| ຫວຽດນາມເປັນປະທານກອງປະຊຸມທາງອອນລາຍເຈົ້າໜ້າທີ່ອາວຸໂສ ການປ້ອງກັນຊາດ ອາຊຽນ (ADSOM) | |
| ຫວຽດນາມເປັນປະທານກອງປະຊຸມທາງອອນລາຍກຸ່ມ ເຈົ້າໜ້າທີ່ອາວຸໂສ ປ້ອງກັນປະເທດ ອາຊຽນ |
 |
| ກອງປະຊຸມອອນລາຍ ເຈົ້າໜ້າທີ່ອາວຸໂສການປ້ອງກັນຊາດ ບັນດາປະເທດ ອາຊຽນ ເປີດກ້ວາງ ( ADSOM+).(ພາບ: VOV) |
ຕອນເຊົ້າວັນທີ 19 ພະຈິກ, ກະຊວງການປ້ອງກັນປະເທດ ຫວຽດນາມ ໄດ້ຈັດຕັ້ງກອງປະຊຸມອອນລາຍ ເຈົ້າໜ້າທີ່ອາວຸໂສການປ້ອງກັນຊາດ ບັນດາປະເທດ ອາຊຽນ ເປີດກ້ວາງ ( ADSOM+). ທ່ານ ພົນໂທ ຫງວຽນຈີ໊ວິ້ງ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າ ADSOM+ ຂອງ ຫວຽດນາມ ໄດ້ເປັນປະທານກອງປະຊຸມດ້ວຍການເຂົ້າຮ່ວມຂອງ ຫົວໜ້າ ADSOM+ ບັນດາປະເທດອາຊຽນ, ບັນດາປະເທດຄູ່ຮ່ວມມືລວມມີ: ລັດເຊຍ, ຈີນ, ອາເມລິກາ, ຍີ່ປຸ່ນ, ສ.ເກົາຫຼີ, ອົດສະຕາລີ, ນິວຊີແລນ, ອິນເດຍ.
ໂດຍເປັນປະທານ ແລະ ກ່າວຄຳເຫັນທີ່ກອງປະຊຸມ, ທ່ານພົນໂທ ຫງວຽນຈີ໊ວິ້ງ ໄດ້ເນັ້ນໜັກເຖິງຄວາມຕັດສິນໃຈຂອງ ບັນດາປະເທດອາຊຽນ ແລະ ບັນດາປະເທດຄູ່ຮ່ວມມືວ່າ ເຖິງວ່າ ໄດ້ຮັບຜົນກະທົບຈາກໂລກລະບາດໂຄວິດ - 19 ກໍ່ຕາມແຕ່ການຮ່ວມມືດ້ານປ້ອງກັນຊາດ ຈະບໍ່ຖືກຢຸກສະຫງັກ. ຄຽງຄູ່ກັນນັ້ນ, ບັນດາປະເທດ ຍິ່ງຕ້ອງມານະພະຍາຍາມຮ່ວມມືນຳກັນ ເພື່ອເພີ່ມທະວີການຮ່ວມມື, ຮັກສາບັນດາເນື້ອໃນທີ່ໄດ້ຮັບການເຫັນດີເປັນເອກະພາບ ແລະ ຮ່ວມມືໃນການປ້ອງກັນ, ສະກັດກັ້ນໂລກລະບາດ ໂຄວິດ - 19ທ່ານພົນໂທ ຫງວຽນຈີ໊ວິ້ງ ໃຫ້ຮູ້ວ່າ:
ກ່ອນຈັດກອງປະຊຸມນີ້, ບັນດາປະເທດອາຊຽນ ແລະ ບັນດາຄູ່ຮ່ວມມື ໄດ້ຈັດຕັ້ງບັນດາກອງປະຊຸມສຳຄັນທີ່ສຸດ, ນັ້ນແມ່ນ ກອງປະຊຸມສຸດຍອດອາຊຽນຄັ້ງທີ 37, ກອງປະຊຸມສຸດຍອດ ອາຊີຕາເວັນອອກ ແລະ ບາງກອງປະຊຸມອື່ນໆ. ຂ້າພະເຈົ້າຫວັງວ່າ, ກອງປະຊຸມຄັ້ງນີ້ ຈະຊ່ວຍໃຫ້ກອງປະຊຸມລັດຖະມົນຕີ ປ້ອງກັນປະເທດອາຊຽນເປີດກ້ວາງປະສົບຜົນສຳເລັດຢ່າງຈົບງາມ, ປະກອບສ່ວນຢ່າງຕັ້ງໜ້າ ເຂົ້າໃນໂຄງການຂອງບັນດາປະເທດອາຊຽນ ກໍ່ຄືບັນດາປະເທດຄູ່ຮ່ວມມືໃນປີ 2020.
