| ສະພາແຫ່ງຊາດພິຈາລະນາຮ່າງກົດໝາຍວ່າດ້ວຍຊາວໜຸ່ມລາວ | |
| ວົງເງິນການຄ້າສອງສົ້ນລະຫວ່າງຫວຽດນາມ ແລະລາວ ບັນລຸເກືອບ 740 ລ້ານໂດລາສະຫະລັດ |
 |
| ໃນວາລະດຳເນີນ ກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VIII ໃນວັນທີ 9 ພະຈິກ 2020 ໂດຍການເປັນປະທານຂອງ ທ່ານ ແສງນວນ ໄຊຍະລາດ ຮອງປະ ທານສະພາແຫ່ງຊາດ, ບັນດາສະມາຊິກສະພາແຫ່ງຊາດ (ສສຊ) ໄດ້ສຸມໃສ່ປະກອບ ຄຳຄິດຄຳເຫັນໃສ່ຮ່າງກົດໝາຍສ້າງໃໝ່ ວ່າດ້ວຍຊັ້ນນັກການທູດ. |
ຮ່າງກົດໝາຍສະບັບນີ້ ປະກອບມີ 9 ພາກ, 10 ໝວດ ແລະ 53 ມາດຕາ ສ້າງຂຶ້ນເພື່ອເປັນການກຳນົດຫລັກການ, ລະບຽບການ ແລະ ມາດຕະການກ່ຽວກັບ ການຄຸ້ມຄອງ, ການຕິດຕາມກວດກາ ການປະຕິບັດ ໜ້າທີ່ຂອງນັກການທູດລາວ ແນ່ໃສ່ຮັບປະກັນປະສິດທິພາບ ພ້ອມດຽວກັນນີ້, ກໍເປັນການກະຕຸກຊຸກຍູ້ ເພື່ອເຮັດໃຫ້ນັກການທູດລາວ ມີຄວາມກະຕືລືລົ້ນ ແລະ ມີຄວາມຮັບຜິດຊອບສູງ ໃນການເຮັດໜ້າທີ່ຂອງຕົນ ແລະ ຍັງເປັນການສ້າງມາດຕະຖານ ໃຫ້ພະນັກງານ-ລັດຖະກອນ ຂອງກະຊວງການຕ່າງປະເທດ ທີ່ສອດຄ່ອງກັບກົດໝາຍສາກົນ ແນໃສ່ພັດທະນານັກການທູດ ໃຫ້ມີຄຸນນະພາບສູງ ທາງດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ແບບແຜນການນຳພາ ແລະ ວິທີເຮັດວຽກ, ເຂັ້ມແຂງທາງດ້ານການຈັດຕັ້ງ, ວິຊາການການທູດ, ພາສາຕ່າງປະເທດ, ມີລະບຽບວິໄນເຂັ້ມງວດ ທັງເປັນມາດຕະການ ໃນການກະຕຸກຊຸກຍູ້ ຂະບວນການພັດທະນາ ຂະແໜງການຕ່າງປະເທດ, ເປັນພື້ນຖານໃຫ້ແກ່ການປະເມີນ, ບັນຈຸ, ແຕ່ງຕັ້ງ, ຊັບຊ້ອນພະນັກງານ-ລັດຖະກອນ ຂອງກະຊວງການຕ່າງປະເທດ ແລະ ເພີ່ມທະວີຄວາມເປັນເຈົ້າການ ຂອງຖັນແຖວນັກການທູດ ໃນການປະຕິບັດ ນະໂຍບາຍການຕ່າງປະເທດຂອງ ສປປ ລາວ ໃນໄລຍະໃໝ່ໃຫ້ມີ ໝາກຜົນສູງຂຶ້ນກວ່າເກົ່າ. ພາຍຫລັງທີ່ກົດໝາຍສະບັບນີ້ໄດ້ຖືກຮັບຮອງ ແລະ ປະກາດໃຊ້ ຈະເປັນບ່ອນອີງ ທາງດ້ານກົດໝາຍທີ່ສຳຄັນທີ່ສຸດ ໃຫ້ແກ່ກະຊວງ ການຕ່າງປະເທດ ໃນການເປັນເສນາທິການ ໃຫ້ລັດຖະບານ ເພື່ອຄຸ້ມຄອງວຽກງານ ຊັ້ນນັກການທູດ ຈະເຮັດໃຫ້ພະນັກງານ-ລັດຖະກອນ ຂອງກະຊວງການ ຕ່າງປະເທດມີມາດຕະຖານ ໂດຍສອດຄ່ອງກັບກົດໝາຍສາກົນ.
