ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ສປປ.ລາວ ໄດ້ຕ້ອນຮັບທ່ານເອກອັກຄະລັດຖະທູດ ສ.ເກົາຫຼີ

	ພິທີເປີດສະພາການຄ້າ ສ.ເກົາຫຼີ ປະຈໍາ ສປປລາວ ຢ່າງເປັນທາງການ
	ວິ​ສາ​ຫະ​ກິດ ສ.ເກົາຫຼີ​ ເພິ່ງ​ພໍ​ໃຈ​ກັ​ບ​ເລື່ອງ​ເຂົ້າ​ເມືອງ ຫວຽດ​ນາມ​ໃນ​ໄລ​ຍະ​ເກີດ​ໂລກ​ລະ​ບາດ ໂຄວິດ - 19

ໃນໂອກາດນີ້, ທ່ານຄຳແພງ ໄຊສົມແພງ ໄດ້ສະແດງຄວາມຕ້ອນຮັບ ແລະ ຊົມເຊີຍຕໍ່ການເຂົ້າຢ້ຽມຂໍ່ານັບໃນຄັ້ງນີ້ ຂອງ ທ່ານ ຊິນ ຊອງ ຊຸນ. ພ້ອມຕີລາຄາສູງ ຕໍ່ການພົວພັນຮ່ວມມື ໃນໄລຍະຜ່ານມາ ແລະ ແລກປ່ຽນຄໍາຄິດຄໍາເຫັນ ກ່ຽວກັບທິດທາງໃນຕໍ່ໜ້າ ໃນການເພີ່ມທະວີການຮ່ວມມືທາງດ້ານວຽກງານ ພັດທະນາສີມືແຮງງານ, ວຽກງານສະຫວັດດີການສັງຄົມ ໂດຍສະເພາະ ເດັກນ້ອຍ, ແມ່ຍິງ ແລະ ວຽກງານພັດທະນາຊົນນະບົດ. ນອກຈາກນີ້, ໄລຍະຜ່ານມາ ສ.ເກົາຫລີຍັງໄດ້ໃຫ້ການ ຊ່ວຍເຫລືອຢ່າງຕໍ່ເນື່ອງທາງກົງ ແລະ ຜ່ານອົງການກອຍກາ, ອົງການຈັດຕັ້ງສາກົນອື່ນໆ ໂດຍສະເພາະຊ່ວຍເຫລືອວຽກງານເກັບກູ້ລະເບີດທີ່ບໍ່ທັນແຕກທີ່ຍັງຕົກຄ້າງ ຢູ່ ສປປ ລາວ, ໄພພິບັດນ້ຳຖ້ວມຕ່າງໆ. ພ້ອມກັນນີ້, ສອງກະຊວງ ຮສສ ລາວ ແລະ ສ.ເກົາຫລີ ຍັງໄດ້ເຊັນສັນຍາໃນການແລກປ່ຽນແຮງງານລາວ ໄປອອກແຮງງານຢູ່ ສ.ເກົາຫລີ.

ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ສປປ.ລາວ ໄດ້ຕ້ອນຮັບທ່ານເອກອັກຄະລັດຖະທູດ ສ.ເກົາຫຼີ. (ພາບ: KPL)

