ຫວຽດນາມ - ອາເມລິກາ ຮ່ວມມືດ້ານເສດຖະກິດ, ການຄ້າ ແລະ ພະລັງງານ

20:21 | 25/03/2021

ຍສໝ - ພິທີລົງນາມໄດ້ດຳເນີນຕໍ່ໜ້າການເປັນສັກຂີພະຍານຂອງທ່ານ ເຈິ່ນຕວັນແອັງ, ກຳມະການກົມການເມືອງ, ຫົວໜ້າຄະນະເສດຖະກິດສູນກາງ, ລັດຖະມົນຕີກະຊວງການອຸດສາຫະກຳ ແລະ ການຄ້າ ຫວຽດນາມ, ທ່ານເອກອັກຄະລັດຖະທູດ ຜູ້ມີອຳນາດເຕັມແຫ່ງ ສສ.ຫວຽດນາມ ປະຈຳອາເມລິກາ ແລະ ຜູ້ຕາງໜ້າບັນດາກະຊວງການຕ່າງປະເທດ…

	ຈໍແດນເປີດກວ້າງການຮ່ວມມື - ລົງທຶນດ້ານການຄ້າ ກັບ ຫວຽດນາມ
	ສືບຕໍ່ຊຸກຍູ້ການພົວພັນຄູ່ຮ່ວມມືຍຸດທະສາດລະຫວ່າງ ຫວຽດນາມ ໄທ

ຫວຽດ ນາມ ອາ ເມ ລ ກາ ຮ ວມ ມ ດ ານ ເສດ ຖະ ກ ດ ການ ຄ າ ແລະ ພະ ລ ງ ງານ

ທ່ານ ເຈິ່ນຕວັນແອັງ, ກຳມະການກົມການເມືອງ, ຫົວໜ້າຄະນະເສດຖະກິດສູນກາງ, ລັດຖະມົນຕີກະຊວງການອຸດສາຫະກຳ ແລະ ການຄ້າ ຫວຽດນາມ (ພາບ: TTXVN)

ຫວ່າງແລ້ວນີ້, ກະຊວງອຸດສາຫະກຳ ແລະ ການຄ້າ ຫວຽດນາມ ແລະ ອຳນາດການປົກຄອງ ລັດ West Virginia, ອາເມລິກາໄດ້ລົງນາມບົດບັດທຶກຊ່ວຍຈຳການຮ່ວມມືໃນຂົງເຂດເສດຖະກິດ, ການຄ້າ ແລະ ພະລັງງານ.

ພິທີລົງນາມໄດ້ດຳເນີນຕໍ່ໜ້າການເປັນສັກຂີພະຍານຂອງທ່ານ ເຈິ່ນຕວັນແອັງ, ກຳມະການກົມການເມືອງ, ຫົວໜ້າຄະນະເສດຖະກິດສູນກາງ, ລັດຖະມົນຕີກະຊວງການອຸດສາຫະກຳ ແລະ ການຄ້າ ຫວຽດນາມ, ທ່ານເອກອັກຄະລັດຖະທູດ ຜູ້ມີອຳນາດເຕັມແຫ່ງ ສສ.ຫວຽດນາມ ປະຈຳອາເມລິກາ ແລະ ຜູ້ຕາງໜ້າບັນດາກະຊວງການຕ່າງປະເທດ…ສ່ວນຝ່າຍ West Virginia ມີການເຂົ້າຮ່ວມຂອງທ່ານ Carol Miller ສະມາຊິກສະພາຕ່ຳ, ທ່ານ Jim Justice ຜູ້ວ່າການລັດ ຕາເວັນຕົກ Virginia ແລະ ທ່ານ Ed Gaunch ລັດຖະມົນຕີກະຊວງການຄ້າ.

ດ້ວຍການລົງນາມບົດບັນທຶກນີ້, ກະຊວງການອຸດສາຫະກຳ ແລະ ການຄ້າ ຫວຽດນາມ ແລະ ລັດ ໄດ້ຕັ້ງເປົ້າໝາຍກຳນົດຂອບເຂດການຮ່ວມມືຮອບດ້ານເພື່ອຫັນບັນດາການເຄື່ອນໄຫວແລກປ່ຽນການຄ້າ ແລະ ການລົງທຶນເປັນສະດວກ ໃນບັນດາຂົງເຂດສົ່ງເສີມນຳເຂົ້າ, ການຄ້າ, ອຸດສາຫະກຳ ແລະ ພະລັງງານ, ເພີ່ມທະວີການແບ່ງປັນຂໍ້ມູນກ່ຽວກັບບັນດາກາລະໂອກາດດຳເນີນທຸລະກິດທີ່ມີຄວາມສາມາດບົ່ມຊ້ອນ, ໜູນຊ່ວຍບັນດາໂຄງການກໍ່ຄືບັນດາການເຄື່ອນໄຫວຂອງບັນດາວິສາກະກິດສອງປະເທດ.

