| ສໍາເລັດການດຳເນີນກອງປະຊຸມທາບທາມເນື້ອໃນ ແລະ ບຸກຄະລາກອນ ກອງປະຊຸມໃຫຍ່ ຄັ້ງທີ XI ຂອງພັກ | |
| ປະເທດລາວ ໄດ້ເລີ່ມຕົ້ົ້ນທົດລອງການສັກວັກຊິນ ຕ້ານພະຍາດ COVID – 19 |
 |
| ພາບປະກອບ |
ໃນວັນທີ 6 ມັງກອນ 2021 ຢູ່ກະຊວງສາທາລະນະສຸກ ທ່ານ ດຣ. ລັດສະໝີ ວົງຄຳຊາວ ຮອງຫົວໜ້າກົມ ຄວບຄຸມພະຍາດຕິດຕໍ່, ກະຊວງສາທາ ລະນະສຸກ, ຕາງໜ້າໃຫ້ຄະນະ ສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດ ຂອງພະຍາດ COVID-19 ໄດ້ລາຍງານ ໃຫ້ຮູ້ວ່າ: ການເຝົ້າລະວັງຮອດ 5 ໂມງແລງ ຂອງວັນທີ 5 ມັງກອນ 2021, ໄດ້ເກັບຕົວຢ່າງມາກວດວິເຄາະທັງໝົດ 245 ຄົນ, ໃນນັ້ນມີ 01 ຕົວຢ່າງ ຈາກບຸກຄົນ ທົ່ວໄປມີອາການ; 16 ຕົວຢ່າງຈາກບຸກ ຄົນທົ່ວໄປບໍ່ມີອາການ; 147 ຕົວຢ່າງ ຈາກແຮງງານລາວ ກັບມາແຕ່ໄທ ບໍ່ມີອາການ ແລະ 81 ຈາກແຮງງານຫວຽດນາມ ບໍ່ມີອາການ; ຜົນກວດວິເຄາະທັງໝົດ ແມ່ນບໍ່ພົບເຊື້ອ. ປັດຈຸບັນ ທົ່ວປະເທດສູນ ຈໍາກັດບໍລິເວນທີ່ຍັງເປີດຢູ່ ມີທັງໝົດ 31 ສູນ, ມີຜູ້ຖືກຈຳກັດບໍລິເວນ ຢູ່ສູນ 2.246 ຄົນ, ໄດ້ເກັບຕົວ ຢ່າງມາກວດວິເຄາະທັງໝົດ ແລະ ບໍ່ພົບຜູ້ຕິດເຊື້ອ. ມາຮອດປັດຈຸບັນ ຍັງມີຄົນເຈັບຕິດເຊື້ອພະຍາດ COVID-19 ຈຳນວນ 01 ຄົນ ທີ່ຍັງສືບຕໍ່ນອນປິ່ນປົວຢູ່ໂຮງໝໍ ທີ່ຖືກກຳນົດໄວ້, ມີອາການເບົາບາງ, ສັງລວມການກວດວິເຄາະ ນັບແຕ່ເດືອນມັງກອນ 2020 ຮອດວັນທີ 05 ມັງກອນ 2021 ໄດ້ເກັບຕົວຢ່າງມາກວດທັງໝົດ 93.864 ຕົວຢ່າງ ກວດພົບເຊື້ອສະສົມ 41 ຄົນ.
ທ່ານ ດຣ. ລັດສະໝີ ວົງຄຳຊາວ ໄດ້ກ່າວຕື່ມວ່າ: ອີງໃສ່ສະພາບການລະບາດ ຂອງ COVID-19 ໃນທົ່ວໂລກ ທີ່ຍັງສືບຕໍ່ຮຸນແຮງ ແລະ ຂະຫຍາຍ ເປັນວົງກວ້າງ, ສ້າງຄວາມວິຕົກກັງວົນ ໃຫ້ແກ່ຫລາຍ ປະເທດໃນທົ່ວໂລກ ເນື່ອງຈາກມີລາຍງານຜູ້ຕິດເຊື້ອໃໝ່ ແລະ ຜູ້ເສຍຊີວິດ ເພີ່ມສູງຂຶ້ນຢ່າງຕໍ່ເນື່ອງ; ຕໍ່ໜ້າສະພາບການດັ່ງກ່າວ ຄະນະສະເພາະກິດຂັ້ນສູນກາງ ແລະ ທ້ອງຖິ່ນ ກໍ່ໄດ້ເອົາໃຈໃສ່ ຕິດຕາມເຝົ້າລະວັງ ສະພາບການຢ່າງໃກ້ຊິດ ແລະ ຄະນະຮັບຜິດຊອບ ແຕ່ລະພາກສ່ວນໄດ້ມີການເອົາໃຈໃສ່ ຈັດຕັ້ງປະຕິບັດ ມາດຕະການຢ່າງເຂັ້ມງວດ ຕາມຈຸດຜ່ານແດນ, ຊາຍແດນ ແລະ ສະຖານທີ່ ຈຳກັດບໍລິເວນ ໃນຂອບເຂດທົ່ວປະເທດ ເພື່ອສະກັດກັ້ນ ແລະ ປ້ອງກັນ ບໍ່ໃຫ້ເກີດມີການຕິດເຊື້ອພະຍາດ ໂຄວີດ-19 ເປັນຮອບໃໝ່ ແລະ ບໍ່ໃຫ້ເກີດການ ແຜ່ລະບາດ ຂອງພະຍາດ ອອກເປັນວົງກວ້າງໃນ ສປປ ລາວ ຂອງພວກເຮົາ; ບັນຫາສຳຄັນ ແມ່ນພວກເຮົາທຸກຄົນ ຕ້ອງໄດ້ຊ່ວຍກັນ, ຮ່ວມມືກັນ ຖ້າຫາກພົບເຫັນ ມີຜູ້ລັກລອບເຂົ້າມາ ປະເທດຂອງພວກເຮົາ ໂດຍບໍ່ຖືກລະບຽບ ໃຫ້ລາຍງານ ຫລື ແຈ້ງພາກສ່ວນກ່ຽວຂ້ອງ ຮັບຊາບທັນທີ ເພື່ອດຳເນີນການ ແລະ ເກັບຕົວຢ່າງພວກກ່ຽວມາກວດຢ່າງທັນການ ເພື່ອສະກັດກັ້ນ ແລະ ປ້ອງກັນບໍ່ໃຫ້ເກີດ ມີການລະບາດຮອບໃໝ່ ໃນປະເທດລາວ.
