ທົດລອງຮູບແບບການສ້າງອາຊີບເພື່ອມະນຸດສະທຳ ເຊື່ອມໂຍງກັບສະຫະກອນ

ບັນດາຜູ້ແທນເຂົ້າຮ່ວມປະກອບສ່ວນສະໜັບສະໜູນຂະບວນການ “ບຸນເຕັດແຫ່ງຄວາມເມດຕາ” ປີ 2027.

ກ່າວຄຳປາໄສໃນພິທີລົງນາມ, ທ່ານນາງ ໂດ້ ທິ ທູ ຖາວ, ປະທານສະພາກາແດງຫວຽດນາມ, ເນັ້ນໜັກເຖິງຄວາມຈຳເປັນໃນການຫັນຈາກການຊ່ວຍເຫຼືອດ້ານມະນຸດສະທຳສະເພາະໜ້າ ໄປສູ່ການປ້ອງກັນຄວາມສ່ຽງຢ່າງເປັນເຈົ້າການ, ຟື້ນຟູຄວາມສາມາດ ແລະ ສ້າງອາຊີບຫາລ້ຽງຊີບທີ່ຍືນຍົງ. ຕາມທ່ານນາງ, ສະພາກາແດງມີຈຸດແຂງໃນການເຂົ້າເຖິງປະຊາຊົນ, ກຳນົດຄວາມຕ້ອງການ ແລະ ລະດົມແຫຼ່ງຊັບພະຍາກອນ, ໃນຂະນະທີ່ສະຫະພັນສະຫະກອນຫວຽດນາມມີປະສົບການໃນການຈັດຕັ້ງການຜະລິດ, ຝຶກອົບຮົມທັກສະ ແລະ ເຊື່ອມໂຍງຕະຫຼາດ. ສອງຝ່າຍມຸ່ງສູ່ການສ້າງຮູບແບບ “ເສດຖະກິດເພື່ອມະນຸດສະທຳ”, ສ້າງເງື່ອນໄຂໃຫ້ຜູ້ທີ່ມີສະພາບການຫຍຸ້ງຍາກໄດ້ເຂົ້າຮ່ວມການຜະລິດໂດຍກົງ, ປັບປຸງລາຍຮັບ ແລະ ຄ່ອຍໆສາມາດເພິ່ງພາຕົນເອງໃນການດຳລົງຊີວິດ.

ຕາມທ່ານ ດິງ ຮົ່ງ ຖາຍ, ຮອງປະທານສະຫະພັນສະຫະກອນຫວຽດນາມ, ໂຄງການຈະສຸມໃສ່ການຄົ້ນຄວ້າ, ທົດລອງ ແລະ ຂະຫຍາຍຮູບແບບການສ້າງອາຊີບເພື່ອມະນຸດສະທຳ ທີ່ເຊື່ອມໂຍງກັບກຸ່ມຮ່ວມມື ແລະ ສະຫະກອນ; ພ້ອມທັງຊຸກຍູ້ການຫັນປ່ຽນດິຈິຕອນ, ການເຊື່ອມໂຍງຕະຫຼາດ, ການລະດົມແຫຼ່ງຊັບພະຍາກອນ ແລະ ການຮ່ວມມືດ້ານມະນຸດສະທຳສາກົນ. ທັງສອງອົງການຍັງຈະປະສານສົມທົບກັນຜັນຂະຫຍາຍບັນດາກິດຈະກຳສະຫວັດດີການສັງຄົມ, ຮູບແບບ “ຕະຫຼາດມະນຸດສະທຳ”, ຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກພາຍຸໝາຍເລກ 4 ແລະ ກະກຽມໂຄງການ “ບຸນເຕັດແຫ່ງຄວາມເມດຕາ 2027”.