ບົດບັນທຶກກໍ່ໄດ້ຕັ້ງບັນດາເປົ້າໝາຍຢ່າງລະອຽດ, ພ້ອມທັງຈຳແຍກຢ່າງຈະແຈ້ງໜ້າທີ່ ແລະ ສິດອຳນາດຂອງແຕ່ລະຝ່າຍໃນວິວັດການປະຕິບັດ, ສ້າງຕັ້ງກຸ່ມປະຕິບັດງານລວມເພື່ອຊຸກຍູ້ບັນດາການເຄື່ອນໄຫວຮ່ວມມື.

ກ່າວຄຳເຫັນທີ່ພິທີ, ທ່ານ ເຈິ່ນຕວັນແອັງ ລັດຖະມົນຕີກະຊວງການຕ່າງປະເທດ ຫວຽດນາມ ໄດ້ຢັ້ງຢືນຄວາມສຳຄັນພິເສດຂອງການພົວພັນລະຫວ່າງ ຫວຽດນາມ - ອາເມລິກາ, ທ່ານກໍ່ສະແດງຄວາມຊົມເຊີຍ ແລະ ຕີລາຄາສູງບົດບາດ ແລະ ຄວາມມານະພະຍາຍາມຂອງ ທ່ານ Carol Miller ແລະ ທ່ານ Jim Justice ໃນການຊຸກຍູ້ການພົວພັນດ້ານເສດຖະກິດການຄ້າສອງຝ່າຍ ຢູ່ສະພາແຫ່ງຊາດ ແລະ ລັດຖະບານ ອາເມລິກາ. ພ້ອມທັງ, ສະແດງຄວາມເຊື່ອໝັ້ນວ່າ ນີ້ແມ່ນຈຸດເວລາທີ່ເໝາະສົມທີ່ສຸດເພື່ອໃຫ້ທັງສອງຝ່າຍເພີ່ມທະວີການຮ່ວມມືຕາມລວງເລິກ, ຊຸກຍູ້ການຟື້ນຟູພື້ນຖານເສດຖະກິດ, ຮັບມືກັບໂລກລະບາດໂຄວິດ - 19.

ສ່ວນທ່ານ Carol Miller ໄດ້ຢັ້ງຢືນວ່າ ການລົງນາມບົດບັນທຶກຊ່ຽວຈຳການຮ່ວມມືລະຫວ່າງ ລັດ West Virginiaແລະ ກະຊວງອຸດສາຫະກຳ ແລະ ການຄ້າ ຫວຽດນາມ ແມ່ນຈຸດເລີ່ມຕົ້ນໃໝ່ໃນການພົວພັນຄູ່ຮ່ວມມືທີ່ສຳຄັນ, ນຳມາເຊິ່ງຜົນປະໂຫຍດດ້ານເສດຖະກິດ ຢ່າງແທດຈິງ ມາໃຫ້ທັງສອງຝ່າຍ. ຈາກກນັ້ນປະກອບສ່ວນເຂົ້າໃນການຊຸກຍູ້ຄວາມກົມກຽວ ແລະ ສະເໝີພາບ ໃນການພົວພັນຄູ່ຮ່ວມມືທາງການຄ້າສອງຝ່າຍລະຫວ່າງ ຫວຽດນາມ ແລະ ອາເມລິກາ.

ຈໍແດນເປີດກວ້າງການຮ່ວມມື - ລົງທຶນດ້ານການຄ້າ ກັບ ຫວຽດນາມ

ຍສໝ - ຈໍແດນມີບຸລິມະສິດຫຼາຍຢ່າງໃຫ້ແກ່ບັນດາວິສາຫະກິດຕ່າງປະເທດລົງທະບຽນ ດຳເນີນທຸລະກິດຢູ່ບັນດາເຂດອຸດສາຫະກຳ, ນອກຈາກນັ້ນ, ຫວຽດນາມຍັງສາມາດເຂົ້າຕະຫຼາດຕາເວັນອອກກາງຜ່ານຈໍແດນ.

ສືບຕໍ່ຊຸກຍູ້ການພົວພັນຄູ່ຮ່ວມມືຍຸດທະສາດລະຫວ່າງ ຫວຽດນາມ ໄທ

ຍສໝ - ສອງຝ່າຍໄດ້ເຫັນດີເປັນເອກະພາບສືບຕໍ່ຊຸກຍູ້ການພົວພັນຄູ່ຮວມມືຍຸດທະສາດເພີ່ມທະວີການພົວພັນລະຫວ່າງ ຫວຽດນາມ ໄທ ໃຫ້ນັບມື້ນັບເຂົ້າສູ່ລວງເລິກ ແລະ ມີປະສິດທິຜົນ, ເພີ່ມທະວີບັນດາການຢ້ຽມຢາມ, ພົບປະຂັ້ນສູງ ແລະ ໃນທຸກຂັ້ນ, ຮັກສາກົນໄກຮ່ວມມືສອງຝ່າຍ.