ສະຖານເອກ​ອັກຄະ​ລັດຖະທູດ ​ແຫ່ງ​ ສປປ ລາວ ປະຈຳ ສສ ຫວຽດນາມ ມອບ​ເງິນ​ຊ່ວຍ​ເຫຼືອ​ປະຊາຊົນ​ພາກ​ກາງ ​ແລະ ​ເຂດໄຕຫງວຽນ ຫວຽດນາມ ທີ່​ຖືກຜົນ​ກະທົບ​ຈາກ​ໄພ​ທຳ​ມະ​ຊາດ

	ທະຫານຊາຍແດນ ສປປ.ລາວ ໄດ້ຈັດພິທີຮັບຂອງຂວັນຊ່ວຍເຫຼືອຈາກ ສສ.ຫວຽດນາມ
	ເປີດງານ ວາງສະແດງຮູບພາບ 45 ປີແຫ່ງການເຕີບໃຫຍ່ຂະຫຍາຍຕົວຂອງ ສປປ ລາວ

ສະຖານເອກອັກຄະລັດຖະທູດ ແຫ່ງ ສປປ ລາວ ປະຈຳ ສສ ຫວຽດນາມ ມອບເງິນຊ່ວຍເຫຼືອປະຊາຊົນພາກກາງ ແລະ ເຂດໄຕຫງວຽນ ຫວຽດນາມ ທີ່ຖືກຜົນກະທົບຈາກໄພທຳມະຊາດ

ກ່າວມອບ ໂດຍທ່ານ ທ່ານ ແສງເພັດ ຮຸ່ງບຸນຍວງ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ ແລະ ຕາງໜ້າກ່າວຮັບ ໂດຍແມ່ນທ່ານ ເຫົາ ອາ ເລັ່ງ ( Hau A Lenh) ກຳມະການສູນກາງພັກ, ຮອງປະທານແນວໂຮມປະເທດຊາດຫວຽດນາມ ຕາງໜ້າລັດຖະບານຫວຽດນາມ ພ້ອມດ້ວຍພະນັກງານທັງສອງຝ່າຍເຂົ້າຮ່ວມເປັນພິຍານ.

ເງິນຈຳນວນດັ່ງກ່າວໄດ້ມາຈາກການປະກອບສ່ວນຂອງຄະນະນຳ, ພະນັກງານສະຖານທູດລາວ ທີ່ຮ່າໂນ້ຍ ພ້ອມດ້ວຍນັກສຶກສາລາວທີ່ກຳລັງສຶກສາຢູ່ ສສ ຫວຽດນາມ ແລະ ການປະກອບສ່ວນຂອງບັນດາກະຊວງ, ທະບວງກົມ, ບັນດາອົງການຈັດຕັ້ງຂັ້ນຕ່າງໆຂອງຫວຽດນາມ ທີ່ປ່ຽນຈາກການຊື້ກະຕ່າດອກໄມ້ ເນື່ອງໃນໂອກາດມາອວຍ ພອນ ວັນຊາດ ແຫ່ງ ສປປ ລາວ ຄົບຮອບ 45 ປີ (ວັນທີ 02 ທັນວາ 1975-02 ທັນວາ 2020) ແລະ ວັນຄ້າຍວັນເກີດປະທານໄກສອນ ພົມວິຫານ ຄົບຮອບ 100 ປີ ( ວັນທີ 13 ທັນວາ 1920 – 13 ທັນວາ 2020) ມາເປັນເງິນປະກອບສ່ວນ.

ໃນໂອກາດກ່າວມອບທ່ານ ແສງເພັດ ຮຸ່ງບຸນຍວງ, ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສສ ຫວຽດນາມ ກ່າວວ່າ ເຖິງວ່າສອງປະເທດຍັງປະສົບກັບຄວາມຫຍຸ້ງຍາກຫຼາຍປະການໂດຍສະເພາະແມ່ນກຳລັງປະເຊີນໜ້າກັບພະຍາດໂຄວິດ-19 ແລະ ຍັງມາມີໄພທຳມະຊາດທີ່ເກີດຂຶ້ນຢູ່ພາກກາງ ແລະ ໄຕຫງວຽນຂອງຫວຽດນາມ ແລະ ເມືອງເຊໂປນ ແຂວງສະຫວັນນະເຂດ ສປປລາວ, ແຕ່ບົນຈິດໃຈການພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດ, ກໍຄືນ້ຳໃຈສາກົນກຳມະຊີບອັນສູງສົ່ງຂອງຕົນ, ພັກ, ລັດຖະບານ ແລະ ປະຊາຊົນຫວຽດນາມ ຍັງໄດ້ບິແບ່ງວັດຖຸປັດໃຈມາຊ່ວຍລັດຖະບານກໍຄືປະຊາຊົນລາວ ໃນການຕ້ານພະຍາດໂຄວິດ-19 ພ້ອມຍັງໄດ້ມອບເຂົ້າສານຈຳນວນ 1000 ໂຕນ ໄປຊ່ວຍເຫຼືອປະຊາຊົນລາວຢູ່ແຂວງສະຫວັນນະເຂດ ທີ່ໄດ້ຮັບຜົນກະທົບຈາກໄພນ້ຳຖ້ວມໃນຄັ້ງອີກດ້ວຍ.

