| ມອບຂອງຂວັນ ກ່ວາ 200 ພູດໃຫ້ແກ່ປະຊາຊົນບ້ານຢູ່ເຂດຊາຍແດນລະຫວ່າງ ຫວຽດນາມ - ລາວ | |
| ຫວຽດນາມ - ລາວ - ກຳປູເຈຍ ສືບຕໍ່ປະຕິບັດຮູບແບບ “ສາມປະເທດມີຈຸດນັດພົບດຽວກັນ” |
 |
| ທ່ານ ແສງເພັດ ຮຸ່ງບຸນຍວງ ເອກອັກຄະລັດຖະທູດຜູ້ມີອຳນາດເຕັມແຫ່ງ ສປປ.ລາວ ປະຈຳ ຫວຽດນາມ ກ່າວຄຳເຫັນທີ່ການເຮັດວຽກ (ພາບ: TTXVN) |
ເນື່ອງໃນໂອກາດສະເຫຼີມສະຫຼອງ 77 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ (22 ທັນວາ 1944 – 22 ທັນວາ 2021), 72 ປີແຫ່ງວັນສ້າງຕັ້ງກອງທັບປະຊາຊົນລາວ (20 ມັງກອນ 1949 – 20 ມັງກອນ 2021), ຕອນບ່າຍວັນທີ 4 ມັງກອນ, ສະຖານທູດ ສປປ.ລາວ ປະຈຳ ຫວຽດນາມ, ສະຫະພັນບັນດາອົງການມິດຕະພາບ ຫວຽດນາມ, ສູນກາງສະມາຄົມມິດຕະພາບ ຫວຽດນາມ - ລາວ ໄດ້ມີການເຮັດວຽກກັບ ກອງບັນຊາການນະຄອນຫຼວງ ຮ່າໂນ້ຍ.
ກ່າວຄຳເຫັນທີ່ການເຮັດວຽກ, ທ່ານ ແສງເພັດ ຮຸ່ງບຸນຍວງ ເອກອັກຄະລັດຖະທູດຜູ້ມີອຳນາດເຕັມແຫ່ງ ສປປ.ລາວ ປະຈຳ ຫວຽດນາມ ໄດ້ຢັ້ງຢືນວ່າ ໃນຕະຫຼອດໄລຍະ 45 ປີທີ່ຜ່ານມາ, ເຖິງວ່າສະພາບການໂລກ ແລະ ພາກພື້ນມີການຜັນແປສັບສົນໂດຍໄວ ກໍ່ຕາມ, ແຕ່ການພົວພັນມິດຕະພາບແບບຍິ່ງໃຫຍ່, ຄວາມສາມັກຄີສັດຊື່ບໍລິສຸດ, ສ່ອງໃສ ແລະ ການຮ່ວມມືຮອບດ້ານລະຫວ່າງລາວ ແລະ ຫວຽດນາມ ໂດຍທ່ານ ປະທານ ໂຮ່ຈີມິນ ທີ່ຍິ່ງໃຫຍ່, ປະທານສຸພານຸວົງ ສ້າງຕັ້ງ ແລະ ອອກເຫື່ອເທແຮງເພີ່ມພູນຄູນສ້າງ ພ້ອມກັບການນຳ, ນັກປະຕິວັດ ຫຼາຍລຸ້ນຄົນ ແລະ ປະຊາຊົນສອງປະເທດສືບຕໍ່ເສີມຂະຫຍາຍ ແລະ ປັດຈຸບັນໄດ້ກາຍເປັນຊັບສົມບັດອັນລ້ຳຄ່າຂອງສອງປະເທດ. ສິ່ງນີ້ແມ່ນກົດເກນຄົງຕົວ ແລະ ພັດທະນາຂອງສອງປະເທດ ແມ່ນປັດໄຈຕັດສິນຊີ້ຂາດໃນທຸກໄຊຊະນະຂອງປະຕິວັດຂອງແຕ່ລະປະເທດ.
ເມື່ອເນັ້ນໜັກເຖິງຄວາມໝາຍຂອງການເຮັດວຽກນີ້, ທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ ຖືວ່າ, ເຫດການນີ້ສະແດງໃຫ້ເຫັນການພົວພັນທີ່ສະໜິດຕິດພັນ, ມີມາແຕ່ດົນນານຂອງນ້ຳໃຈສາມັກຄີພິເສດເຊິ່ງພະນັກງານ, ນັກຮົບກອງທັບປະຊາຊົນ ຫວຽດນາມສະຫງວນໃຫ້ແກ່ກອງທັບ ແລະ ປະຊາຊົນລາວ, ພ້ອມທັງຫວັງວ່າ, ຄົນລຸ້ນໜຸ່ມຂອງສອງປະເທດຈະສືບຕໍ່ຮັກສາ, ເສີມຂະຫຍາຍການພົວພົນພິເສດນີ້ໃຫ້ຍືນຍົງຄົງຕົວ.