 | ລາວເປີດກ້ວາງການຮ່ວມມືໃນຂົງເຂດສິນທະເລໃນນໍ້າກັບບັນດາປະເທດ ຍສໝ - ເຈົ້າໜ້າທີ່ 3 ປະເທດ ລາວ, ຈີນ, ມາເລເຊຍ ຫາກໍ່ຈັດຕັ້ງກອງປະຊຸມສຳມະນາແລກປ່ຽນບົດຮຽນປະສົບການອາຊີບຫາປາ ທັນສະໄໝເພື່ອປຶກສາຫາລືກ່ຽວກັບຄວາມສາມາດໃນການຮ່ວມມືໃນຂົງເຂດສິນທະເລລະຫວ່າງບັນດາຝ່າຍ. |
 | ລາວສົ່ງເສີມການພັດທະນາສິນຄ້າພາຍໃນປະເທດ ຍສໝ - ບັນດາມາດຕະການໄດ້ຮັບການຍູ້ແຮງຈາກລາວໃນໄລຍະທີ່ຜ່ານມາ ເພື່ອແນໃສ່ສົ່ງເສີມການຜະລິດສິນຄ້າພາຍໃນປະເທດ ແມ່ນ ຫຼຸດຜ່ອນພາສີໃຫ້ແກ່ບັນດາວິສາຫະກິດ ຂະໜາດກາງ, ນ້ອຍ ແລະ ຈຸນລະວິສາຫະກິດ. ຈັດຕັ້ງບັນດາຊຸດຝຶກອົບຮົບໃຫ້ແກ່ຊາວກະສິກອນກ່ຽວກັບການປູກຟັງ, ຈັດຕັ້ງຮູບແບບ ໜຶ່ງເມືອງ ໜຶ່ງຜະລິດຕະພັນ (ODOP) ແລະ ຈັດຕັ້ງບັນດາງານວາງສະແດງສິລະປະ. |
 | ສ້າງຄວາມເຂັ້ມແຂງໃຫ້ສະຫະພັນແມ່ຍິງທ້ອງຖິ່ນ ໃນການຕອບໂຕ້ໂຄວິດ-19 ໃນວັນທີ 4 ມັງກອນ 2021 ນະຄອນຫລວງວຽງຈັນ, ອົງການອຸຍນິເຊບປະຈຳ ສປປ ລາວ ໄດ້ສະໜອງລະບົບ ໂທລະໂຄ່ງຊຸມຊົນ ລວມມີ ໂທລະໂຄງ, ເຄື່ອງຂະຫຍາຍສຽງ ແລະ ໄມໂຄໂຟນ ຈໍານວນ 50 ຊຸດ ໃຫ້ແກ່ສະຫະພັນແມ່ຍິງ 50 ບ້ານ ຢູ່ໃນແຂວງ ສະຫວັນນະເຂດ, ສາລະວັນ, ເຊກອງ ແລະ ເມືອງສັງທອງ ນະຄອນຫລວງວຽງຈັນ, ເພື່ອນໍາໃຊ້ເຂົ້າໃນການໂຄສະນາ ໃຫ້ຄວາມຮູ້ແກ່ຊຸມຊົນ ກ່ຽວກັບພະຍາດ ໂຄວິດ-19 ແລະ ມາດຕະການຄວາມປອດໄພຕ່າງໆ ເພື່ອປ້ອງກັນການຕິດເຊື້ອ ພະຍາດດັ່ງກ່າວ. ພ້ອມກັນນີ້, ກໍເພື່ອປົກປ້ອງແມ່ຍິງ ແລະ ... |
kpl.gov.la
