ຫ້ອງວ່າການສະພາແຫ່ງຊາດຫວຽດນາມ - ລາວ ສະແດງຄວາມຮູ້ບຸນຄຸນຕໍ່ບັນດາວິລະຊົນນັກຮົບພລີຊີບຢູ່ແຂວງເງະອານ

20:09 | 16/11/2026

ຍສໝ - ວັນທີ 15 ພະຈິກ, ໃນຂອບເຂດກອງສຳມະນາແລກປ່ຽນບົດຮຽນຄັ້ງທີ XIII ລະຫວ່າງຫ້ອງວ່າການສະພາແຫ່ງຊາດຫວຽດນາມ ແລະ ຫ້ອງວ່າການສະພາແຫ່ງຊາດລາວ, ຄະນະຜູ້ແທນສອງປະເທດໄດ້ໄປວາງພວງມາລາ ແລະ ຖວາຍທູບທຽນລະນຶກເຖິງປະທານໂຮ່ຈີມິນ ແລະ ບັນດາວິລະຊົນນັກຮົບພລີຊີບ ຢູ່ສຸສານນັກຮົບພລີຊີບຫວຽດນາມ - ລາວ (ຕາແສງແອງເຊີນ) ແລະ ເຂດມໍລະດົກແຫ່ງຊາດພິເສດກິມລຽນ, ແຂວງເງະອານ.

ຫວຽດນາມ - ລາວ - ກຳປູເຈຍ ເພີ່ມທະວີການເຊື່ອມໂຍງສາມລະບົບເສດຖະກິດ ຊຸດເຊື້ອຍາວ ຫວຽດນາມ ເຊື່ອມສານມິດຕະພາບຫວຽດນາມ - ລາວ

ຄະນະຜູ້ແທນຫ້ອງວ່າການສະພາແຫ່ງຊາດລາວ ນຳໂດຍທ່ານ ບຸນທັນ ບຸນວິໄລ, ຮອງຫົວໜ້າຫ້ອງວ່າການສະພາແຫ່ງຊາດ. ສ່ວນຝ່າຍຫວຽດນາມ, ຄະນະປະຕິບັດງານນຳໂດຍທ່ານ ຫງວຽນ ແມ້ງ ຮຸ່ງ, ຮອງຫົວໜ້າຫ້ອງວ່າການສະພາແຫ່ງຊາດ, ພ້ອມດ້ວຍບັນດາສະມາຊິກຫ້ອງວ່າການສະພາແຫ່ງຊາດຂອງສອງປະເທດ.

ຕາງໜ້າແຂວງເງະອານທີ່ມາຕ້ອນຮັບ ແລະ ຮ່ວມເດີນທາງກັບຄະນະ ມີທ່ານ ເຈິ່ນ ເຍິດ ມິງ, ຜູ້ແທນສະພາແຫ່ງຊາດປະຈຳຄະນະຜູ້ແທນສະພາແຫ່ງຊາດແຂວງ, ພ້ອມດ້ວຍຄະນະນຳຫ້ອງວ່າການຄະນະຜູ້ແທນສະພາແຫ່ງຊາດ ແລະ ສະພາປະຊາຊົນແຂວງ.

ຫ້ອງວ່າການສະພາແຫ່ງຊາດຫວຽດນາມ - ລາວ ສະແດງຄວາມຮູ້ບຸນຄຸນຕໍ່ບັນດາວິລະຊົນນັກຮົບພລີຊີບຢູ່ແຂວງເງະອານ
ບັນດາຜູ້ແທນໄດ້ຈູດທູບຢູ່ຂຸມຝັງສົບຂອງບັນດາວິລະຊົນນັກຮົບພລີຊີບ ທີ່ໄດ້ເສຍສະຫຼະຊີວິດເພື່ອເອກະລາດ, ເສລີພາບຂອງປະເທດຊາດ, ຄວາມຈະເລີນຮຸ່ງເຮືອງຂອງຊາດ ແລະ ການປະຕິບັດພັນທະສາກົນອັນສູງສົ່ງ.

ຢູ່ສຸສານນັກຮົບພລີຊີບຫວຽດນາມ - ລາວ, ຕາແສງແອງເຊີນ, ຊຶ່ງເປັນບ່ອນພັກຜ່ອນຊົ່ວນິລັນດອນຂອງພະນັກງານ, ນັກຮົບກອງທັບອາສາສະໝັກ ແລະ ຊ່ຽວຊານຫວຽດນາມເກືອບ 11.000 ຄົນ ທີ່ໄດ້ຕໍ່ສູ້ ແລະ ເສຍສະຫຼະຊີວິດຢູ່ສະໜາມຮົບລາວ, ຄະນະປະຕິບັດງານສອງປະເທດໄດ້ຈັດພິທີຄາລະວະປະທານໂຮ່ຈີມິນ ແລະ ບັນດາວິລະຊົນນັກຮົບພລີຊີບ ໃນບັນຍາກາດທີ່ສະຫງົບ ແລະ ສົມກຽດ.

