| WB: ໝາກຜົນການສຶກສາຂອງ ຫວຽດນາມໄດ້ຈັດຢູ່ລຳດັບເທົ່າທຽມກັນກັບປະເທດໂຮນລັງ, ນິວຊີແລນ ແລະ ຊຸແອັດ. | |
| ລາວສົ່ງເສີມການພັດທະນາສິນຄ້າພາຍໃນປະເທດ |
 |
| ທ່ານນາຍົກລັດຖະມົນຕີ ຫວຽດນາມາ ຫງວຽນຊວັນຟຸກກ່າວຄຳເຫັນທີ່ກອງປະຊຸມ |
ຫວ່າງແລ້ວນີ້, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ເຂົ້າຮ່ວມ ແລະ ກ່າວຄຳເຫັນທີ່ກອງປະຊຸມສະຫຼຸບວຽກງານປີ 2020 ແລະ ຜັນຂະຫຍາຍໜ້າທີ່ປີ 2021ຂອງຂະແໜງ ອຸດສາຫະກຳ ແລະ ການຄ້າ ຫວຽດນາມ.
ກ້າວເຂົ້າສູ່ການປະຕິບັດໜ້າທີ່ພັດທະນາເສດຖະກິດ - ສັງຄົມ ໄລຍະ 5 ປີ 2016 - 2020, ໃນສະພາບການໂລກ ແລະ ພາກພື້ນມີບັນດາປັດໄຈຫຍຸ້ງຍາກ ແລະ ສະດວກທີ່ສະຫຼັບກັນ, ການຜັນແປຢ່າງສັບສົນກ່ວາເມື່ອທຽບໃສ່ການຄາດຄະເນ, ສ້າງຜົນກະທົບຢ່າງເລິກເຊິ່ງຕໍ່ການພັດທະນາຂອງບັນດາປະເທດ. ພິເສດແມ່ນປີ 2020, ແມ່ນປີສຸດທ້າຍຂອງ ແຜນການ 5 ປີ 2016 - 2020, ໂລກລະບາດໂຄວິດ - 19 ໄດ້ເກີດຂຶ້ນໃນທົ່ວໂລກ ດ້ວຍອັດຕາຕິດເຊື້ອໂດຍໄວ, ມີການຜັນແປຍາກທີ່ຈະຄາດຄະເນລ່ວງໜ້າໄດ້ ແລະ ລະດັບຄວາມສ່ຽງສູງທີ່ຍັງບໍ່ເຄີຍມີມາກ່ອນໃນປະຫວັດສາດໄດ້ສ້າງຜົນກະທົບຢ່າງແຮງຕໍ່ພື້ນຖານເສດຖະກິດ, ການເມືອງ, ສັງຄົມ ຂອງໂລກ ແລະ ພາກພື້ນ. ໃນສະພາບການນີ້ໄດ້ກໍ່ຄວາມຫຍຸ້ງຍາກ ແລະ ສິ່ງທ້າທາຍໃຫຍ່ຕໍ່ພື້ນຖານເສດຖະກິດຂອງປະເທດຫວຽດນາມໃນຫຼາຍຂົງເຂດ.
ກ່າວຄຳເຫັນທີ່ກອງປະຊຸມ, ທ່ານ ເຈິ່ນຕັວນແອັງ ລັດຖະມົນຕີກະຊວງອຸດສາຫະກຳ ແລະ ການຄ້າ ໃຫ້ຮູ້ວ່າ: ພາຍໃຕ້ການຊີ້ນຳຢ່າງສະຫຼາດສ່ອງໃສຂອງພັກ ແລະ ການຊິ້ນຳຢ່າງຂຽດຂາດ, ຂະຫຍັນຂັນເຄື່ອນ, ຖືກຕ້ອງ, ທັນການຂອງລັດຖະບານ ແລະ ນາຍົກລັດຖະມົນຕີ, ຂະແໜງອຸດສາຫະກຳ ແລະ ການຄ້າ ໄດ້ພ້ອມກັບທົ່ວປະເທດ ມານະພະຍາຍາມຜ່ານຜ່າຄວາມຫຍຸ້ງຍາກ, ສິ່ງທ້າທາຍ ແລະ ບັນລຸໄດ້ໝາກຜົນທີ່ພົ້ນເດັ່ນໃນແຜນການພັດທະນາເສດຖະກິດ - ສັງຄົມ ປີ 2020.
 |
| ທ່ານ ເຈິ່ນຕັວນແອັງ ລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ. |
ສ່ວນ ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ຊີ້ແຈ້ງວ່າ ປີ 2020 ແມ່ນປີທີ່ຫວຽດາມ ແລະ ໂລກໄດ້ປະສົບກັບຄວາມຫຍຸ້ງຍາກ, ສິ່ງທ້າທາຍໃຫຍ່ຢ່າງຫຼວງຫຼາຍ ແລະ ຜົນກະທົບຢ່າງໜັກໜ່ວງຈາກໂລກລະບາດ.
ໃນສະພາບການນັ້ນ, ຕ້ອງມີການຊີ້ນຳຢ່າງຖືກຕ້ອງຂອງພັກ, ຄວາມຕັດສິນໃຈຢ່າງສູງ ແລະ ຄວາມມານະພະຍາຍາມສູ້ຊົນ, ການປະກອບສ່ວນຢ່າງຍິ່ງຂອງທົ່ວລະບົບການເມືອງ, ທົ່ວກອງທັບ, ທົ່ວປວງຊົນທັງຊາດ, ພວກເຮົາຍັງປະຕິບັດສຳເລັດບັນດາເປົ້າໝາຍ, ໜ້າທີ່ທີ່ໄດ້ວາງອອກດ້ວຍໝາກຜົນທີ່ພົ້ນເດັ່ນ.
