| ຫວຽດນາມ: ຍອດຈຳນວນທຶນຈົດທະບຽນລົງທຶນຢູ່ຕ່າງປະເທດແມ່ນ 12,2 ຕື້ ໂດລາສະຫະລັດ | |
| ລາວ ສະໜັບສະໜູນ ຫວຽດນາມ ແກ້ໄຂຜົນຮ້າຍຢ້ອນຫຼັງຈາກໄພນໍ້າຖ້ວມ |
ເຂົ້າຮ່ວມພິທີມີ ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ, ການນຳບັນດາອົງການລັດຖະບານຫວຽດນາມ ແລະ ຜູ້ຕາງໜ້າບັນດາອົງການ, ສະຖານທູດ ສປປ.ລາວ ປະຈຳຫວຽດນາມ. ທ່ານທອງລຸນສີສຸລິດ - ນາຍົກລັດຖະມົນຕີປະເທດລາວ ແລະ ຜູ້ຕາງໜ້າລັດຖະບານສປປ.ລາວ ແລະ ບັນດາອົງການຕ່າງໆໄດ້ເຂົ້າຮ່ວມດ້ວຍຮູບການຖ່າຍທອດສົດ.
ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີຫງວຽນຊວນຟຸກ ໄດ້ເນັ້ນໜັກວ່າ ຫວຽດນາມຕັດສິນໃຈບໍລິຈາກເຂົ້າຈຳນວນ 1.000 ໂຕນ ໂດຍນ້ຳໃຈສາມັກຄີພິເສດຫວຽດນາມ - ລາວ, ເພື່ອຊ່ວຍໃຫ້ປະຊາຊົນແຂວງສະຫວັນນະເຂດ ສາມາດຜ່ານຜ່າຜົນສະທ້ອນຈາກໄພມະຊາດ ແລະ ກັບຄືນສະຖຽນລະພາບຊີວິດຂອງພວກເຂົາ. ບັນດາອົງການຂອງຫວຽດນາມ ຈະປະສານສົມທົບໃນການຂົນສົ່ງ ແລະ ມອບເຂົ້າສານທີ່ກ່າວມາຂ້າງເທິງໃຫ້ຝ່າຍລາວໂດຍໄວ.
 |
| ຫວຽດນາມ ໄດ້ມອບເຂົ້າສານຈຳນວນ 1.000 ໂຕນ ໃຫ້ແກ່ປະເທດລາວ ເພື່ອຜ່ານຜ່າຜົນສະທ້ອນຈາກໄພທຳມະຊາດ. (ພາບ: thoidai.com.vn) |
ກິດຈະກຳມອບເຂົ້າສານດັ່ງກ່າວ ທີ່ໄດ້ຈັດຕັ້ງໃນສະພາບການຂອງກອງປະຊຸມສຸດຍອດອາຊຽນຄັ້ງທີ 37, ໄດ້ສະແດງໃຫ້ເຫັນເຖິງນໍ້າໃຈສາມັກຄີຂອງອາຊຽນ ແລະ ຄວາມໝາຍທີ່ແທ້ຈິງຂອງສາຍພົວພັນການຮ່ວມມືແມ່ນໍ້າຂອງ.
ທ່ານນາຍົກລັດຖະມົນຕີລາວ ທອງລຸນສີສຸລິດ ໄດ້ສະແດງຄວາມຂອບໃຈຕໍ່ຫວຽດນາມ ແລະ ໄດ້ເອີ້ວ່າ "ນີິ້ແມ່ນການຊ່ວຍເຫຼືອທີ່ທັນການ" ໃນໄລຍະເວລາທີ່ປະສົບກັບຄວາມຫຍຸ້ງຍາກ. ທ່ານນາຍົກລັດຖະມົນຕີ ທອງລຸນສີສຸລິດ ສະແດງຄວາມສະເທືອນໃຈຕໍ່ກັບການເອົາໃຈໃສ່ຊ່ວຍເຫຼືອຂອງຫວຽດນາມ ໃຫ້ແກ່ ສປປ.ລາວ ເຖິງວ່າ ຫວຽດນາມ ກຳລັງປະສົບກັບຄວາມເສຍຫາຍຢ່າງໜັກ ຈາກໄພນ້ຳຖ້ວມ ແລະ ພາຍຸຢູ່ເຂດພາກກາງ.
