| ນັກຮຽນຮູ້ ສິງກະໂປ ມີຄວາມປະທັບໃຈຕໍ່ບັນດາຜົນງານຂອງ ຫວຽດນາມ | |
| ສື່ມວນຊົນ ສາກົນ: ເສດຖະກິດ ຫວຽດນາມ ໝັ້ນຄົງໃນໂລກລະບາດໂຄວິດ - 19 |
 |
| Standard Chartered ຄາດຄະເນເສດຖະກິດ ຫວຽດນາມຈະຟື້ນຟູຢ່າງແຮງໃນປີ 2021 |
ຫວ່າງແລ້ວນີ້, ທະນາຄານ Standard Chartered ໄດ້ປະກາດບົດລາຍງານແງ່ຫວັງເສດຖະກິດທົ່ວໂລກປີ 2021 ໂດຍ Standard Chartered ພິມຈຳໜ່າຍຫວ່າງແລ້ວນີ້ດ້ວຍຫົວຂໍ້ ວ່າ “ມຸ່ງໄປສູ່ການຟື້ນຟູ” ພ້ອມກັບບົດລາຍງານ “ຫວຽດນາມຄາດຫວັງຟື້ນຟູຢ່າງແຮງໃນປີ 2021”.
ຕາມນັ້ນແລ້ວ ການຄາດຄະເນເຕີບໂຕ GDP ຂອງ ຫວຽດນາມຈະຟື້ນຟູຢ່າງແຮງໃນປີ 2021, ບັນລຸ 7,8% ໄດ້ທຽບໃສ່ລະດັບ 2,9% ໃນປີ 2020. ໃນນັ້ນ, ກຳລັງໜູນໃນການເຕີບໂຕຕົ້ນຕໍຈະສືບຕໍ່ແມ່ນຂະແໜງຜະລິດ, ຊ່ວຍໃຫ້ຫວຽດນາມບັນລຸໄດ້ອັດຕາການເຕີບໂຕພົ້ນເດັ່ນກວ່າເມື່ອທຽບໃສ່ກັບພື້ນຖານເສດຖະກິດຕ່າງໆຢູ່ອາຊີ.
ທ່ານ Tim Leelahaphan ນັກຊ່ຽວຊານດ້ານເສດຖະກິດ ຮັບຜິດຊອບ ໄທ ແລະ ຫວຽດນາມ, ທະນາຄານ Standard Chartered ເນັ້ນໜັກວ່າ ນັບແຕ່ໄຕມາດທີ 3/2020, ພື້ນຖານເສດຖະກິດ ຫວຽດນາມ ໄດ້ມີການຟື້ນຟູໄລຍະຫຼັງຜົນກະທົບຢ່າງໜັກໜ່ວງຈາກໂລກລະບາດໂຄວິດ - 19 ແລະ ວິວັດການຟື້ນຟູຄວາມດຳເນີນຢ່າງເປັນປົກກະຕິ. ຫວຽດນາມ ໄດ້ກາຍເປັນໜຶ່ງໃນບັນດາພື້ນຖານເສດຖະກິດທີ່ມີອັດຕາເຕີບໂຕໄວທີ່ສຸດໃນໂລກ ໃນທົດສະວັດທີ່ຜ່ານມາ. ພວກຂ້າພະເຈົ້າຫວັງວ່າທ່າອ່ຽງນີ້ຍັງສືບຕໍ່ດຳເນີນ.
ຕາງໜ້າ ທະນາຄານ Standard Chartered ໄດ້ຢັ້ງຢືນວ່າ ຫວຽດນາມ ຈະສືບຕໍ່ແມ່ນສະຖານທີ່ດຶງດູດບັນດານັກລົງທຶນ. ນີ້ແມ່ນປັດໄຈຕັ້ງໜ້າໃຫ້ແກ່ແງ່ຫວັງເຕີບໂຕຂອງຫວຽດນາມໃນໄລຍະກາງ ແລະ ໄລຍະຍາວ.
ຄຽງຄູ່ກັນນັ້ນ, ຕາມນັກຊ່ຽວຊານຂອງ Standard Chartered ແລ້ວ, ອັດຕາການເຕີບໂຕຂອງຂະແໜງການລົງທຶນ ແລະ ການບໍລິການຄາດວ່າ ຈະໄດ້ປັດປຸງ, ແມ່ນປັດໄຈໜູນຊ່ວຍໃຫ້ແກ່ພື້ນຖານເສດຖະກິດ ໃນຊຸມປີຈະມາເຖິງ. ຫວຽດນາມ ກໍ່ໄດ້ຍົກສູງທີ່ຕັ້ງບົດບາດ ໃນສາຍຕາຂອງບັນດານັກລົງທຶນ ດ້ວຍບັນດາມາດຕະການຄວບຄຸມ ໂລກລະບາດໂຄວິດ - 19 ຢ່າງມີປະສິດທິຜົນ, ກາຍເປັນໜຶ່ງໃນບັນດາຈຸດນັດພົບທີ່ດຶງດູດທີ່ສຸດໃນໂລກ.