ຕາງໜ້າຄະນະຜູ້ແທນ, ທ່ານ ຫງວຽນ ແມ້ງ ຮຸ່ງ, ຮອງຫົວໜ້າຫ້ອງວ່າການສະພາແຫ່ງຊາດຫວຽດນາມ ແລະ ທ່ານ ບຸນທັນ ບຸນວິໄລ, ຮອງຫົວໜ້າຫ້ອງວ່າການສະພາແຫ່ງຊາດລາວ ໄດ້ປະຕິບັດພິທີວາງພວງມາລາ, ຖວາຍເຄື່ອງບູຊາ ແລະ ໄຕ້ທູບຢູ່ຫໍລະນຶກເຖິງລຸງໂຮ່ ແລະ ບັນດາວິລະຊົນນັກຮົບພລີຊີບ.

ຕໍ່ໜ້າດວງວິນຍານອັນສັກສິດຂອງປະທານໂຮ່ຈີມິນ ແລະ ດວງວິນຍານຂອງບັນດານັກຮົບພລີຊີບ, ບັນດາຜູ້ແທນໄດ້ຢືນສະຫງົບໄວ້ອາໄລ, ສະແດງຄວາມເຄົາລົບ ແລະ ຄວາມຮູ້ບຸນຄຸນຢ່າງເລິກເຊິ່ງຕໍ່ຄຸນງາມຄວາມດີອັນໃຫຍ່ຫຼວງຂອງເພິ່ນ ແລະ ການເສຍສະຫຼະຂອງບັນດາລູກຫຼານຜູ້ດີເດັ່ນຂອງສອງຊາດ ເພື່ອເອກະລາດ, ເສລີພາບຂອງປະເທດຊາດ, ຄວາມຈະເລີນຮຸ່ງເຮືອງຂອງຊາດ ແລະ ພັນທະສາກົນອັນສູງສົ່ງ.

ພາຍຫຼັງພິທີຄາລະວະຢູ່ຫໍລະນຶກ, ຄະນະໄດ້ສືບຕໍ່ໄປຍັງອະນຸສາວະລີຫຼັກ ເພື່ອວາງພວງມາລາ, ຖວາຍທູບ ແລະ ໄຕ້ທູບຢູ່ແຕ່ລະຂຸມຝັງສົບນັກຮົບພລີຊີບ.

ກິດຈະກຳດັ່ງກ່າວໄດ້ສະແດງເຖິງຄຸນນະທຳ “ດື່ມນ້ຳຕ້ອງລະນຶກເຖິງແຫຼ່ງນ້ຳ”, ຄວາມຮູ້ບຸນຄຸນຂອງພັກ, ລັດ ແລະ ປະຊາຊົນສອງປະເທດ ຕໍ່ບັນດາຜູ້ທີ່ໄດ້ເສຍສະຫຼະຊີວິດເພື່ອພາລະກິດປົດປ່ອຍຊາດ ແລະ ປະຕິບັດພັນທະສາກົນ, ປະກອບສ່ວນເສີມສ້າງມູນເຊື້ອສາມັກຄີຕໍ່ສູ້ຮ່ວມກັນອັນຊື່ສັດໝັ້ນຄົງລະຫວ່າງຫວຽດນາມ - ລາວ.

ຕອນບ່າຍຂອງມື້ດຽວກັນ, ຄະນະປະຕິບັດງານຫ້ອງວ່າການສະພາແຫ່ງຊາດສອງປະເທດ ໄດ້ເດີນທາງໄປຍັງເຂດມໍລະດົກແຫ່ງຊາດພິເສດກິມລຽນ ເພື່ອຈັດພິທີວາງພວງມາລາ ແລະ ຖວາຍທູບລະນຶກເຖິງປະທານໂຮ່ຈີມິນ.

ຢູ່ຫໍລະນຶກປະທານໂຮ່ຈີມິນ, ບັນດາຜູ້ແທນໄດ້ວາງກະຕ່າດອກໄມ້ສົດອັນງົດງາມດ້ວຍຄວາມເຄົາລົບ, ເພື່ອລະນຶກເຖິງຄຸນງາມຄວາມດີອັນໃຫຍ່ຫຼວງຂອງເພິ່ນ ຊຶ່ງເປັນວິລະຊົນປົດປ່ອຍຊາດ, ບຸກຄົນດີເດັ່ນດ້ານວັດທະນະທຳຂອງໂລກ, ຜູ້ທີ່ພ້ອມກັບປະທານ ໄກສອນ ພົມວິຫານ ແລະ ປະທານ ສຸພານຸວົງ ໄດ້ວາງຮາກຖານ ແລະ ເສີມສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງຫວຽດນາມ ແລະ ລາວ.

ຈາກນັ້ນ, ຄະນະໄດ້ເຂົ້າຢ້ຽມຊົມກຸ່ມສະຖານທີ່ມໍລະດົກບ້ານເກີດຝ່າຍພໍ່ຂອງລຸງໂຮ່ ແລະ ຫໍລະນຶກທີ່ລັດຖະບານສາທາລະນະລັດປະຊາທິປະໄຕປະຊາຊົນລາວ ມອບໃຫ້ເຂດມໍລະດົກກິມລຽນ. ສິ່ງກໍ່ສ້າງດັ່ງກ່າວມີຄຸນຄ່າທາງປະຫວັດສາດ ແລະ ວັດທະນະທຳຢ່າງເລິກເຊິ່ງ, ສະແດງເຖິງຄວາມຮັກແພງອັນພິເສດຂອງພັກ, ລັດ ແລະ ປະຊາຊົນບັນດາເຜົ່າລາວ ທີ່ມີຕໍ່ປະທານໂຮ່ຈີມິນ.

