ສອງຄະນະພົວພັນຕ່າງປະເທດ ກູບາ-ລາວ ຮ່ວມກອງປະຊຸມທາງໄກ

16:25 | 24/12/2020

ໃນວັນທີ 24 ທັນວາ 2020 ນີ້, ສະຫາຍ ນາງ ສູນທອນ ໄຊຍະຈັກ ກຳມະການສູນກາງພັກ, ຫົວໜ້າຄະນະພົວພັນ ຕ່າງປະເທດສູນກາງພັກ ໄດ້ເຂົ້າຮ່ວມກອງ ປະຊຸມທາງໄກ ກັບ ຄະນະພົວພັນຕ່າງປະເທດສູນກາງ ພັກກອມມູນິດກູບາ, ນໍາໂດຍ ສະຫາຍ Angle Aezuaga Reyes ວ່າການຫົວໜ້າ ຄະນະພົວພັນ ຕ່າງປະເທດສູນກາງພັກ ກອມມູນິດກູບາ.

	ກະຊວງສາທາລະນະສຸກ ສປປ ລາວ ຢັ້ງຢືນວ່າ ລາວ ປະສົບກັບກໍລະນີຕິດເຊື້ອ Covid-19 ເປັນ 2 ຄົນທຳອິດ
	ກູບາ ໄດ້ຈັດພິທີເຊີດຊູມູນເຊື້ອວິລະຊົນຂອງກອງທັບປະຊາຊົນຫວຽດນາມ

ສອງຄະນະພ ວພ ນຕ າງປະເທດ ກ ບາ ລາວ ຮ ວມກອງປະຊ ມທາງໄກ

2 ຄະນະພົວພັນຕ່າງປະເທດ ກູບາ-ລາວ ຮ່ວມກອງປະຊຸມທາງໄກ

ໃນກອງປະຊຸມ, ສະຫາຍ ນາງ ສູນທອນ ໄຊຍະຈັກ ໄດ້ແຈ້ງສະພາບ ການທີ່ພົ້ນເດັ່ນຢູ່ ສປປ ລາວ ໃນໄລຍະມໍ່ໆມານີ້, ໂດຍສະເພາະ ການຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ X ຂອງພັກ ປປ ລາວ ແລະ ການກະກຽມ ຈັດກອງປະຊຸມໃຫຍ່ ຄັ້ງທີ XI ຂອງພັກ ປປ ລາວ ໃນຕົ້ນປີ 2021; ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ ຜົນສຳເລັດອັນໃຫຍ່ຫລວງ ທີ່ປະຊາຊົນກູບາອ້າຍນ້ອງ ພາຍໃຕ້ການນໍາພາ ຂອງພັກກອມມູນິດກູບາ ຍາດມາໄດ້ຕະຫລອດ ໄລຍະ 55 ປີ ຜ່ານມາ ໂດຍສະເພາະແມ່ນການນໍາພາ ການພັດທະນາ ເສດຖະກິດ-ສັງຄົມ ແລະ ປົກປັກຮັກສາໝາກຜົນ ຂອງການປະຕິວັດ ໄວ້ໄດ້ຢ່າງໝັ້ນຄົງ; ພ້ອມທັງສະແດງ ຄວາມຊົມເຊີຍ ແລະ ຕີລາຄາສູງຕໍ່ສາຍພົວພັນ ມິດຕະພາບ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ກູບາ ກໍຄື ສອງຄະນະພົວພັນ ຕ່າງປະເທດສູນກາງພັກ ລາວ-ກູບາ, ເຊິ່ງໄດ້ປະກອບສ່ວນຢ່າງ ໃຫຍ່ຫລວງເຂົ້າໃນການ ເສີມຂະຫຍາຍສາຍພົວພັນ ມິດຕະພາບທີ່ເປັນມູນເຊື້ອອັນດີງາມ ລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ກູບາ ໃຫ້ນັບມື້ຂະຫຍາຍຕົວ ຍິ່ງໆຂຶ້ນ, ເປັນການປະກອບສ່ວນ ເຂົ້າໃນພາລະກິດ ສັນຕິພາບ, ມິດຕະພາບ ແລະ ການຮ່ວມມື ເພື່ອການພັດທະນາ ໃນພາກພື້ນ ແລະ ໃນໂລກ. ສະຫາຍຍັງໄດ້ສະແດງຄວາມຂອບໃຈ ແລະ ຮູ້ບຸນຄຸນຕໍ່ພັກ, ລັດຖະບານ ແລະ ປະຊາຊົນກູບາອ້າຍນ້ອງ ທີ່ໄດ້ໃຫ້ການຊ່ວຍເຫລືອຢ່າງໃຫຍ່ຫລວງ ແກ່ປະຊາຊົນລາວ ທັງໃນໄລຍະຕໍ່ສູ້ກູ້ຊາດໃນເມື່ອກ່ອນ ກໍຄື ໃນໄລຍະສ້າງສາພັດທະນາ ສປປ ລາວ ໃນປັດຈຸບັນ.