 | ວິທະຍາໄລເຊີນລາ ໄດ້ມອບໃບຢັ້ງຢືນພາສາຫວຽດຊັ້ນ 4 ແລະມອບໃບຍ້ອງຍໍໃຫ້ແກ່ນັກສຶກສາລາວ ມີຜົນງານການສຶກສາດີເລີດ ໃນສົກຮຽນ 2019-2020 ຍສໝ - ໃນສົກຮຽນ 2019 - 2020, ທາງໂຮງຮຽນໄດ້ຮັບໜ້າທີ່ກໍ່ສ້າງພາສາຫວຽດ ໃຫ້ນັກສຶກສາລາວ 192 ຄົນ. |
 | ນັກສຶກສາລາວສະໜັບສະໜູນປະຊາຊົນພາກກາງທີ່ຖືກຜົນກະທົບໜັກຈາກໄພນໍ້າຖ້ວມ ຜູ້ຕາງໜ້າ ຄະນະຄຸ້ມຄອງເອງນັກສຶກສາລາວ ຂໍແບ່ງປັນກ່ຽວກັບຄວາມເຈັບປວດ ແລະການສູນເສຍທາງຊີວິດ ແລະຊັບສິນຢູ່ບັນດາແຂວງພາກກາງຂອງຫວຽດນາມ ໃນໄລຍະທີ່ຜ່ານມາ; ຫວັງວ່າປະຊາຊົນ ແລະອໍານາດການປົກຄອງບັນດາແຂວງພາກກາງຈົ່ງຜ່ານຜ່າຄວາມຫຍຸ້ງຍາກ ແລະການສູນເສຍໂດຍໄວເພື່ອດໍາລົງຊີວີດການເປັນຢູ່ເປັນປົກກະຕິ. |
 | ຊົມເຊີຍຕໍ່ຜົນງານການເຄື່ອນໄຫວວຽກງານ ຂອງອົງການໄອຍະການ ປະຊາຊົນສູງສຸດ ທີ່ໄດ້ຕັ້ງໜ້າຈັດຕັ້ງປະຕິບັດວຽກງານ ປະຈຳປີ 2020 ຄະນະປະຈຳສະພາແຫ່ງຊາດ ໄດ້ສະແດງຄວາມຍ້ອງຍໍ ຊົມເຊີຍຕໍ່ຜົນງານການເຄື່ອນໄຫວວຽກງານ ຂອງອົງການໄອຍະການ ປະຊາຊົນສູງສຸດ ທີ່ໄດ້ຕັ້ງໜ້າຈັດຕັ້ງ ປະຕິບັດວຽກງານ ປະຈຳປີ 2020 ຈົນໄດ້ຮັບຜົນສຳເລັດ ໃນຫລາຍດ້ານ ເປັນຕົ້ນ ອົງການໄອຍະການປະຊາຊົນ ໄດ້ເອົາໃຈໃສ່ປະຕິບັດ ພາລະບົດບາດ ໃນການຕິດຕາມກວດກາ ການປະຕິບັດ ກົດໝາຍຂອງອົງ ການສືບສວນ-ສອບສວນ ເຮັດໃຫ້ອົງການດັ່ງກ່າວ ຈັດຕັ້ງປະຕິບັດກົດໝາຍ ແລະ ລະບຽບການນັບມື້ດີຂຶ້ນເລື້ອໆ... |
kpl.gov.la
