ຫວຽດນາມເຂົ້າຮ່ວມ ກອງປະຊຸມທາງອອນລາຍກ່ຽວກັບສະພາບການຢູ່ເຢແມນ ຂອງສະພາຄວາມໝັ້ນຄົງ ສປຊ

09:28 | 16/01/2021

ຍສໝ - ກ່າວຄຳເຫັນທີ່ກອງປະຊຸມ, ທ່ານ ຟ້າມຫ໋າຍແອັງ ອຸປະທູດຊົ່ວຄາວຄະນະຜູ້ຕາງໜ້າຫວຽດນາມ ປະຈຳ ສປຊ ໄດ້ສະແດງຄວາມຊົມເຊີຍຕໍ່ບັນດາຄວາມກ້າວໜ້າຢ່າງຕັ້ງໜ້າໃນການປະຕິບັດສົນທິສັນຍາ Riyadh, ລວມມີການສ້າງຕັ້ງລັດຖະບານຊຸດໃໝ່, ກ່າວປະຊາມບັນດາເຫດບຸກໂຈມຕີຢູ່ Aden ໃນວັນທີ 30 ທັນວາ ແລະ ຮຽກຮ້ອງໃຫ້ຈັດຕັ້ງກອງປະຊຸມສາກົນກ່ຽວກັບການໜູນຊ່ວຍໃຫ້ແກ່ເຢແມນໂດຍໄວ.

	ຫວຽດນາມຢັ້ງຢືນຄືນໃໝ່ຄຳໝັ້ນສັນຍາເຂົ້າຮ່ວມບັນດາຄວາມມານະພະຍາຍາມລວມກ່ຽວກັບການປ້ອງກັນສະກັດກັ້ນກໍການຮ້າຍສາກົນ
	ຫວຽດນາມປາດຖະໜາເຂົ້າຮ່ວມກອງປະຊຸມປຶກສາຫາລືກ່ຽວກັບສະພາບການຢູ່ພາກຕາເວັນອອກກາງ

ຫວຽດນາມເຂົ້າຮ່ວມ ກອງປະຊຸມທາງອອນລາຍກ່ຽວກັບສະພາບການຢູ່ເຢແມນ ຂອງສະພາຄວາມໝັ້ນຄົງ ສປຊ

ທ່ານ ຟ້າມຫ໋າຍແອັງ ອຸປະທູດຊົ່ວຄາວຄະນະຜູ້ຕາງໜ້າຫວຽດນາມ ປະຈຳ ສປຊ (ພາບ: baoquocte)

ວັນທີ 14 ມັງກອນ, ສະພາຄວາມໝັ້ນຄົງສປຊ ໄດ້ຈັດກອງປະຊຸມທາງອອນລາຍກ່ຽວກັບສະພາບການຢູ່ເຢແມນ, ທ່ານ Martin Grifiths ທູດພິເສດຂອງ ເລຂາທິການໃຫຍ່ ສປຊ ກ່ຽວກັບເຢແມນ, ທ່ານ Mark Lowcock ຮອງເລຂາທິການໃຫຍ່ຜູ້ຮັບຜິດຊອບບັນດາບັນຫາມະນຸດສະທຳ ແລະ ທ່ານ David Beasley ຜູ້ອຳນວຍການໂຄງການສະບຽງອາຫານ ສປຊ ໄດ້ລາຍການອັບເດດສະພາບການຢູ່ກອງປະຊຸມ.

ບັນດາຜູ້ແທນໄດ້ສະແດງຄວາມຊົມເຊີຍຕໍ່ເລື່ອງສ້າງຕັ້ງລັດຖະບານຊຸດໃໝ່ຢູ່ເຢແມນ ແລະ ຖືວ່າ ນີ້ແມ່ນສັນຍານທີ່ຕັ້ງໜ້າໃນການປະຕິບັດສົນທິສັນຍາ Riyadh. ບັນດານັກລາຍງານໄດ້ກ່າວປະນາມເຫດບຸກໂຈມຕີທີ່ຜ່ານມາຢູ່ເຢແມນ, ພິເສດແມ່ນໃນວັນທີ 30 ທັນວາຢູ່ ສະໜາມບິນ Aden ເຮັດໃຫ້ມີສາມັກຊົນເກືອບ 30 ຄົນເສຍຊີວິດ ແລະ ມີກ່ວາ 100 ຄົນຖືກຮັບບາດເຈັບ. ໄປຄຽງຄູ່ກັນນັ້ນຄວາມສ່ຽງເກີດໄພອຶດຫິວໃນວົງກ້ວາງ ແມ່ນຍາກທີ່ຈະຫຼີກລ້ຽງໄດ້ ຖ້າຫາກວ່າບໍ່ມີການສະກັດກັ້ນຢ່າງທັນການ, ປັດຈຸບັນ, ມີຊາວເຢແມນກ່ວາ 24 ລ້ານຄົນ ພວມຕ້ອງການການຊ່ວຍເຫຼືອມະນຸດສະທຳ ໃນນັ້ນມີຊາວເຢແມນ 16.500 ຄົນ ພວມດຳລົງຊີວິດໃນສະພາບການຄ້າຍຄືກັນກັບໄພອຶດຫິວ. ການຂາດເງິນຕາແມ່ນສາຍເຫດເຮັດໃຫ້ບັນດາການເຄື່ອນໄຫວມະນຸດສະທຳປະສົບກັບຄວາມຫຍຸ້ງຍາກ.