ຢູ່ກອງປະຊຸມ, ຜູ້ຕາງໜ້າບັນດາປະເທດ ໄດ້ຕີລາຄາສູງບັນດາຄວາມມານະພະຍາຍາມ ແລະ ບົດບາດປະສານງານຂອງຫວຽດນາມ ໃນຖານະເປັນປະທານອາຊຽນ 2020 ໄດ້ຈັດຕັ້ງສຳເລັດບັນດາກອງປະຊຸມ ສຳຄັນໃນປີ ກໍ່ຄື ກອງປະຊຸມ ADSOM+ ອອນລາຍຄັ້ງນີ້.
ບັນດາຜູ້ແທນກໍ່ໄດ້ເຫັນດີຮັບຮອງເອົາແຜນການກະທຳອາຍຸການ 2021 – 2023 ຂອງກຸ່ມນັກຊ່ຽວຊານ ກອງປະຊຸມລັດຖະມົນຕີປ້ອງກັນປະເທດເປີດກ້ວາງ (ADMM+) ກໍ່ຄືກະກຽມໃຫ້ແກ່ກອງປະຊຸມ ADMM+ ໃນເດືອນທັນວາຈະມາເຖິງ.
 | ຫວຽດນາມເປັນປະທານກອງປະຊຸມທາງອອນລາຍເຈົ້າໜ້າທີ່ອາວຸໂສ ການປ້ອງກັນຊາດ ອາຊຽນ (ADSOM) ຍສໝ - ທ່ານພົນໂທ ຫງວຽນຈີ໊ວິ້ງ ໄດ້ເນັ້ນໜັກວ່າ ໃນສະພາບການໂລກລະບາດ ໂຄວິດ - 19 ໄດ້ ແລະ ພວມສົ່ງຜົນກະທົບ ແລະ ສ້າງສີ່ງກີດຂວາງຕໍ່ຫຼາຍການເຄື່ອນໄຫວສາກົນ, ໃນນັ້ນມີບັນດາການເຄື່ອນໄຫວໃນອາຊຽນ, ບັນດາປະເທດອາຊຽນໄດ້ສືບຕໍ່ຮັກສາບັນດາການຮ່ວມມືຫຼາຍຝ່າຍ ພິເສດແມ່ນໃນບັນດາການເຄື່ອນໄຫວດ້ານການເມືອງ, ການຕ່າງປະເທດ, ເສດຖະກິດ, ການປ້ອງກັນຊາດ, ປ້ອງກັນຄວາມສະຫງົບ. |
 | ຫວຽດນາມເປັນປະທານກອງປະຊຸມທາງອອນລາຍກຸ່ມ ເຈົ້າໜ້າທີ່ອາວຸໂສ ປ້ອງກັນປະເທດ ອາຊຽນ ຍສໝ - ທີ່ກອງປະຊຸມຄັ້ງນີ້, ບັນດາປະເທດສືບຕໍ່ອັບເດັດໝາກຜົນຂອງການຜັນຂະຫຍາຍບັນດາຂໍ້ລິເລີ່ມຄື: ພື້ນຖານໂຄງລ່າງຕາໜ່າງສາຍຕິດຕໍ່ພົວພັນໂດຍກົງອາຊຽນ ໃນວິວັດທະນາການ ADMM, ເອກະສານຫຼີກລ້ຽງການແຕະຕ້ອງທາງອາກາດ ສຳລັບ ເຮືອບິນທະຫານ, ເຄືອຂ່າຍນັກຊ່ຽວຊານການປ້ອງກັນປະເທດອາຊຽນດ້ານເຄມີ, ຊີວະຊາດ… |
 | ການນຳບັນດາປະເທດຕີລາຄາສູງບົດບາດຂອງ RCEP ຍສໝ - ທ່ານນາຍົກລັດຖະມົນຕີ ໄທ ປຣາຢຸດ ຈັນໂອຊາ ຕີລາຄາວ່າ ສັນຍາ RCEP ບໍ່ພຽງແຕ່ແມ່ນຂໍ້ຕົກລົງທາງການຄ້າມີຂອບຂະໜາດໃຫຍ່ທີ່ສຸດໃນໂລກເທົ່ານັ້ນ, ຫາກຍັງມີລັກສະນະເປັນເອກະລັກສະເພາະກ່ຽວກັບຄຸນນະພາບ ແລະ ມາດຕະຖານ, ກໍຄືຜົນກະທົບຕັ້ງໜ້າຂອງສັນຍາສະບັບດັ່ງກ່າວທີ່ມີຕໍ່ການຍົກສູງລັກສະນະແກ້ງແຍ້ງ ແລະ ເຮັດໃຫ້ເພີ່ມຜົນປະໂຫຍດເສດຖະກິດຂອງບັນດາປະເທດສະມາຊິກທັງໝົດອີກດ້ວຍ. |
ບຸນຄົງ