ການປະກອບສ່ວນຊ່ວຍເຫຼືອຄັ້ງນີ້ເຖິງວ່າເປັນຈຳນວນບໍ່ຫຼາຍກໍ່ຕາມແຕ່ກໍເປັນການປະກອບສ່ວນໝົດຈິດໝົດໃຈເຕັມໄປດ້ວຍຖານສະຫາຍອ້າຍນ້ອງ ຈາກສະຖານເອກອັກຄະລັດຖະທູດລາວທີ່ຮ່າໂນ້ຍຂອງພວກເຮົາ, ໂດຍຜ່ານທ່ານ ຮອງປະທານແນວໂຮມປະເທດຊາດຫວຽດນາມໄປຍັງປະຊາຊົນທີ່ໄດ້ຮັບຜົນກະທົບຈາກໄພທຳມະຊາດຢູ່ທາງພາກກາງ ແລະ ເຂດໄຕຫງວຽນ ຫວຽດນາມ ຫວັງວ່າປະຊາຊົນທີ່ໄດ້ຮັບຜົນກະທົບຈາກໄພທຳມະຊາດໃນເຂດດັ່ງກ່າວຈະໄດ້ຮັບການຟື້ນຟູ ແລະ ກັບມາດຳລົງຊີວິດເປັນປົກກະຕິໂດຍໄວ.

ພິທີລົງນາມ ຈົດໝາຍແລກປ່ຽນ ລະຫວ່າງ ສປປ ລາວ ແລະ ຍີ່ປຸ່ນ ໃນວັນທີ 16 ທັນວາ 2020 ຢູ່ກະຊວງການຕ່າງປະເທດ, ໄດ້ມີພິທີລົງນາມຈົດໝາຍ ແລກປ່ຽນ ລະຫວ່າງ ສປປ ລາວ ແລະ ຍີ່ປຸ່ນ (Exchange Notes) ເພື່ອຜັນຂະຫຍາຍສັນຍາວ່າດ້ວຍການຮ່ວມມື ດ້ານເຕັກນິກ-ວິຊາການ ລະຫວ່າງ ອາຊຽນ-ຍີ່ປຸນ ທີ່ໄດ້ລົງນາມກັນ ໃນເດືອນພຶດ ສະພາ ຜ່ານມາ. ຕາງໜ້າຝ່າຍລາວ ຮ່ວມລົງນາມ ຄັ້ງນີ້, ແມ່ນ ທ່ານ ທອງຜ່ານ ສະຫວັນເພັດ ຮອງລັດຖະມົນຕີ ກະຊວງການຕ່າງປະເທດ ທັງເປັນຫົວໜ້າເຈົ້າໜ້າທີ່ ...

ເປີດງານ ວາງສະແດງຮູບພາບ 45 ປີແຫ່ງການເຕີບໃຫຍ່ຂະຫຍາຍຕົວຂອງ ສປປ ລາວ ໃນວັນທີ 11 ທັນວາ 2020 ນີ້, ຫ້ອງວ່າການສູນກາງພັກ ໄດ້ຈັດງານວາງສະແດງຮູບພາບ 45 ປີ ແຫ່ງການເຕີບໃຫຍ່ຂະຫຍາຍຕົວ ຂອງ ສປປ ລາວ ຢູ່ຫໍພິພິທະພັນໄກສອນ ພົມວິຫານ ນະຄອນຫລວງວຽງຈັນ ໂດຍມີທ່ານ ກິແກ້ວ ໄຂຄຳພິທູນ ລັດຖະມົນຕີກະຊວງຖະແຫລງຂ່າວ ວັດທະ ນະທຳ ແລະ ທ່ອງທ່ຽວ, ມີບັນດາຮອງລັດຖະມົນຕີ, ...

ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ເປັນປະທານ ກອງປະຊຸມສຸດຍອດ ຂອບການ ຮ່ວມມື ກໍາປູເຈຍ-ລາວ-ມຽນມາ-ຫວຽດນາມ (CLMV) CLMV ແມ່ນກົນໄກຮ່ວມມືເປີດ, ດ້ານໜຶ່ງແມ່ນເສີມຂະຫຍາຍທ່າແຮງ, ຄວາມສາມາດບົ່ມຊ້ອນໃນການຮ່ວມມືທີ່ມີຢູ່ແລ້ວຂອງບັນດາປະເທດ CLMV, ແຕ່ດ້ານອື່ນແມ່ນຊ່ອງທາງຮຽກຮ້ອງເອົາການໜູນຊ່ວຍຂອງບັນດາປະເທດອາຊຽນ ອື່ນ ແລະບັນດາຄູ່ຮ່ວມມືພັດທະນາທີ່ສະຫງວນໃຫ້ບັນດາປະເທດ CLMV. ການຮ່ວມມື CLMV ສຸມໃສ່ເຂົ້າບັນດາຂົງເຂດ, ຄື: ການຄ້າ-ການລົງທຶນ, ພັດທະນາແຫຼ່ງຊັບພະຍາກອນມະນຸດ, ກະສິກຳ, ອຸດສາຫະກຳ, ຄົມມະນາຄົມ...