| ງານວາງສະແດງຮູບພາບກ່ຽວກັບນໍ້າໃຈມິດຕະພາບຫວຽດນາມ-ອິນໂດເນເຊຍ ຢູ່ບາລີ | |
| ຫວຽດນາມ ແລະ ອິນໂດເນເຊຍສະໜັບສະໜູນ ວິວັດການສ້າງສັນຕິພາບ ຢູ່ຊູດັງ |
 |
| ທ່ານເອກອັກຄະລັດຖະທູດ Dian Triansyah Djani, ຫົວໜ້າຄະນະຜູ້ແທນຖາວອນຂອງອິນໂດເນເຊຍປະຈຳສະຫະປະຊາຊາດ (ພາບ: TTXVN) |
ຫວຽດນາມປະສົບຜົນສຳເລັດຫຼາຍຢ່າງທີ່ສະພາຄວາມໝັ້ນຄົງສະຫະປະຊາຊາດໃນປີ 2020. ນີ້ແມ່ນຄຳຢືນ ຢັນຂອງທ່ານເອກອັກຄະລັດຖະທູດ Dian Triansyah Djani, ຫົວໜ້າຄະນະຜູ້ແທນຖາວອນຂອງອິນໂດເນເຊຍປະຈຳສະຫະປະຊາຊາດ, ເມື່ອໂອ້ລົມກັບນັກຂ່າວໃນສະພາບການທີ່ຫວຽດນາມເກືອບຈະສິ້ນສຸດປີເຮັດວຽກວຽກທຳອິດຂອງອາຍຸການສອງປີຂອງຕົນໃນຖານະທີ່ເປັນສະມາຊິກບໍ່ຖາວອນຂອງສະພາຄວາມໝັ້ນຄົງສະຫະປະຊາຊາດ.
ທ່ານເອກອັກຄະລັດຖະທູດ Djani ເນັ້ນໜັກວ່າ, ຫວຽດນາມໄດ້ປະກອບສ່ວນສຳຄັນເຂົ້າໃນການຍົກສູງສຽງ ແລະ ພາບພົດຂອງອາຊຽນ ຢູ່ສະພາຄວາມໝັ້ນຄົງ. ພ້ອມທັງເຊື່ອໝັ້ນວ່າ, ຫວຽດນາມຈະສືບຕໍ່ຊຸກຍູ້ການປະກອບສ່ວນຂອງຕົນໃນຫຼາຍຂົງເຂດຂອງສະພາຄວາມໝັ້ນຄົງ,ພິເສດ ແມ່ນໃນບັນດາຄວາມມານະພະຍາຍາມນຳສ້າງສັນຕິພາບມາສູ່ຕາເວັນອອກກາງ ແລະ ອາຟຣິກາ ໃນປີ 2021.
ຕາມ ທ່ານເອກອັກຄະລັດຖະທູດ ແລ້ວ, ຫວຽດນາມ ແລະ ອິນໂດເນເຊຍບໍ່ມີຄວາມເຫັນແຕກຕ່າງກ່ຽວກັບບັນດາບັນຫາໃຫຍ່ຢູ່ສະພາຄວາມໝັ້ນຄົງໃນປີ 2020. ໃນປີຕໍ່ໄປ, ເມື່ອມີພຽງ ຫວຽດນາມແມ່ນ ປະເທດສະມາຊິກອາຊຽນຢູ່ສະພາຄວາມໝັ້ນຄົງ ສປຊ, ທ່ານ Djani ຫວັງວ່າ ປະເທດຫວຽດນາມຈະມີປີທີ່ປະສົບຜົນສຳເລັດຍິ່ງກວ່ານັ້ນ, ເຖິງວ່າສະຖານະການຈະບໍ່ເປັນເລື່ອງງ່າຍເພາະວ່າໂລກກຳລັງປ່ຽນແປງທຸກມື້ ແລະ ມີສິ່ງທ້າທາຍຫຼາຍຢ່າງພວມລໍຖ້າ, ໂດຍສະເພາະແມ່ນຜົນສະທ້ອນທີ່ເກີດຂື້ນຈາກໂລກລະບາດ ໂຄວິດ - 19.
ເມື່ອໄດ້ຖາມວ່າເປັນຫຍັງຫວຽດນາມ ແລະ ອິນໂດເນເຊຍ ຈຶ່ງມີການກ່າວຄຳເຫັນ ແລະ ຄຳຖະແຫຼງການຮ່ວມຫຼາຍສະບັບໃນປີ 2020 ທີ່ສະພາຄວາມໝັ້ນຄົງ ສປຊ, ທ່ານ Djani ກ່າວວ່າ, ຫວຽດນາມ ແລະ ອິນໂດເນເຊຍ ທັງສອງຕ້ອງການຍົກສູງທຸງອາຊຽນ ຢູ່ ສະພາຄວາມໝັ້ນຄົງ ສປຊ ແລະ ສະແດງໃຫ້ໂລກຮູ້ວ່າອາຊຽນຢາກແບ່ງປັນຄວາມຄິດເຫັນທີ່ຄ້າຍຄືກັນກັບໂລກກ່ຽວກັບຫຼາຍປະເດັນ.
