ທີ່ກອງປະຊຸມ, ຫົວໜ້າຄະນະພົວພັນຕ່າງປະເທດສູນກາງພັກ ຫວຽດນາມ, ທ່ານຮ່ວາງບິ່ງກວນ ໄດ້ສະແດງຄວາມຍິນດີຕ້ອນຮັບ ທ່ານເອກອັກຄະລັດຖະທູດອີຣານ Ali Akhbar Nazari ເນື່ອງໃນໂອກາດທ່ານເອກອັກຄະລັດຖະທູດ ໄດ້ຮັບເອົາໜ້າທີ່ໃໝ່ຢູ່ຫວຽດນາມ. ຫົວໜ້າຄະນະພົວພັນຕ່າງປະເທດສູນກາງພັກ ຫວຽດນາມ, ທ່ານຮ່ວາງບິ່ງກວນ ໄດ້ສະແດງຄວາມເຊື່ອໝັ້ນວ່າ ດ້ວຍປະສົບການເປັນເວລາຫຼາຍປີທີ່ເຮັດວຽກດ້ານການທູດ, ທ່ານເອກອັກຄະລັດຖະທູດ Ali Akhbar Nazari ຈະໄດ້ຮັບຜົນສຳເລັດຢ່າງຈົບງາມ ໃນການດຳລົງຕຳແໜ່ງຂອງທ່ານຢູ່ຫວຽດນາມ.
 |
| ຫົວໜ້າຄະນະພົວພັນຕ່າງປະເທດສູນກາງພັກ ຫວຽດນາມ, ທ່ານຮ່ວາງບິ່ງກວນ ໄດ້ສະແດງຄວາມຍິນດີຕ້ອນຮັບ ທ່ານເອກອັກຄະລັດຖະທູດອີຣານ Ali Akhbar Nazari. (ພາບ: thongtindoingoai) |
ທ່ານຮ່ວາງບິ່ງກວນ ໄດ້ສະແດງຄວາມປິຕິຊົມຊື່ນຕໍ່ບັນດາການພັດທະນາທີ່ດີ ໃນການພົວພັນລະຫວ່າງສອງປະເທດໃນໄລຍະທີ່ຜ່ານມາ; ຢືນຢັນວ່າ, ຫວຽດນາມຍາມໃດກໍ່ຖືເປັນສຳຄັນການພົວພັນມິດຕະພາບທີ່ເປັນມູນເຊື້ອ, ການຮ່ວມມືຫຼາຍດ້ານກັບອີຣານ ແລະ ປາດຖະໜາວ່າ ສອງປະເທດໄດ້ເພີ່ມທະວີການແລກປ່ຽນຄະນະຜູ້ແທນທຸກຂັ້ນ; ສົ່ງເສີມການຮ່ວມມືດ້ານເສດຖະກິດ; ສະໜັບສະໜູນ ເຊິ່ງກັນ ແລະ ກັນໃນບັນດາເວທີປາໄສຫຼາຍຝ່າຍ ແລະ ສາກົນ; ພ້ອມກັນນັ້ນ, ຢືນຢັນວ່າ ຫວຽດນາມຢາກໃຫ້ທ່ານເອກອັກຄະລັດຖະທູດ ແລະ ສະຖານທູດອີຣານ ຈະເປັນຂົວຕໍ່ເພື່ອສ້າງການພົວພັນລະຫວ່າງພັກກອມມູນິດຫວຽດນາມ ແລະ ບັນດາພັກການເມືອງຢູ່ອີຣານ, ປະກອບສ່ວນຊຸກຍູ້ການພົວພັນສອງຝ່າຍ.
ສ່ວນທ່ານເອກອັກຄະລັດຖະທູດ Ali Akhbar Nazari ໄດ້ສະແດງຄວາມຊົມເຊີຍກອງປະຊຸມໃຫຍ່ຄັ້ງທີ XII ຂອງພັກກອມມູນິດຫວຽດນາມ ແລະ ຊົມເຊີຍຫວຽດນາມໃນການຄວບຄຸມໂລກລະບາດ COVID-19 ຢ່າງສຳເລັດຜົນ.
 |
| (ພາບ: thongtindoingoai) |
ເນັ້ນໜັກເຖິງສາຍພົວພັນຮີດຄອງປະເພນີອັນດີງາມ ລະຫວ່າງອີຣານ ແລະ ຫວຽດນາມ. ທ່ານເອກອັກຄະລັດຖະທູດ Ali Akhbar Nazari ໃຫ້ຮູ້ວ່າ ປະຊາຊົນອີຣານມີຄວາມຮູ້ສຶກທາງໃຈພິເສດຕໍ່ປະເທດ ແລະ ປະຊາຊົນຫວຽດນາມ; ອີຣານຖືຫວຽດນາມເປັນສັນຍາລັກໃນການຕໍ່ສູ້ປົດປ່ອຍຊາດ ແລະ ພັດທະນາປະເທດຊາດ; ເນັ້ນໜັກວ່າ ອີຣານພ້ອມທີ່ຈະສະໜັບສະໜູນ ຫວຽດນາມ ຢູ່ບັນດາເວທີປາໄສສາກົນ.