ຍິ່ງໄປກ່ວານັ້ນ, ຫວຽດນາມ ກໍ່ໄດ້ຮັບຜົນປະໂຫຍດຈາກຄວາມເຄັ່ງຕຶງທາງການຄ້າ ອາເມລິກາ - ຈີນໃນຂະແໜງການຄ້າ ແລະ ເຕັກໂນໂລຢີ - ຄາດວ່າຍັງສືບຕໍ່ໃນໄລຍະຈະມາເຖິງ. ໃນສະພາບການນັ້ນ, ວິວັດການຫັນລະບົຍບສະໜອງໄດ້ດຳເນີນຢ່າງແຮງ. ຄວາມຕ້ອງການໃນໂລກຟື້ນຟູຢ່າງຊັກຊ້າ ແລະ ອາລົມລົງທຶນໄດ້ເຢັນຊ້າລົງ ອາດຈະກໍ່ຜົນສະທ້ອນຕໍ່ແຫຼ່ງເງິນລົງທຶນໂດຍກົງຈາກຕ່າງປະເທດ. ແຕ່ວາການດຶງດູດທຶນ FDI ຂອງ ຫວຽດນາມຍັງໄດ້ຮັບການຄາດຄະເນວ່າຈະຫຼາຍກ່ວາອີກໃນໄລຍະຈະມາເຖິງ.
 | ນັກຮຽນຮູ້ ສິງກະໂປ ມີຄວາມປະທັບໃຈຕໍ່ບັນດາຜົນງານຂອງ ຫວຽດນາມ ຍສໝ - ທ່ານຮອງສາດສະດາຈານ Bilveer Singh ສັງກັດມະຫາວິທະຍາໄລ ແຫ່ງຊາດ ສິງກະໂປ ໄດ້ຕີລາຄາ ກ່ຽວກັບການພັດທະນາ, ທີ່ຕັ້ງບົດບາດຂອງ ຫວຽດນາມໃນ 5 ປີຜ່ານມາ ແລະ ບັນດາສິ່ງທ້າທາຍໃນໄລຍະຈະມາເຖິງ. |
 | ການເຕີບໂຕເສດຖະກິດ ຫວຽດນາມ 2021 ອີງໃສ່ການປ່ຽນແປງໃໝ່ປະດິດຄິດສ້າງ ຍສໝ - ທ່ານ ຮອງສາດສະດາຈານ, ປ.ອ ບຸຍເຍິດກວາງ, ປະທານສະພາບັນດິດ ວິທະຍາສາດ ສັງຄົມ ຫວຽດນາມ ຊີ້ແຈ້ງວ່າ ດ້ວຍບັນດາຄວາມມານະພະຍາຍາມໜູນຊ່ວຍຂອງລັດຖະບານກ່ຽວກັບເສດຖະກິດ, ການໜູນຊ່ວຍສັງຄົມຕໍ່ວິສາຫະກິດ, ຜູ້ອອກແຮງງານ ແລະ ປະຊາຊົນ, ສິ່ງນີ້ໄດ້ປະກອບສ່ວນນຳການເຕີບໂຕເສດຖະກິດປີ 2020 ຢູ່ລະດັບສູງທີ່ສຸດທີ່ສາມາດບັນລຸໄດ້ໃນສະພາບການເກີດໂລກລະບາດໂຄວິດ - 19. |
 | ສື່ມວນຊົນ ສາກົນ: ເສດຖະກິດ ຫວຽດນາມ ໝັ້ນຄົງໃນໂລກລະບາດໂຄວິດ - 19 ຍສໝ - ໜັງສືພິມຕ່າງປະເທດສືບຕໍ່ສ່ອງແສງບັນດາຜົນສຳເລັດດ້ານເສດຖະກິດຂອງ ຫວຽດນາມໃນສະພາບການໂລກພວມປະສົບກັບຄວາມຫຍຸ້ງຍາກຍ້ອນໂລກລະບາດໂຄວິດ - 19. |
ບຸນຄົງ