ທ່ານເອກອັກຄະລັດຖະທູດເນັ້ນໜັກວ່າ: “ພວກເຮົາຍັງຕ້ອງການສົ່ງເສີມບັນດາຄຸນຄ່າຫຼັກຂອງອາຊຽນຢູ່ສະພາຄວາມໝັ້ນຄົງ ສປຊ, ຍົກຕົວຢ່າງຄື: ໃນບັນຫາຄວາມໝັ້ນຄົງ ສປຊ ແລະ ສັນຕິພາບ, ວິທີການທີ່ບັນດາປະເທດອາຊຽນເຂົ້າໃກ້ກໍ່ຄືວິທີການບັນລຸຄວາມເຫັນດີເຫັນພ້ອມ, ເຮັດແນວໃດເພື່ອໃຫ້ບັນດາປະເທດເຂົ້າຮ່ວມການເຈລະຈາເຊິ່ງກັນແລະກັນ. ສານທີ່ປະເທດອິນໂດເນເຊຍ ແລະຫວຽດນາມ ຢ່າງເຜີຍແຜ່ເມື່ອ ໄດ້ອອກຖະແຫຼງການຮ່ວມແມ່ນ ຫວັງວ່າ ບັນດາສະມາຊິກຂອງສະພາຄວາມໝັ້ນຄົງ ສະຫະປະຊາຊາດຢາກເຫັນດີເຫັນພ້ອມ, ສະມັກຄີກັນເພື່ອແກ້ໄຂບັນຫາຂອງໂລກ” .
ຍິ່ງໄປກວ່ານັ້ນ, ເມື່ອຖະແຫຼງການຮ່ວມຄືແນວນັ້ນ, ຕາມທ່ານເອກອັກຄະລັດຖະທູດແລ້ວ, ມັນມີຫລາຍບັນຫາແມ່ນທ່າແຮງຂອງຫວຽດນາມ ແລະບັນດາບັນຫາແມ່ນທ່າແຮງຂອງ ອິນໂດເນເຊຍ ແລະ ດັ່ງນັ້ນສອງປະເທດສາມາດສົມທົບກັນສາມາດຊ່ວຍເຫຼືອກັນໄດ້. ທ່ານເອກອັກຄະລັດຖະທູດ Djani ໄດ້ຍົກຕົວຢ່າງຄື: ປະເທດອິນໂດເນເຊຍມີປະສົບການຫຼາຍໃນການຮັກສາສັນຕິພາບເພາະວ່າ ອິນໂດເນເຊຍໄດ້ໄດ້ສົ່ງທະຫານຫຼາຍຄົນເຂົ້າຮ່ວມກຳລັງນີ້ຢູ່ໃນເຂດທີ່ມີມີການປະທະກັນໃນທົ່ວໂລກ.
 | ງານວາງສະແດງຮູບພາບກ່ຽວກັບນໍ້າໃຈມິດຕະພາບຫວຽດນາມ-ອິນໂດເນເຊຍ ຢູ່ບາລີ ຫວ່າງແລ້ວນີ້, ສະຖານທູດຫວຽດນາມ ປະຈໍາ ອິນໂດເນເຊຍ ໄດ້ສົມທົບກັບອໍານາດການປົກຄອງທ້ອງຖິ່ນແຂວງ ບາລີ, ອິນໂດເນເຊຍ ໄຂສັບປະດາງານວາງສະແດງຮູບພາບຜ່ານລະບົບທາງໄກ ເນື່ອງໃນໂອກາດສະເຫຼີມສະຫຼອງ 65 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ-ອິນໂດເນເຊຍ. |
 | ຫວຽດນາມ ແລະ ອິນໂດເນເຊຍສະໜັບສະໜູນ ວິວັດການສ້າງສັນຕິພາບ ຢູ່ຊູດັງ ຍສໝ - ຫວຽດນາມແລະອິນໂດເນເຊຍຕີລາຄາສູງບົດບາດຂອງສະຫະປະຊາຊາດ, AU ແລະບັນດາປະເທດໃນພາກພື້ນໃນການຊຸກຍູ້ສັນຕິພາບແລະສະຖຽນລະພາບຢູ່ັຊູດັງ |
 | ສະຫະລັດອາເມລິກາ ແລະ ອິນໂດເນເຊຍ ໄດ້ຮຽກຮ້ອງຕ້ອງການຮັບປະກັນການປະຕິບັດຕາມກົດໝາຍສາກົນ ໃນທະເລຕາເວັນອອກ ຍສໝ - ສອງຝ່າຍໄດ້ປຶກສາຫາລືກ່ຽວກັບການພົວພັນດ້ານປ້ອງກັນຊາດ ລະຫວ່າງສອງປະເທດ, ກໍ່ຄືສະພາບການເຄັ່ງຕຶງໃນພາກພື້ນ ທີ່ກ່ຽວຂ້ອງກັບການຮຽກຮ້ອງອະທິປະໄຕທີ່ບໍ່ສົມເຫດສົມຜົນຂອງຈີນ ໃນທະເລຕາເວັນອອກ. |
ບຸນຄົງ