ທ່ານນາຍົກລັດຖະມົນຕີ ຫງວຽນຊວັນຟຸກ ໃຫ້ຮູ້ວ່າ: ໃນສະພາບທີ່ ເສດຖະກິດໂລກໄດ້ຮັບຜົນກະທົບຢ່າງຮ້າຍແຮງຈາກໂລກລະບາດໂຄວິດ - 19, ແຕ່ການສົ່ງອອກຂອງ ຫວຽດນາມ ຍັງເຕີບໂຕດ້ວຍວົງເງິນສົ່ງອອກຄາດວ່າບັນລຸໄດ້ ກ່ວາ 281,5 ຕື້ USD, ເພີ່ມຂຶ້ນ 6,5%ເມື່ອທຽບໃສ່ປີ 2019.
ທ່ານນາຍົກລັດຖະມົນຕີ ຫງວຽນຊວັນຟຸກ ກໍ່ຕີລາຄາສູງຕໍ່ການປະຕິບັດສັນຍາການຄ້າເສລີ (FTA) ສະບັບຕ່າງໆຢ່າງມີປະສິດທິຜົນ ເພື່ອໃຫ້ການສົ່ງອອກໄດ້ຮັບການຍູ້ແຮງຢ່າງມີປະສິດທິຜົນກ່ວາ. ມາຮອດປັດຈຸບັນ, ຫວຽດນາມ ກາຍເປັນໜຶ່ງໃນບັນດາພື້ນຖານເສດຖະກິດທີ່ມີລະດັບເປີດຂະໜາດໃຫຍ່ ແລະ ມີການພົວພັນການຄ້າ ກັບ 230 ຕະຫຼາດ, ສ້າງເງື່ອນໄຂສະດວກໃຫ້ແກ່ວິສາຫະກິດຂອງ ຫວຽດນາມ ເປີດກວ້າງຕະຫຼາດ, ເຊື່ອມຕໍ່, ເຂົ້າຮ່ວມລະບົບຕ່ອງໂສ້ມູນຄ່າ ແລະ ເຄືອຂ່າຍການຜະລິດທົ່ວໂລກ ຢ່າງເລິກເຊິ່ງກ່ວາ. ທ່ານນາຍົກລັດຖະມົນຕີ ຢັ້ງຢືນວ່າ ປີ 2020 ແມ່ນປີມີຫຼາຍເຫດການສຳຄັນ, ຂະແໜງ ອຸດສາຫະກຳ ແລະ ການຄ້າ ຄວນສຸມໃສ່ບັນດາການກຳນົດທິດໃຫຍ່.
 | WB: ໝາກຜົນການສຶກສາຂອງ ຫວຽດນາມໄດ້ຈັດຢູ່ລຳດັບເທົ່າທຽມກັນກັບປະເທດໂຮນລັງ, ນິວຊີແລນ ແລະ ຊຸແອັດ. ຍສໝ - ຕາມບົດລາຍງານຂອງທະນາຄານໂລກ (WB), ການສຶກສາຫວຽດນາມຢືນຢູ່ລຳດັບທີ 15 ທຽບເທົ່າກັນກັບປະເທດໂຮນລັງ, ນິວຊີແລນ, ຊຸແອັດ. |
 | ລາວສົ່ງເສີມການພັດທະນາສິນຄ້າພາຍໃນປະເທດ ຍສໝ - ບັນດາມາດຕະການໄດ້ຮັບການຍູ້ແຮງຈາກລາວໃນໄລຍະທີ່ຜ່ານມາ ເພື່ອແນໃສ່ສົ່ງເສີມການຜະລິດສິນຄ້າພາຍໃນປະເທດ ແມ່ນ ຫຼຸດຜ່ອນພາສີໃຫ້ແກ່ບັນດາວິສາຫະກິດ ຂະໜາດກາງ, ນ້ອຍ ແລະ ຈຸນລະວິສາຫະກິດ. ຈັດຕັ້ງບັນດາຊຸດຝຶກອົບຮົບໃຫ້ແກ່ຊາວກະສິກອນກ່ຽວກັບການປູກຟັງ, ຈັດຕັ້ງຮູບແບບ ໜຶ່ງເມືອງ ໜຶ່ງຜະລິດຕະພັນ (ODOP) ແລະ ຈັດຕັ້ງບັນດາງານວາງສະແດງສິລະປະ. |
 | ຫວຽດນາມ ສວຍໃຊ້ໂອກາດຈາກການປະຕິວັດອຸດສາຫະກຳ ຄັ້ງທີ 4 ຢ່າງມີປະສິດທິຜົນ ຍສໝ - ຍຸດທະສາດແຫ່ງຊາດ ກ່ຽວກັບການ ປະຕິວັດອຸດສາຫະກຳ ຄັ້ງທີ 4 ຮອດປີ 2030, ເປົ້າໝາຍແມ່ນເປັນເຈົ້າການໃນການຍາດແຍ່ງບັນດາກາລະໂອກາດຂອງການປະຕິວັດອຸດສາຫະກຳ ຄັ້ງທີ 4 ຢ່າງມີປະສິດທິຜົນ, ເປັນເຈົ້າໂດຍພື້ນຖານ ແລະ ນຳໃຊ້ເຕັກໂນໂລຢີໃໝ່ເຂົ້າໃນບັນດາຂົງເຂດເສດຖະກິດ - ສັງຄົມຢ່າງກວ້າງຂວາງ, ປະດິດສ້າງເຕັກໂນໂລຢີໃໝ່ເທື່ອລະກ້າວ ເພື່ອແນໃສ່ຊຸກຍູ້ວິວັດການປ່ຽນແປງໃໝ່ຮູບແບບການເຕີບໂຕ. |
ບຸນຄົງ