ການເດີນທາງກັບຄືນສູ່ຮາກເຫງົ້າທາງປະຫວັດສາດຢູ່ແຂວງເງະອານ ແມ່ນໜຶ່ງໃນບັນດາກິດຈະກຳທີ່ຢູ່ໃນຊຸດເຫດການດ້ານການຕ່າງປະເທດອັນສຳຄັນຂອງສະພາແຫ່ງຊາດສອງປະເທດໃນປີ 2026.

ຜ່ານບັນດາກິດຈະກຳລະນຶກ ແລະ ສະແດງຄວາມຮູ້ບຸນຄຸນ, ພະນັກງານ ແລະ ລັດຖະກອນຫ້ອງວ່າການສະພາແຫ່ງຊາດຫວຽດນາມ ແລະ ລາວ ໄດ້ມີໂອກາດຫວນຄືນເຖິງມູນເຊື້ອທາງປະຫວັດສາດ ແລະ ຄວາມສາມັກຄີຜູກພັນລະຫວ່າງສອງຊາດ. ພ້ອມກັນນັ້ນ, ນີ້ຍັງເປັນໂອກາດໃຫ້ສອງອົງການສືບຕໍ່ເພີ່ມທະວີການແລກປ່ຽນບົດຮຽນດ້ານວິຊາຊີບ, ຍົກສູງຄຸນນະພາບວຽກງານໃຫ້ຄຳປຶກສາ ແລະ ຮັບໃຊ້ການເຄື່ອນໄຫວຂອງສະພາແຫ່ງຊາດແຕ່ລະປະເທດ, ປະກອບສ່ວນຮັກສາ ແລະ ພັດທະນາສາຍພົວພັນມິດຕະພາບຫວຽດນາມ - ລາວ ໃຫ້ນັບມື້ນັບແໜ້ນແຟ້ນຍິ່ງຂຶ້ນ.

ຊາວໜຸ່ມຫວຽດນາມ - ລາວ - ກຳປູເຈຍ ສະເໜີສ້າງຕັ້ງກອງທຶນອາສາສະໝັກຮ່ວມກັນ ຊາວໜຸ່ມຫວຽດນາມ - ລາວ - ກຳປູເຈຍ ສະເໜີສ້າງຕັ້ງກອງທຶນອາສາສະໝັກຮ່ວມກັນ
ຍສໝ - ໃນງານມະຫະກຳຊາວໜຸ່ມຫວຽດນາມ - ກຳປູເຈຍ - ລາວ ປີ 2026, ຜູ້ຕາງໜ້າຊາວໜຸ່ມລາວໄດ້ສະເໜີໃຫ້ສຶກສາການສ້າງຕັ້ງກອງທຶນອາສາສະໝັກຮ່ວມກັນ ເພື່ອລະດົມແຫຼ່ງຊັບພະຍາກອນມາຊ່ວຍເຫຼືອຊຸມຊົນ, ພັດທະນາອາຊີບການຫາລ້ຽງຊີບ ແລະ ສ້າງເຂດຊາຍແດນໃຫ້ມີສັນຕິພາບ, ມິດຕະພາບ ແລະ ການພັດທະນາຢ່າງຍືນຍົງ.
ສະມາຄົມມິດຕະພາບຫວຽດນາມ - ລາວ ສົ່ງຄຳອວຍພອນເຖິງການນຳສະມາຄົມຝ່າຍລາວ ສະມາຄົມມິດຕະພາບຫວຽດນາມ - ລາວ ສົ່ງຄຳອວຍພອນເຖິງການນຳສະມາຄົມຝ່າຍລາວ
ຍສໝ - ວັນທີ 9 ພະຈິກ, ທ່ານ ຫງວຽນ ດັກ ວິງ, ປະທານສູນກາງສະມາຄົມມິດຕະພາບຫວຽດນາມ - ລາວ ໄດ້ສົ່ງຈົດໝາຍອວຍພອນເຖິງທ່ານນາງ ສູນທອນ ໄຊຍະຈັກ ໃນໂອກາດຮັບໜ້າທີ່ເປັນປະທານສູນກາງສະມາຄົມມິດຕະພາບລາວ - ຫວຽດນາມ, ພ້ອມທັງສະແດງຄວາມປາຖະໜາໃຫ້ສອງສະມາຄົມສືບຕໍ່ປະສານສົມທົບກັນໃນບັນດາກິດຈະກຳມິດຕະພາບ.

ຄຳສີ

ເບິ່ງເພີ່ມເຕີມໃນ: ຂົວເຊື່ອມຕໍ່ມິດຕະພາບ

ເບິ່ງເພີ່ມເຕີມ