ໃນໂອກາດດັ່ງກ່າວ, ສະຫາຍ Angle Aezuaga Reyes ໄດ້ສະແດງຄວາມປິຕິຍິນ ດີທີ່ໄດ້ມີໂອກາດພົບປະ ແລະ ປຶກສາຫາລື ລະຫວ່າງ 2 ຄະນະພົວພັນຕ່າງປະເທດ ກູບາ-ລາວ ໃນທ່າມກາງຂອງການແຜ່ລະບາດ ຂອງພະຍາດໂຄວິດ-19. ສະຫາຍ ໄດ້ແຈ້ງໃຫ້ຊາບ ກ່ຽວກັບສະພາບ ການພົ້ນເດັ່ນຂອງກູບາໃນປະຈຸບັນ ແລະ ການກະກຽມຈັດ ກອງປະຊຸມໃຫຍ່ ຄັ້ງທີ VIII ຂອງພັກກອມມູນິດກູບາ ໃນຕົ້ນປີ 2021 ທີ່ຈະມາເຖິງ; ພ້ອມທັງໄດ້ສະແດງ ຄວາມຂອບໃຈ ແລະ ຮູ້ບຸນຄຸນຕໍ່ພັກ, ລັດ ແລະ ປະຊາຊົນລາວອ້າຍນ້ອງ ທີ່ໄດ້ໃຫ້ການສະໜັບ ສະໜູນຊ່ວຍເຫລືອກູບາ ຕະຫລອດໄລຍະຜ່ານມາ ໂດຍສະເພາະ ໃຫ້ການສະໜັບສະໜູນກູບາ ໃນເວທີພາກພື້ນ ແລະ ສາກົນ; ສະແດງຄວາມຊົມເຊີຍ ແລະ ຕີລາຄາສູງຕໍ່ໝາກຜົນຂອງການພົວພັນຮ່ວມມື ລະຫວ່າງ ສອງປະເທດ ໂດຍສະເພາະ ການສ້າງຕັ້ງໂຮງຮຽນມິດຕະພາບ ລາວ-ກູບາ (ມສ ດົງບັງ) ແຫ່ງທໍາອິດ, ພ້ອມທັງປະດິດ ສະຖານຮູບຫລໍ່ເຄິ່ງຄີງຂອງ ສະຫາຍ ໂຮເຊ ມາກຕີ, ວິລະຊົນກູບາ ທີ່ໂຮງຮຽນດັ່ງກ່າວ ແລະ ການຮ່ວມມືໃນຂະແໜງ ອື່ນໆ, ເຊິ່ງທັງໝົດນັ້ນ ເປັນການ ປະກອບສ່ວນທີ່ສຳຄັນ ເຂົ້າໃນການເພີ່ມພູນຄູນສ້າງ ແລະ ເສີມຂະຫຍາຍ ສາຍພົວພັນມິດຕະພາບອັນເປັນມູນເຊື້ອ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ກູບາ-ລາວ ໃຫ້ນັບມື້ແຕກດອກອອກຜົນຍິ່ງໆຂຶ້ນ. ນອກນັ້ນ, ສອງຝ່າຍຍັງໄດ້ປຶກສາຫາລື ກ່ຽວກັບທິດທາງການຮ່ວມມື ລະຫວ່າງ ພັກປະຊາຊົນ ປະຕິ ວັດລາວ ແລະ ພັກກອມມູນິດກູບາ ໃນຕໍ່ໜ້າ ແລະ ແລກປ່ຽນທັດສະນະ ຕໍ່ບັນຫາພາກພື້ນ ແລະ ສາກົນທີ່ 2 ຝ່າຍຕ່າງມີຄວາມສົນໃຈນໍາກັນ.

ລັດຖະມົນຕີກະຊວງການຕ່າງປະເທດອຸຊເບກິສຖານ ຕີລາຄາສູງຕໍ່ສາຍພົວພັນທີ່ເປັນມູນເຊື້ອ, ມິດຕະພາບອັນດີງາມລະຫວ່າງຫວຽດນາມ ແລະອຸຊເບກິສຖານ

ຍສໝ - ທ່ານ Abdulaziz Kamilov ລັດຖະມົນຕີກະຊວງການຕ່າງປະເທດອຸຊເບກິສຖານ ຕີລາຄາສູງຕໍ່ສາຍພົວພັນທີ່ເປັນມູນເຊື້ອ, ມິດຕະພາບອັນດີງາມລະຫວ່າງຫວຽດນາມ ແລະອຸຊເບກິສຖານ; ປາດຖະໜາຢາກເພີ່ມທະວີການຮ່ວມມືກັບຫວຽດນາມ ໃນບັນດາຂົງເຂດກະສິກໍາ...

ຫວຽດນາມປະກອບສ່ວນສຳຄັນເຂົ້າໃນການຍົກສູງສຽງ ແລະ ພາບພົດຂອງອາຊຽນ

ຍສໝ - ທ່ານເອກອັກຄະລັດຖະທູດ Djani ເນັ້ນໜັກວ່າ, ຫວຽດນາມໄດ້ປະກອບສ່ວນ ສຳຄັນເຂົ້າໃນການຍົກສູງສຽງ ແລະ ພາບພົດ ຂອງອາຊຽນ ຢູ່ສະພາຄວາມ ໝັ້ນຄົງ. ພ້ອມທັງເຊື່ອໝັ້ນ ວ່າ, ຫວຽດນາມ ຈະສືບຕໍ່ຊຸກຍູ້ການປະກອບສ່ວນຂອງຕົນໃນຫຼາຍຂົງເຂດຂອງສະພາຄວາມໝັ້ນຄົງ, ພິເສດແມ່ນໃນບັນດາຄວາມມານະພະຍາຍາມນຳສ້າງສັນຕິພາບມາສູ່ຕາເວັນອອກກາງ ແລະ ອາຟຣິກາ ໃນປີ 2021.