ທ່ານນາຍົກລັດຖະມົນຕີ ທອງລຸນສີສຸລິດ ໄດ້ຕີລາຄາສູງການພົວພັນຮ່ວມມືລະຫວ່າງສອງປະເທດ ໃນໄລຍະທີ່ຜ່ານມາ, ຢືນຢັນວ່າ ປະເທດລາວຈະເຮັດຈົນສຸດຄວາມສາມາດຂອງຕົນກັບຫວຽດນາມ ໃນການ “ເພີ່ມພູນຄູນສ້າງສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຢ່າງຮອບດ້ານຫວຽດນາມ - ລາວ”.
ໃນເວລາຜ່ານມາ, ຝົນຕົກໜັກໃນທ້າຍເດືອນຕຸລາ ໄດ້ເຮັດໃຫ້ແຂວງສະຫວັນນະເຂດ ໃນພາກໃຕ້ຂອງລາວ ຮັບຜົນກະທົບຕໍ່ປະຊາຊົນຫລາຍກວ່າ 40,000 ຄົນ, ທຳລາຍເນື້ອທີ່ນາຫລາຍພັນເຮັກຕາ ແລະ ຜົນລະປູກອື່ນໆ, ສົ່ງຜົນກະທົບຕໍ່ໜອງປາຫລາຍກວ່າ 2.500 ແຫ່ງ ແລະ ສັດລ້ຽງ 50.000 ໂຕ.
 | ລັດຖະບານ ການາດາ ໄດ້ມອບ ອຸປະກອນການແພດ ທີ່ມີມູນຄ່າ ກ່ວາ 830.000 ໂດລາການາດາໃຫ້ກະຊວງສາທາລະນະສຸກ ຫວຽດນາມ ຍສໝ - ທ່ານນາງເອກອັກຄະລັດຖະທູດ ການາດາ ໄດ້ຕີລາຄາສູງບັນດາຄວາມມານະພະຍາຍາມໃນການປ້ອງກັນ, ສະກັດກັ້ນໂລກລະບາດ ໂຄວິດ - 19 ຂອງ ຫວຽດນາມທ່ານນາງເອກອັກຄະລັດຖະທູດ ໄດ້ຕີລາຄາສູງບັນດາຄວາມມານະພະຍາຍາມໃນການປ້ອງກັນ, ສະກັດກັ້ນໂລກລະບາດ ໂຄວິດ - 19 ຂອງ ຫວຽດນາມ. |
 | ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດຫວຽດນາມ: ຫວຽດນາມ ເຄົາລົບຄວາມສາມັກຄີ ແລະການໜູນຊ່ວຍອັນລໍ້າຄ່າຈາກບັນດາປະເທດສະມາຊິກອາຊຽນ ຍສໝ - ໃນຕອນເຊົ້າວັນທີ 12 ພະຈິກ, ກອງປະຊຸມສຸດຍອດອາຊຽນຄັ້ງທີ 37 ໄດ້ໄຂຂຶ້ນຢ່າງເປັນທາງການຢູ່ຮ່າໂນ້ຍ ຜ່ານລະບົບທາງໄກດ້ວຍການເຂົ້າຮ່ວມຂອງການນຳບັນດາປະເທດສະມາຊິກອາຊຽນ. |
 | ໜັງສືພິມປະເທດລາວ ໄດ້ລົງບົດຂຽນກ່ຽວກັບຄວາມກ້າວໜ້າ ໃນການເຊື່ອມເຂົ້າກັນຊຸມຊົນອາຊຽນ ຍສໝ - ເວບໄຊໜັງສືພິມອອນໄລ "vientianetimes.org.la" ຂອງປະເທດລາວ ໃນວັນທີ 10 ພະຈິກ ໄດ້ລົງບົດຂຽນທີ່ຢັ້ງຢືນໃຫ້ຫູ້ວ່າ ບັນດາລັດຖະມົນຕີຕ່າງປະເທດອາຊຽນ ໄດ້ຕີລາຄາສູງຕໍ່ຄວາມກ້າວໜ້າ ໃນການເຊື່ອມເຂົ້າກັບຊຸມຊົນອາຊຽນ. |
ຄຳຮຸ່ງ