ເມື່ອຫວນຄືນມູນເຊື້ອວິລະຊົນ, ຜົນສຳເລັດທີ່ພົ້ນເດັ່ນຂອງ ກອງບັນຊາການນະຄອນຫຼວງຮ່າໂນ້ຍ ໃນໄລຍະທີ່ຜ່ານມາ, ພິເສດແມ່ນໃນວຽກງານປ້ອງກັນ, ສະກັດກັ້ນໂລກລະບາດໂຄວິດ - 19 ໃນປີ 2020, ທ່ານ ພົນຈັດຕະວາ ຫງວຽນກ໊ວກຢວດ, ຜູ້ບັນຊາການກອງບັນຊາການນະຄອນຫຼວງຮ່າໂນ້ຍຍາມໃດກໍ່ເຊື່ອມຊືມນະໂຍບາຍທາງການທູດຂອງພັກ ແລະ ລັດ ຫວຽດນາມ, ຍາມໃດລາວທີ່ມີທີ່ຕັ້ງສຳຄັນພິເສດ ແລະ ມີໜຶ່ງບໍ່ມີສອງໃນການພົວພັນສາກົນ. ທັດສະນະສະເໝີຕົ້ນສະເໝີປາຍຂອງ ຫວຽດນາມ ແມ່ນເສີມຂະຫຍາຍຈິດໃຈສາມັກຄີມິດຕະພາບພິເສດກັບລາວ, ຫວັງວ່າ ລາວຈະຮັກສາເອກະລາດ, ອະທິປະໄຕ, ສະຖຽນລະພາບ ແລະ ນັບມື້ນັບພັດທະນາ.
 | ມອບຂອງຂວັນ ກ່ວາ 200 ພູດໃຫ້ແກ່ປະຊາຊົນບ້ານຢູ່ເຂດຊາຍແດນລະຫວ່າງ ຫວຽດນາມ - ລາວ ຍສໝ - ທ່ານພັນໂທ ຟ້າມຕຸງເລິມ, ຮອງຜູ້ຮັບຜິດຊອບການເມືອງ ທະຫານຊາຍແດນ ແຂວງເທື່ອທຽນເຫ້ວ ໄດ້ຕາງໜ້າຄະນະປະຕິບັດງານງານ ໄດ້ສົ່ງຄຳຢຶ້ຢາມຖາມຂ່າວໄປຍັງພະນັກງານ, ນັກຮົບກຳລັງປະກອບອາວຸດ ແລະ ປະຊາຊົນສອງບ້ານ ກາໂລ ແລະ ບ້ານເຊຊາບ, ເມືອງ ກາລືມ, ແຂວງເຊກອງ. |
 | ຫວຽດນາມ - ລາວ - ກຳປູເຈຍ ສືບຕໍ່ປະຕິບັດຮູບແບບ “ສາມປະເທດມີຈຸດນັດພົບດຽວກັນ” ຍສໝ - ແຜນການພັດທະນາການທ່ອງທ່ຽວເຂດສາມລ່ຽມພັດທະນາ CLV ໄດ້ຮັບການສ້າງ ແລະ ຈັດຕັ້ງປະຕິບັດ ຈະປະກອບສ່ວນເຊື່ອມຕໍ່ບັນດາຄວາມສາມາດບົ່ມຊ້ອນການທ່ອງທ່ຽວຂອງສາມປະເທດ, ສ້າງບັນດາສາຍການທ່ອງທ່ຽວ, ເຊື່ອມໂຍງບັນດາຈຸດນັດພົບ, ສ້າງການແຜ່ຂະຫຍາຍ, ຊຸກຍູ້ການເຕີບໂຕເສດຖະກິດ - ສັງຄົມຢູ່ເຂດນີ້ ແລະ ຈາກນັ້ນເປີດກ້ວາງໄປສູ່ບັນດາທ້ອງຖິ່ນໃນຂອບເຂດສາມປະເທດ |
 | ຫວຽດນາມ - ລາວ ເພີ່ມທະວີການຮ່ວມມືດ້ານສຶກສາ ຍສໝ - ຫວຽດນາມ ແລະ ລາວມີການພົວພັນຮ່ວມມືສະໜິດແໜ້ນ ແລະ ມີປະສິດທິຜົນໃນຂົງເຂດ ການສຶກສາ ແລະ ບຳລຸງສ້າງ. ໃນໄລຍະ ປີ 2011 – 2020, ກະຊວງສຶກສາ ແລະ ບຳລຸງສ້າງ ຫວຽດນາມ ແລະ ກະຊວງສຶກສາທິການ ແລະ ກິລາ ລາວໄດ້ສົມທົບກັນປະຕິບັດບັນດເນື້ອໃນຂອງແຜນຮ່າງຍົກສູງຄຸນນະພາບ ແລະ ປະສິດທິຜົນການຮ່ວມມື ... |
ບຸນຄົງ