ສິ່ງທີ່ໜ້າສົນໃຈແມ່ນ ໂຄງການ “ບຸນເຕັດແຫ່ງຄວາມເມດຕາ 2027” ຈະຄ່ອຍໆປ່ຽນຈາກການມອບຂອງຂວັນຕາມຮູບແບບດັ້ງເດີມ ໄປສູ່ຮູບແບບທີ່ໃຫ້ປະຊາຊົນສາມາດເລືອກສິນຄ້າທີ່ເໝາະສົມກັບຄວາມຕ້ອງການຂອງຕົນເອງ, ພ້ອມທັງຊ່ວຍໂຄສະນາ ແລະ ຈຳໜ່າຍສິນຄ້າຂອງບັນດາສະຫະກອນ ແລະ ວິສາຫະກິດຫວຽດນາມ. ໂຄງການປະສານງານດັ່ງກ່າວມີຜົນບັງຄັບໃຊ້ນັບແຕ່ວັນທີ 25 ສິງຫາ 2026 ຈົນເຖິງວັນທີ 31 ທັນວາ 2031.

ດ່ານັ່ງ ຂົນຂວາຍການຊ່ວຍເຫຼືອອຸປະຖຳຈາກບັນດາອົງການບໍ່ຂຶ້ນກັບລັດຖະບານຕ່າງປະເທດກວ່າ 246 ຕື້ດົ່ງ ຍສໝ - ຕາມ​ບົດ​ລາຍ​ງານ​ທີ່​ກອງ​ປະຊຸມ​ແບ່ງປັນ​ຂໍ້​ມູນ​ກ່ຽວ​ກັບ​ວຽກ​ງານອົງການບໍ່ຂຶ້ນກັບລັດຖະບານ​ຕ່າງປະ​ເທດ​ປີ 2023 ​ໂດຍພະແນກ​ການ​ຕ່າງປະ​ເທດ​ນະຄອນ​ ຈັດ​ຕັ້ງ​ໃນ​ຕອນ​ເຊົ້າ​ວັນ​ທີ 27 ກັນຍາ​, ​ໄລຍະ 2019 - 2022, ນະຄອນ​ດ່າ​ນັ່ງ​ ໄດ້​ຂົນຂວາຍ ​ແລະ ຮັບບ້ວງ​ເງິນ​​ຊ່ວຍ​ເຫຼືອ 191 ບ້ວງຈາກບັນດາ​ອົງການ​ບໍ່ຂຶ້ນກັບລັດຖະບານຕ່າງປະ​ເທດ ດ້ວຍ​ຍອດ​ຈຳນວນ​ງົບປະມານ​ທີ່​ໝັ້ນ​ໝາຍ​ແມ່ນ 384,1 ຕື້​ດົ່ງ ​ແລະ ​ໄດ້​ເບີກຈ່າຍ 246,2 ຕື້​ດົ່ງ, ບັນລຸ 65%.

ກໍາລັງຮັກສາສັນຕິພາບຫວຽດນາມ ຮຽນກົດໝາຍວ່າດ້ວຍມະນຸດສະທຳສາກົນ ຍສໝ - ນີ້ແມ່ນຊຸດຝຶກອົບຮົມກ່ຽວກັບກົດໝາຍວ່າດ້ວຍມະນຸດສະທຳສາກົນ ເຊິ່ງຖັດມາ ICRC ໄດ້ໜູນຊ່ວຍຫວຽດນາມ ເລີ່ມແຕ່ປີ 2015, ປະກອບສ່ວນເພີ່ມທະວີການຮ່ວມມືລະຫວ່າງກົມຮັກສາສັນຕິພາບຫວຽດນາມ ແລະ ICRC ໃນຂົງເຂດຮັກສາສັນຕິພາບ, ປະກອບຄວາມຮູ້ສຳຄັນກ່ຽວກັບກົດໝາຍວ່າດ້ວຍມະນຸດສະທຳສາກົນໃຫ້ກຳລັງຮັກສາສັນຕິພາບຂອງຫວຽດນາມ.