ໂອກາດດຽວນີ້, ທ່ານ ຊິນຊອງຊຸນ ໄດ້ສະແດງຄວາມຄວາມຮູ້ບຸນຄຸນ ແລະ ຂອບໃຈ ຢ່າງຈິງໃຈຕໍ່ ທ່ານ ລັດຖະມົນຕີ ກະຊວງ ຮສສ ທີ່ໄດ້ເສຍສະຫລະເວລາອັນມີຄ່າ ໃນການຕ້ອນຮັບ ໃນຄັ້ງນີ້ ແລະ ໄດ້ອໍານວຍຄວາມສະດວກ ໃຫ້ແກ່ການເຄື່ອນໄຫວ ປະຕິບັດວຽກງານ ການທູດ ຂອງຕົນ ຢູ່ ສປປ ລາວ ໃຫ້ມີຜົນສຳເລັດເປັນຢ່າງດີ. ພ້ອມນີ້, ທ່ານຍັງກ່າວຢືນຢັນ ຈະສືບຕໍ່ປະກອບສ່ວນເຂົ້າໃນການຮັດແໜ້ນ ແລະ ເສີມຂະຫຍາຍ ສາຍພົວພັນມິດຕະພາບ, ການຮ່ວມມືອັນດີງາມຂອງສອງປະເທດ ສ.ເກົາຫລີ-ລາວ ໃຫ້ນັບມື້ນັບຈະເລີນຂຶ້ນ ໃນອະນາຄົດ ໂດຍສະເພາະການແລກປ່ຽນທາງດ້ານແຮງງານ, ວັດທະນະທຳ, ທ່ອງທ່ຽວ, ການພັດທະນາສີມືແຮງງານ, ໂຄງການຄຸ້ມຄອງໄພພິບັດ ແລະ ໂຄງການເກັບກູ້ລະເບີດຕ່າງໆ ໃຫ້ເປັນຮູບປະທຳ.

ພິທີເປີດສະພາການຄ້າ ສ.ເກົາຫຼີ ປະຈໍາ ສປປລາວ ຢ່າງເປັນທາງການ ສະຖານທູດ ສ.ເກົາຫຼີ ປະຈໍາ ສປປ ລາວ ແລະ ສະພາການຄ້າ ສ.ເກົາຫຼີ ປະຈຳ ສປປ ລາວ ໄດ້ຈັດງານແນະນຳ ກິດຈະກຳ CSR(Corporate Social Responsibility) ແລະ ເປີດສະພາການຄ້າ ສ.ເກົາຫຼີ ປະຈຳ ສປປ ລາວ ຢ່າງເປັນທາງການ ເມືຶ່ອວັນທີ 5 ...

ທ່ານ Park Byeong-Seug ປະ​ທານ​ສະ​ພາ​ແຫ່ງ​ຊາດ ສ.ເກົາຫຼີ​ ສິ້ນ​ສຸ​ດ​ການ​​ຢ້ຽມ​ຢາມ ຫວຽດ​ນາມ​ຢ່າງ​ເປັນ​ທາງ​ການ ຍ​ສໝ - ທີ່ບັນດາການພົບປະ, ສອງຝ່າຍໄດ້ຢັ້ງຢືນການພົວພັນ “ຄູ່ຮ່ວມມືຍຸດທະສາດ” ຫວຽດນາມ - ສ.ເກົາຫຼີ ພວມມີການພັດທະນາຢ່າງແຮງ ແລະ ນັບມື້ນັບເຂົ້າສູ່ລວງເລິກ. ສອງຝ່າຍໄດ້ກາຍເປັນຄູ່ຮ່ວມມືສຳຄັນແຖວໜ້າຂອງກັນໃນຫຼາຍຂົງເຂດ.

ທ່ານປະທານສະພາແຫ່ງຊາດ ສ.ເກົາຫຼີ ຕ້ອນຮັບປະທານກຸ່ມຜູ້ແທນສະພາມິດຕະພາບຫວຽດນາມ - ສ.ເກົາຫຼີ ຍສໝ - ສ.ເກົາຫຼີ ພ້ອມທີ່ຈະສະໜັບສະໜູນການພັດທະນາຂອງຫວຽດນາມ, ປາດຖະໜາຢາກຊຸກຍູ້ການພົວພັນຂອງສອງປະເທດ ໃຫ້ພັດທະນາຢ່າງເລິກເຊິ່ງ, ກ້ວາງຂວາງ ແລະ ມີປະສິດທິຜົນໃນທຸກຂົງເຂດ, ຊ່ອງທາງ ແລະ ທຸກຂັ້ນ.