ກ່າວຄຳເຫັນທີ່ກອງປະຊຸມ, ທ່ານ ຟ້າມຫ໋າຍແອັງ ອຸປະທູດຊົ່ວຄາວຄະນະຜູ້ຕາງໜ້າຫວຽດນາມ ປະຈຳ ສປຊ ໄດ້ສະແດງຄວາມຊົມເຊີຍຕໍ່ບັນດາຄວາມກ້າວໜ້າຢ່າງຕັ້ງໜ້າໃນການປະຕິບັດສົນທິສັນຍາ Riyadh, ລວມມີການສ້າງຕັ້ງລັດຖະບານຊຸດໃໝ່, ກ່າວປະຊາມບັນດາເຫດບຸກໂຈມຕີຢູ່ Aden ໃນວັນທີ 30 ທັນວາ ແລະ ຮຽກຮ້ອງໃຫ້ຈັດຕັ້ງກອງປະຊຸມສາກົນກ່ຽວກັບການໜູນຊ່ວຍໃຫ້ແກ່ເຢແມນໂດຍໄວ.

ຫວຽດນາມຢັ້ງຢືນຄືນໃໝ່ຄຳໝັ້ນສັນຍາເຂົ້າຮ່ວມບັນດາຄວາມມານະພະຍາຍາມລວມກ່ຽວກັບການປ້ອງກັນສະກັດກັ້ນກໍການຮ້າຍສາກົນ

ຍສໝ - ທ່ານນາງ ຫງວຽນເຟືອງຈ່າ ຮອງຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສປຊ ຖືວ່າ ພາຍຫຼັງມະຕິເລກທີ 1373 ໄດ້ຮັບຮອງເອົາ, ສະພາຄວາມໝັ້ນຄົງ ປສຊໄດ້ຊຸກຍູ້ກອບລະບອບລະບຽບການກ່ຽວກັບການຕ້ານການກໍ່ການຮ້າຍທົ່ວໂລກໃນຫຼາຍຂົງເຂດ, ການຕ້ານການກໍ່ການຮ້າຍກໍ່ບັນລຸໄດ້ໝາຜົນທີ່ສຳຄັນຫຼາຍຢ່າງ.

ຫວຽດນາມປາດຖະໜາເຂົ້າຮ່ວມກອງປະຊຸມປຶກສາຫາລືກ່ຽວກັບສະພາບການຢູ່ພາກຕາເວັນອອກກາງ

ຍສໝ - ຕອນເຊົ້າວັນທີ 18 ພະຈິກ, ສະພາຄວາມໝັ້ນຄົງ ສປຊ ໄດ້ຈັດກອງປະຊຸມປຶກສາຫາລືກ່ຽວກັບສະພາບການຢູ່ພາກຕາເວັນອອກກາງ, ລວມມີບັນຫາ ປາແລັດສະຕິນ.

ຫວຽດນາມ ພ້ອມແລ້ວທີ່ຈະປະກອບສ່ວນເຂົ້າໃນການໂອ້ລົມສົນທະນາ ແລະ ການຮ່ວມມືໃນພາກພື້ນ ອ່າວເປີເຊຍ

ຍສໝ - ທີ່ກອງປະຊຸມ, ທ່ານ ດັ້ງມິງເຄີຍ ໄດ້ໃຫ້ຂໍ້ສັງເກດວ່າ ບັນດາສະພາບການຂາດສະຖຽນລະພາບຫວ່າງແລ້ວນີ້ ຢູ່ ອ່າວເປີເຊຍ ຖ້າຫາກວ່າບໍ່ແກ້ໄຂ, ຄວບຄຸມໄດ້ເປັນຢ່າງດີນັ້ນຈະກໍ່ບັນດາຜົນພາຍຫຼັງຍາກທີ່ຈະຄາດຄະເນລ່ວງໜ້າໄດ້ ຕໍ່ບັນດາການປະທະກັນ, ວິກິດການດ້ານມະນຸດສະທຳ ຕ່າງໆໃນພາກພື້ນ ຄືຢູ່ ຊີຣີ, ເຢແມນ, ລີບີ, ປາແລັດສະຕິນ ແລະ ລີບັງ.

ບຸນຄົງ