ທ່ານເອກອັກຄະລັດຖະທູດ Ali Akhbar Nazari ກໍ່ໄດ້ສະເໜີໃຫ້ສອງປະເທດ ຕ້ອງເພີ່ມທະວີການແລກປ່ຽນຄະນະຜູ້ແທນຕື່ມອີກ; ຊຸກຍູ້ການພົວພັນດ້ານການຄ້າ ແລະ ສະເໜີໃຫ້ສອງປະເທດເປີດສາຍການບິນໂດຍກົງ ເພື່ອຕອບສະໜອງຄວາມຕ້ອງການດ້ານການທ່ອງທ່ຽວຂອງປະຊາຊົນສອງປະເທດ, ປະກອບສ່ວນຊຸກຍູ້ການພົວພັນລະຫວ່າງອີຣານ ແລະ ຫວຽດນາມໃຫ້ແໜ້ນແຟ້ນຍິ່ງຂຶ້ນ.
 | ທ່ານເອກອັກຄະລັດຖະທູດອີຣານ ປະຈຳຫວຽດນາມ Ali Akbar Nazari: ປາດຖະໜາຢາກເພີ່ມທະວີການແລກປ່ຽນຂໍ້ມູນຂ່າວສານລະຫວ່າງສອງປະເທດ ຍສໝ - ຫວ່າງແລ້ວນີ້, ຢູ່ຮ່າໂນ້ຍ, ສະມາຄົມມິດຕະພາບຫວຽດນາມ - ອີຣານ ໄດ້ມີການພົບປະກັບທ່ານເອກອັກຄະລັດຖະທູດອິດສະລາມອີຣານ ປະຈຳຫວຽດນາມ, ທ່ານ Ali Akbar Nazari. |
 | ທ່ານ ຮ່ວາງບີງກວນ ຫົວຫນ້າຄະນະພົວພັນຕ່າງປະເທດສູນກາງພັກຄອມມູນິດ ຫວຽດນາມ ເຈລະຈາທາງອອນລາຍ ກັບທ່ານ Ogata Yasuo ຫົວຫນ້ຄະນະພົວພັນສາກົນ ສູນກາງພັກກອມມູນິດ ຍີ່ປຸ ຍສໝ - ທີ່ກອງປະຊຸມ, ທ່ານຮວ່າງບິ່ງກວນ ໄດ້ແຈ້ງໃຫ້ຊາບກ່ຽວກັບສະພາບການ ແລະ ໝາກຜົນຂອງການປ້ອງກັນການລະບາດຂອງພະຍາດ Covid -19 ຢູ່ຫວຽດນາມ, ສະພາບເສດຖະກິດ - ສັງຄົມ; ທິດທາງແລະການກະກຽມໃຫ້ແກ່ກອງປະຊຸມໃຫຍ່ຄັ້ງທີ 13 ຂອງພັກກອມມູນິດຫວຽດນາມ; ມາດຕະການເພີ່ມທະວີການຮ່ວມມືລະຫວ່າງສອງຝ່າຍໃນສະພາບການຂອງການປ້ອງກັນ Covid-19. |
 | ຫົວໜ້າຄະນະພົວພັນຕ່າງປະເທດສູນກາງພັກ ຕ້ອນຮັບການເຂົ້າຢ້ຽມ ຂໍ່ານັບ ເອກອັກຄະລັດຖະທູດ ສປປ ເກົາຫລີ ຄົນໃໝ່ ປະຈຳ ລາວ ວັນທີ 13 ສິງຫາ 2018 ທີ່ ສຳນັກງານ ຄະນະພົວພັນຕ່າງປະເທດສູນກາງພັກ, ທ່ານນາງ ສູນທອນ ໄຊຍະຈັກ ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ໄດ້ຕ້ອນຮັບການເຂົ້າຢ້ຽມຂໍ່ານັບ ຂອງ ສະຫາຍ ຣີ ຢອງ ໂຊ (RI YONG CHOL) ... |
ຄຳຮຸ່ງ
