໜັກ ແລະ ສົ່ງຄຳຂອບໃຈໄປຍັງໝູ່ຮ່ວມງານຂອງຕົນຢູ່ສະມາຄົມມິດຕະພາບ ຫວຽດນາມ ກຳປູເຈຍຍ້ອນຂອງຂວັນອັນແທດຈິງ ແລະ ມີຄວາມໝາຍນີ້, ທ່ານກ່າວວ່າ:
“ນີ້ແມ່ນການສະແດງຢ່າງມີຊີວິດຊີວາຂອງມູນເຊື້ອອັນລ້ຳຄ່າ ໃນການອຸນຊູຊ່ວຍເຫຼືອ, ຮັກແພງເຊິ່ງກັນແລະກັນໃນສະພາບການປະສົບກັບຄວາມຫຍຸ້ງຍາກຈາກສະມາຄົມຂອງພວກເຮົາ”.
ກ່ອນໜ້ານັ້ນໃນຕອນບ່າຍວັນທີ 4 ມີນາ, ສະມາຄົມມິດຕະພາບ ຫວຽດນາມ ກຳປູເຈຍໄດ້ໄປເຖິງສະຖານທູດ ກຳປູເຈຍ ປະຈຳ ຫວຽດນາມ ເພື່ອມອບເງິນ ແລະ ວັດຖຸອຸປະກອນການແພດເຊິ່ງສະມາຄົມ ແລະ ບັນດາອົງການຈັດຕັ້ງສະມາຊິກຂອງສະມາຄົມບໍລິຈາກ ເພື່ອແນໃສ່ປະກອບສ່ວນເຂົ້າໃນການແບ່ງປັນ,ໜູນຊ່ວຍປະຊາຊົນກຳປູເຈຍໃນການປ້ອງກັນ, ສະກັດກັ້ນໂລກລະບາດໂຄວິດ - 19.
ການເຄື່ອນໄຫວຂອງສະມາຄົມມິດຕະພາບ ຫວຽດນາມ ກຳປູເຈຍ ໄດ້ປະກອບສ່ວນເຂົ້າໃນການສະແດງຄວາມສຸດຈິດສຸດໃຈ ໃນສະພາບການໂລກລະບາດໂຄວິດ - 19 ທີ່ພວມມີການຜັນແປຢ່າງສັບສົນ. ນີ້ກໍ່ແມ່ການກະທຳອັນສູງສົ່ງເພື່ອລະດົມກຳລັງໃຈໃຫ້ແກ່ປະຊາຊົນກຳປູເຈຍ ໃນບັ້ນຕໍ່ສູ້ຕ້ານໂລກລະບາດໂຄວິດ - 19.
 | ກຳປູເຈຍ - ລາວ - ຫວຽດນາມ: ເຫັນດີເປັນເອກະພາບສືບຕໍ່ຮັກສາ ແລະ ເສີມຂະຫຍາຍບັນດາກົນໄກຮ່ວມມືໃນຫຼາຍຂົງເຂດຢ່າງມີປະສິດທິຜົນ ຍສໝ - ຫວ່າງແລ້ວນີ້, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ, ທ່ານເລຂາທິການໃຫຍ່, ນາຍົກລັດຖະມົນຕີລາວ ທອງລຸນ ສີສຸລິດ ແລະ ທ່ານ ປະທານພັກປະຊາຊົນກຳປູເຈຍ, ນາຍົກລັດຖະມົນຕີ Samdech Techo Hun Sen ໄດ້ດຳເນີນກອງປະຊຸມສຳມະນາທາງອອນລາຍເພື່ອແລກປ່ຽນກ່ຽວກັບການຮ່ວມມືສອງຝ່າຍກໍ່ຄືການຮ່ວມມື 3 ຝ່າຍ. |
 | ດົ່ງທາບ, ອານຢາງ, ມອບຜ້າອັດປາກ - ດັງໜູນຊ່ວຍພໍ່ແມ່ປະຊາຊົນເຊື້ອສາຍຫວຽນດາມທຸກຍາກ ອາໄສຢູ່ກຳປູເຈຍ ຍສໝ - ທ່ານ ຫງວຽນວັນແກນ, ສະມາຊິກສະມາຄົມ ຂະແມ - ຫວຽດນາມ ແຂວງ Prayveng, ປະທານສະມາຄົມ ໂດຍຕາງໜ້າໃຫ້ພໍ່ແມ່ປະຊາຊົນຊາວຫວຽດນາມ ອາໄສຢູ່ ກຳປູເຈຍໃນແຂວງ ໄດ້ສະແດງຄວາມຂອບອົກຂອບໃຈຕໍ່ບັນດານ້ຳໃຈພິເສດກ່ຽວກັບເນື້ອໃນຈິດໃຈ ແລະ ວັດຖຸເຊິ່ງກອງບັນຊາການທະຫານປ້ອງກັນຊາຍແດນ ແລະ ສະຫະສະມາຄົມບັນດາອົງການຈັດຕັ້ງມິດຕະພາບແຂວງ ດົ່ງທາບ ໄດ້ສະຫງວນໃຫ້ແກ່ພໍ່ແມ່ປະຊາຊົນຊາວ ຫວຽດນາມ ອາໄສຢູ່ ກຳປູເຈຍ |
 | ສະມາຄົມມິດຕະພາບ ຫວຽດນາມ - ກຳປູເຈຍ ມອບອຸປະກອນການແພດ, ເງິນສົດໃຫ້ແກ່ປະຊາຊົນ ກຳປູເຈຍເພື່ອຕ້ານໂລກລະບາດໂຄວິດ - 19 ຍສໝ - ທີ່ພິທີມອບຮັບ, ທ່ານນາງ ຫງວຽນເຟືອງງາ ປະທານສະຫະພັນບັນດາອົງການມິດຕະພາບ ຫວຽດນາມ ໄດ້ລົງຢ້ຽມຢາມ, ແລກປ່ຽນຂໍ້ມູນຂ່າວສານກ່ຽວກັບສະພາບການໂລກລະບາດໂຄວິດ - 19. |
ບຸນຄົງ
